منتديات رهين الشوق - بدري عليك العشق يابنت هاللحين ...حرام هذا القلب وشهو مصيره

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

بدري عليك العشق يابنت هاللحين ...حرام هذا القلب وشهو مصيره

توّك صغيره وابتديتي تحبين
من علّمك ليل السهر ياصغيره ؟

بدري عليك العشق يابنت هاللحين
حرام هذا القلب وشهو مصيره ؟

انتي بريئه في الهوا ليه تشقين ؟
دروبه طوال ٍ عليك وعسيره

رحتي بدرب ٍ ماله اصلا ً عناوين
وانتي مشاويرك من اول قصيره

ياطفلة ٍ حبّت وراحت على وين ؟
عقب الهنا ذقتي الحياه المريره

وينك ووين الحب والشوق والبين ؟
عنّيتي عيونك وصرتي سهيره

امحق تسلّي كان ودّك تسلّين
الورد لولا اللّون وشهو عبيره ؟

خلّيتي دروسك وصرتي تحاتين
الدرس في ديره وصرتي بديره

وصرتي بعد من غير هذا تغارين
والمشكله يابنت منتي خبيره

نصيحتي لك كان ودّك تردين
يم السعاده والحياه المثيره

خلّك بجو العايله لا تعدّين
ماما وبابا والعجوز الظريره

شيبانك اللّي مايبونك تعانين
من بينهم عشتي كأنـّـك أميره

الحب قبلك هز ناس ٍ كثيرين
وخلاّ القلوب تعيش هم ٍ وحيره

الحب يفضح لا انكشف داخل العين
وانتي بنفــّسك ماهقيتك بصيره

طيعي كلامي واحذري لا تمادين
تراجعي لاعل في الأمر خيره

عيشي الطفوله والبراءه لك سنين
وبعدين حبّي لا غديتي كبيره

رد: بدري عليك العشق يابنت هاللحين ...حرام هذا القلب وشهو مصيره

لكي كل الحب على ماسطره قلمك حبيبتي...

رد: بدري عليك العشق يابنت هاللحين ...حرام هذا القلب وشهو مصيره

يا الله ....

انا منبهر و الله من هذا الطرح ..

شكرا من كل الاعماااااااااااااق

رد: بدري عليك العشق يابنت هاللحين ...حرام هذا القلب وشهو مصيره

صح لسان شاعرها وسلم لنا ناقلها
الله درك على كل حرف وكل كلمة
سلمت الأنمل لما نثرت به
وسلم لنا ذووقك
دمتِ بكل ود وسعاده
ودآم لنا قلمك جمال وعذوبة
تحياتي ودي لك