منتديات رهين الشوق - يا صباح الدمعه اللي عانقت روحي جسدها

يا صبـاح الدمعـه اللي عانقت روحـي جسدها
......................الجسد واحـد و لكـن وش نقـول و وش نخلّي
ضمّـت عروق الجسد مـا بيـن قوسينٍ وحدها
......................ضمّـت اللي مـن ديـار البِـعد يـمْ أهله يتلّي
لـو بغيت أنسى جميع الخلق قالو مـن جحدها
......................و إن بغيت أبقى على ذكرآي مقصودي حصلّي
كـل قصـه فـي حياة الكاتب اللي قـد سردها
......................تعتبر قصـة حـزن ماهـي بمنظـور إمتسلّي
هكـذا نبنـي شعـور الـلي وفـاتـه معتمدها
......................معتمدهـا شخص مـن بين البشر دايـم مطلّي
يـوم أفكـر وآ تذكر هـي حيآتي وش بعدهـا
......................ما بعدها الا الرحيل اللـي على الـروح إمتعلّي
إختلف ظنـي و ماتت فرحتـي داخـل مهدهـا
......................ما بقى غيـر الرحيل اللـي بـه الخافـق يهلّي
زادت جروحي و شوف العين سبب لـي رمدها
......................إنعمت يـوم السبـب غيبت هـوى بالي و خلّي
حبهـا مزروع فـي قلبي و لا أحـدٍ قد حصدها
......................عرقها سابـح بوسـط الصـدر دايـم مـا يملّي
وافيـه فـي حكيها يـا ناس مـا تخلف وعدها
......................كـل صعبات العقـد كانـت لجـل عينـه تحلّي
الليالـي ظالمـه و ألا النهـار أمّـر و أدهـآ
......................و الدقايـق و الثوانـي كلهـآ قامـت تـولّـي
بسمتي راحـت و قالت كلمـةٍ و أومـتْ بيدها
......................كلمـةٍ مثـل الحسام اللي علـى العاصي يسلّي
دمعـةٍ حارت بـ هـاك العين والراصد رصدها
......................أثرهـا لحظـة مفـارق يـا دمـوع العين هلّي

يـا دمـوع العين هلّي
............يـا دمـوع العين هلّي
..........................يـا دمـوع العين هلّي