منتديات رهين الشوق - ماني على خبرك حبيبي تراني /// حتى عن صغار الاماني تنازلت

السلام عليكم ورحمة الله وبركاته

صباح/مساء
الخير والشعر والحب

قصيده لا تحتاج للكثير من المقدمات

اضعها بين ايديكم علها تحوز على رضاكم واعجابكم

البارحـه مــدري وش الـلـي خـذانـي
يوم اجنبو عني من الضيقه اشملت

جـيـت اتكـلـم بــس عـيـا لسـانـي
ماكني الا مرتكب ذنـب واخملـت

الله يسـامـح مــن ذكــرت ونسـانـي
وانا ادري انـي لاذكرتـه تجملـت

عانيـت وادري كــل طـيـب يعـانـي
وعلى حساب طعوني الخضر جاملت

يامـا خـذو مـنـي ولحدن عطـانـي
من طيبتي في حق نفسي تساهلـت

عــزاي لامـنـه تـجـهـم زمـانــي
يممـت وجهـي للكريـم وتوسلـت

واللـي يبـي قـربـي وبـعـدي لقـانـي
امشي على وضح النقـا ماتختلـت

مرات احـس انـك معـي شخـص ثانـي
ومرات احس انك حبيبي ومازلـت

لاتفـرح انـك دجـت بـيـن المحـانـي
لـو ماتخـون الذاكـره ماتسلـلـت

عشـان ماضـيـك الجمـيـل وعشـانـي
حاول تشيل من الوفاء ربع ماشلـت

مانـي علـى خبـرك حبيـبـي تـرانـي
حتى عن صغار الامانـي تنازلـت