|
قصيده في بوش
خذها على وجهك والاخرى على الراس
حاضر بحاضـر كـاش ماهيـب دينـا ماكل مره يـا غبـي تربـح الكـاس اصبر علـى ماجـاك طـول السنينـا عليك يضرسن الحرايـر بالاضـراس وطالت يديهـن يـوم قصـرت يدينـا على المنصه صار حايـس ومحتـاس رفـلا وخبزتهـا كلتـهـا عجيـنـا رشقه تزيل الغل عـن كـل مقبـاس رئيـس شعبـه صافـح الجزمتيـنـا من يد ماعدمهـا مثـل يـد جسـاس هـذي يسـار وذيـك جتلـك يمينـا وباكر (باتسر ) بحول الله تحول وتنداس وخالـد نهـار الكـون فعلـه يبينـا هذا ترى قدرك مـع الخلـق والنـاس تحت الكنـادر 00 يكـرم السامعينـا ماعاد لك فـي دار الاحـرار مجـلاس لو فيـك دم وتستحـي مـا تجينـا ! برج التجاره طاح مع بنـك الافـلاس ودارت عليك مـن السمـاء كاترينـا هاذيك رشقه هدت الـراس والسـاس سبحـان ربـي واصبحـت رشقتينـا وش جابك لبغداد يا نسـل الانجـاس؟ قبلـك هولاكـو طـاح مالـه عوينـا وش جاي تنشد عنه يا وجه الاتعـاس ( والشين شين وماكر الشين شينـا ) اخزاك ربـي بيـن موكـب وحـراس للبيت الابيض عدت مكسـور عينـا ! ولسان حالك وانـت كـاذب ومنـداس (ياليتنـا مـن حجـنـا سالميـنـا ) صوت المأذن ارتفع فـوق الاجـراس الله اكـبـر هـــزت الخافقـيـنـا وعقبال ما يضـرب بهـا كـل بـلاس ويفرح لهـا قلـب الجريـح الحزينـا تسلم يمين اللي كسـب كـل نومـاس بطل تسبـد وفـرّح المسلميـنـا |
يعطيك العافيه |
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
قد يكون شيء من البوح إحتضار لابد أن نتجرعه راضين
حتى نتعافى فقط .. دمت بود |
| الساعة الآن 11:59 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق