منتديات رهين الشوق - عهدي بها قبل تلبس عبايه

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - عهدي بها قبل تلبس عبايه (http://www.alshoogg.com/vb/showthread.php?t=12817)

عهدي بها قبل تلبس عبايه

عهـدي بهـا قبـل تلبـس عبايـة
وأنا بعد قبل لا ألبس شماغ وعقـال

طفلين نتهجـى حـروف الهجايـة
الله ياماأجمـل سواليـف الأطفـال

كانت لنا في كـل شـارع حكايـة
وكنا نقول علـوم ماهيـب تنقـال

وكنت أتقاسـم معاهـا مـا معايـة
من(عسكريم)التوت وعلك ابو ريال

وكانت بعكسـي شاطـرة بالقرايـة
تقراء جزء عـم وطـه والأنفـال

وأنا لكـالله مـن مـواري غبايـة
مدري أبو نقطه هو الذال أو الـدال

وكانت لأبوية تشتكي مـن شقايـة
وتعلمة كيف أربط البـاب بحبـال

ياما على ظهري كسر من عصايـة
يقولي : خلك وأنـا أبـوك رجـال

وأمي تقول :أدع لولـدك بالهدايـة
خوفي تصيبة من كثر الضرب بهبال

وأنا لا شفتها من أول الدرب جايـة
مدري انا الي ملت او الدرب مـال؟

أحس قلبي يرتجـف فـي حشايـة
ماكنة إلى ضيـف لا هـز فنجـال

ياما من ( السعلو )تخبـت ورايـة
لا خو فوها فية ثم شافـت ضـلال

تقـول: خلـك حبيـبـي معـايـة
وأستانس ألعب عندها دور الأبطال

وأغار حتى من عيـون أصدقايـة
لا طالعوها قلت :تكفوووون يعيـال

مماراق لي

للشاعر محمد النفيعي