|
ليتنا ما ألتقينا
عقب البطا لاقيت ظافي الجديلات = ياليتنا عقب البطا ماالتقينا
سلمت وقلت لنور عيني سلامات = وش غيًرك ويش السبب ما تبينا دنق وقال ارجوك إنه العلاقات = شيٍ حصل ماعاد هو في يدينا قلت السبب قال الليالي غريبات = إنه العلاقه واعتبرنا انتهينا انا بحبل انسان ماهي دعايات = ارجوك ابعد خايف انًه يجينا طالعت فيه وهلت العين عبرات = في ساعةٍ غصبٍ علينا بكينا حاولت اعبر عن همومٍ خفيات = بس الحكي شيفيد مهما حكينا كتمتهن بالجوف لوهن قويات = راضي على ماصار لو مارضينا وآخر كلامه قال لي كم كلمات = لاتسيء ضنك في غصبٍ علينا ولف العباه وراح وانا بحسرات = فرقاًجرت من غير ذنبٍ جنينا وقفت اخايل غض الأنهاد لحظات = فيهن تهدم كل شيٍ بنينا وقمت اتذكر كل شيٍ لنا فات = قبل ايتغير بالمحبه حدينا ياما سهرنا بأظلم الليل ساعات = وياما طلع نور الفجر مادرينا وياما لنا فوق المراقيب ذكرات = وعلى جبال الزور ياما رقينا وياما تحملنا الصعوبات مرات = وياما على سود الليالي شكينا على زمانٍ فات جريت ونات = لو هن على ضلعان مكه تلينا اقرا الموادع بالقصص والروايات = لاشك ماضنيت بيصير فينا وارجع واكرر كلمةٍ لي بسكات = ياليتنا عقب البطا ماالتقينا الــــــــــــــــــجزء الثــــــــــــــــــاني تكررت عقب البطا والتقينا = من عقب مامرن سنينٍ طويلات في صدفةٍ فيها حشا مادرينا = ولاهقينا نلتقي عقب مافات لاشك جابتها الليالي وجينا = رغم الفراق ورغم ذيك المسافات في موقٍف بان التوتر علينا = لحظه تلين إبها القلوب القويات قالت شلونك قلت ربك عوينا = الحمد لله عاضني عقب لوعات الله رزقني في هنوفٍ تبينا = احيت خفوقٍ كان بعداد الأموات هي نور عيني فرحتي والضنينا = ألقابها عن ظيقة الصدر سجات قالت سليت وقلت عقبك سلينا = لكن عقب مالاعنا الحب مرات قالت شلون وقلت لاتسألينا = مافات فات ولا تفيد الحسوفات قالت تكلم قلت مهما حكينا = الدمع ماينفع عزيزٍاليامات قالت نسيت وقلت لامانسينا = لكن قنعنا والقناعه من الذات قالت أروح وقلت وش في يدينا = روحي عسى في كل خطوه سلامات بصبر على فرقاك مهما حيينا = ولا تشوه صادق الحب زلات قالت على ماكنت دنيا ودينا = تكرم ونكرم عن دروبٍ رديات قلت اسمحيلي قبل لاترحلينا = يم الديار اللي علينا بعيدات تراي ذخرٍ لاحدتك السنينا = اجيك مهما واجهتني صعوبات من اليوم اخوك وغيرها ما بغينا = كلي فداك ان صار بالوقت ميلات وتبسمت بإعجاب مدري حنينا = وتهشمت قدام عيني بعبرات قالت فمان الله قلت انتهينا = واقفت تكلم نفسها بس بسكات وقفت تقديرٍ لها ثم مشينا = دربٍ مشوه اهل القلوب العفيفات امشي واردد ليتنا ماالتقينا = وش جابها عقب السنين الطويلات |
رد: ليتنا ما ألتقينا
الله على هذه الأبيات التي لامست مشاعري واحاسيسي
كل الشكر والامتنان والاجلال لهذه الذائقه العذبه ولذلك القلم الشامخ وتلك الروح المعذبه بالعشق الدفين |
رد: ليتنا ما ألتقينا
مشكوره يالغلا على مرورك العذب
دمتي يالغلا بــ غلا |
رد: ليتنا ما ألتقينا
آآهـ كم هيه قويه هذهـ الابيات
لا استطيع قول آي شي آخر فقط دمت بسعادهـ . |
رد: ليتنا ما ألتقينا
الشكر كل الشكر ع مرورك الرائع
دمت يالغلا يكفيني مرورك عن الكلمات لاتحرمني تواجدك |
رد: ليتنا ما ألتقينا
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
قصيدهـ فآخرهـ ,, صح لسآن من كتبهآ ,, وصح بدنك أخوي ’’ لآتحرمنآ جديدك .. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: ليتنا ما ألتقينا
قـلم رائـع وإبـداع لـيس له حـدود
كـلماتكـ رائـعه كـروعة قـلبك صح لسااانك وعتلا بالعز شاانك هنا فقط على صفحتك قوانين من نوع اخر ينطقها قلبك وتطبقها احرفك وتصفق لها ايدينا ابهرتني ببراعة وسلاسة كلماتك ..رااااائــع سأذهب من هنا وانا مازلت احمل لذة الشعور في اسطرك طاب نبضك ودام مداد قلمك تـ ح ـــياتي أميــره |
رد: ليتنا ما ألتقينا
اقتباس:
الفاخر هو مادونتيه وصح بدنك اختي دمتي بذا التألق |
رد: ليتنا ما ألتقينا
اقتباس:
واسلوبك الرائع دمتي بهذا التألق والتميز لاتحرميني تواجدك |
رد: ليتنا ما ألتقينا
صح لسانك ....
قصيده جزله .. و رائعه ... سلمت يدااااك .. |
رد: ليتنا ما ألتقينا
صح بدنك
الاروع من القصيده هو مرورك لاتحرمني هالطله فديتك لك خالص الود والتقدير اخوك |
| الساعة الآن 02:57 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق