ننتظر تسجيلك هـنـا

 

 

 


رهين الشوق


العودة   منتديات رهين الشوق > {.. المُنْتَديـآتْ الأدبِيـہْ .. > ملتقى شعراء رهين الشوق

ملتقى شعراء رهين الشوق تـَحلـِيق في سماء الإبـْداع .. وقطـَرات شهدٍ مـِن نـَبضِ أقلامنا , جــــــمـــــــيـــع أنواع الــــشــــعر

إضافة رد
قديم 2009-07-31, 02:56 AM   #1


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي ديوان الشاعر الأمير... عبد الرحمن بن مساعد..



ديوان الأمير الشّاعر /
عبد الرحمن بن مساعد


 
 توقيع : دفا قلبي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


رد مع اقتباس
قديم 2009-07-31, 02:57 AM   #2


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



العادة جرت






العادة جرت

كل طالب مجتهد دمه ثقيل

العادة جرت

كل مخلص في الهوى حظه قليل

العادة جرت

العطوف اللي كريمٍ في الجرايد

في الأزقة والحواري له عوايد .. يصبح القاسي البخيل

العادة جرت

جُل من يصبح ثري .. يكتب شعر

والقصائد تحتري اغلى سعر

الشعر اصبح مجلة .. جلها غث وهزيل

العادة جرت

لمّا نسافر كلنا في الصيف .. نمشي مخشبين

كلنا نحكي بفخامة .. نمشي بفخامة .. والابتسامة لما نسّلم

نبتسم كأن فيه مصورين

ورغم اننا نسافر لجل نلقى بعض .. ونعرف بعض

الا اننا لما انتقابل نلتفت متجهمين

ماهو جنون .. ولا عبط

تظهر أغاني من نمط .. أربع سنين انتطالع بالعيون

وفي المواعيد اللي ماادري منهو كان العبقري اللي عطاها

نجلس في نفس الاماكن .. ننتظر نفس الوجيه

تظهر بكامل بهاها

ويبتدي ذاك الحوار السرمدي :

- شف هذاك شلون لابس .. ماهو صاحي

- شف هذاك موجود في كل النواحي

- شف هذيك شلون تضحك .. ياخزياه ياعيباه يالله

- شف هذيك شلون تمشي .. شف هذاك شلون جالس

- شف رفيقك .. ليش عابس ؟؟ خل نروح ونسأله

- لا انتظر هذا ماشي مع هله

وينتهي هذا الحوار السرمدي

فينا نقول : وش هالصخب .. هالديرة مليانه عرب !!

كأننا متفاجئين

ولما نرجع بالسلامة .. العادة جرت .. انا نكون متنكدين

ومافي سبب غير اننا ما كنا حنا

غير اننا لما نسافر .. دايم نكون ممثلين

ولجل نطلع من تقمص دورنا .. لما نرجع

نحتاج نقعد ناطرين أسابيع وأيام .. ونظهر من الانفصام

العادة جرت

انّا نجل الأجنبي .. ونقصي القريب

العادة جرت

انها الايام تمضي ومسجد الاقصى سليب

العادة جرت

كل ما جو الخليج صفي وراق

يبتدي العم سام .. عزف موال العراق

العادة جرت

كل ما اكتب قصيدة .. اوصف الواقع بها

القى جاهل ما اريده .. يعتقد انه لها

العادة جرت

كل ما اكتب يقيني أو ظنوني ..

يكاد المريب أن يقول خذوني


 

رد مع اقتباس
قديم 2009-07-31, 02:58 AM   #3


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



المسمّى







حسبي اللـي انـزل التوبـة وعمـا
كيف نحمـل كلنـا نفـس المسمـى
سيف قاطع في الوغى يغشى المنايـا
مثل سيف ظـل فـي غمـدة ولمـا
حل وقت الغنـم خـذ ممـا يريـده
وسيفنا القاطع بقـا لـه مـا يرمـى
حسبي الله كيف كنـا كيـف صرنـا
الاعـادي تفوقنـا كيـفٍ وكـمـى
وش يضر اللي كرهنـا لـو كرهنـا
وش يفيد اللـي نحبـه حـب جمـا
هـو بقابـه ضـي واهـي نهتديبـه
هو بقابه خطـب داهـي مـا المـى
يـا مـدور خيـر والشـر متزاحـم
عزتيلـك ابـرة هـو وسـط يمـى
لا تنادي وش تنـادي مـن تنـادي ؟
كيف يوحي الصوت منهو كان اصمى
يرحم الله وقت كـان الخيـر شامـل
ما ترك من ورث يؤكـل اكـل لمـا
مير من يرجي من الانـذال حاجـة
يستحـق الخـزي ويسـام ويذمـى
ومن سعى بمعروف مع سقط الاراذل
خاب في المسعى وزاد الغـم غمـى
ايـه ياوقـت الـرزايـا والبـلايـا
وقت شح الجود والبخـل استعمـى
مـن يقيسـك بالدقايـق والثـوانـي
العقارب ؟! وافـق الاسـم المسمـى



 

رد مع اقتباس
قديم 2009-07-31, 02:58 AM   #4


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



الشّاعر الأوّل








قـرّر التاجـر يكـون الشاعـر الأول
افرحوا يا اهل القصيد وجهزّوا الساحة
سهلّوا الأوزان لجل المبـدع الأفضـل
بعد إرهاق العمـل يحتـاج لـه راحـة
فاضي هو يوزن ؟ .. كلامه كامل مكمّل
يكفي انّه لجلنـا يكتـب عـن جراحـه
الكسـر فاسماعكـم وإدراككـم يجهـل
عبقريـة فرحتـه والفـن فـي نواحـه
جدّدي له يا صحافـة عهـدك الأمثـل
وارسمي الأشعار صحرا وشعره الواحة
واكتبي عنه العظيـم الشامـل الأشمـل
كان يحتاج الشعـر جهـده واصلاحـه
واسألي كيف ومتى وهل كان أو يعقـل
عمرنا من غير فكره تكمـل افراحـه ؟
وين " نوبل " عن قلم من أشرق واشعل
ظلمـةٍ كنّـا بهـا أفناهـا مصبـاحـه
من يقول ان الشعر في وقتنـا مبهـذل
سعرنا عقب الخسايـر زادت ارباحـه
لحّنوا الشعر البديع الأصعـب الأسهـل
واعرضوه بكل شاشة ليـل واصباحـه
وادفعوا للـي شـدا للشاعـر الأجـزل
مبلغ وقدره " كـذا " يستاهـل صياحـه
ابشروا يـا مطربيـن الدفتـر الأجمـل
يكفي عن مُـرّ السـؤال وذل إلحاحـه
دفترٍ فيـه القصايـد تشتـري الأخطـل
وعنتر يضحّي بعبله ويرمـي سلاحـه
دفترٍ فيه المعانـي فـي اليميـن اسفـل
أقوى أبياته : فقط لا غيري في الساحه



 

رد مع اقتباس
قديم 2009-07-31, 03:00 AM   #5


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



اسأل الأعمى .. !





اسأل الأعمى .. ان كان في نومه يشوف

ليه يصحى ؟!

واسأل اللي ما درت عنه الهموم

اللي درى ان العمر محدود

وان الفرح مهما اختفى .. موجود

اسأله ليه ينوم ؟

وان جاوبوك اسألني ليه حنا افترقنا

يا صاحبي مابه سبب لفراقنا

غير اننا جينا بزمن ماهو زمنا

ياصاحبي مابه سبب لفراقنا

غير اننا في حبنا عشنا الصدق

وفي وقتنا وشهو الصدق

في وقتنا لجل اللقاء تكذب

ولجل تاصل ماتبي تكذب

ياصاحبي خذها من جرحي نصيحه

كانك تبي تاصل ؟ اكذب .. اكذب .. اكذب

الصدق في وقتنا اصبح فضيحه

في وقتنا دايم تهيم في شي ماتعرف مداه

دايم تهيم فلي بعد عن سكتك

واللي زهد في محبتك

واللي فـ يدك ومتحمل جروحك معك

ما يهمك تنساه

ولو تقتله ما يألمك وبقدامك تاطاء على دماه

يا صاحبي وقتنا في اوله ضيعنا أولى القبلتين

وفي آخرة الله اعلم وش بيبقى

في وقتنا صار الغدر شيٍ عظيم

والوفاء ماظنتي ان كان بتدور بتلقى

يا صاحبي في وقتنا أطول مسافة ممكنه

تمشيها بين النقطتين

الخط المستقيم

يا صاحبي في وقتنا وقت الألم

من يسمعك مهما حكيت

من ينصفك مهما شكيت

منهو اللي ما يضحك إذا ذلتك دنياك وبكيت

يا صاحبي في وقتنا

ما للمشاعر ناس

يا صاحبي في وقتنا لبعض القلوب إحساس

يا صاحبي في وقتنا وقت الكلام

وقل الفعل لامات احد وانتقل لعلى رفيق

من طيبنا نحزن عليه

نصلي عليه

ناصل معه للمقبرة

وفي المقبرة غير الدعاء وقولت الله يرحمه

مابه كلام وندفنه .. ولا دفناه نبكي

بدون دموع أو بدموع

المهم بعد ما نبكي نتركه ونروح

وتلقانا نقول مسكين يا فلان مسكين

من دنيتك وش اللي خذيت ؟

وبعد باب المقبرة بشبرين

واقل من الدقيقة لامن دخل فينا الزحام

من طيبنا نضحك ونسمع أغنية

لجل نتسلى في الطريق بين المقبرة والبيت

يا ربي سبحانك ياللي تجير من العذاب

قلوبنا وش صابها ؟

في وقت غدا بين الحياة والموت

وبين البكاء والضحك

شبرين ودقيقه وباب

ويدننا اللي قد حثت في وجه ميتنا التراب

هي نفسها اللى بعد شبرين واقل من الدقيقة

اختارت شريط وحطته لجل تقتل طول المسافة

بين المقبرة والبيت

يا صاحبي في وقتنا احسن كثير

من بعضنا

في المقبره على الاقل ميت وندري

المشكلة متنا وإلىالحين ماندري

يا صاحبي في وقتنا ضاع احترام الموت

في وقتنا حكينا ما أكثره

وللأسف كل الحكي من غير صوت

وان كان به فمٍ صدق

واسمحوا يحكي بصوت ما نسمعه

ياصاحبي قدامنا كان اختيارين

يا نجاري وقتنا ونكذب ونخدع نفسنا

يا نفترق لان الفراق في وقتنا

هو الصدق

افترقنا

يا صاحبي كانك تشك في أسباب الفراق

دور لك اعمى وإذا صحى اسأله

ان كان في نومه يشوف ليه صحي

وليه افترقنا ؟؟؟؟؟


 

رد مع اقتباس
قديم 2009-07-31, 03:01 AM   #6


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



المبادئ





بدء ذي بادىء ..

هذا تعريف المبادىء ..

كل وقت .. وله أذان ..

الزمان .. غير الزمان ..

ياكلام الليل .. يمحيك النهار ..

باختصار ..

المبادىء .. شىء تحكمه الظروف ..

مثل طفل .. ترتبك في الحروف ..

ما اجمل أغلاطة ..

المبادىء .. للأسف ..

كلمة مطاطة ..

بدء ذي بادىء ..

يا بايع إحساسك ..

وش احساسك ..

وأفكارك لغيرك ..

ياشاري إحساسك ..

وش احساسك ..

واحساسك لغيرك ..

ليتك توصف متعتك ..

لاخذت من غيرك مشاعر ..

تدري لو تقدر ترى ..

ماهو بعيد تصير شاعر ..

كيف الخلاص .. من ناس تغتال الشعر ..

و حد القصاص في كل سرقة ..البتر

الا الفكر ..

بدىء ذي بادىء ..

هذا تعريف المبادىء ..

يا بايع أموالك .. لفقرك ..

وللعذاب اللي في بيتك .. ودمعة عيالك ..

ليت توصف متعتك ..

ليت أوصف ضيقتك ..

لو جرى لك ..

في القمار .. اللي جرالك ..

ليت نعرف ..

متعتك أو ضيقتك ..

أيهم اللي بقالك ؟

يا بايع أعصابك .. لخمرك ..

ياكثر ماحرت بامرك ..

يابايع الصحة .. لخمرك ..أو سمومك ..

وش يفيد أني ألومك ..

كيف تلقى متعتك .. لا ضاع عقلك !

وبان بين الناس ذلك

وكيف تسعد في شعورك ..

وانت خارج عن شعورك ..

يا بايع اعصابك و وعيك ..

ياللي تهرب في عذابك ..

من عذابك ..

لو بغيت في يوم ..

تهرب من هروبك ..

وش هو احساسك ؟

بدء ذي بادىء ..

هذا تعريف المبادىء ..

يابايع بلادك .. بكم كان الثمن ؟!

يا بايع بلادك ..

انسى المباني .. والبيوت .. والحب الأول

انسى غبار المدرسة .. و وجوه اصحابك ..

انسى فؤادك .. وميلادك ..

وارمي ورا ظهرك ..

كل العبارات الكبيرة ..

عن الوفا .. والتضحية ..

وعن حب الوطن ..

يا بايع بلادك ..

لو كبروا أولادك ..

وكان السؤال في عيونهم ..

سجنك وجلادك .. !

" احنا يابوي من وين ؟! "

وش هو احساسك ؟!

يابايع آخرتك .. يالعاصي القاسي ..

اسمع نصايح صاحبك " ابليس " :

" لا تترك التدليس ..

اظلم ولا تفكر في باكر ..

هيم في العصيان جاهر ..

واختار من بين الذنوب ..

مايسعدك ..

ولاسار عمرك للغروب ..

لاتتوب ..

لا تحسب للعمر ..

ولا تفكر بالقبر ..

ولا العذاب ..

توك شباب .. "

هذي نصايح صاحيك ابليس ..

يابايع آخرتك بدنياك ..

لا عدمناك ..

لو عدمناك ..

وش هو إحساسك ؟


 

رد مع اقتباس
قديم 2009-07-31, 03:02 AM   #7


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



الحرامي




إحترامي .. للحرامي !!

صاحب المجد العصامي ..

صبر مع حنكة وحيطة ..

وابتدا بسرقة بسيطة ..

وبعدها سرقة بسيطة ..

وبعدها تَعدى محيطه ..

وصار في الصف الأمامي .. !

احترامي .. للحرامي .. !!

احترامي .. للحرامي ..

صاحب المجد العصامي ..

صاحب النفس العفيفة ..

صاحب اليد النظيفة ..

جاب هالثروة المخيفة ..

من معاشه في الوظيفة ..

وصار في الصف الأمامي ..

احترامي .. للحرامي .. !!

احترامي .. للحرامي ..

صاحب المجد العصامي..

يولي تطبيق النظام ..

أولوية واهتمام ..

ما يقرب للحرام ..

إلا في جنح الظلام ..

صار في الصف الأمامي

احترامي .. للحرامي .. !!

احترامي .. للحرامي ..

صاحب المجد العصامي ..

يسرق بهمة دؤوبة ..

يكدح ويملي جيوبه ..

يعرق ويرجي المثوبة ..

ما يخاف من العقوبة ..

صار في الصف الأمامي ..

احترامي .. للحرامي .. !!

احترامي .. للحرامي ..

صاحب المجد العصامي ..

صار يحكي في الفضا ..

عن نزاهة ما مضى ..

وكيف آمن بالقضا ..

وغير حقه ما ارتضى ..

صار في الصف الأمامي ..

احترامي .. للحرامي ..

احترامي للنكوص ..

عن قوانين ونصوص ..

احترامي للفساد ..

وأكل أموال العباد ..

والجشع والازدياد ..

والتحول في البلاد ..

من عمومي للخصوص ..

احترامي للصوص .. !!


 

رد مع اقتباس
قديم 2009-07-31, 03:04 AM   #8


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



بهو فندق





بهو فندق .. بلد غربي .. في فصل الصيف

على ميعاد أو صدفة .. جمع أجناس مختلفة

ولا فيهم أحد وافق .. أحد ثاني على تعريف للمنطق

بهو فندق .. فيه الناس مكتظة

فخامة تكسي الجَنبات

نادل يحمل الطلبات .. على أواني من فضة

هنا تجار .. يحكوا أسهم وسندات

هنا سمسار .. هنا شاعر .. هنا بنيات

هنا فلكي .. هنا لاعب كره بارع

هنا فنان .. هنا متعهد السهرات

هنا يحكوا عن الأوضة .. هنا يحكوا عن الموضة

هنا يحكوا عن السادات

وبركنٍ ماهو للصفوة .. بجنب الباب

كرسيين .. حوار يدور بين اثنين حيل أصحاب

ملامحهم تودي يم شرق أوسط

وهيئتهم وحالتهم .. بسيطة أو بعد أبسط

- شفّ سايح من اليابان .. يداعب آلة التصوير

يغازل آلة التصوير

- سايح هذا يا غلبان ؟

هذا السايح البارح .. كانت صورته تحكي

في صدر الصفحة الأولى

يقولوا خامس أغنى شخص في العالم

وأظن أنه .. وربي وحده العالم

جمع هالمال والثروة .. من استيراد أو تصدير

- نسى الكاميرا على الكرسي

- لا يا شيخ .. مثل هاذولا .. ما ينسوا

- صدّقني نسى الكاميرا على الكرسي

لا والله .. رجع خذها

ظنك وينهو رايح ؟

- أكيد يزور له متحف

سخيف .. وهوايته أسخف

- شفه مستني يمّ الباب

وش ينتظر ؟

- أظنه ينتظر تكسي

أقول عدنان : فاخر حيل هالفنجان

خذ شايك قبل يبرد

أقول أحمد : هذاك هناك .. هو منهو ؟

أي واحد ؟

هذاك اللي معه واجد

تخطرف أنت أو عميان

هذاك فلان

هذاك اللي كلامه منتهى الحكمة

وجوده مثل غيث السحب

هذاك اللي لأجله ترخص أيامك

وتقضي النحب

هذاك اللي يهينك وانت تتلقى

إهاناته بصدر ٍ رحب

هذاك اللي شعورك نحوه مبيّن

مزيج من الولا والحب

هذاك اللي اذا لاقدّر الله راح

يغطي حزنك الدنيا

وتهمس .. راح ابن الـ ...........!!

كذا يا أحمد .. ؟

شايفني أنا منافق .. ؟

انا مسمح ولا أوافق

تظن اني بقلب أسود .. كذا يا أحمد ؟

لا تزعل أنا آسف .. أنا آسف

ترى الدعوة سوالف

شف هذا خفيّف دم .. ويعطونه

يعطونه ..؟

يعطونه

ويرجع باكر لهذا .. يقطع ذاك

ويشرشح أصله وفصله .. بخفّة دم

ويعطونه ؟

يعطونه

ويرجع الأخير .. ضاحك على هذا وعلى هذا

أقول أحمد : ظنك هو رصيده كم ..؟

دقيقة صمت .. فرضها جيّت النادل

يشيل الشاي

ويقول ان العصير اللي يبونه لحظتين وجاي

شفّ الشاعر

هاذيك الحلوه تضحك له

أي واحد ..؟

شفه واقف .. يوقع دفتر لطفله

تخيّل ياخي يقولوا

بإنه يشتري شعره من الشاعر

اللي الشاعر المشهور يكتب له

يا حظه .. وسيم ومشهور

ياليتني أكون مثله

قوم نتصور معه

نقوم نتصور معه ؟

ما باقي سوى هذي

نكبّر راس هالمغرور

خفيّف انت .. وغبي أحمد

ودايم فيك هالعلة

أقول عدنان .. ترى صاير طويل لسان

أحمد ياخي لا تزعل .. ترانا اخوان

تعوّذ بس من الشيطان

وانا آسف .. وترى الدعوة سوالف

فخمه حيل هالكيسان

اشرب .. لا تزوّدها

ترى يبيّن عليك تعبان

شف مو هذي صاحبتك ؟

هلا والله .. إلا والله صاحبتي

تدري ..؟ تموت هي فيني

يا رجال .. خليني

خادعتك .. تراها والله خادعتك

أقول أحمد : عشان انسرقت فلوسك من زبيدة

صرت تشوف كل وحدة .. هي زبيدة

يا عدنان .. خادعتك

أنا قصدي لمصلحتك

شفها تكلم الرجال

أي رجال ! .. اخوها ذاك

يا عدنان .. خادعتك

أقولك ماتبي غيري

يا عدنان .. طع شوري

مشاعرها .. وهم .. كذبة

أحمد .. احترم نفسك

أفا عدنان .. تمد يدك علي

وهذي السبّه

صفعه دوّت بركنٍ

قريبٍ من هل الصفوة

عراك في بهو فندق

جمع أجناس مختلفة

مافيهم أحد وافق أحد ثاني

على تعريف للمنطق

خارج صالة الفندق .. شرطيّين

يقودوا بالحديد اثنين

ملامحهم تودي .. يم شرق أوسط

وهيئتهم .. بسيطة أو بعد أبسط

كانوا أصحاب

في داخل بهو فندق .. بلد غربي

في فصل الصيف


 

رد مع اقتباس
قديم 2009-07-31, 03:06 AM   #9


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



تعاريف





الاقتصاد

ناس تزرع من فجر ربي

إلين الشمس تغرب

وناس تصحى في العشا

تتولى تقسيم الحصاد

بغداد

حضارة شاهقة

وأمجاد

أقدار صلفة

وشعب يفاخر بنزفه

وتحتاج الحكاية لص

يصير الأقوى بالصدفة

ويكون القاضي والجلاد

وبحسن إعداد

وقدرة فائقة

في البطش والتنظيم

وبداعي خوفه

الأطماع والتقسيم

والأنواء

يقسّم شعبه لأجزاء

جزء يعيش في المنفى

وجزء في عيشته منفى

ومواطنين

معززين مكرمين

مقرنين

في الأصفاد

بغداد

خبر لو أنها أنداد

مدينة .. بائها بوابة التاريخ

ودالها دنيا من الأمجاد

سنين صلفة

وشعب يفاخر بنزفه

وتحتاج الحكاية لص

يصير الأقوى بالصدفة

ويوطد حكمة الأوغاد

بغداد

السجون

هي مكان

لعزل من يخرج على القانون

وان غدا القانون جائر

تصبح القضبان دنيا

تعزل الخارج عن المسجون

النفاق

رغم اختلافك

تبقى آرائك وآراء الذي تخشاه

دايم في اتفاق

أو نقول : هو انتمائك

كل فتره لانتماء

أو نقول : هو ارتماء

أو بمعنى آخر نقول : النفاق

هروله صوب اليهود

وبكى على أطفال العراق

السراب

وهم ما هو ماء

لكن يعطي للظامي أمل

وإحساس مفعم بالرجاء

والسراب ينادي : يا ظامي تعال

ما بقى الا خطوتين

وتنعم برشف الشراب

أو بمعنى آخر

نقول : السراب

الوعود اللي قطعها

المرشح للمرشح في انتخاب

الجزيرة

الجزيرة من قديم الوقت تُعرف :

بالمكان اللي يحيطه ماء من كل الجهات

وفي جديد الوقت دولة

ما عجبها وضعها وسط الخريطة

قالت اتعدى حدودي ..

و اثبت لغيري وجودي .. في الحياة ..

و هكذا نقدر نقول ان الجزيرة :

دولة مغمورة صغيرة ..

كبرت وصارت قنااة

التطبيع

التطبيع .. ربط المصالح للجميع ..

يبغى عدوك يشتري ..

ليه ماتبيع ؟!

ليه مايكون الراعي هو ؟!

ليه ماتصير انت القطيع !

وش يمنع ان الذئب يصبح

حارس الحمل الوديع ؟!

الإرهاب

تدبير إجرامي ..

قتل مدنيين ..

ترويع أبريا ..

تطبيق شرع الغاب

هدم البيوت العامرة ..

سفك الدماء الطاهرة ..

قتل الكهل والشاب

وان قلنا اسرائيل تفعل كذا دوما ً !!

تقول أمريكا :

مايعتبر إرهاب !

كي يعتبر إرهاب .. في شرط إلزامي ..

يكون إسلامي .. ومدعوم من أعراب

مؤسسة خيرية

مشروع يعُنى .. بتخفيف الألم

والمرض ..

والكمد ..

يعنى بتعمير المساجد ..

والمساكن ..

والمدارس ..

والمشافي ..

داخل وخارج البلد ..

يُعنى بفك الدين ..

تفريج الكرب ..

رفع المشقة والكبد ..

يُعنى بتقريب المسافة للرغد ..

مؤسسة خيرية ..

فرقها عن غيرها ..

كونها سرية ..

تعطي ولا يعلم أحد

مؤسسة خيرية

عبدالعزيز بن فهد


 

رد مع اقتباس
قديم 2009-07-31, 03:08 AM   #10


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



تحضنه




تحضنه لجل تضحك للي وراه

وماهمها لو شافها ..

غايته اسمى كثير من العتاب ومن الغضب

تحضنه وفي بالها .. ذاك اللى اعطاها الرقم

في ليلةٍ كان النهار .. فيها بقايا سكرته

وللأسف انه نسي يكتب لها .. كم غرفته

تحضنه وفي يدها ساعة ذهب

كان اشتراها لها البارحه

لجل تعرف كم مساحه غرفته


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
مساعد.., الأمير..., الرحمن, الشاعر, ديوان


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الشاعر: حامد زيد صمت المشاعر لشاعر ملتقى شعراء رهين الشوق 72 2010-04-19 01:04 PM
أخطيت !!!!!!!!! للشاعر المبدع الأمير /عبد الرحمن بن مساعد ~همسة~حب~ ملتقى شعراء رهين الشوق 4 2010-02-06 12:52 AM
ديوان الشاعر بند بن سرور صمت المشاعر لشاعر ملتقى شعراء رهين الشوق 41 2010-01-22 11:33 PM
تعبت أنزف جراحي ..عبد الرحمن بن مساعد ~همسة~حب~ ملتقى شعراء رهين الشوق 3 2010-01-19 07:06 PM
ديوان الشاعر سعد علوش صمت المشاعر لشاعر ملتقى شعراء رهين الشوق 13 2009-08-17 06:03 PM


الساعة الآن 12:14 AM

أقسام المنتدى

{.. المُنْتَديـآتْ العآمـہْ .. @ ~//.. مساحه بلا قيود @ ~//.. نور القلوب @ ~//.. مواضيعنا المتميزه @ ~//.. أحداث 24 ساعة @ {.. مُنْتَديـآتْ الترحيب والتهْـآنـي.. @ oO الريسبشن @ oO التهاني والتبريكات @ {.. حواء & آدم وعالمهما الخاص .. @ ~//.. ملتقى الاسره والطفل @ ~//.. حواء والاناقه GiRLs ♡ CoRnEr @ ~//.. مطبخ رهين الشوق @ ~//.. ملتقى الأثاث و الديكور @ {.. المُنْتَديـآتْ الأدبِيـہْ .. @ ملتقى شعراء رهين الشوق @ بوح الخواطر ونبض الإحساس @ همس المشاعر @ ملتقى القصص والروايات @ {.. الريـآضـہْ والشَبَـآبْ .. @ صدى الملآعب .. @ عالم السياراتـ والدراجاتـ الناريهـ @ {.. رحلہْ لصفآء آلذهن وِآلرِوِح .. @ ~//.. استراحة رهين @ ~//.. الالعاب والمسابقات @ {.. رهين للتقنية والتكنولوجيا .. @ ▌▌ الجرافيكس والتصميم G . я . a . p . h . i . x ₪•< @ •₪ ملتقى الايفون - iPhone - اي باد - جالكسي Samsung Galaxy₪• @ ~//.. youtube - يوتيوب 2016 @ ~//.. الألبوم @ {.. المُنْتَديـآتْ الإدارٍيـہْ .. @ ๑° للإقـتـراحـات والطلبات وتغيير المعرفات ๑° @ ||خاص بالمشرفين @ || خيانة أقلام @ ~//.. ملتقى الكمبيوتر والبرامج @ ~//.. عيادات الشوق - الطب والصحه @ ~//.. النقاش والحوار العام @ ~//.. м . ş . ή @ ღ♥عالـــ آدم ــــــــــم♥ღ @ ~//.. ملتقى الرسائل MMS ♥ SMS @ ~//.. احلى انمي @ ~//.. كرسي الاعتراف @ ~//.. يوميات عضو/هـ @ همسات أهل الشوق @ ๑° الـخـيـمـه ۩ الـرمـضـانـيـه ๑° @ صوتيآت ومرئيآت إسلاميه @ أندمآج آلآروآح @ ~//.. خاص بالرسول الكريم وأصحابه الكرام @ ~//.. حول العالم @ ▌▌ خلفيات بلاك بيري 2016 , رمزيات و برامج بلاك بيري BlackBerry @ ~//.. مسابقاتنا وفعالياتنا @ طور ذاتك @ {.. مُلتقى الأحبة للأسهم السعودية.. @ ~|.. المتابعة اليومية @ ~|.. سلوك الأسهم @ ~|.. التحليل الفني @ أرشيف المتابعة اليومية @ خاص للمحللين @ ~//..مدونة معلمات المتوسطة الخامسة @ ~//.. شاشة الأفلام والسينمآ @ ~//.. تعليم اللغة الإنجليزية English Course @ ~//.. وظائف - وظائف حكوميه - وظائف مدنيه - حافز @



Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق