عــزاهـ ليت الصبر يشرى

عزاه ليت الصبر يشرى والله اني لشتريه
وياطي حالي من غرابيل الزمان وطيته

اثر الهوى يخلي الرجال ينسى امه وابيه
الا بري حاله وعزيله وممحق نيته


يصد عن بعض الوجيه ويشكي لبعض الوجيه
لاهل دمعه عند خلق الله وربي بيته


ياليتهم يدرون باللي في فوادي كلّبيه
كان اعذروني واتركو قلبي على سجيته


(مجنون خلقه ) وابتلاني واحدٍ حسبي عليه
جنيتي من يوم شفته عانقت جنيته


شرع بقلبي من يسار وقام يسحب مايليه
لرتحت من شلفاه شفت الموت من جنبيته


الله مسخّرني كذا والقلب في راحة يديه
قلبي معه بشهود ومعرّف على ملكيّته


ماغير اراقب طلعته واقول يالله تهديه
عساه ياقع في محابيل الغرام وخيته


امشي معه كني سفيه وارجع معه كني سفيه
الله معنينـــي معــه من بيته لكليّتـــه


لاشفت زوله من بعيد وكل شبحي لد فيه
كنه يقول اني باموت ولا عَبر محميته


انشهد انه فالحلا والملح مامثله شبيه
كن الحلا في معصمه والملح في كفيّته


ابيه من قلبي ابيه وكل مافيني يبيه
لخطيت من حسناه راضي لو تجيني سيته


لو المطالب بالتمني دون كيف ودون ليه
كم واحدٍ لامن طلب تحققت امنيته


ياليت له اخٍ صغيّر واتعذر به واجيه
لاقال وش عندك هنا طلعت له عيديته


والله لعزّه وان تعثر قلت بسم الله عليه
ماهو لجل عين الصبي لجل عيون اخيّته


ذبحت نفسي من غلاه الله يرحم والديه
واللي ذبح نفسه بنفسه كيف تِدفع ديّته




الشاعر : سالم اليامي

نبع الحروف جف خجلاً
محاولاً مجارة ذوقك
حروفك زخات مطر صهرت الجمال
سيـمفـونـيـة عـزفتُ أول مقـطوعاتـها هنا بكل جمال ورقة
لك اكليل من الورد ترافق روحك النقية
دمتى بهذا الجمال واكثر