بدر بن عبد المحسن بن عبد العزيز آل سعود] حياته ، اشعاره ، دواوينه ، قصائده -

متااابعكـ يا كبرياء
يكفي الموضوع كله من كلمآت بدر
وأنه من طرحك غناتي ..//
كبرياء | سلم نبضك و أحساسك
أشكركـ على رقي ذائقتك
ܓ
وهذي مشاركه بسيطه مني مقتبسه من موضوع لي ^!^

قصيدة العمر أحبك

لليل احبك مابقى في السما نور
والى ضواني الليل .. للصبح أحبك
واللحظة اللي كلها عند وغرور
أشوف قبري بين عينك .. وقلبك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابه غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك .. مابقى فيني شعور
والى جفاني العمر .. وشلون أحبك

قصيدة صعب السؤال

صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنت أنا .. كيف أوصلك !!
لا مستحيل .. هذا الرحيل
من يقطع الصمت الطويل
ويدلني ..
قصيدتي .. وين الحروف .. جف القلم
يا ضايع.. ببرد الكفوف .. رعشة ألم
قصيدتي .. إلا الندم .. إلا الندم
بتسافر .. وانت معي
وبترجع.. وانت معي
قصيدتي .. لا تسمع .. غيري قصيد
يا ساكن فالحشا .. وأنت حبل الوريد

قصيدة الله أقوى

الله أقوى غدا شوفك سراب
كيف أبا أروي حنيني .. بالظما
يا ممنى حياتي .. بالسحاب
وين غيث المحبه .. ما هما
اجدبت بالحشا أرض العذاب
واشتكت من تجافيك السما
كيف ترضى عليّ .. طول الغياب
وانت حبك جرى مجرى الدما
يا حبيبي ذوى قلبي وذاب
من عذابه وبيح ما كما
وعل عينٍ .. رضت فيك العتاب
تشتكي بعد(أ...) م العمَا