إضحك وفلّ حجاجك اشفيك محزون

مما راق لي أتمنى ان يصل الى ذائقتكم






..<>..

إضحك وفلّ حجاجك اشفيك محزون .؟؟
دنـيـاك ماتسوى وخذها نصـيـحـه..


..<>..


مادام مـالك ميت ولا انـت مـديون
ارم الهـموم وخل نـفسك مريحه..


..<>..


لو كانوا اصحابك يضـاهـون مليـون
نق الكـفو منهـم وخـل السطيـحـه..


..<>..


ولا تشتـكي للـناس لوكـنت مطعون
(والذم من بعض الخلايـق مديحه).


..<>..


ولا تنحنـي للهم وتـعـيـش مـغبون
ترا المريح اهل العقول الصحيـحـه..


..<>..


لاصرت صادق قالوا الناس مجنـون
مايـمدحـون الا الـنفـوس القـبـيحـه..


..<>..


وخلك صـمود بوجـه الايـام و موزون
ومـا حـرم الله إثــم لا تستـبـيـحـه..


..<>..


والكـبـر لو بـه فـايده فـاد فـرعون
ومـن ذاع سـرّه بـشّره بالفضيحـه..


..<>..


والله لو يعطون لـك مـال قـارون
ماشـفت نفـسـك بالغـنـى مستريـحـه..


..<>..


انفض هموم القلب وابليـس ملعون
وان ضاق صدرك ارض ربي فسيحه..~

عاشقة الدموع..,
يآبآذخة الاحساس , وسخيّة العطآء !
تقبلي تطفلي على متصفحكَ العذب
أطربتني كلماتكَ فلم يكن مني الا أن هذيتُ بما سبق !
,
,لك ودي ووردي