ثلاث سنين للشاعر فهد المعتوق

ثلاث سنين انا اخطط لهذا اليوم يا ابو سعود
تيسر حالي وجاهز اوفي وعدي بوقتهـ
وفجاه جتني تتعذر تقول تاخرت الوعود
وانا مستغرب واسمــع كاني وعدها خنتهـ
حسبت انها تمازحني وتتصنع جفا وصدود
ضحكت بوجهها من قلب مع انها بايخه النكتهـ
وقالت ارضى با الواقع قلبي ماهو المعهود
تغير كل شي صوبك نصيبي ما اظن انتهـ
كنت بيوم محبووبي ولكن ما اظن نعود
وصل من قبل ماتوصل وانا ذاك الصبر عفتهـ
ولكن تكفى صدقني ويشهد ربي المعبود
ترى ماخنتكـ بغفله ولاكلمته وشفته
صرااحهـ اهلي قالوا لي بانه ولد اصل وجود
وجاتني امه با الصوره وبكلماات المدح اختهـ
سكت وقلت هي فرصه مادام الجود فاالموجود
وقالوا كل من حولي علامات الرضى سكتهـ
وانا فكرت دام امه واخته ماعليهم زود
اكيد اني براضيهم اذا وافقت واخترتهـ
واراضي اهلي واخواني مادام ان الفرح مقصود
عطيت الناس انا كلمه ومعاهم وقتي حددتـهـ
ولااقدر اغيرها ترى عند العرب منبوذ
اوافق واعتذر باكر واقول الراي غيرتهـ
تبي تشرح لي المنقود تصدق عاد يا ابو سعود
تبيني اقتنع واراضى بحال عمري ماعشتهـ
انا ماني بقايلها عسى يفرش ثراها ورود
بعد ماحطمت قلبي وطعم الموت جربتهـ
عسى بفستانها اشواكـ وفي ثوبهـ عقارب سود
ونار تحرق الكوشـهـ وتحرق بيتهم حتى
وموت بليلة الدخله يبرد حرتي ياكوود
ولا احس انها بحضنه يلامس خد لامستهـ
علي اهون اذا ماتوا ولا بنفس السريررقود
وصعب علي اتخيل اللي ماتخيلتهـ
عسى قاع الثرا يقسى ويتحول صخر جلمود
وحفار القبر يرفض يسوي فوق مقدرتهـ
ترى دفنة عديم الذاات تلوع حتى كبد الدود
ومن خان العهوود وماات تعافهـ حتى مقبرتهـ
عسى ربي يجازيهم بحبل من مسد ممدود
يعلقهم من اطرافه وفوقه نار وتحتهـ
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مادام الفعل له ردة فعل والله ابشري بردود
بدعي دامني حي وبغرس للدعاء نبتهـ
وبسقيها نزيف القلب ودمع مارحم الخدود
وتكبروالثمر ثاري من اللي خانني وصنته
انا نذر علي اكتب وافجر ها القصيد رعود
واسمع كل بشر صوتي عجبته ولا زعلتهـ
واردد للي يسمعني اذا حبيت حط حدوود
انا حبيت دون حدود و شوف اللي تكبدته
ثلاث سنين انا ابني وجت صوره بكل برود
وخذت مني شقا عمري وحلم قلت حققته
ثلاث سنين انا اخطط لهذا اليوم يا ابو سعود
وتوافق من كلام اخته وصوره اربعه في سته..

للشآعر..فهدالمعتوق..

صح لسان القائل و الناقل ...

نص رائع .. ملئ بالشعر ..


شكرا يا رهين

واردد للي يسمعني اذا حبيت حط حدوود
انا حبيت دون حدود و شوف اللي تكبدته




كلها رائعه
بس هذي الابيات لامست شي في داخلي
صح لسانك رهين ،

قصيده رائعة بكل ما تحمل
سلمت أناملك خيو رهين الشــــــوق
التي نثرت عبيرا فواحا من الكلمات
ومن جمال المعاني ورقة العبارات
رائع كل ما أفاض به بوحك القيم
من جمال الأحرف و رقة الأحاسيس
ودمت بكل محبة ووفاء
مودتي ..