ننتظر تسجيلك هـنـا

 

 

 


رهين الشوق


العودة   منتديات رهين الشوق > {.. المُنْتَديـآتْ الأدبِيـہْ .. > ملتقى شعراء رهين الشوق

ملتقى شعراء رهين الشوق تـَحلـِيق في سماء الإبـْداع .. وقطـَرات شهدٍ مـِن نـَبضِ أقلامنا , جــــــمـــــــيـــع أنواع الــــشــــعر

إضافة رد
قديم 2009-07-31, 03:21 AM   #21


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



ما يقول الشعر









مايقول الشعر .. من باله خلـي
ومن نساه الهم لايطري القصيـد
ماكتبت الشعر قصـدي تزعلـي
وان فرحتي فيه ما اقصـد اكيـد
حس يشعرني .. وضيقة تنجلـي
ودار تسكني وانـا عنهـا بعيـد
واوصف العله لعاشـق مبتلـي
لاكسـاه الليـل يلقابـي عضيـد
لالفـوك الغيـد عنـي اسألـي
تجري حروفي بهم مجري الوريد
من هوى هذاك وفـلان وعلـي
الوكاد انه عـن اشعـاري بعيـد


 
 توقيع : دفا قلبي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


رد مع اقتباس
قديم 2009-07-31, 03:21 AM   #22


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



مردخاي





سمعتوا قصة مردخاي .. ؟!

من زمان قالوا لخوكم مردخاي

" مردخاي هذا زمانك جاي "

شفت هالخوان قاتلهم .. خذ أرضهم .. اهدم منازل بعضهم .. وشردهم

غير معالم ارضهم . .واطمس ملامحهم ..فرقهم وتصير سيدهم !!

وامسك بتلمودك ودينك .. وبعّثر مبادئهم

وبعد ماتزرع بذور الحقد فيما بينهم .. وتحصد مشاعرهم

قد ماتقدر حيد اكبرهم .. رد له كامل حقوقه

واعزف على اوتار فرقتهم

واضرب أغناهم بـ افقرهم

حاربهم بهم .. واشعل معاركهم

وبعد مايستنزفوا قوة بعض ..

خذ مابقى منهم .. وفاوضهم

فاوضهم على الفتات ..

واذا عطوك حق الفتات .. رجع لهم ربعه

وسالمهم

هذي قصة مردخاي سيد الزمان الجاي

عاجبكم ؟!


 

رد مع اقتباس
قديم 2009-07-31, 03:22 AM   #23


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



لي صاحب





لي صاحبٍ مرة وأنا جالس معه

كان في بالي بداية فكرة لمطلع قصيدة

وكنت أحاول قد ماقدر .. شتات فكري أجمعه

أتذكر أنه قاللي في وقتها .. رغم اني ما كنت اسمعه

هالدنيا ذي مافيها شي مبهج

كل شي ممل .. أيامنا مثل الجرايد ..

كلها سواسيه

أتذكر اني وقتها تمتمت وقلت .. دونما تركيز

فعلا .. معاك حق .. هذي حقيقة قاسية

أتذكر انه قاللي .. رغم اني ماكنت اسمعه

حبيبتي مادري قست .. والا نست

أو انها متناسيه

أتذكر اني قلت له .. أيضا دونما تركيز

فعلا .. أكيد .. معاك حق .. فعلا ظروفك قاسية

أتذكر أنه قاللي وقاللي وقاللي

لين الشعر فيني تلاشى .. وقتها صرت اسمعه

كان يتأملني ويقول :

ليه الفرح دايم لأيامي يتحاشى

تبغوا الخلاصة القاسية ؟

صاحبي في يومها كم كان مزعج .. حيل مزعج

مثلما رنين الهاتف الجوال .. وسط هذي الأمسية


 

رد مع اقتباس
قديم 2009-07-31, 03:23 AM   #24


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



مجلس رجال




مجلس رجال

على اليسار مقلّط .. وعلى اليمين صالة

ضيوف جالسين

قهوجي يلم الفناجين

وينطر اخر ضيف منهم يهز فنجاله

ضيف يقبل من بعيد

يقوم صاحب المجلس طلال لستقباله

شخص جالس على اليمين يهمس لجاره :

" هذا احمد اللي جاي بس ماهو لحاله "

" من معه ؟ "

" يبدولي اطفاله "

ويدخل احمد معه ثلاث اطفال

وعند باب الصالة يستقبله طلال

" السلام عليكم "

الكل يوقف

" هلا والله مرحبا عليكم السلام .. حي الله احمد هلا وسهلا .. تفضل .. كيف الحال ؟ "

" هلا طلال ..اعرّفك على عيالي .. ابني صابر عمره ثمان سنين .. لاتستحي سلّم ياصابر

بنتي هالة .. ست سنين .. سلم ياثامر على الجماعة .. وش هذا اللي في يدك ؟؟

اه .. سجايري والولاعة "

عبدالمعين يطالع الساعة .. ويهمس لجاره

" كيف يجيب اطفاله ؟! .. محد منا معه اطفاله .. ليش يجيب اطفاله "

ويجلس احمد ويجلس حوله عياله

طلال يقول :

" ما شاء الله .. ياحليلهم .. الله يحفظهم ويحرسهم ويحميهم

ماشاء الله يا صابر : ايش هالثوب الجديد "

احمد يقول وملىء وجهه ابتسامة

" هذا صابر موهوب في التقليد قوم ياصابر قلّد اصالة

والا تدري وري عمك كيف يركض سامي الجابر "

ينطلق صابر لخارج المجلس .. يرجع معه كورة يشوتها .. تنزل من السقف ثمان لمبات مكسورة

احمد يقول وملىء وجهه ابتسامة

" شاطر ياصابر ... شفت ياطلال شقاوة هالعيال "

طلال يتمتم :

" ياحليلهم .. الله يحفظهم ويحرسهم ويحميهم "

" تعالي ياهالة سمعيهم و وريهم اغنية و رقصة الخيالة

لا تستحي يا بنت مافيه احد غريب هذا عمك طلال وهذا عمك مثيب

وهذا عمك عبدالمعين وهذا ..... لا مؤاخذة انت مين ؟ "

- انا عبدالكريم

" عبدالكريم .. تخيّل يا اخي ماعرفتك لانك يمكن ملتحي .... لاتستحي يابنت لاتستحي ..

تدري طلال " هالة نجحت بامتياز "

صوت مدوي ينفجر

" اه ياثامر ما اشطنك .. كسّرت القزاز "

احمد يقول وملىء وجهه ابتسامة

" شفت ياطلال شقاوة هالعيال "

طلال يتمتم :

" ياحليلهم ..الله يحفظهم ويحرسهم ..... ؟؟؟؟!!!!

" وش كنت اقول ايوا طلال كنت اقول هالة نجحت بامتياز اعطيتها البارح فلوس

وقلت لها ياهالة ايش ما تبغي اشتري "

طلال يقول

" مبروك .. مبروك .. ايش تبغي تصيري لما تكبري "

هالة تتفل على طلال .. وتقول :

" ايش دخل ابوك "

احمد يقول وملىء وجهه ابتسامة

" شفت ياطلال شقاوة هالعيال "

طلال يتمتم :

"ياحليلهم .. الله يحفظهم ..................... ؟؟!!!

" تعال ياثامر .. عد لعمك من واحد الى العشرة "

ثامر يبتدي يعد

" واحد ..اثنين .. ثلاثة .. سبعة "

احمد يقول وملىء وجهه ابتسامة

" دايم يعد .. ولما يوصل اربعة يلخّبط "

يالله ياثامر من جديد

يبدا ثامر من جديد

" واحد .. اثنين .. ثلاثة .. سبعة "

" شاطر يا ثامر شفتوا كيف لخبط "

ينفتح باب المقلّط ويدخل النادل شايل دخون

والصالة في حالة جنون

احمد يصفق .. صابر وثامر يرقصون

طلال يقوم

" العشاء .. تفضلوا ..الله يحيكم "

احمد يقول

" يالله يا اولاد الله يحميكم .. اتعشوا اول .. بعدين سووا اللي تبون "

يركض الاولاد قبل الضيوف .. وللمقلط يدخلون

صابر ياخذ برتقالة .. يرميها على النادل .. تطيح المدخنة والدخون

ثامر هناك .. يكسر بياله .. ويرمي شظاياه على اللي ياكلون

هالة ترمي على طلال صينية ... وتاخذ علبة مياه غازية

تخضها .. تخضها .. تخضها .....

وترقص رقصة الخيالة .. وتفتح العلبة

احمد يقول وملىء وجهه ابتسامة

" ايوه ... هذي رقصة الخيالة "

والضيوف في ثياب من المياه الغازية يرفلون

مجلس رجال

على اليسار مقلط .. وعلى اليمين صالة

كل شي فيها ماهو على حاله

قزاز مكسور .. سجادة محروقة .. غترة مشقوقة

صينية هناك مرمية ...

ضيوف مبللين بمياة غازية

على وجه عبدالمعين جرح قطعي . .ومهلبيّة

نادل مصاب بحروق من الدرجة الاولى .... وجروح سطحية

كورة ... لمبات مكسورة

يضهر احمد من المقلط وملىء وجهه ابتسامة

" اكرمك الله يا طلال..شايف شقاوة هالعيال

اقول طلال .. اشكر ام العيال نورة .. العشاء كان رائع .. ماقصرت مشكورة

عشاكم ياجماعة بعد اسبوع عندي ... لازم تشوفو ولدي الصغير ؟!!

اخر العنقود .. منصور .. عمره ثمان شهور .. شيطاني يعقد ..اظن له معي صورة

شوف يا طلال هالصورة .. لاتغرك نظرته .. ترى والله ذكي مره

ما يضحك ولا يبكي لما يبدا اخوه ثامر يعد "

طلال صامت ما يرد

وترتسم على وجهة احمد علامة استفهام ويتساءل في داخله

" طلال كن وجهه متغير ..اكيد احد من هالضيوف زعله

مسكين طلال .. دايم في حاله مايخلوه .. زين جبت العيال سلوه "

ويخرج احمد من الصالة .. فخور بعياله

تارك وراه مجلس .... كان مجلس رجال

وعلى اليسار بقايا مقلط ... وعلى اليمين شبه صالة


 

رد مع اقتباس
قديم 2009-07-31, 03:25 AM   #25


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



نحس





يوم الاثنين اغتنى .. وصار بين الاغنيا ترتيبه الثالث

يوم الثلاثاء الفجر .. مات في حادث

فريق كورة .. دائما ترتيبه في الدوري الاخير

واذا لعبوا واستبسلوا .. قبل الاخير

وبعد السنين الممحلة .. جاهم رئيس ثروته كثر التراب

عيّن مدير .. عنده من الخبرة كثير

شال الكبار ولعّب شباب

وجاب المدرب اللي له اسمٍ مهاب

واتقدموا .. وصلوا للدور النهائي

ويوم النهائي .. قبل المباراة بدقايق

في البلد حصل انقلاب

مسكين .. شين وفقير

وفي الدراسة حاول انه يستمر .. ومااستطاع

وضعه صعب ..ابوه مات وهو صغير

وماترك له الا الفقر .. وامه واخته .. والهم من فوقه وتحته

ومالقى لجل الهروب من الضياع .. الا انه يدور وظيفة .. أي وظيفة

ولقى من ضيقته مخرج .. وظيفة دخلها معقول .. يمشي الحال لو اعرج

ومرت سنة وسنين ..

والمسكين .. صارت كل آماله زواج

واتزاحمت في داخله الاسئلة ..

منهي اللي بتقبله ؟ .. وليه ؟

وفي يوم مامثله ابد .. شافها .. اجمل من اجمل مارأى

واضحكتله ... مستحيل !! ...اضحكتله

ومشت من اول الحارة .. ولحقها

وادخلت في بيت جاره ..

سأل عنها وعرف ... قنوعة واسمها سارة

تصير اخت لمرة جاره

ارسل لها اخته .. تجس النبض

جت البشاير

راح لمه .. وفرحته كبر السما والارض

وافقت !! .. ابشرك يمه .. لقيتها يمه

سارة اخت حصة مرت منصور ..

ابيها وهي تبيني .. وابغى منك الشور

خلاص يا يمه خلاص .. بقول لهمومي الوداع .. بقول لهمومي الوداع

قالتله امه :

يا ولدي .. بس هذي اختك في الرضاع


 

رد مع اقتباس
قديم 2009-07-31, 03:26 AM   #26


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



نبض الشوارع







ما غـدا للوقـت معنـى .. مابقـى للشعـر دافـع
ملّت الآمي حروفي .. ومل صدري مـن الضلـوع
غصت في أعماق روحي .. خذت نبض من الشوارع
يمكـن ألقـى أي معنـى يوقـد لشعـري الشمـوع
صرت اراقب كل ومضة .. وارخي للهمس المسامع
واحتـري قلـوبٍ تسافـر مـن قساهـا للخشـوع
ألتقيـت الظلـم لـذة فـي البشـر والعـدل ضايـع
وألتقيت مـن المشاعـر كـل صنـف وكـل نـوع
به قلوبٍ ياهـي تشقـى لـو يبـات الحقـد جايـع
وبه قلوبٍ لوهي تقـوى مابقـى فـي الدنيـا جـوع
وبـه عيـون فـي هدبهـا تسكـن الآم ومـواجـع
ومن سـواد اليـأس فيهـا ماقـوت تـذرف دمـوع
به فقـر مُدقـع يبكـي وبـه غنـا فاحـش ورائـع
به بخـل ظاهـر وشامـل بـه كـرم لكـن قنـوع
به بشر ينسـى صلفهـا ان كـل مـن راح راجـع
وبـه بشـر تنطـر اجلهـا ترتجـي ذاك الرجـوع
بـه مسلـي طـول ليلـة كـل مـا مـولاه مانـع
وبـه مصلـي ذاب ليلـه فـي سجـودة والركـوع
به كساد و به فسـاد و بـه طمـوح وبـه مطامـع
بـه بطالـة بـه سفالـة بـه مخـادع ومـخـدوع
به اسى غطى الحناجر به كـدر قضـى المضاجـع
بـه هـروبٍ للتطـرف والا لغـيـاب وهـجـوع
به دجل يملى الحواري بـه كـذوب فـي الجوامـع
طـوّل اللحيـة لسلطـة ماهـو سنـة والا طــوع
به نفـاق وفـاق حـده مالقـى فـي النـاس رادع
بـه صـدق موجـود لكـن مهمـل ومالـه شيـوع
به شعوبٍ ضـاع املهـا تكـره الفعـل المضـارع
تلقى في الماضـي عزاهـا امـا حاضرهـا يلـوع
بـه تعاسـة وانتكـاسـة بــه ظــلامٍ مايمـانـع
يقتل اخـر ضـي فينـا وشمسنـا تنسـى الطلـوع
بـه كاءابـة بـه سحـابـة غيثـهـا دم ومـدامـع
بـه مهانـة واستكانـة بـه مذلـة بـه خـضـوع
بـه ليـالٍ مـا تبالـي لــو تجيـنـا بالفـواجـع
والحـزن فيهـا مثالـي واصـلٍ ماهـو قـطـوع
وش بقى في العمر معنى وش بقـى للشعـر دافـع
وكل ما سالت حروفي ضاقـت بصـدري الضلـوع


 

رد مع اقتباس
قديم 2009-07-31, 03:27 AM   #27


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



يا كاعب !








يا كاعب الطبـع الفريـد
ياللي في صدقـك تكذبـي
يا أقدم الكيد الجديـد كيـد
انسـجـن مـنـه نـبـي
يـا جاريـه تملـك عبيـد
يـا مقيـده تسبـي سبـي
القوه فـي ضعفـك تبيـد
وسلاحك الدمـع اسكبـي
ما يعجزك قاسـي عنيـد
الكهل يصبح بـك صبـي
ينصاد ويظن انـه يصيـد
ويصدقـك هـذا الغـبـي
ويظن انـه الفـذ الوحيـد
مـا يـدري انـك تلعبـي
مسكيـن هالجاهـل بليـد
ظنـك بوصلـه ترغبـي
ان جـاك اقفيتـي بعيـد
وان صـد عنـك تقربـي
وان شفتي اخلاصه يزيـد
فـي حيـرتـك تتقلـبـي
وان بان لك فجـأة سعيـد
مـن هالسعـادة تغضبـي
وان قلتي عنـي لا تحيـد
وطاوعك ....... تستغربي
وان قلتـي فراقـك أريـد
وغـاب عنـك تنـدبـي
ياطالـب الـراي السديـد
يا حايـر بطبـع الظبـي
أقرب من حبـال الوريـد
وابعد من المجـد الأبـي
وأوضح من أنـوارٍ تقيـد
واخفى من النملـة دبـي
الشـك فيهـا والأكـيـد
وغموضهـا بـه تختبـي
شف فعلها يحكـي ويعيـد
الغـدر شيمـة مذهـبـي
زادي النكد بـه استزيـد
والمكر صافـي مشربـي
البعـض ينصانـي مجيـد
والبعض يحبيلـي حبـي
ضعفي قوي وذلي عتيـد
يا ليـت اعـرف مأربـي
شف فعلها برجـلٍ شديـد
تلقـى طلبـك ومطلـبـي
تعطيه بعض اللـي يريـد
وتاخذ جميع اللـي تبـي
أستثني من هـذا القصيـد
كـل النسـاء بكوكـبـي



 

رد مع اقتباس
قديم 2009-07-31, 03:28 AM   #28


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



يا محاكي الصمّ !






يا محاكي الصم .. مجهودك سُدى
مُنصت ٍ للبكـم إنصـات ٍ شديـد
يا مدور فـي الظـلالات الهُـدى
منتظر ابليـس عـن غيـه يحيـد
منتظر تلقى رفيـق ٍ فـي العِـدا
عاري ٍ تبغى الدفى وسط الجليـد
باحث ٍ عن عز ابطى مـا بتـدى
باحث ٍ في هالمتاحف عن جديـد
منتظـر منقـذ يـبـادر بالـنـدا
يهـزم الأعـدا وحقـك يستعيـد
منتظـر منهـو يعينـك بالـفـدا
انتظرت سنين مـا جـا ماتريـد
عالي ٍ صوت العرب أحدث صدى
شجب وإستنكار تنديـد و وعيـد
حطموا هذا العـدو اللـي اعتـدا
بالقمم أو بالخطـب أو بالقصيـد
يـا مـدور عـن مثـال ٍ يقتـدى
لا تدور مسك في وسط الصديـد
انفظ غبـار الأمانـي مـا غـدا
للأماني حظ فـي سـوق العبيـد
كل وقـت لـه نهايـات ومـدى
ما يجي أبطال في الوقـت البليـد
ما ينول المجد من يخشى الـردى
في قريب الوقت والا في البعيـد
كل سيـف ٍ مـا يجـرد للصـدا
كـل مجـد ٍ مـا يجـدد مايفيـد
الخبـر يصبـح خبـر بالمبـتـدا
والمعالـي دانيـه للـي يـريـد
وكل يوم يحـاك ثـوب ويرتـدى
وكـل يـوم يكفّـن ويقبـر فقيـد
وكل مافي الكـون زايـل ماعـدا
وجه ربك مالك الملـك المجيـد
يا محاكي الصم صرخاتك سُـدى
لا تـأذن وسـط أوثـان الحديـد


 

رد مع اقتباس
قديم 2009-07-31, 03:28 AM   #29


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



يوميّات مواطن عربي




السبت ...

ديون ... وأمراض .. وكبت

الأحد ..

منذ اللحظه الأولى ..

وإلى الأبد ..

ينادي .. ولا يسمعه أحد ..

الأثنين ..

القافلة تسير .. لكن الى أين ؟؟

لا جوابٌ يصدح .. ولا كلابٌ تنبح ..

الثلاثاء ..

أصبح ثرياَ .. وازداد عدد الأثرياء

مات خمسة وأربعون مريضا ..

من ندرة الدواء ..

الأربعاء ..

إحتفال .. صاخب .. فاخر .. معطاء

شعر .. وفكر .. وولائم ..

وخطابات وثناءات ..

وجمع من الأدباء ..

هو احتفال مكلف .. ولا يكاد ينتهي ..

لكن ما يأتي به .. من سمعة ..

جدير بالعناء ..

قرية صغيرة هناك ..أهُلكت من وطأة الوباء ..

الخميس ..

كل شيء سعره الى ارتفاع ..

إلا المواطن التعيس ..

قاتل الله .. ابليس

الجمعة ..

إجازة من مجتمع طيب السمعة ..

حكمة السبت

قل لكل من تخشى ... أصبت

حكمة الاحد

اذا طرقت الباب .. وقيل من ؟؟

قل : لا أحد

حكمة الأثنين

انظر بلا عينين .. واسمع بلا اذنين ..

وانطق بلا لسان .. ولا شفتين ..

حكمة الثلاثاء

الثروة تاج على رؤوس الأثرياء ..

لا يراها إلا المرضى والفقراء ..

حكمة الأربعاء

اللهم قني خير الأصدقاء ..

حكمة الخميس

يقول الله سبحانه ..

وأخذنا الذين ظلموا بعذابٍ بئيس

حكمة الجمعة

إلعن الظلام .. لن يجدي أن تشعل شمعة


 

رد مع اقتباس
قديم 2009-07-31, 03:30 AM   #30


الصورة الرمزية دفا قلبي
دفا قلبي غير متواجد حالياً

بيانات اضافيه [ + ]
 رقم العضوية : 136
 تاريخ التسجيل :  Mar 2009
 أخر زيارة : 2013-01-03 (03:34 AM)
 المشاركات : 3,760 [ + ]
 التقييم :  566
 SMS ~
عندما ادركت ان قلبي هو اغلى مااملك
اقسمت على ان لااعطيه الا من يجعله اغلى مايملك
لوني المفضل : Orchid
افتراضي رد: ديوان الشاعر الأمير... عبد الرحمن بن مساعد..



اسألوا دمي




اسألوا دمي ..وسعادتي وهمي

اسألوا التوفيق..

والكدر والضيق

اسألوا الطيب في صفاتي..

والدعاء اللي في صلاتي

واسألوا شهودي..

الدموع اللي في سجودي

اسألوهم..واسألوا دمي ..

عن غلا أمي


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
مساعد.., الأمير..., الرحمن, الشاعر, ديوان


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الشاعر: حامد زيد صمت المشاعر لشاعر ملتقى شعراء رهين الشوق 72 2010-04-19 01:04 PM
أخطيت !!!!!!!!! للشاعر المبدع الأمير /عبد الرحمن بن مساعد ~همسة~حب~ ملتقى شعراء رهين الشوق 4 2010-02-06 12:52 AM
ديوان الشاعر بند بن سرور صمت المشاعر لشاعر ملتقى شعراء رهين الشوق 41 2010-01-22 11:33 PM
تعبت أنزف جراحي ..عبد الرحمن بن مساعد ~همسة~حب~ ملتقى شعراء رهين الشوق 3 2010-01-19 07:06 PM
ديوان الشاعر سعد علوش صمت المشاعر لشاعر ملتقى شعراء رهين الشوق 13 2009-08-17 06:03 PM


الساعة الآن 02:05 PM

أقسام المنتدى

{.. المُنْتَديـآتْ العآمـہْ .. @ ~//.. مساحه بلا قيود @ ~//.. نور القلوب @ ~//.. مواضيعنا المتميزه @ ~//.. أحداث 24 ساعة @ {.. مُنْتَديـآتْ الترحيب والتهْـآنـي.. @ oO الريسبشن @ oO التهاني والتبريكات @ {.. حواء & آدم وعالمهما الخاص .. @ ~//.. ملتقى الاسره والطفل @ ~//.. حواء والاناقه GiRLs ♡ CoRnEr @ ~//.. مطبخ رهين الشوق @ ~//.. ملتقى الأثاث و الديكور @ {.. المُنْتَديـآتْ الأدبِيـہْ .. @ ملتقى شعراء رهين الشوق @ بوح الخواطر ونبض الإحساس @ همس المشاعر @ ملتقى القصص والروايات @ {.. الريـآضـہْ والشَبَـآبْ .. @ صدى الملآعب .. @ عالم السياراتـ والدراجاتـ الناريهـ @ {.. رحلہْ لصفآء آلذهن وِآلرِوِح .. @ ~//.. استراحة رهين @ ~//.. الالعاب والمسابقات @ {.. رهين للتقنية والتكنولوجيا .. @ ▌▌ الجرافيكس والتصميم G . я . a . p . h . i . x ₪•< @ •₪ ملتقى الايفون - iPhone - اي باد - جالكسي Samsung Galaxy₪• @ ~//.. youtube - يوتيوب 2016 @ ~//.. الألبوم @ {.. المُنْتَديـآتْ الإدارٍيـہْ .. @ ๑° للإقـتـراحـات والطلبات وتغيير المعرفات ๑° @ ||خاص بالمشرفين @ || خيانة أقلام @ ~//.. ملتقى الكمبيوتر والبرامج @ ~//.. عيادات الشوق - الطب والصحه @ ~//.. النقاش والحوار العام @ ~//.. м . ş . ή @ ღ♥عالـــ آدم ــــــــــم♥ღ @ ~//.. ملتقى الرسائل MMS ♥ SMS @ ~//.. احلى انمي @ ~//.. كرسي الاعتراف @ ~//.. يوميات عضو/هـ @ همسات أهل الشوق @ ๑° الـخـيـمـه ۩ الـرمـضـانـيـه ๑° @ صوتيآت ومرئيآت إسلاميه @ أندمآج آلآروآح @ ~//.. خاص بالرسول الكريم وأصحابه الكرام @ ~//.. حول العالم @ ▌▌ خلفيات بلاك بيري 2016 , رمزيات و برامج بلاك بيري BlackBerry @ ~//.. مسابقاتنا وفعالياتنا @ طور ذاتك @ {.. مُلتقى الأحبة للأسهم السعودية.. @ ~|.. المتابعة اليومية @ ~|.. سلوك الأسهم @ ~|.. التحليل الفني @ أرشيف المتابعة اليومية @ خاص للمحللين @ ~//..مدونة معلمات المتوسطة الخامسة @ ~//.. شاشة الأفلام والسينمآ @ ~//.. تعليم اللغة الإنجليزية English Course @ ~//.. وظائف - وظائف حكوميه - وظائف مدنيه - حافز @



Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق