منتديات رهين الشوق - عرض مشاركة واحدة - قصائد الشاعر عبد الله علوش اخو الشاعر سعد في حلقه من برنامج بيت القصيد جمعتهم بروتانا

2010-06-23, 01:14 AM

في حدث استثنائي جمعت شاشة روتانا الشعراء الأشقاء عبدالله و سعد بن علوش في سهرة شعرية عائلية

تستضيفهما الإعلامية أميرة الفضل من خلال برنامج بيت القصيد ..

في هذا الموضوع .. نعرض الامسيه للشاعر عبدالله علوش .. آمل ان تنال رضاكم ..

الشاعر عبدالله بن علوش

خبر شين

يالله عسى ماجاك مني خبر شين
ياشيخ ياشاعر يافارس يارجال

ميزاتك الاربع كفيله بثنتين
بعد النظر والثانيه وسعة البال

وان عذربوني عندك المستفيدين
فانا غني قبل اعرفك ولازال

بخير واخذ واعطي المستحقين
لني اعبد الله مانيب اعبد المال

زعلان لني ما مدحتك ببيتين
والا علشاني مدحت ابو الافعال

المدح للي يقشع الفقر والدين
المدح للي يهوم هومات الابطال

المدح للي يلتفت للمساكين
المدح للي كل وقفاته ثقال

وانا حسب ما شفت لاشين لازين
عادي ولا يسند على العادي جزال

المدح ماياتيك بالهون واللين
ياوردة ماتنبت الا على الجال

ماقول لي شي بليا براهين
حتى اللي بيكذب يبي شي ينقال

قبلك سعى للمدح راعي ملايين
وحاول وخليته يحاول ولا احتال

شرحت مافي خاطري لك وذالحين
جعلك غني ولاهنت في كل الاحوال

صاحبت غيـره ..

قصيده تمنى الشاعر سعد علوش انها له ..

يقول طاوعني ولا تجيب سيره ..
أبنصحك يا عل في الأمر خيره

طّوف علشان أتتعدل أمورك ..
وجامل خصوصاً فالأمور الكبيره

سولف مع هذا وهذا وهذا ..
حتى اللي ما يفهم بشيء أستشيره

رفّع لخلق الله وضبط معاهم ..
الدنيا حرب أختار دورك وصيره

أما تكون سلاح والناس هذي ..
ذخيرتك والا تكون الذخيره

ونافق أشفيها يعني لما تنافق؟ ..
لا بأول ذنوبك ولاهي الأخيره

وأكذب يا عمي اصلاً الكذب متعه ..
يكفيك من شره ويعطيك خيره

وإذا بلاك الله بقول الصراحه ..
قول الصراحة في الأمور الصغيره

أذيتنا بالصح والحق والصدق ..
الصدق ما ودى هل الصدق ديره

خلص كلامه صاحبي وأنا ساكت ..
ومن عقب ذاك اليوم .. صاحبت غيره
من انتم لولا البسطاء

من انتم لولا البسطاء ؟

الحرب ضحاياها البسطاء

والجوع ضحاياه البسطاء

والحب ضحاياه البسطاء

والتاج ضحاياه البسطاء

من انتم لولا البسطاء؟

كان رسول الله بسيطا

وزعيما فوق الزعماء

من انتم لولا البسطاء ؟

من حارب ضد الشيطان ؟

او من حارب للشيطان ؟

وكلا الطرفين البسطاء

نحن الشعراء الادباء

نحن العلماء العضماء

نحن الاصوات الرنانه

بالحب ونحن الاصداء

من انتم لولا البسطاء؟

نحن الارض ونحن الحرث

ونحن الزرع ونحن الماء

من انتم لولا البسطاء؟

حفنة اسماء جوفاء

اعباء تنجب اعباء

اشياء تخلف اشياء

وغباء في ظل غباء

نحن التاريخ فمن انتم ؟

نحن الناس

ياازياء

فاحترمونا ياعباد المال

واشباه النبلاء

من انتم لولا البسطاء
سمح المحيــا

أهلين يا سمح المحيا وسهلين
ياراس مال اللي يبيك ورصيده

أشتاق لك شوق الشقى للملايين
اللي حياته كلها عالحديدة

وجه لا شفته قلت للهم بعدين
يروح هم القلب ويعود عيده

يميزه عن باقي الناس ثنتين
لا هيب من عنده ولاهيب فيده

معطيه رب الصايمين المصلين
اللي جعلنا كلبونا عبيده

عطاه عين ماخلق مثلها عين
والخد بلحاله يبي له قصيدة

الجادل اللي ماتبع موضه ألفين
ولا لقينا صورته في الجريدة

وجه إليــا شفته تذكرت شيين
الحظ الأوفر و الحياة السعيده
حاجات ممنوعه

اللي يقول الحـب موجـود كـذاب ..
حاجات ممنوعـه يسمونهـا حـب

واللي يقول اسهرني العشق نصاب ..
ويعرف نصابـه معلمتـه النصـب

ماشافت عيوني مواليف واحبـاب ..
والعشق لا خطـى بقلبـي ولا دب

اكتب غزل كـذا علشـان لعجـاب ..
ماهو علشان الهوى كل مـا هـب

لا هب نسناس الهوى خافقي ذاب ..
ولا خلص النسناس وشلون بشتب

اوهـام شعـار وتخاريـف كتـاب ..
والجيل ذا مو جاو الهـوى خـرب

نهيت قلبي من طبوعـه ولا تـاب ..
قد قلت له خل الصراحه على جنب

لن الصراحه دايما تفتـح ابـواب ..
صار الكلام الواقعي يشبـه السـب

اللي يبي يزعل بيلقى لـه اسبـاب ..
لو ان مالي ذنب بيحط لـي ذنـب

حنا بزمن فيه العلاقـات بحسـاب ..
للخافيـه ريبـه وللواضـحـه رب

حب اهلك حب وطنك حب الاصحاب ..
ذولا لقـت تحبهـم فعـلا تحـب
تشوف رقمي وكن منت بتشوفه؟!!

مفتوح ومسكر مسكر ومفتوح
تشوف رقمي وكن منت بتشوفه

شبعان وشايف خير وماني بمشفوح
واللي يبي شوفي فانا حب شوفه

بتروح قل باروح وبقولك روح
وما على وجه المقفي حسوفه

والا احساسي قدلـه سنين مجروح
من ســــيدة كل الزيان العزوفه

اللي لها كل الغلا قاع وسفوح
عند اسمها كل اسمـ(ن) امره اطوفه

(صدقي لها) ولغيرها لعب ومزوح
والقلب كل اللي يجونه ضيوفه

ضيف(ن) الامــنه راح تبرا له الروح
وضيف(ن) الامنـه راح جعله ذلوفه

ولا انت ياراعي مسكر ومفتوح
ماريت الكذاب كثرة حلوفــه

,,,,,,,,,,,,,,,,,,,,,,,,,,,,,,,,,,,,,,,

أطلـب اللي شـرّع أبـوابه مهي منـغلقة ,,
في وجيه عباده اللي يرتجون أفضاله

و لا تـوقـف في وجيـه العـالم المنـطلقة ,,
من وقـف في وجيهها ما يسرّك حاله

وش تسوي يالشجـاع و ناطحينك شلقة ,,
كـم شـجـاعٍ تـرّبـوها له و هو بلحـاله

الحـقيـقـة دايـمـاً تـاتي مـع آخـر حـلـقـة ,,
قـد بعضنـا راس مـاله غترته و عقاله

فـيـه رجـلٍ من صلاة الصبـح مثل الطلقة ,,
مـجتـهد و لا يـحصل غيـر مالله قـاله

و فيه رجـلٍ حظه العـاثر نشب في حلقه ,,
و فيـه رجـلٍ ما تـعب و الله مـزيّنها له

إنـمـا الأرزاق عـند الله و يـعطي خـلـقـه ,,
لا هي بـالقوة و لا هي بحيلة الحيّالة

لا تـدوّر عـذر واهي للـخـطـا و تـخـتـلقـه ,,
ذنب ربي في البنادم كثرة استعجاله

و لا تحوش الرزق من عوج الدروب الزلقة ,,
و لا تـسوي ما تسوي العالم البطّالة

و اقـتـرح على السنـافي ما يضيّق خلقه ..
دام ربـي كـافـلٍ رزقه و رزق عيـالـه
كثر المواصــــل ..

كثر المواصل في الهوى ماهو بزين

ودك بخلك بين مده ومده

لان ابن آدم ماترك طبعه الشين

لاحب له شي وشبع منه هده ..

لكن لا منه جاك من حين لي حين

قدرت جياته وقدرت صده

فـ ان قلت ابيك وقال ماهوب ذلحين

لاتبلشه يمكن ظروفه تحده

اصبر عليه ايام وشهور وسنين

ان كانه يودك وكانك توده

وخلك لمنه اعطاك ماتطلبه دين

ماجاك منه اخذه ومارد رده

ولاتسوي مثل ناس ٍ مساكين

اصلك وفصلك فـ الهوى لاتعده

الحب ماخلـى قبيله ولادين

نكس حكومات ٍ وفرق اشده

جوه عقال وراحو مجانين

وكم واحد ٍ خاضه ولاهو بقده

يقوله اللي جاحدٍ علّته لين

سم الهوى حاله وبيّح بسدّه

هذا كلامي وانت بتشوف بعدين

والله ان تميز بين مزحه وجده