ملينا من النحف ملينا من التضويق




ملينا من الـ S نبي M نبي L





الحمدلله مافيه شي مستحيل إن أراد الله





بنات يلا نشد العزم و نقوي الإراده





صحبه طيبه راح تجمعنا






نتبادل فيها الأراء الإقتراحات والفضفضه وكلها بخصوص النحف






نــــشـــجـّـــع بـــــعــــض




نــــحـــمـّــس بـــــعــــض




نــنــــافـــــس بـــــعــــض






يضمنا نادي ممتع مشوق






فريقنا واحد





فريق lollipop group




شروط تسجيل الدخول في النادي :


1 ،، يكون عندك قوة إراده كبيره
2 ،، تحطين هدفك قدام عينك
وتسعين ورا تحقيقه مو بس فرحانه تتكلمين ... لا ... طبقي ... جربي ... حاولي ...





مستلزمات النادي :


1 ،، تعطيني الوزن الحالي ، الوزن المطلوب ، الطول
2 ،، تدخلين كل اسبوعين من تاريخ اشتراكك في النادي وتخبرينا عن وزنك وتغيرين شريط وزنك هذا إذا زدتي







علشان نسمن ... هذي نصايـحي :


1 ،، لازم أي شي تآكلينه مو تتشرطين



2 ،، لازم تآكلين أكثر من 3 وجبات باليوم



3 ،، الحلى يوميا سواءا حلى قهوه ، كيك ، تشوكيلت ، آيس كريم ، عسل



4 ،، لايروح يومك بدون معجنات مع الشاي تراها تتفخ



5 ،، تسلّي بشيبس تحبيه وعصير أو سفن آب أو بيره نكهات أو كولا ما أنصح بالبيبسي ومشروبات الطاقه



6 ،، تنقرشي بمكسرات متى مابغيتي



7 ،، شـهّـي نفسك انتي بالأكل ، تـــلــذذي فيه ، اعــشــقـي الوجبه اللي تآكلينه وبإذن الله ماراح توقفين منها إلا إذا خلاص ماعاد فيك تتنفسين ...







عدة نـــــظـــام النادي الضروريه :



1 ،، خلطة المكسرات وهي عباره عن


[ علبة حلاوه طحينيه بالمكسرات مفتته ، كوب حلبه مطحونه ، كوب ماش مطحون ، كوب فستق مطحون ، كوب لوز مطحون ، كوب كاجو مطحون ، ملعقتين كبار خميره فوريه ، نص كوب سكر ] .. [ تخلطينهم كلهم مع بعض وتحفظينهم ببرطمانات زجاج و بالثلاجه ] .. [ تآخذين منها ملعقه كبيره مع كوب حليب كامل الدسم و ملعقة كاكاو مرتين باليوم ]


2 ،، حبوب فيتامينات سترس تاب توخذ ثلاث مرات بعد كل وجبه .... مفيده جداً و (( تفتح الشهيه )) كثير يمدحونه لفتح الشهيه أنا أعرف وحده قريبه لي ماشاء الله تبارك الله زادت حيل والسبب هالحبوب و فيها فيتامينات كثييييييره تعوضنا عن الفواكه والخضار ، بـ14 ريال




نـــــظـــام النادي :
1 ،، أول ماتصحين من النوم تشربين لك كاس مويه << جداً مفيده هالحركه
2 ،، تفطرين اللي نفسك فيه ( مانتشرط ) مع كوب حليب كامل الدسم مضاف له خلطة المكسرات ثم حبة سترس تاب


3 ،، تغدي اللي نفسك فيه بس كثري ونوعي مع كاس لبن ثم حبة سترس تاب
4 ،، تسوين قهوه وشاي أو اللي نفسك فيه مع حلى و معجنات وتمتعي
5 ،، تعشي اللي نفسك فيه بس كثري ونوعي ثم حبة سترس تاب
6 ،، عندك من بعد العَشاء بفتره ليييييين حزة نومك كلي اللي تشتهينه كيك ، آيس كريم ، شبيس ، تشوكليت ، مكسرات ، اندومي ، رز ، بطاطس ، شوربه << برااااااحتك بس كلي كلي كلي لا توقفين ،، ولاتنسين تشربين كوب حليب كامل الدسم مضاف له خلطة المكسرات








شفتوا كيف النظام سهل ومو معقد




صحيح كله أكل بس مايخالف من بغى الدح ماقال أح




يلا همتكم يابنات قبل العييييييد




تراها فرصه ذهبيه