رد: رواية اخاف احبه ويتركني واخاف ابعد واتعذب كامله
غمضت عيوني احاول انام بس جاني شعور غريب قمت واخذت دفتري اللي ع طول اكتب فيه
جلست ع المكتب وبديت اخط خرابيش عشان اطلع اللي بقلبي
ماذا بعد؟
عشقتك وانتهى ؟
ماذا بعد الحنين في كل ثانيه
الالم لفقدك في كل دقيقه
ماذا بعد البكاء لمجرد رؤيتك
لمجرد كلمة تتمتم بها على مسامعي
ماذا بعد العشق إلى مابعد الجنون
إلى الهذيان باسمك حتى في احلامي
ماذا بعد النظر إلى السماء ورؤية وجهك مرسوما في غيومها
ماذا بعد اختباء ابتسامتي في ثنايا شفتيك
ماذا بعد
نعم انه لا شيء بعد ذالك
نعم هو ذلك الحب الذي غزا قلبي في لحظة
نعم اقولها وبكل جوارحي
أنا احبـبـــــــــتك.
Noona
قفلت الدفتر ورحت ع سريري تغطيت ونمت
ماقدر يرجع ع البيت راح بسيارته وهو يفكر بحالة اخوه وقف بعد مده ونزل من سيارته ويشوف خيوط الفجر بدت تظهر والشمس شوي وتطلع ولع سجارته ويدخن وهو حاس بضيق
جواد: ياليت منعته أنا كنت اقدر امنعه يقرب من هالبنت اللي سوت فيه كل هذا .. بس والله ي جاد اوعدك راح اخليها تتمنى الموت مليون مره .. تذكر كلمة اخوه قبل يصير عليه الحادث (جاد: اهانتني ي خوي اهانتني) رمى السجاره وطلع غيرها وشغلها
جواد: الححححقيره كله بسببها كله منههههها
ركب سيارته بسرعه وطلع ع الشركه
جواد: اليوم السبت وراح تداوم هالحقيره .. لازم اكون بالشركه
كان طالع برا الرياض ويوم رجع اخذ ساعتين مع الزحمه وصل وطلع ع مكتبه بعد مانادى ع مدير شؤون الموظفين
طق طق طق
جواد من خلف مكتبه: ادخخخخل
دخل وقف قدامه
هادي: صباح الخير طال عمرك
جواد: هلا .. واشر له يجلس
جلس هادي: امر وش بغيتني فيه
جواد: ابي ملف جوانه محمد وابعرف ع اي اساس توظفت هنا
هادي خاف ان جواد يعرف بموضوع جوانه وجالس يختبره خاف يطرده
هادي بارتباك: طال عمرك أنا من يومين شكيت بوضعها عمرها صغير وعندها شهادات خبره طويله
جواد ينتبه لكلامه: ايه ؟؟
هادي: اممم طلعت شهاداتها مزوره
جواد بعصبيه: شنننننننننننننننننو وانت وينكككك ما انتبهت من اول
هادي: أنا مالي شغل الاستاذ جاد هو اللي اصر اوظفها بدون اسأل اي شيء
جواد: طيب تقدر تتفضل .. وارسل لي ملفها الحين
طلع هادي ..
جواد وهو يرجع ظهره ع الكرسي وكان ماسك قلمه ويلعب فيه بين يدينه: والله طحتي ي جوانه ومحد سما عليك .. هه السجن ينتظرك
نزلت وسوت لها كوفي اصلا مو قادره تنام فتحت التلفزيون تقلب بالقنوات ومافي شيء عاجبها قفلته و اخذت الجريده بطفش وتقلب ومن شافت الخبر وقفت بسرعه و طيحت كوبها بدون ماتحس وهي تصرخ: لا ججججججججاد
ونزلت دموعها .. انتبهت لنفسها وخافت اهلها يشوفؤنها واخذت الجريده وطلعت غرفتها وتتأكد من الخبر
ريم ودموعها ع خدها: لا لاتموت جاد أنا لسى احبك مابي منك شيء بس خلك عايش لاتموت
وحضنت مخدتها وظلت تبكي لين نامت بدون ماتحس
صحيت ولبست وبداوم عشان اخذ ملفي واقدم استقالتي طلعت بدري عشان قبل بابا يصحى هو اجازه طبعا عشان سبت مافي غيري مداومه.
وصلت مكتبي وجلست اشوف الاوراق اللي كانت ع الطاوله من يوم الخميس أنا مادققتها بعطيه واخبره اخذتها معي دقيت الباب ودخلت بعد قال تفضل
كان ع الكرسي ومعطيني ظهره هه اكيد مو قادر يناظرني
جوانه: احمم استاذ جاد أنا بقدم استقالتي.يعني لان خلاص ماعاد لي مصلحه اظل هنا اكثر .. اخذت اللي ابيه ويكفي واتمنى انك اخذت درس من اللي صار والدرس الاكبر لك انك تحترم مشاعر غيرك ترا الناس مو لعبه ف يدك .. احنا بشر لنا احاسيسنا ومشاعرنا ومافي اي شخص له الحق يلعب فيها اتمنى تفهم هالشي وتترك هالاشياء اللي تسويها
طق طق طق طق نفس التصفيق الهادي حق جواد لف الكرسي لي وانا انصدمممت انه هو مو جاد كان يبتسم ابتسامه جانبيه بخبث : محاضره رائعه عن الاخلاق
أنا تجمدت بمكاني وهو وقف وقرب مني مسك يدي بقوه ونظراته كانت حاده لي كأنه وده يقتلني قلت وانا احاول ابتعد عنه
جوانه: انت شفيكككك جنيت اتركني
جواد: هه لسى بدري تو مابدينا
ورماني ع الارض بقوه ونزل جسمه رجل ع الارض وثانيها والرجل الثانيه ثانيها ع فوق
جواد: انتي ع بالك بتسوي اللي سويتيه بجاد ومحد بيسويلك شيء ؟ هه لا تو ابتدا عذابك
وقف وراح ع مكتبه وانا احاول اجلس بس يدي تعورني اخذ ملف ورماه ع وجهي
جواد بابتسامه جانبيه: اي سجن حابه تدخلي ع التزوير اللي سويتيه
هنا أنا حسيت وقف الدم اللي بعروقي وتخيلت هالشي حقيقه تخيلت ادخل السجن وابوي وامي وين يودون وجههم من الناس هذا إذا ماصار شيء لابوي هو فيه الضغط بدون ما احس بكيت وقمت اترجاه
جوانه: ?? الله يخليك والله ابوي راح يموت الله يخليك لا سوي فيني اللي تبي بس تكفى لا تسجني الله يخليك
ناظرني باحتقار: وش اسوي بوحده وسخه مثلك .. اسف مالك الا السجن
يارب وش اسوي قلت له بتهور وياليت ماقلتها
جوانه: إذا سجنتني مابتسفيد شيء ولا راح يصير لي شيء بنام واصحى واسولف وانبسط واطلع بعد مده
ناظر فيني: هه تعلميني بعد .. اوك شرايك تكوني خدامتي تحت رجولي غير كذا ع السجن وارتاح
فكرت ف اهلي وهالحقير قدر يهيني بكيت وقلت له بانكسار
جوانه: موافقه
خالد يكلم زوجته اللي مو راضيه تبتعد عن باب العنايه
خالد: خلاص ي ام جواد لازم ترجعي البيت ترتاحي
سميره: وشلون اترك ولدي
خالد نزلت دمعه منه ع وجهه اللي بدت فيه علامات الكبر مسحها: ولدنا ربي بيحفظه ان شاءالله امشي نرجع ترتاحي شوي وتغيري ملابسك وتاكلي لك لقمه وارجعك
سميره تناظره بحزن: تتوقع يطلع منها
خالد: ادعي ربك اللي مايخيب ظن عبده فيه .. وانا متأكد انه راح يشفى
مسكها من كتوفها يحاول يؤقفها: قومي قومي وادعي له ادعي له كثير
سميره مو قادره حتى ترد وقفت وراحت معه ع البيت
بعد اللي قاله لي طردني وقال مايبي يشوف وجهي رحت مكتبي اخذت شنطتي وطلعت كانت الساعه 10 ماحبيت ارجع البيت احس اني مكسوره ودي افضفض لاي احد بس اخاف يلموني لاني أنا اللي بديت هاللعبه بنفسي قلت للتكسي يوديني بيت منار مالي غيرها دخلت غرفتها لقيتها نايمه جيت جنبها وصحيتها
منار تناظرني بعين وعين مقفله: جوج شفيكككك بسم الله عليك .. جلست وحضنتني وانا ماصدقت ع طول بكككيت مو قادره اسكت جواد هذا اهاني جرحنني حطم غروري كسر كل شيء بداخلي
منارابتعدت عني وهي تمسح دموعي: شفيك خبريني
جوانه: أنا بمشكله كبيره مو قادره استوعب اللي صاير تخيلي جاد طلب مني الزواج وانا رفضته وخبرته عن ريم وهو توعد اني راح اندم بس طلع اخوه يمكن خبره وخلاني انننننندمممم جد ع الساعه اللي عرفت فيها درب الشركه .. كنت اتكلم وابكي
منار: طيب اهدي الحين .. صبت لي مويا .. اشربي واهدي وبعدين علميني السالفه بالتفصيل
هديت شوي وخربتها
منار مصدومه: وش راح تسوين
جوانه: ما اعرف
منار: م اعرف وش اقلك بس لا تتسرعي بشي أنا بشوف لك حل
وقفت
منار: وين
جوانه: بروح ابي انام احس تعبانه
منار: طيب ي روحي ولا تفكري راح تنحل ان شاءالله
طلعت من عندها ورحت ع البيت
الحمدلله ماكان فيه احد تحت طلعت ع غرفتي بسرعه انسدحت ع سريري وعورتني يدي
جوانه: يارب مايسوي لي شيء يارب تحميني منه
اخذت لي بندول وحاولت انام عشان انسى
اما من جهة جواد اللي الحقد ملا قلبه ومايفكر غير كيف ياخذ حق اخوه منها اخذ اوراقها معه وطلع من الشركه بيروح يتطمن ع اخوه رمى الملف ع المقعد اللي جنبه لحد ماطلعت شوي الاوراق منه شاف صوره طلعها وكانت صورة جوانه عشان الوظيفه لازم صوره طبعا بلثمتها ناظر فيها وقطعها كم قطعه ورماها من الشباك وهو مشمئز منها .. و حرك سيارته ع المستشفى اخذ ساعه الا ربع بالطريق وصل ع المشفى وتوجه ع غرفة العنايه المركزه
حاول بالدكتور لين رضى يدخله
دخل بعد ما اعطته الممرضه اللبس الخاص شاف اخوه كيف متسطح ع السرير وكأنه ميت والاجهزه عليه
قرب منه مسح ع شعره: جاد ترا أنا متأكد راح تصحى بسرعه انت قوي .. يلا قوم لاتخوفنا عليك .. صدقني ي جاد اللي كان السبب ف هالشي اللي صار لك راح اخذ لك حقك منه بس انت قوم
غمض عيونه بالم وهو يشوف حالة اخوه وماقدر يطول عنده طلع وفسخ اللبس الاخضر ونزل ع السياره اخذ الملف وطلع جواله وسجل رقمها واتصل
جوانه: الو
جواد: معك جواد الهامي
حسيت بقلبي يرجف: هلا
جواد: الليله تكوني ف بيتي
بققت عيوني ع كبرها: شلللللللللللون مستحححححيل
جواد: أنا بكلم ابوك اني ابيك خدامتي
نزلت دموعي: لا الله يخليك ابوي بيموت
جواد: اجل شوفي لك حل .. ابيك الحين تكوني قدام بيتنا مابي ارجع الا انتي قدامي
جوانه: حاضر
قفلت منه حسبي الله عليه .. وش اسوي الحين رحت لبست عباتي واستأذنت من امي اني بروح عند منار وطلعت بعد نص ساعه وصلت بيتهم تذكرت اول مره دخلت فيه نزلت عند البوابه اللي برا وجا الحارس
: مين تبغين
جوانه: الاستاذ جواد طلبني كلمه وخبره
: ايش اسمك
جوانه: قله جوانه
راح الحارس يتصل عليه
: طال عمرك في بنت واقفه عند البوابه تقول اسمها جوانه وتبيك
جواد: ايه هذي الخدامه خلها برا لاتدخلها حتى الحديقه لين اجي
:حاضر طال عمرك
ناظر ساعته كانت 11ونص شاف الشمس قويه
ابتسم : يمدحون الشمس ي جوانه هه
خبرني الحارس انتظره هنا كانت الشمس حاره ومافي مكان اجلس فيه تعبت من الوقفه ناظرت ساعتي 12 اف صار لي نص ساعه هنا جلست ع الارض والحر بيذبحني فتحت لثمتي اصلا مافي احد واهوي نفسي بيديني بس مافي فايده هالايام حيل حر غير الغبار اللي كنت اشوفه خفيف وعباتي ووجهي صار كله تراب اففففف وينه هذا انتظرت وانتظرت وانتظرررررت شفت الساعه 1ونص رحت للحارس: لو سمحت ممكن تكلمه إذا مابيجي بروح
دق عليه مدري وش قال له قفل وكلمني
: يقول لا تروحي لين يجي
رجعت انتظر وعطشت وجعت حتى ياربي وش ذا لحد متى بجلس ف هالحر اكيد بموت او يجيني شيء من الشمس هذا وقته يتأخخر ياربي الجو موت هفففف اخيرا شفت سياره جايه ناظرت ساعتي شفتها 2
وقفت وجت السياره وقف عند الباب
نزل الشباك وناداني
جواد : هيه انتي
رحت له رمى علي فلوس .. وقتها احتقرته وكرهت نفسي أنا لوين وصلت حالي
ناظر فيني وانا كنت مصدومه
جواد: اوه هذي انتي حسبتك شحاده معليش
بس بس كافي تجريححح الله يخليك كافي كل هالذل بس عشان رفضت اخوه وش هالناس اللي ماعندها رحمه
جواد: تقدرين تروحين مو فاضي لك الحين وقفل شباكه ودخل بيتهم وتقفلت البوابه الكبيره وانا باقي اناظره ومصدومه منه لي فوق الثلاث ساعات انتظره بالحر واخر شيء مايبيني نزلت دموعي غصب عني مسحتها بهدوء و اخذت شنطتي ومشيت وقفت نص ساعه عشان احصل تكسي الحي راقي والكل معه سيارات بدال السياره والتكاسي ماتجي كثير هنا وصلت البيت ورحت من الباب الخلفي مابي احد يشوفني كذا عباتي كلها تراب ووجهي الباب كان ع المطبخ .. دخلت الحمدلله مافي احد سفطت عباتي وغسلت وجهي ورتبت شكلي وطلعت من المطبخ شفتهم يتغدون
امي تناديني : جيتي بوقتك تعالي تغدي
كنت ميته جوع: حاضر اغير ملابسي وانزل
طلعت بسرعه ورميت شنطتي واخذت لي شور سريع وكنت بنزل بس سمعت جوالي شفت ريم تتصل
جوانه: ي هلا
ريم بصوت مو واضح من البكا: شلون حالته الحين
جوانه: مين
ريم: جاد
قلت باستغراب: ليه وش فيه
ريم : ماتعرفي انه صار عليه حادث ويمكن مات
فتحت فمي من الصدمه: مممممممن جدككككك
ريم: شفت الخبر بالجريده
ماعاد استوعبت شيء غير اني فهمت تصرفات جواد لان اخوه مات او بيموت بسببي قفلت منها بسرعه ونزلت اخذت الجريده وقريت الخبر وشفت السياره كيف معدومه .. يارب ما اكون السبب يارب مو بسببي سمعت دانه تناديني .. نسيت حتى الغدا وانسدت نفسي بعد اللي سمعته بس جواد شلون عرف ان أنا السبب ليش يحاسبني هذا قضاء وقدر .. بس اكيد أنا السبب لان لو ماقلت له كذا كان ما عصب وسوا هالحادث اف اف اففففف عقلي بينفجررر من التفكير
دانه: ساعه اناديك
ناظرتها: صارت اشياء كثيره لازم احكيها لك
دانه تجلس جنبي: قولي
جوانه: لا امشي نطلع فوق نتكلم
دانه: طيب
طلعت ع غرفتي وخبرتها كل شيء ماعدا تعامل جواد معي مابيها تتضايق عشاني
دق جوالي وانا كل شيء فيني رجف
رديت بعد تردد : الو
جواد: برسلك السايق الحين من اليوم يبدء شغلك ي الخدامه
وقفل ناظرت دانه وجلست اخربط كلام وماسكه الجوال ع اساس اكلم
جوانه: تمام اخبارك انتي .. دوم .. ?? .. اوك بكره اشوف .. مع السلامه
دانه: مين؟
جوانه: صديقتي
دانه: جوجو حبيبي أنا خايفه عليك
تنهدت: وش اسوي هذا هو الطريق اللي بديته ولازم ما اخاف من شيء. وقفت: أنا بروح عند ريم اشوف حالتها كلمتني تبكي
دانه: اوك بروح معك
قلت باندفاع: لا. ااءء اقصد خليك هنا عشان مابي استأذن من امي لان توي رجعت البيت مستحيل تخليني اطلع كل شوي وابيك تغطي علي
دانه: طيب بس طمنيني عليها
جوانه: حاضر
دانه: ماتغديتي
جوانه: مالي نفس بعد كل اللي صار لي
طلعت دانه وانا اخذت عبايتي الثانيه وطلعت برا شوي وشفت السايق وطلعت معه واخذني ع قصرهم بس هالمره دخلني الحمدلله اشر لي السايق ادخل من باب دخلت وشفت صاله كبيره بوسطها درج كبيررر مقسوم لجهتين عند الدور الثاني وجواد كان واقف بوسط الدرج وحاط يدينه بجيبه ورافع حاجب ونص ابتسامه كالعاده
نزل لعندي: واخيرا شرفتي
نزلت وحده صوت كعبها يدق وعطرها واصل قبلها باين عليها التعب ومع هذا مهتمه بنفسها شكلها كبيره يعني يمكن اخته الكبيره
قالت وهي ع الدرج: جواد مين فيه؟
التفت لها: تعالي يمه
ماشاء الله هذي امه مبين مغروره من شكلها هففف الله يستر
جت وقفت جنبنا ماشفته غير لما مسكني من شعري من فوق طرحتي ورماني عند رجولها
جواد: هذي خدامتك يمه
ابتعد هي شوي وانا رفعت جسمي احاول اوقف بس بظل جالسه عشان مايشوف دموعي
سميره: ?? وش ذا مو ناقصني خدم
جواد: ع العموم هي بتكون خدامتي الخاصه واذا تبينها ف شيء شغليها عادي
سميره: كم تبي راتب
جواد: 50 ريال تكفيها
سميره تناظره باستغراب: كل خدمنا نعطيهم راتب 3الف وهذي خمسين ليش
جواد: مو ?زم يمه .. وانتي هيه قومي اوريك جناحي وقفت واجر رجولي جر مو قادره اسوي شيء الحين تحت تهديد هالمغرور .. طلعت معه فتح لي الباب ودفني داخل وانا طحت ما اكلت ودايخه ومو قادره اوقف ظليت بالارض ماقدرت اتحرك
جواد: قومي نظفي الغرفه يلا
ومسك يدي وقفني ناظرت الدنيا نظيفه وش انظف
جوانه: مافي شيء انظفه المكان نظيف
جواد : جد ؟ اجل دقيقه
طيح شاشة البلازما اللي بالصاله وقلب الكنب ورمى الخدادات بالارض ودخل المطبخ الصغير واخذ عصير رماه بالارض وحاس الدنيا كلها
جواد: يلا شوفي شغلك
مشيت خطوتين
جواد: لحظه
ناظرته وهو قال: فيه عصير ع جزمتي امسحيها
مو مصدقه هالانسان قد ايش حقير ويحاول يذلني ليش ي ربي اففففف والله السجن ابرك بس خايفه ع ابوي
اخذت منديل ونزلت نظفتها له وابتسمت وانا اربط الجزمه مع ربطة جزمتة الثانيه وقفت
ناظرني بنص عين: شوفي شغلك
مشى خطوه والخطوه الثانيه تكرفس وكان بيطيح بس مسك نفسه وانا مممممممممت ضحك ع شكله ما حسيت الا بكف قوي ع وجهي ومسكني من يدي ورماني عند رجوله وبعصبيه
جواد: ضبطيههههههها وبوسي رجولي
اضبطها اوك بس ابس ارجولك هذي اللي ماعمرك تحلم فيه .. فتحتها ووقفت
مسكني: قلت بوسي رجلي
ناظرته بتحدي واول مره عيني تجي ف عينه بدون خوف
جوانه: لو تموتني ماسويتها
ترك يدي بقوه وطلع ان شاءالله تنكسر يدك اف ناظرت الحوسه اللي سواها و ظليت ارتب ساعتين وهو لسى من طلع مارجع للحين .. دخلت غرفة نومه وتذكرت يوم الحفل ناظرت الكمودينه تذكرت العقد يوم شلته .. ي ويلي يعني العقد يخص جواد اكيد بيعطي حبيبته مالت عليه وش حبيبته انتي الثانيه ليش هو اصلا يعرف يحب اشك انه يحب نفسه حتى
جواد: وش عندك هنا
كنت فاتحه لثمتي وخرعني: هاه لا ولا شيء اشوف إذا برتب شيء هنا
جواد: اطلللللعي
طلعت وانتبهت انه يناظرني باستغراب تذكرت اني كاشفه غطيت وجهي
جوانه: تامر شيء بعد والا اقدر اروح
جواد: روحي وبكره من الساعه 6 تكوني هنا. 6 ودقيقه بيصير لك شيء عمرك ماشفتيه
جوانه: حاضر
ماصدقت اطلع من بيتهم ع طول رحت ركض لشارع اخاف يناديني كلمت السواق حق جدتي يجي لي ورجعت البيت تعبانه مو قادره اوقف حتى وجيعانه ولا قادره اكل من التعب انسدحت ع سريري وغمضت عيوني ولا عاد حسيت بشي.
طلعت بهدوء من بيتهم .. الكل نايم وهي مو قادره تنام دقت ع سايق التاكسي اللي كان يوديها له وطلعت ع المستشفى بعد ماعرفت وينه
دخلت وسألت عن رقم غرفته مع ان الزيارات ممنوعه ف هالوقت لكن من كثر ماترجت الممرضه سمحت لها تدخل 5 دقايق .. لبست اللبس الاخضر وتقدمت بخطوات ثقيله .. من يوم اللي صار لها معه وهي ماقد شافته تقدمت بهدوء وهي تشوفه منسدح وعلى طول دموعها بدت تنزل قربت منه جلست جنبه ومسكت يده اللي فيها المغذي نزلت وباستها بهدوء واختلطت بوستها بدموع رفعت راسها وهي مو قادره تنطق بحرف من كثر دموعها
ريم من بين شهقاتها: جاد لا تموت .. ادري ماتبيني .. ادري لعبت علي .. ادري ماحبيتني .. بس عمري ماتمنيت لك الموت. المفروض ما ازعل ع حالتك بعد اللي سويته فيني بس أنا مو قادره. لسى قلبي. يحبك ولا قادر ينساك. .. اشرت لها الممرضه تطلع .. وقفت وباسته ع جبينه وطلعت .. راحت ع البيت ودموعها مغطيه وجهها نزلت بسرعه عشان اهلها مايشوفونها
دخلت وكانت النوار مقفله مشت لدرج بهدوء وما شافا الا الانوار انفتحت
وبصوت عصببببي: ويننننن ككككككنتي؟؟؟
صحيت ع صوت الاذان واحس كل عظامي متكسره ولا قادره اشيل نفسي امس حيل تعبت الله يعين ع هالايام .. اكيد يومين ويهدء ويترك هالحركات راح اصبر كم يوم ولا يدخلني السجن قمت تحممت وطلعت صليت وانا ادعي ان جاد يكون بخير عشان ارتاح من عذاب اخوه.
رحت صحيت دانه ع الساعه 5 وربع
دانه: همممم
جوانه: قومي بقلك شيء
دانه وهي مغمضه: شنو
اففف هالبنت ماراح تصحى ابد راح اقلها شيء يخلي نومها يطير اكيد
جوانه: أنا بروح عند جواد
دانه: طيب بس قفلي الباب معك
لا حووول هذي ماينفع معها شيء .. شفتها فتحت عيونها فجأه وع كبرهم وجلست
دانه: شننننننننو ؟ انتي وش جالسه تقولين ي الخبله ؟
خبرتها السالفه وكملت
جوانه: والحين لازم اطلع مابي اتأخر ويسوي لي مصيبه
ضمتني بقوه: جوج حبيبي لاتروحين .. او نروح مع بعض .. شلون اخليك بروحك
جوانه: لاتخافي ماراح يقدر يسوي لي شيء .. هو الحين زعلان ع اخوه اكيد كم يوم ويهدء ويفكر بهالشي انه غلط
دانه تبتعد عني: واذا ما هدا
رفعت كتوفي: مدري .. لكل حادث حديث .. يلا تعالي قفلي الباب بعدي
طلعت وركبت السياره وطلع السايق ووداني لبيتهم وصلت 6 الا 5 نزلت وطبعا قال للحارس اني خدامته ومتى ماجيت يدخلني هه صدق اني غبيه مافكرت ف نهايتها ولا حسبت حساب هالانتقام اللي بديت فيه ومحد غيري صار له ضرر منه .. دخلت ع الحديقه وكان واقف عند باب البيت اقصد القصر .. اول ماشافني جايه صوبه رفع يده وناظر ساعته اللي لمعة الالماس اللي فيها واصله لعندي وانا بعيده .. مشيت وصلت له ابتسم: تأخرتي نص دقيقه
فتحت عيوني: لا وصلت الا خمس دقايق بس وش ذنبي إذا كانت حديقتكم كبيره ظليت امشي في هالدقايق
مسكني من يدي وسحبني ومشى فيني للجهه الثانيه من الحديقه .. منظر خياأأأأأأأأل عمري ماشفت كذا معقوله هذا بالسعوديه وصلني لين عند المسبح
جواد وهو يبيتسم واحس وراه شيء باقي افكر ماحسيت الا بحالي ف وسط المسبح دفني بيده ماكنت اعرف اسبح كنت احاول ارفع نفسي واضرب بيديني مثل المجنونه وفي شيء يشدني تحت دخلت المويه فمي وماعدت قادره اتنفس حسيت بيده تمسك يدي ورفعني شوي ع فوق بس لسى جسمي بالمويا
ناظرني بحقد: شفتي كيف لحظات الموت صعبه؟ الحين اخوي جالس يصارع الموت بسببكككك انتي
وترك يدي بس هالمره كنت قريبه من السلم حق المسبح مسكت فيه وطلعت بهدوء هو طبعا قال كلامه وراح .. فتحت طرحتي ورفعت شعري ولبست الطرحه حاولت انشفها بس مافي فايده .. ف لبستها كذا ظليت واقفه برا شلون ادخل وشكلي كذا بس احس بالبرد ملابسي مبلله وفيه هوا خلاني ارجف بدت ملابس تنشف شوي شوي وعلى الساعه 8 شفته طالع ناديته: استاذ
التفت لي وابعد نظارته الشمسيه وانا اقتربت منه: لساتك واقفه هنا؟
جوانه: ماقلت لي اروح
جواد: أنا رايح المستشفى وراجع ويلك تروحي من هنا او تدخلي البيت
وطلع بعد مافتح له السايق الباب .. ياررررربي لين متى اظل ع هالحاله والله صعب حححححيل صعب .. دق جوالي شفت دانه
مسحت دموعي ورديت: هلا
دانه: حبيت اتطمن عليك .. سوالك شيء هالمغرور؟
جوانه: لا .. اصلا الحين مو هنا راح لاخوه
دانه: طيب انتبهي ع نفسك أنا بروح الدوام الحين إذا حصلت فرصه بدق واتطمن عليك
جوانه: ماشي .. وانتبهي ع دروسك لا تخافي علي
دانه: مع السلامه
قفلت ونزلت .. شافت امها بالصاله
عبير: انتي مداومه؟
دانه: ايه
عبير: ارسلت السايق يجيب لي اغراض ما اظن بيرجع الحين
دانه: امممممما يمه .. شلون بروح الحين
عبير: شوفي وحده من صديقاتك تمر عليك
ياربي ماعندي غير لمى بدق اشوفها
لمى: هلا والله
دانه: هلابك .. شخبارك
لمى: تمممممام انتي اخبارك؟
دانه: تمام .. امممم بسألك داومتي
لمى: لا لسى انتظر فواز
دانه بداخلها حلو انه مو الكريه امجد
دانه: طيب تقدري تاخذيني معك
لمى: افا عليك .. اكيد شوي ونجيك
دانه: تمام انتظرك
ظلت كذا ربع ساعه ودقت لمى تقلها انهم واقفين
اول ماركبت اول مره تشوف اخوها ..
دانه وبداخلها “هذا هذا هو اللي شفته ي لبيييه يعني مو جني .. يعني هذا فواز خطيب فرح.
تضايقت وطول الطريق ساكته مو قادره تتكلم حتى مع فرح بس هي ماعرفت ان فرح قصدها تنتظر فواز يودونه دوامه ع طريقهم واللي كان موجود امجد اللي مو طايق صديقة اخته ويشوفها بنظره قليلة ادب لانها تدر عليه ولا فكر حتى يعرف اسمها كل اللي يعرفه صديقة اخته. »اتمنى فهمتو خخخخ
تتجهزت ع الدوام ونزلت شافت مازن يفطر ناداها
مازن: ريم
قربت منه وهي منزله راسها: هلا
مازن: أنا راح اوديك لحظه
قلبها يدق بعد عصبيته اللي البارحه وحست انه ماصدقها
تذكرت
مازن: وينننن كنتي
ريم: هاه .. امممم كنت عند منار تعبت ودقت علي ف اضطريت اروح
مازن: اجل عند منار طيب نشوف الحين
دق ع منار وحط الجوال ع سبيكر
ويناظرها .. ردت منار بصوت كله نوم
منار: هلا حبيبي
مازن: هلا .. وش فيه صوتك
منار: لا بس عشان كنت ننايمه
ريم قلبها بيوقف من الخوف
مازن: متى اخر مره شفتي ريم
منار: ليش
مازن: ردي بدون اسأله
منار: كانت عندي قبل شوي .. كلمتها أنا
ريم تنهدت بارتياح وحمدت ربها ان توأم روحها فهمتها
مازن: اممممممشي وش تنتظرين
طلعت معه
مازن: ريم تبين الصراحه أنا مو مصدقك
ريم خافت: واذا قلتلك الحقيقه ماراح تهاوشني لو ايش كانت
مازن: تعرفي اني انسان متفهم بس اهم شيء الصدق ينقال
ريم : بصراحه بصراحه رحت مع صديقتي ع المستشفى .. هي حامل وزوجها مو موجود وخفت اخبرك اني طلعت مع وحده ع المستشفى وحدنا بتاكسي وتهاوشني
مازن حس كلامها صدق: طيب .. كان قلتي .. ع العموم لا تعيدينها مره ثانيه واذا في شيء من هالامور صحيني أنا اوديكم مو تروحو بتكاسي الدنيا مو امان ترا ..سكت شوي.. لا وهذيك الخبله تعرف ترقع لك كأنها حست انك طلعتي
ابتسمت ريم: منار تحس بكل شيء يصير لي
مازن: ?? خلاص ابيكم تبعدو عن بعض بديت اغار
ريم: هههههه ماتقدر تفرقنا
ابتسم مازن ووصل اخته ودق ع منار
منار: صباح الورد
مازن: صباح الكذابين
منار بلعت ريقها: اححححمم شو من الكذابين
ابتسم مازن: ناس قالت لي ان اختي كانت عندهم
منار: ججججد مين هالناس اللي يكذبو كذا أنا ما اعرفهم ترا
مازن: هههههه ي الخبله .. بصراحه ما اقدر ازعل منك والا هالشي يزعل انك توقفي مع بنت خالتك وتكذبي ع حبيبك
منار: أنا اسفه حبيبي بس لازم افزع معها
مازن: مممماشي .. اممممم وحشتيني
منار انحرجت لانه قالها بهمس: عندي محاضره الحين اطللع واكلمك
مازن: ماشي اححححححبك
شفته رجع وقلبي قام يرجف من الخوف نزل وعاقد حواجبه ولابس النظاره قرب باتجاهي وشال نظارته
ع طول قلت له: ممكن اروح
جواد بداخله"هذي كذا ماراح اقدر احكمها راح تظل تروح وتجي وانا وعدتك ي جاد اخليها بكل دقيقه تتألم"
شفته يفكر وخفت من تفكيره
جواد: عطيني عنوان بيتكم
جوانه: ليش؟
جواد: بتزوجك الليله
انتهى البارت
|