رد: رواية اخاف احبه ويتركني واخاف ابعد واتعذب كامله
البارت الســـــــ6ــــادس
امسكت قلمي كي اكتب لك فارتجفت يدي اتعلمين لماذا.؟....اخاف لا اصف مافي قلبي ...اخاف الا اجعل قلبك يهتز لكلماتي ...اخاف ان تقصر احرفي في معانيها التي تدور في راسي...اخاف ان يجف قلمي ولم اكمل قصتي لك ...اخاف تمسح دموع احرفي الاولى اخر احرفي...تعرفين ياسيدتي هيبة حبك هي من صنعت هذا الخوف هي من جعلت يدي ترتجف لاني اذا فكرت ان اكتب لك فلابد ان استعين بقواميس اللغة واختار اجمل ماقاله الفلاسفه في الحب لابد ان اعيش نصف عمري اتعلم كيف اكتب لك والنصف الاخر اتغزل في حسنك ...لهذا استبيحك عذرا فقد عجز قلمي عن ان يكتب حرف.
المايسترو''
»»»»»»»»»»»»»»»»»»»»»»»»»»»»»»»»»»»»»»»»»»»»»»»»»» »»»»»»»»»»»»»»
قمت الساعه 6ونص تحممت وطلعت صليت الفجر ونزلت ع المطبخ المفروض اليوم انام بس خلاص تعودت ع الدوام حتى بيوم اجازتي صاحيه بدري سويت لي قهوه واخذتها وطلعت ع حديقة بيتنا الزغيرونه جلست ع المراجيح وانا اذكر حديقة بيت جواد .. ي الله وش كثر كبيره تنهدت بغصه اف طول الاسبوع كان ممل بدونه مدري بس اشتقت لهواشه تذكرت الموقف اللي صار لي مع هادي يوم جا مكتبي ع اخر الدوام
طق طق طق
جوانه: تففففضل
دخل وناظر فيني: ممكن اخذ من وقتك دقايق
عدلت جلستي وقلتله يتفضل
هادي بعد ماجلس ع الكرسي اللي مقابلني: انسه جوانه أنا جاي وابي منك تقولي لي الصراحه
اففف اكيد نفس السالفه: طيب
هادي: ابي اعرف ليش جيتي هنا
جوانه: استاذ هادي أنا من اول ماجيت هنا وانت مو تاركني بحالي .. ليش ما اعرف تراقبني تفتش شهاداتي تدور ع اي خطاء لي أنا جيت هنا لاني ابي اشتغل ظروفي الماديه صعبه وزورت شهاداتي عشان كذا والا مالي مصلحه مع جاد ولا افكر فيه وياليت تقدر ظروفي وتتركني بحالي لاني أنا شايفه شغلي وبس وماعمري اذيتك او اذيت اي احد ف ليش انت تحاول تأذيني ترا حرام تقطع رزق احد
ناظرني باحباط وقال: انتي كنتي امل بالنسبه لي بس راح .. وبالنسبه لموضوعك لاتشيلي هم بنساه
وقف: عن اذنك. وطلع
ياترا وش فيه هالانسان ودي اعرف يلا اهم شيء يبعد عني
في جهه ثانيه ع الفطور
جاد وهو يناظر ابوه: احححم يبه
خالد: هلا
جاد: أنا بتزوج
سميره: كححح كحح كح
وقف جاد واعطاها مويا: بسم الله عليك يمه شفيك
سميره تاخذ نفس: وش تتزوج؟ اخوك لسى ماخطب حتى
جاد: ماعلي من اخخوي أنا تعبت وبتزوج
سميره: بس مايصي.... قاطعها ابوه
خالد: مافيها شيء دامه حاب يتزوج بنزوجه .. وجواد متى ماقرر يتزوج احنا جاهزين
سميره: بس ي ابو جواد
خالد: لا بس ولا شيء جواد الحين مايفكر يتزوج وانا ماراح خلي جاد ينتظر لين هو يقتنع بفكرة الزواج
سميره: اللي تشوفه
جاد بفرح وقف باس راس ابوه: مشككككور يبه وطلع غرفته مستعجل عشان يخبرها بالخبر
اما سميره ف قامت عن السفره وراحت اخذت جوالها واتصلت وتنتظر الرد
ف جهه ثانيه كان منهمك بين الاوراق اللي ف يده سمع صوت جواله دوره تحت الملفات وشاله وهو يبتسم
جواد: هلا بالغاليه
سميره: هلا ي وليدي شلونك
جواد: بخير يمه دامك بخير .. انتي طمنيني عنك وش اخبارك وكيف صحتك
سميره: أنا بكون طيبه إذا لبيت لي طلبي
جواد: افا يمممه انت قولي ويوصلك اللي تبين
سميره: اخوك قرر يتزوج وانا ابي زواجكم ف ليله وحده
انخطف وجهه وبانت علامات الصدمه ع وجهه مافكر ف زواجه فكر ف زواج اخوه والبنت اللي بياخذها
جواد: ماقال مين يبي
سميره: لا ماقال بس بخطب له وحده من العيله وبعد انت
جواد: يمه قلتلك ما افكر اتزوج الحين
سميره: بس انت وعدتني وقلت لي تم
جواد يستسلم: وانا عند كلمتي .. اختاري البنت اللي تشوفينها مناسبه لي واخطبيها أنا مابشوفها الا يوم الزواج
سميره: اي قول كذا من اول .. فرح قلبي بشوفتك معرس
ابتسم جواد ابتسامه باهته: طيب يمه يلا عن اذنك عندي اجتماع الحين
سميره مبسوطه: الله يوفقك ي ولدي
قفل منها ورمى جواله ورجع راسه ع ورى اه يمه بتعذبين البنت اللي بتختارينها لي لاني اكره البنات
نزلت لمى وشافت امجد قدامها طالع ع الدرج
لمى: انت توك تررررجع البيت؟
امجد بتعب: ايه
لمى: لللليش فيك شيء
امجد وهو يطلع ويتركها: لا بس كنت مع اخوياي
نزلت وهو دخل غرفته رمى مفاتيحه وجلس ع سريره بتعب وهو يكلم نفسه: وش جرى لك ي امجد من يوم شفت وجهها وانت ماتفكر بغيرها .. هالملاك من وين جت دانه اسمها وهي فعلا دانه .. ي الله من تكون هالبنت وشلون بسأل عنها .. لا عيب اخاف اسأل ويفهموني غلط ” غمض عيونه شوي وبعدها وقف ودخل حمامه تحمم وطلع نام
اما لمى اللي مالقت احد بالبيت ع طول طلعت ع بيت عمها اللي يجمعهم حوش واحد بس كل عماره تنفصل عن الثانيه وبينهم ابواب راحت تركض خافت احد من عيال عمها يشوفها وصلت الصاله وشافتهم مجتمعين
لمى تتنفس بصعوبه من الركض: انتو هنا وماتعلموني
فرح مبققه عيونها وقفت لحد عندها مسكتها من كتوفها وناظرت خلفها
لمى مستغربه: شفيك ؟؟
فرح: حسبت فيه ديناصور خلفك
لمى تتقدم: ما اقول غير الله يعين فواز على ما ابتلا فيه
فرح تحط يدها ع خصرها وتكلمها: ها ها اصلا فواز يحبني ويموت علي ويعشقني ويعشق خبالي ويعشق كلامي السريع ويعشق كككككككل شيء فيني
لمى تبتسم بمكر: وانتي؟ تحبينه
فرح تمزح: لا وش احب فيه شعره المنكوش والا عيونه الحولا والا ضروسه الطالعه والا كرشته اللي قدامه والا وش بالله ينحب فيه
يناظر نفسه : افا كل هذا فيني
التفت فرح بخرعه ويوم شافته شهقت وطأأأأأأخ طاحت
لمى وقفت وهي تضحك: ههههههههه هذي من جدها اغمى عليها والا تمزح
راحو لها وفواز ابتسم ع جنون خطيبته اللي يعشقها وطلع لانه استحى يكشف ع البنات هو كان واقف عند الباب وسمع اللي قالته اجتمعو البنات عليها
رغد طأأأأأأخ تعطيها كف: قومي ي الخبله
ماصحت وعد كانت من الجهه الثانيه واعطتها طأأأأأخ كف ثاني ماصحت
ماشافو الا رسل تقول: وخخخخرو ؤخرو أنا بنقذها وفي يدها مويا وكبتها كلها عليها خلتها تقوم تشهق ممممره ثانيه وترجع يغمى عليها
رسل: هذي ماتت اكيد
وعد: ???? مستحيل كيف نخبرهم
رغد عايشه الدراما: وليش نخبرهم نحفر قبر بالحوش وندفنها ونقلهم ضاعت
لمى تناظر رغد بنص عين: بي بي هي تضيع انتي ووجهك .. احسن شيء نرميها بالزباله
رسيل اللي توها نازله ماتدري عن السالفه: وش فيكم
الكل مره وحده: فرح ماتت من الصدمه
رسيل ركضت لعندها ومسكت راسها صرخت بصوت عالي: ?أأأأأأأأأأأ شللللللللللون
فرح قامت: وجع فقعتي اذني أنا كنت اسلم ع جدي وجدتي بالجنه
رسيل تضمها: ي حممممماره خوفتيني
فرح :ياقلبي والله كنت استمع لفرقة ناجي عطا الله وين بيدفنوني
الكل: هههههههههههههههههههههههههههههه
دخلت شفت دانه تحضر الفطور وكانت ماسكه كوب وسرحانه رحت لحد عندها ولا حست فيني
جوانه: بووو
دانه تلتفت وتمسك ع صدرها: خخخرعتيني
ابتسمت: اللي ماخد عقلك
رجعت تكمل تحضر الفطور: بقلك شيء
جلست ع الكرسي: قولي
دانه: امممم البارحه شفت واحد كان مره حلو احس دخل قلبي لا مو دخل قلبي يعني احس مدري شلون صورته مو راضيه تروح من بالي
جوانه: مممممين ؟؟ مأ عرفتيه ؟
دانه: لا بس يمكن جني
ناظرتها باستغراب: وش جنيه ي الخبله
دانه: ههههه اقصد كنت اناظره بعدين فيه احد ناداني والتفت للباب ويوم رجعت اناظر المكان اللي كان فيه اختفى
جوانه: هههههههه ويعني يمكن راح يوم سمع ان في احد موجود
دانه: امممم يمكن .. حطت الشاي .. يلا أنا بروح انادي بابا وماما
انتظرتها تحت لحد ماجت مع امي
رحت بستها: صباح الخير يمه
عبير: صباح النور
نزل ابوي وبسته وصبحت عليه
جلس ابوي وامي تصب له شاي: انتي وينك ماصرنا نشوفك الا بالاجازات
امي تناظرني نظرة اللي كله من دوامك بالشركه
جوانه: تعرف يبه الاختبارات بتبدء وانا اذاكر وكذا
امي من الصدمه وهي تناظرني وعارفه اني اكذب صبت شاي لين طاح نصه ع السفره هههههه
وقفت اساعدها ومسحت اللي بالطاوله بمناديل
عبير: اجل تذاكري؟
جوانه: اححححم ايه يمه
عبير: الله يوفقك اجل
واخيرا جلسنا وعم الهدوء والسلام ع قولة فرح عنجد ناس طيبين وفالينها .. فطرت وطلعت غرفتي شوي الا دانه لاحقتني
دانه وهي تدخل وتقفل الباب: امشي نروح عند منار ونقول لريم تجي طفش
كنت جالسه اشوف البي بي واشوف المسجات وكذا: وش تبين الحين صعبه .. واصلا شوي ويأذن للجمعه
شفت دعوه لمجموعه ومت ضحك ع الاسم ”قرع بس حاطين جل”
جوانه: هههههههه شوفي شوفي هالقروب
دانه: هههههههه اقبلي خلي نشوف مين
قبلت ودخلت
حتى نكاتهم تموت ضحك ههه
زعانف نمله: هيه ي الخبله أنا اوريك تعالي بيتنا اشوف
البرنسيسه: يمه ي المتوحشه
زعانف نمله: والله والله ان ماسكتي لاجي امردغك بعقال اخوك الثور ي الثوره
البرنسيسه: مافي شيء اسمها ثوره ي البقره الحولا
زعانف نمله: الا فيه وهي في هيئة انسانه اللي هي انتي
طبله: بس انتي وياها هوس فضحتونا
زعانف نمله: اني ارى احدهم يرانا
لموش:ههههه ايه اضفت دانه وجوانه
زعانف نمله: وي يافشلتي .. تراني كنت امززح خخخخخ أنا مؤدبه
كان اسمي نفسه بس انجليزي
جوانه: هههه هلا مين ماعرفتكم
طبله: افا نسيتي فرقة ناجي عطا الله
جوانه: هههههههههه لمى وبنات عمك صح
زعانف نمله: يب يب محسوبتك فرح
جوانه: ههههههههه والله توي كنت اذكركم
دانه من جوالها: اهلللللين
طبله: هلا فيك
دانه: شخباركم
لموش: تمام ي قلبي اخبارك انتي وجوجو
دانه: الحمدلله
ظليت معهم شوي وقمت عشان اتحمم ياحظهم احس ماعندهم هموم ودي لو اعيش معهم وانسى التفكير ف جواد كنت جالسه اكلم نفسي واستغربت لاني قلت هالكلام أنا اصلا من متى فكرت ف جواد .. اصلا هو مجرد انسان مغرور مو شايف احد عنده يلا الله يصبرني لين تخلص هالسالفه. .. .. ..
يكلمها وناسي الدنيا معها صارت هي كل دنيته صار مايسمع الا اخبارها مايلتفت الا لاسمها مايحس بحب الا لها
مازن: وحشتيني ابي اشوفك
منار: شلون ما اقدر
مازن: تعالي بيتنا الحين الله يخليك
منار: امممم ما اقدر
مازن: الله يخللللليك
منار: طيب اشوف
مازن بفررح: يلا اجل بسرعه قولي لفهد يجيبك
منار: ههه حاضر
قفلت منه ونطت ع المرايا ضبطت نفسها وقالت لفهد يوديها بيتهم قريب وصلها ورجع وهي قلبها يدق بقوه خايفه يكون مازن ينتظرها بالحديقه دخلت بتردد ومشت خطوتين
مازن: طولتي علي
التفت وهي تبتسم
قرب منها وبهدوء شال لثمتها كالعاده. ناظر بعيونها بحب وشوق وحنان ونزلت دمعه منه
منار متفاجأه: شفيك حبيبي
تحسس خدها: متى اقدر اطلب يدك واتزوجك
منار مسحت دموعه: قريب ي عمري .. يلا أنا بدخل خايفه احد يشوفنا
قرب منها ومسك راسها وقربها وباس جبهتها: طيب مع اني ماشبعت من شوفتك
منار: احبك
مازن: احبك
ودخلت بسرعه طلعت ع غرفة ريم
منار: مرحبا
ريم توها تصحى وباقي منسدحه: أنا بحط لك سرير جنب سريري وتعالي عيشي عندنا
منار تدخل وتجلس جنبها: ههههه ياليت بس ابي السرير ف غرفة مازن
ريم: استحي ي بنت
منار: ههههه احبه احححححبه ي ريم عمري ماحبيت كذا .. مستعده اموت عشانه
ريم قامت وبتروح الحمام: خبله
ابتسمت منار دق جوال ريم وكان رقم غريب نادت عليها : جوالك يدق
ريم من الحمام: مين
منار: رقم
ريم: ردي شوفي مين
منار: الو
: الو
منار متفاجأه: مين
: وين ريم
منار: أنا ريم
: لا .. وينها
منار: مين انت وانا بعطيها
طوط طوط طوط
قفل ومنار استغربت. شوي و طلعت ريم
ريم: مين
منار:ما اعرف واحد سأل عنك
ريم عرفت وتوقعت عصابة المخدرات اللي تورطت معهم عشان تحمي منار
ريم: هاه اممم تلاقين احد عرف رقمي من النمبر بوك وحب يستهبل
منار مو مقتنعه: يمكن
طلعت من الحمام و سمعت جوالي يدق اخذته واستغربت هذا حتى ف ايام اجازتي ناشب لي رديت بدون نفس
جوانه: الو
جاد بفرح: وينننننك انتي من اول ادق عليك
جوانه: صاير شيء ؟
جاد: امممم جوانه بصراحه أنا مدري شلون بقولها بس احححم أنا كلمت امي عشان تخطبك لي
قلت بدون شعور: ننننننننننننعم؟ أنا اتزززززوجك؟؟ جاد باستغراب: ايه. ليه وش فيني ناقص حلو وعندي خير وراح اعيشك اميره
جوانه: وليش تخطبني مابينا شيء يعني وين انت ووين أنا
جاد: بصراحه ف الاسبوع اللي راح غبتي يوم حسيت الشركه ماتسوى بدونك أنا تعلقت فيك مدري ما اشوفه حب بس ودي اتزوجك
ابتسمت بنصر: بس أنا ما اتشرف اتزوج واحد مثلك
سكت حسيته متفاجأ قال بهدوء: ليش
جوانه: تعرف ريم الـ.....
جاد مصدوم: وش فيها
جوانه: هذي صديقتي وانا بس دخلت الشركه عشان اخذ لها حقها منك .. مو انت قلت لها ماتتشرف تتزوج بنت مثلها لانها طلعت معك لا وبدون ارادتها انت حطيت لها منوم والبنت اشررررررف منك والحين أنا اقلك سوري ي ولد الهامي ماتشرفني خطبتك لانك انسان حقير تلعب بشرف الناس وتتركهم انت كم بنت سويت فيها كذا كم بنت ظلمتها مثل ريم .. كان خاطري انتقامي يكون اكبر من كذا بس للاسف خربتها علي بسالفة خطبتك
سكت شوي وبعدها انفعل فجأه: أنا جاد الهامي تللللللللعب فيني بننننننننت .. ولللليش من تكونين .. والله ي جوانه راح تدفعي الثمن غالي غالللللللي
قفل منها وكان مقهور طلع بسرعه وركب سيارته وهو يسوق باقصى سرعه اخذ جواله ودق ع اخوه
جواد: هلا وغلا
جاد بعصبيه مو مخليته يشوف قدامه: جواد البنت طلعت تككككككذب علي .. جوانه حقيرررره لعبت فيني لللللليش ليش .. جواد أنا مقهور اهانتني ي خوي اهانتني
جواد وهو يعقد حواجبه ومعصب: ماعاش من يهينك
جاد: جواد ل.....
ماشاف الاشاره انها احمر وماشاف غير سياره تجيه من الخط الثاني وتضرب السياره من الجهه اليمنى خلتها تتقلب 5 مرات تقريبا وبعد ماهدت الكل متجمع حولها وعبارات الاسف تطلع من افواهم
( لا حول ولا قوة الا بالله .. اطلبو اسعاف .. ي الله سترك .. ماظنتي بيطلع بخير .. السياره معدومه شلون راح يطلع .. أنا لله وانا اليه راجعون .. الرجال ينزف.....الخ
من جهة جواد انقفل عنده الخط ورجع يدق لقاه مقفل انشغل باله بس قال اكيد جواله مافي بطاريه
صليت الظهر وظليت شوي بغرفتي افكر ف اللي بيصير وتهديد جاد لي المشكله يعرف بيتنا ي ويلي اخاف يفضحني عند ابوي اخذني التفكير ما انتبهت الا لدانه وهي تناديني ع الغدا نزلت بهدوء وفكري لسى شاغله رد جاد ياربي وش بيسوي جلست ع السفره مع اهلي وشارده
سمعت ابوي يقول شيء بس ما ادري مين يكلم
دانه تهزني: بنت وين سرحتي
ناظرتها: هاه معك وش فيك
دانه: ابوي له ساعه جالس يكلمك
ناظرت ابوي: هلا يبه
محمد: تغدي ي بنيتي مافي شيء مهم
مدري احس عقلي مو معي ياترا اللي سويته صح هففف بس يستاهل الحين اكيد عرف ان بنات الناس مو لعبه عنده وراح يعرف ويحس بالالم
ترن ترن ترن
:الو يس
: هذا بيت خالد الهامي
: يس منو
: ممكن تعطيني اي احد من اهل البيت
راحت عند سميره
: مدام هدا واحد يبغا انتي
سميره تاخذ السماعه: الو
: السلام عليكم
سميره: وعليكم السلام .. من معي
: معك احمد من مستشفى....
سميره قلبها قبضها: خير ان شاءالله
احمد: ولدكم صار عليه حادث بسيط والحين متنوم هنا سميره تمسك ع صدرها: هو بخخخخخخخير
احمد: اااا امم ايه تعالو وتعرفون الموضوع
سميره طيحت السماعه وراحت خبرت خالد وبسرعه طلعو ع المستشفى
وصلو وسألو ف الاستقبال وخبروهم ان جاد باقي ف غرفة العمليات سميره راحت ركض للباب الغرفه وتدقه: وينكككم احد يطمني ع ولدي
مسكها خالد وجلسها: لن يصيبكمم الا ماكتبه الله لكم لا تخافي ان شاءالله مو صاير له شيء انتي ادعي له بس
طلع الدكتور وسميره راحت بسرعه لعنده وخالد لحقها
خالد: طمنا ي دكتور شلون حالته الحين
الدكتور بتردد: والله مو عارف وش اقلكم لكن حالته ماتطمن عنده نزيف بالدماغ وحاولنا يوقف لكن للاسف ماقدرنا نوقفه
سميره بخوف: مأأأأأأأأأت ؟؟
الدكتور: لا ان شاءالله يعيش ادعو له
وراح عنهم وسميره انهارت تبكي وابو جواد يحاول يهديها
ف هالوقت اتصل جواد ع البيت وسأل عنهم بس الخدامه قالت له ان الكل طلع حس بقلبه مقبوض دق ع ابوه
خالد يرد وهو يحاول يتماسك: هلا ي ولدي
جواد: وينك يبه
خالد: أنا لسى بالمستشفى مع اخوك
جواد بصدممه: لللللللليش وش صاير مع جاد
ابو جواد يناظر زوجته ويهمس: جواد مايعرف؟
سميره: مالحقت اقله
خالد رجع يكلم جواد
جواد: الللللللو يبه علمني وش فيه جاد
خبره كل شيء عن حالته واول ماقفل كلم منصور
جواد: جهز طيارتي بسررررعه
منصور: حاضر طال عمرك
قفل وراح اخذ شنطته وحط فيها كم غرض وطلع ع سيارته
جواد ف داخله: كله منها كلللللله من الحقيره جوانه والله لو صار لاخوي شيء والله لاذبحكككك والله
نزلت من غرفتها
عبدلله: اوه توي اعرف انك باقي عايشه حسبتك متي
منير وهي تجلس ع الكنبه اللي جنبه: سخيف
هديل: اي والله مانشوفك ع طول ف غرفتك
منيره بداخلها" معقوله أنا كذا احس اني انزل معهم واكل معهم بس كأنههم ما يشوفوني
حصه اللي انتبهت لبنتها اللي شردت: ماعليك منهم تعالي نسوي القهوه
راحت مع امها للمطبخ
حصه وهي تحط الدله ع النار: منيره افتحي لي قلبك علميني وش اللي مضيقن صدرك ومخليك على طول حزينه وبغرفتك
منيره تغير الموضوع: يمه شرايك بالاجازه نروح بيت عمي خالد
حصه اللي فهمت بنتها قربت منها ومسحت ع شعرها البوي: ودي اشوفك بشعرك الطويل
ابتعدت منيره عن امها ونزلت دموع من عيونها وراحت تركض ع غرفتها
حصه وهي تتنهد: يارب تفرج همها وتهديها
ف جهه ثانيه حالتهم تعبانه ولسى واقفين قدام باب العمليات ناظرت الساعه شافتها 10 بالليل
مسكت يد زوجها: أنا خايفه صار لهم 10 ساعات محد طلع يطمنا
خالد يحاول يهديها وهو بداخله منكسر وخايف: لا تخافي ولا شيء ان شاءالله ماعليه شيء
توه وصل ع طول من المطار ع المستشفى نزل بسرعه يهرول بين الممرات لين وصل شاف امه وابوه جالسين ع الكراسي راح لهم وابوه من شوافه وقف وحظنه
جواد: يبه اخوي شلللللللونه .. وش قالو لكم
ابتعد عنه ونزل راسه وويأشر بـ لا
جواد: شننننننننننو شفيههههههه
طلع الدكتور والكل توجه له
جواد: هادكتور وش صار
الدكتور: للاسف ماقدرنا نسيطر ع النزيف .. الحين وضعه مستقر وهو بخير لكن بيظل ف غيبوبه ولا نعرف مدتها .. في ناس يصحون منها خلال اسبوع وناس اشهر وناس حتى بعد سنين بس كمان فيه ناس مايصحون منها لنهاية عمرهم كل الاحتمالات وارده
سميره تصرخ: لأأأأأأأأأ شلللللللللون كذا انت تكككككذب ولدي راح يصحى راح يصحى
جواد مسكه من كتوفه: دكتور مافي حل ثاني مستعدين نسفره اكبر المستشفيات إذا فيه امل يشفى
الدكتور: للاسف هذا الشي مافي علاج له غير رحمة رب العالمين
وراح وتركهم مصدومين وسميره منهاره .. جواد ضغط ع جواله بقوه وهو يصر ع اسنانه: ترحمي ع نفسك ي جوانه راح تشوفي الموت وانتي عايشه
|