رد: ░▒▓◄سجّـل حضـوركـ ببيـت مـن الشعــر►▓▒░
سميتك محنه وعاطفه واشواق
لهو تكظي وكت شتريد سميني
واخذ شتله غرامك يا عشك يا شوك
بس عاكول صدك ينبت بطيني
دخليني اعلى بختك انا ما مجبور
بيدي انحت آله واكفر بديني
وليش اطلع شمس وادري انته طبعك ماي
تصعد غيم مني وتوكف بعيني
بلبل وبقفص لتحطني بالبستان
يا غصن اليميل بنار يجويني
كبرت اعلى السهر يالمرودك سجين
شلي بكحلت غرامك كون تعميني
العشك عندي عشك ما عندي هيج وهيج
اتانيك واجيك وما تتانيني
ولو حسبت حلم طيش الشباب يعود
مجتفني الوقار وما يخليني
درت عيني اعلى نيتي وشفت ظلك فات
وعلى طينت خيالك غمست عيني
|