منتديات رهين الشوق - عرض مشاركة واحدة

2009-11-25, 10:56 AM

ೋ مدخل ೋ..

للحزن في وجهي كلام وتعابير
قصة حزن تصعب على من قراها
رغم الألم أضحك وأسولف مع الغير
وأنسى جروحي واتجاهل نداها

صباح الجرح ياجرحٍ نزف في صفحة الاحزان

صباح النوح والصمت الطويل وقسوة سنيني

صباح الهم والضيقه صباح البوح والحرمان
صباح آلام عمري يالدموع اللي بكت عيني

صباح الحزن ياحزنٍ بوجهي صار له عنوان
تعرّى في ملامحْه وجهلْه اللي يحاكيني

يمر الليل واحزاني تراودني وانا سهران
وصبحي تنجلي شمسه وانا همومي تخاويني

لك الله يازمن يكفي ترا مليت هالكتمان
ترا مليت ضحكاتي بوجه اللي يواسيني

أحاول أخفي جروحي واعايش قسوة الازمان
واذا قالوا عسى ماشر اقول ابداً وانا فيني

وانا احمل داخلي حزنٍ تعدى طاقة الإنسان
قدرت اخفيه وأتْجاهل ندا جروح ٍ تناديني

الا يالله تغفر لي ذنوبي ياعظيم الشان
والا يالله في عفوك عن همومي تسليني

مساء الخير ياجرحٍ نزف في صفحة الاحزان
مساء النوح والصمت الطويل وقسوة سنيني

...ೋ مخرج ೋ...

قل للحزن يرفق على وجه الافراح
وقل للصبر ماعدت بالصبر الاوّل
تعبت من جرحٍ نزف سبة اتراح
ومليت من حزنٍ بقلبي تجوّل