اتصالك
هز إتصالك فيني الشوق وإنهار
قلبي وزادت حيرتي والتياعي
بين الفرح والخوف والشوق والنار
يا غالية زاد العنا والصراعي
تلعب بي أمواج الهواجيس واحتار
ما بين شوقي لك وبين الضياعي
موجة حنين تزيدني حب واصرار
وموجات عن شاطيك تبعد شراعي
ياحبي الخافي وياكل الأسرار
تحطمت نفسي ولامن يراعي
إلى ضحك الليالي بالأنوار
جتنا عواكيس الزمن بندفاعي
مدري وش اللي بس تخفيه الأقدار
هو لم شمل أوهو فراق وضياعي
بين الرجا والياس قاسيت الأمرار
أكثر من اللي كان في مستطاعي
|