منتديات رهين الشوق - عرض مشاركة واحدة

2010-04-09, 10:44 AM

السراب

قال السراب وقلت ظامي لسـرابه قال الهلاك وقلت لعيون الاحباب
يا لايمي في حب متـرف شـبابه الموت حق ولاتبـرق بالاسباب
كانه ذبحني صـاحبي من عـذابه ماابي لدمي يا هل اللـوم طلاب
الـجادل اللي فيه زيـن ومهابه يفز له قلبٍ .. وتخضع له أرقاب
في حجر عينة لي غديـر وسحابه وفي وسط قلبي له تناهيت وعتاب
إن قلت أحبه يكفي القلب مـابه وان قلت أنا مابيه ..باصير كذاب

دم الاطراف

أتعب على المعنى .. ويسهرني القاف
ويلذ لي تجريح عذب القوافي
وإلى مزج حبر القلم دم الأطراف
يصير لي معنى على الناس خافي
عندي معاني الشعر تلمس وتنشاف
أنما جرحك الشعر ما هو ب كافي
وان ما لمس في القلب .. احساس وشغاف
عدّك كتبته فوق رمل السوافي
لاتحسب ان البحر موج ومجداف
ترى قليل البحر ما كان طافي

---------

شمس الجمال

هيه يا غصن تمايل بالدلال
ما تخاف الكسر لا هب الهبوب
وما تخاف الله وتسعى بالعدال
انصف من لحاظ عينيك القلوب
لا متى ذبح العرب عندك حلال
تابت العالم متى عينك تتوب
مير قلبي يا لغضي بيعه محال
ما أقدر أعطي لو تبي مني ذنوب
أشهد إنك بالحلى فقت الخيال
وعيب حسنك كان في حسنك عيوب
شارقة في طلعتك شمس الجمال
وجامع في ضحكتك كل محبوب
الخمل فيني انا ما بك خمال
مشملٍ نوّك .. وانا نوّي جنوب

دمع السحاب

جهّى مطر دمع السحاب المجاهيم
سود العيون اللي انتثر وبلهنه
رمح الشمال اللي طعن مهجة الغيم
شق السحاب وسالت الشمس منه
ساعة غشاني دمعها كنه الديم
دب الوجل في المهجة المرجهنه
وقمت اتذرى بالصبر والتعازيم
بعضي يبوح الخوف وبعضي يكنه
ناديتها واللي يغيث المظاليم
انك ولا غيرك لقلبي مضنه
ان قالوا الحساد داله وانا .. اهيم
ما نيب انا ارجي من عدوي محنه
قالت تشد .. وقلت بالحيل باقيم
ما في الوطن .. وعيون الاحباب منه
تبسمت شوقٍ .. بحبٍ .. بتسليم
حبيبتي .. والا العدو خاب ظنه