رد: رواية اخاف احبه ويتركني واخاف ابعد واتعذب كامله
البارت الخامــــــــــس
انتظرت لحد طلعو اكثر الموظفين اندق الباب
دخل وهو شايل شنطه بيده
جاد: مو طالعه ؟
سويت حالي مشغوله بالاوراق اللي ف يدي
جوانه: شوي اخلص هذي واطلع
جاد: مو ظروري يلا لاتتأخري
جوانه: حاضر
طلع وانا انتظرت شوي عشان ابي اروح مكتبه
اخذت شنطتي وطلعت بعد 10 دقايق كنت امشي حبه حبه وانا اتلفت يمين ويسار خايفه يكون فيه احد وصلت لمكتبه حطيت يدي وفتحت
سمعت صوت خلاني اوقف مكاني متجمده
: وش عندك هنا ؟
من جهة دانه كانت لسى بالجامعه وجالسه مع وحده من صديقاتها وهي تنتظر السايق
دانه: ي الله مره تأخر ذا
لمى: دقي عليه شوفيه
دانه: مليون مره ادق مايرد
لمى: انزين تعالي معي أنا اوصلك
دانه: لا مايصير
لمى: يلا عاد مافيها شيء
دانه: بس اخاف اهل...
قاطعتها: لاتخافي ولا شيء يلا يلا البسي عباتك اخوي واقف
استسلمت دانه: طيب
لبست عباتها وطلعت معها
ركبت لمى السياره وهي تكلم امجد اخوها
لمى: بوصل صديقتي ع بيتها
امجد بطفش: اوك وين بيتهم
عطته لمى العنوان واتجه للبيت
ف الطريق
امجد: من اي طريق اجي يمين والا يسار
لمى تناظر دانه ودانه ساكته مستحيه
امجد: هيه اكلمك أنا
دانه قالت للمى ولمى خبرت اخوها
امجد: شنو صديقتك بكما ؟ مأتتكلم؟
دانه انقهرت منه: اتكلم احسن منك
امجد: اوه حلو. طلعت عندها لسان
لمى: خلاص امجد شفيك
امجد: مادري عن صديقتك ذي شكلها نفسيه
دانه عصبت من وقاحته: وقف هنا
ماوقف
دانه بعصبيه: قلتلك وققققف
وقف بقوه وفجأه
ودانه نزلت من السياره ومشت شوي وهي توقف تاكسي بس مافي احد وقف
لمى بالسياره: امججد وش هالاسلوب
امجد: لموه اللي فيني مكفيني
لمى: انزل قلها تطلع
امجد: هه مراح انزلها هالنفسيه
لمى نزلت تشوف دانه
لمى: دانه معليش أنا اعتذر عن اخوي بليز انسي ويلا نوصلك مراح تلاقي تكسي فاضي هالوقت
دانه بعناد: لا مابي روحي خلاص أنا ادبر عمري
لمى: يلا عاأأأأأد بلللليز عشاني
دانه: أنا اسفه لمى ماقدر اروح. شوفي حتى ما اعتذر مني
لمى: يعني لو اعتذر بتطلعي ؟
دانه: ايه
راحت لمى ع سيارة اخوها
لمى: امممجد يلا عاد اعتذر من البنت خلنا نخلص
امجد: لا
لمى: امجد انت غلطت عليها عيب عليك هي ماسوت لك شيء مو من حقك تغلط وماتعتذر
امجد نزل لها عشان طفش من الوقفه ويبي يرجع البيت توجه لدانه اللي مكتفه يدينها وتناظر الجهه الثانيه
امجد: خلاص اسفين امشي خلصينا
ناظرت لجهته: كذا الناس تعتذر؟
امجد: احمدي ربك اعتذرت منك
دانه: مو منتظره اعتذارك. واذا بطلع مو عشانك. عشان لمى المسكينه
وراحت ع السياره
تنهد امجد بطفش ولحقها
التفت بهدوء وانا احاول اكون طبيعيه
جوانه: ابي الاستاذ جاد. انت منو
هادي: أنا هادي مدير الموظفين
جوانه: اها. هذا انت
هادي: ماقلتي لي وش تسوين هنا وانتي عارفه ان الاستاذ جاد موب فيه
جوانه: ليش وينه
هادي: مو علي هالحركات. وش تبين من مكتبه
مشيت بنزل: مالك شغل
ومريت جنبه بس مسك يدي وانا سحبتها بسرعه
هادي: اعرف انك تبين جاد الهامي
بققت عيوني: وش ابي فيه يعني
هادي: م اعرف بس فيه شيء يدور براسك م اعرفه
ارتحت يعني اللي شاك فيه مجرد تخمين والا هو مو عارف شيء
جوانه: هه عقلك صغير
وتركته ونزلت كان السايق واقف ركبت السياره وطلعت ع البيت
عند دانه وقف قدام بيتهم ونزلت وهي حدها معصبه
دخلت البيت وكان واقفه بالحوش دقت ع اختها
جوانه: الو
دانه: وينك ؟
جوانه: دقيقه واوصل
دانه: اوك
جوانه: ليش تسألي
دانه: مابي ادخل البيت عشان ماما ماتسألك شيء
جوانه: ماشي
شوي ؤوصلت ودخلو مع بعض
من بعد ماشافهم مع بعض وهو مو قادر يفكر ف شيء البنت هذي حاس انها تبي تضعفه وهو مو اي شخص يقدر عليه يحس انه مايقدر يشوفها زي اي بنت ثانيه يتعمد يجرحها او يهينها عشان يبي شيء يخليه يكرها يحس انه مايحبها بس فيه شيء يجذبه لها
طلع من الشركه وقال لمنصور يرجع بتاكسي وان هو اللي يبي يسوق اخذ السياره ومسك خط الدمام وهو يفكر ف جوانه وصل الدمام وراح ع بيت عمته
دق الباب
جت هديل 12 سنه تركض وفتحت الباب ويوم شافت جواد نطت بفرح
هديل: ماما جواأأأأأد هنا. وتعلقت فيه
جواد: هههه شلونك
هديل: تمام
جت عمته اللي تحبه : تو مانور البيت ادخل ي ولدي زارتنا البركه
تضرب هديل ع كتفها بخفيف: وانتي ابعدي كسرتي رقبة الرجال عيب
ابتسم جواد وباس عمته وحضنها: شلونك ي عمه
حصه: بخير ي ولدي شلونك انت ؟
قال وهو يدخل: بخير دامك بخير
نزل عبدالله: اوه ولد العم عندنا غريبه
حضن جواد
جواد: ماغريب الا الشيطان حبيت اتطمن عليكم
عبدالله: يلا حلو خليتنا نشوفك
سمعت ازعاج تحت نزلت بسرعه تشوف وش فيه وشافت جواد رجعت ع مرايتها بسرعه وعدلت شعرها وحطت شوية روج خفيف وعدلت قميصها ونزلت
وصلت عنده ومدت يدها: شلونك
جواد ناظرها: لساتك مثل ماكنتي
ابتسمت منيره وهي تجلس
جواد يكلم عبدالله: الا وين ابوك ؟
عبدالله: رجع من الدوام تعبان تغدا ونام
جواد: اها
طول وقتها تناظره وتدقق بابسط تفصيل يقوله.
ف بيت اهل جوانه جوانه جالسه ع سريرها ودانه متسطحه ع الكنبه اللي جنبها
جوانه: اما خيررر مين مفكر نفسه
دانه: مدري عنه ودي اعطيه كف بس استحيت من لمى
جوانه: خلاص لا تروحي معها مره ثانيه
دانه: ايه اكيد. مافي شيء جديد مع جاد
جوانه: لا والله. اليوم رحت ابي اشوف مكتبه وشافني هذاك اللي اسمه هادي
دانه وهي تجلس: هييء ووش سويتي ؟
جوانه: ولا شيء سويت اني م اعرف انه مو موجود
دانه: ايه زين
جوانه: تعبت من هالشركه ودي احصل شيء وارتاح
دانه: اسمعي طيب خليه يحبك
فتحت عيوني: شلللون يعني
دانه: ايه يمكن ماتحصلي اوراق ولا شيء. ف أنا اقول تقربي منه خليه يحبك واذا اعترف بحبه اسحبي عليه اقلها ينقهر ويحس باللي حسته ريم
جوانه: ?? وش تستفيد بعدين واخاف عنده صور لها او شيء ويروح ينشرها
دانه: مادري عنك انتي حاولي تستدرجيه بالكلام وتاخذي منه كلام عن علاقاته وكذا
جوانه: اوك
دانه وهي تقوم: بروح اذاكر عندي اختبار
جوانه: الله يوفقك
مسكت السلسال وضميته داخل يدي شلون ارجعه هففففف من جهه جاد ومن جهه هادي وكمان جواد وهالعقد كل هالافكار ف راسي مو قادره ارتاح من التفكير فيها
تسطحت وانا انتظر اذان المغرب وافكر وش بسوي مع كل هالاشياء
عند ريم كانت جالسه مع منار ف المطبخ ويسوون اكل
منار وهي جالسه قدام الطاوله اللي تقطع عليها السلطه: اقول ريمي
ريم كانت تنفتح الثلاجه وتاخذ جبن وقشطه وتحطها ع الطاوله: قولي
منار: اممممم مازن
ابتسمت ريم: شفيه ؟
منار: احممم من اسبوع كذا علمني انو شسمه. يحبني
ريم:ههههههه مو شيء جديد. ادري انكم ميتين ف بعض
منار: حلفي !
ريم: وتراه يكتب عنك خواطر من زمان
منار وقفت : وينهم ؟
ريم: بغرفته بس اتركي اللقافه
منار: يلا تعالي وريني بشوفففف بليززز
ريم: مالي شغل روحي بروحك وهو مو هنا عادي
منار: ياربي منك انتي والثانيه جوانه ينقال انكم اقاربي. وقت احتاج وحده فيكم تتركوني. بس هين اوريكم
وطلعت وريم تضحك عليها
فتحت باب غرفته شافت كتاب ع الكومدينه راحت له وجلست ع سريره وفتحت الكتاب
كان كله كلام عنها عن حبه لها وكمان يوصفها انسجمت مع كتاباته لحد ماصحت من هيامها ع صوته العصبي اللي مو متعوده عليه
مازن: باي حققق تدخلي غرفتي
وتوجه للكتاب وسحبه من يدها واشر لها جهة الباب
مازن: اطلعي
منار تناظر فيه والدموع بعيونها وطلعت تركض ع غرفة ريم اخذت عباتها ونزلت ريم شافتها لابسه عباتها طلعت من المطبخ
ريم: هيه وين رايحه مابتاكلين معي
منار معطيتها ظهرها ماتبيها تشوف دموعها
منار: ماما دقت تبيني ظروري
وطلعت وريم حست ان فيها شيء بس ماحبت تزعجها من جهة مازن جلس ع سريره وهو يتعوذ من الشيطان ويكلم نفسه. أنا وش فيني عصبت عليها كذا ونزلت دموعها افففف مني لازم اعتذر منها قبل تروح طلع من غرفته ونزل تحت شاف ريم لسى تحوس بالمطبخ ويوم شافته
ريم: بسم الله متى جيت ؟
طنش سؤالها وقال: وين منار
ريم: طلعت بس ماكانت ع بعضها انت قلت لها شي؟
مازن طنش اخته وطلع
ريم تكلم نفسها. شفيهم كل واحد يكلمني ويطلع ولا يردون علي
عند مازن طلع وكانت رايحه اخذ جواله ودق عليها ماردت دق مره ثانيه وثالثه ورابعه ولا ردت
مازن: تكككككفين ردي ما اتحمل زعلك
اما عند جواد ظل مع عمته وعيالها لين بعد المغرب واستأذن ورجع ع الرياض وصل ع الساعه 9
اول مادخل وقفت سميره وهي تروح له
سميره: وينك ي جواد شغلت بالي
جواد باسها ع راسها: اسف يمه
سميره: وين كنت؟ وليش جوالك مقفل
جواد: خلص بطاريته امممم وانا كنت عند عمتي
سميره: لاتسوي كذا مره ثانيه تروح ولا تخبرني وتشغل بالي
جواد: حاضرر يمه
طلع ع جناحه رمى المفتاح وحط جواله بالشاحن
وراح يتحمم
عند دانه خلصت مذاكره وراحت بتشوف اختها لقتها نايمممه سحبت البطانيه وغطتها وقفلت النور وطلعت من عندها .. راحت غرفتها اخذت جوالها لقت مسج من لمى "اعذريني عن تصرف اخوي هو مو كذا والله بس اليوم جاني وهو معصب عشان تهاوش مع ابوي" دانه. ايه واضح انه مو كذا لو انه محترم كان اعتذر بذوق بس مسكينه لمو ردت عليها "ماصار شيء ي قلبي وانا اعذره"
قفلت جوالها وتغطت ونامت
رجعت البيت كانت ماتشوف من الدموع صح الكلام مو قوي بس اول مره حبيبها يعصب عليها لا ويطردها بعد حست بجرح لها كانت طالعه الدرج وصدمت في فهد
فهد: شفيككك عميا ماتشوفين
رفعت راسها وشاف دموعها
فهد بخوف: منو شفيكك ؟
قالت وهي تتعداه: مافيني شيء
دخلت غرفتها وقفلت الباب انسدحت ع سريرها وحضنت مخدتها وظلت تبكي لين حست بالنوم ونامت
طلع من الحمام وبعد مانشف شعره ولبس بيجامته اخذ جواله وفتحه وجته missed call كانت من امه ومنصور ويوم شاف الثالثه تغير وجهه ورمى الجوال بطفش كانت من كرستين
تسطح ع سريره ويناظر السقف ويدينه تحت راسه
معقوله يكون صدق ولدي ! معقوله أنا يصير عندي ولد وبالطريقه هذي. شلون بخبر اهلي وش بيكون موقف ابوي مني. .. غمض عيونه وهو يطرد هالافكار من باله وفي باله "لكل حادث حديث"
عدل نومته ونام
صباح يتجدد به الاروح صباح تشرق فيه الشمس من جديد ليذهب سواد الليل المخيف .. اصوات ضجيج سيارات مزدحمه في طرقات الرياض .. وسائق الباص المزعج امام منزل جارنا الذي يأخذ ابنته إلى المدرسه فتحت اعينها بكسل على ذالك الصوت وهي تنظر لساعتها
جوانه: ءءءءء فيني نوم. اففف من هالباص المزعج وقفت بكسل ودخلت ع الحمام عشان اتحمم واصحصح وطلعت صليت ورحت اشوف دانه لقيتها صاحيه ف رجعت اجهز نفسي .. تذكرت محاضرة السيد جواد وانو لا اتأخر هفففف مدري ع وش شايف نفسه .. المهم ماعلي منه جهزت نفسي بسرعه عشان مابيه يكلمني اليوم طلعت من غرفتي وعلمت دانه اني بطلع ورحت قبل تصحى ماما وبابي. ركبت مع السايق واتجهنا ع الشركه .. ي الله الحين ابوي عنده اجازه اسبوع عشان اخذ له بعد الحادث اسبوعين عشان يرتاح بس الاسبوع الجاي وش اسوي هو متعود يوصلنا أنا ودانه ويروح دوامه .. اخذني التفكير ف بابا وجاد والعقد وماحسيت الا واحنا واقفين عند باب الشركه نزلت بهدوء اليوم لاني جيت بدري طلعت المصعد وصار بينقفل بس فيه احد حط رجله وانفتح فتحت عيوني وانا اشوفه يدخللل وقلبي بيطيح من الفكره انو بكون معه لوحدنا ف المصعد
بعد ماقامت وتحممت وصلت راحت كالعاده عشان تفتح نافذها .. بعدت الستائر وفتحت النافذه وتفاجأت بالبالونات اللي قدامها ناظرت تحت كانت مربوطه ف دب متوسط دخلت البالونات وهي تسحب الشرايط حقتها لفوق لين اخذت الدب وحصلت ف يده ورقه "تسامحيني والا اروح انتحر" ابتسمت وهي تضم الدبدوب وبخاطرها اصلا مو من حقي ازعل اللي صار شيء طبيعي اكيد يعصب يوم يشوفني افتش اغراضه سمعت رنين جوالها اخذته بحب
منار: الو
مازن: صباح الحب
منار: اهلين
مازن: لسى زعلانه مني
منار: امممممم شوي
مازن: هههه ووش تبين عشان ترضين؟
منار: اممممم ابي قلبك كله لي وابي حياتك كلها لي وابي هواك بس لي وابي روحك تهواني وبس لي
مازن: أنا وقلبي وروحي وحياتي وهواي كلنا تحت شورك. انتي امري بس
منار ابتسمت بخجل: خلاص سامحتك
مازن: مو متأكد انك سامحتيني
منار فهمت عليه: امممم احبك
مازن بسعاده: الحين تأكدت وانا. وقال بصراخ. اهوأأأأأأأأأأأأأأأأأأك
ا
دخل وانا وقفت مكاني وهو نظراته لي وبيده اوراق ويضرب فيها ع يده اليسار اخذت هوا عميق وحاولت اهدا واصير عادي
جوانه: هلا استاذ هادي
ابتسم ابتسامه جانبيه بخبث: اهلين فيك
خفت من طريقة كلامه كأنه عارف شيء
اقترب مني وانا رجعت شوي ع ورا
هادي بسخريه: هه وتقولي ماتبي جاد الهامي!!
ارتبكت: عفوا وش قصدك
هادي: اجل وش تفسرين شهاداتك المزوره
فتحت عيوني ع كبرها وعرفت انو خلاص مايمديني اكذب لان هالانسان كشفني وعرف الشهادات
عند دانه نزلت بهدوء وكانت امها ف المطبخ طلعت حبه حبه وقفلت الباب ارتاحت لان امها ماشافتها
راحت ع الجامعه وهي تدعي ان اختها تخلص من هالمشاكل اللي كل يوم تطلع لها من يوم راحت لشركة الهامي.
يفتح الباب: تفضل طال عمرك
نزل جواد بهدوء واخذ شنطتة واحد من مساعدينه ويمشي متجه لمكتبه .. وفي نفس اللحظه عند جوانه
وقف المصعد
طلعت بسرعه وانا احاول اطنش كلامه
طلع خلفي بسرعه ومسك يدي
هادي: ماراح تروحي مكان لين تجاوبيني
حاولت احرر يدي منه بس كان ماسكها بقوه
جوانه: اي ابعد عورتني
شدني لناحيته وصرت قريبه منه وعيونه يبان فيها الشر ياربي شكل هاليوم مراح يعدي ع خير
قرب من اذني وهمس
هادي: ماراح اتركك بعد اللي شفته وتركني وراح وانا مصدومه وش يقصد ي ويلي اكيد قصده راح يخبرهم عني ف وسط تفكيري سمعت صوت تصفيق هادي وبارد طق طق طق طق
التفت بسرعه
جواد: فلم ولا اجمل
وي هذا فهم غلط: ?? انت فاهم غــ.. قاطعني
جواد: ولا كلمه شايفك بعيوني ماله داعي تبرري
اه ياربي أنا قايله اليوم هذا مراح يعدي ع خير اصلا وش ابرر وش اقول ماعندي عذر
جواد: ايوا كذا خليك ساكته لان صوتك قبيح وشكلك اقبح
بققت عيوني ع كبرها واحس فيني صيحه
جواد: اسمعي أنا سكت عنك كثير اولها مع جاد والحين مع الموظفين .. لكن اليوم توقعي استقالتك وتجيبيها لي او بطردك مثل الكلاب
وراح عني وانا ماقدرت استحمل دخلت مكتبي وعلى طول انفجرت بالبكا الحين وش بيقول عني اكيد يقول اني من هالبنات كلهههه من هالحقير هادي حسبي الله عليه بطلع من الشغل وما استفدت شيء ودراستي واعتذرت عنها اففففف اففففف رفعت راسي ومسحت دموعي وانا افكر بشي بس أنا ما احب اذل نفسي عند احد ?? مستحيل اترجاه بس بروح لجاد هذا قلبه حنون اكيد ماراح يرضى يخليني اطلع اصلا هو بدء يتعلق فيني مسكت ع رقبتي وتحسست السلسال اه وهذا ليش متعلقه فيه مدري ماودي اعطي جاد اففف بس هذا له لازم اعطيه .. الحين راح اطلع من الشركه ولازم ارجعه لصاحبه
اخذت التلفون واتصلت ع منار وخبرتها باللي صار
منار: وي هذا غبي ليش يفكر كذا
قلت ودموعي ع خدي: الحين وش اسوي معه
منار: أنا اللي اشوفه تتركي الشغل وخلاص ريم الله معها والله راح ياخذ حقها انتي مو قد عيال الهامي. ابعدي عنهم ي جوانه لا تدخلي نفسك بمشاكل اكثر ي قلبي.
مسحت دموعي بتحدي: لا ماراح استسلم راح اوقف بوجه هذا جواد وراح اخذ حق ريم من جاد
اندق الباب و ع طول انفتح بدون ما اقول تفضل
كنت كاشفه وجهي واول ما شفته واقف صنم رجعت الطرحه ع وجهي
جاد يتقدم ويجلس ع الكرسي اللي قدام مكتبي
جوانه: يلا اجل اكلمك بعدين
منار: عندك احد
جوانه: ايه
قفلت منها : هلا استاذ جاد
جاد يناظر فيه ومستغرب: ليش كنتي تبكين
هذي فرصتي لازم اخليه يقتنع بكلامي أنا. يارب سامحني يارب والله ماعمري كذبت بس هالمره بكذب يارب تسامحني
جاد: جوااننننه شففففيكككك لاتجننيني
قمت ابكي بس هالمره تمثيل: الاستاذ جواد طردني
جاد بذهول: شنننننو ؟؟ وللللليش
جوانه: كنت كنت واقفه مع الاستاذ هادي ولما بديت امشي رجلي اتزحلقت وهو مسكني والاستاذ جواد شافني و فهم ألموضوع غلط. حتى ما اعطاني فرصه ابرر له
جاد: ماعليك منه أنا المدير حاليا أصلا هو شغله بلندن مو هنا
جوانه: بس أنا ما اقدر اجلس بعد الكلام الجارح اللي سمعني ياه
وقف جاد: أنا اتفاهم معه
طلع من الغرفه وع طول توجه لمكتب اخوه دخل بدون استأذان وضرب الباب خلفه بقوه جواد كان جالس ع مكتبه واول ماسمع الباب رفع راسه بسرعه وقال بأستغراب: جاد!!!
تقدم منه: انت بأي حق تطرد جوانه ها
جواد: هالبنت مو محترمه نفسها وشركتنا ماتقبل ناس زي كذا
جاد وصوته مرتفع: انت اصلا مالك شغل تطرد وتوظف أنا المدير الحالي هنا وانا ما اسمح لك تتدخل بشغلي
جواد: اول شيء انت عارف وش سوت ؟
جاد: ايه عارف وانا اثق فيها ولمعلوماتك ترا أنا احبها وما ارضى اي احد يغلط عليها
جواد عصب فجأه يوم سمع من اخوه كلمة احبها:تحبها؟؟ شللللللون تحبها يعني؟؟؟ تحب هالاشكال؟؟ اصلا انت من متى حبيت راح تقضي معها ليله وترميها زي باقي البنات انننننننننتبه ترا هالبنت غيرررر مو مثلهم سامع
جاد: لا تخاف أنا احححححححبها .. وياليت ماتدخل نفسك ف اموري لان أنا اعرف وش اسوي كمان شيء ياليت ترجع لندن مالك شغل هنا ابوي وكلني أنا عشان ادير هالشركه
جواد يناظر اخوه باستغراب: لهاالدرجة اخذت عقلك حتى نسيت نفسك وجالس تطرد اخوك
جاد: افهمها مثل ماتبي بس لاتقرب من جوانه
وطلع وترك جواد بجمود مو عارف ف ايش يفكر او ايش يسوي
: منااااار
التفت منار وهي تناظر دانه اللي جايه تركض
منار: بسم الله شفيك
دانه: بسرررعه تعالي
منار:شنو وش صاير
سحبت منار من يدها وتمشي باسرع ماعندها وهي تكلم منار: ريم ريم لقوها البنات طايحه ف الممر اللي خلف الكليه بسرعه امشي
ركضو البنات عند ريم اللي كان الكل حولها ومحد قدر يلمسها عشان خايفين وخرت منار الكل وشافت ريم ع الارض راحت لها وحطت راسها ع رجولها وهي تضرب بخدودها ودموعها ع خدها
منار: ريمممممي شففففيككككك منو مسوي فيك كذا ي قلبي .. ررررريمي قومي حبيبي
دانه: أنا دقيت ع الاسعاف الحين يجي
كان باين ف ريم اثار ضرب قوي 10 دقايق وجا الاسعاف واخذو ريم اللي غايبه عن الوعي
راحو البنات وظلت دانه جالسه تتصل محد رد عليها جت لمى وشافتها تبكي
لمى بخوف وهي تضم صديقتها: دانه ي روحي وش فيك تبكين
دانه تمسح دموعها: صديقتي وبنت خال منار مدري مين ضربها والحين راحت المستشفى ولا ندري عن حالها ادق ع منار ماترد خايفه صار لها شيء
لمى تناظر الساعه: طيب يلا نطلع صارت 12
دانه: السايق مشغول مع ابوي
لمى: افا عليك أنا اوديك يلا قومي اخوي واقف
دانه تتذكر الموقف اللي صار لها معه وبسرعه: ???? يكفي اللي صار هذيك المره
لمى بأسف: باقي مانسيتي ؟
دانه: الا نسيت بس خايفه يسمعني كم كلمه تضايقني
لمى: ?? والله مايقول شيء ع مسؤوليتي يلا عاد
دانه بعد اصرار لمى وافقت
لمى تكلم امجد: هيه ترا صديقتي معي وابي اوديها المستشفى ياويلك تزعلها او تقول لها كلمه
امجد: وخخخخخير سواق ابوكم أنا
لمى: حرام البنت تعبانه ماعندها احد يوديها
امجد: اوك امري لله يلا بسرعه
طلعو البنات ودانه خايفه من هالانسان لان لسانه طويل وهي حساسه ماتحب احد يجرحها ..
وقفو عند بقاله
امجد: لمى تبين شيء
لمى: لا بس دقيقه وسألت دانه: تبين شيء
دانه: لا مشكوره
نزل امجد واخذ باكيت دخان وعصير ومويا وطلع
امجد وهو يشغل الدخان: لا يكون بس فيك ربو عشان ما اخنقك
دانه ياكرهي للي يتميلح قالت بصوت واضح: لا
امجد: اوه حلو اليوم طالع لسانك
دانه تناظر لمى زي اللي تلومها وتقلها شوفيه ماتعدل
امجد: انزين وش فيك مريضه
دانه بعصبيه: وانت وش دخلككك
امجد: اعصابببببببك ي حلو ومد لها مويا: بردي ع قلبك
دانه: لللللللمو شوففففيه
لمى: خلاص امجد مو وقتك
امجد: من حقي اعرف شفيها اللي اشوفه مافيك شيء لسانك اطول منك يعني موب تعبانه ف عشان كذا ي حلوه برجعك بيتكم أنا مو ناقص مصايب
لمى باستغراب: وش مصايبه
امجد: البنت مو مريضه يمكن تبي تشوف حبيبها هنا ماحس الا بالمويا ترتمي ع وجهه شههههق ؤوقف السياره
دانه بعصبيه:أنا غلطانه رجعت ركبت مع واحد وقح مثلك
نزلت وكان فيه تكاسي كثير اخذت تاكسي ورجعت ع البيت
لمى بعصبيه: امممممممجد وش هالكلام اللي قلته البنت محترمه ومتربيه لدرجة انها من يوم ركبت معك وهي عيونها بالارض مارفعتها حتى لي
امجد يشيل نظارته الشمسيه ويمسح وجهه بالمناديل: هين أنا اوريها
ف المدرسه عند منيره بنت عمة جواد
ولاء: منووو
منيره سرحانه: هاه
ولاء: شفيك
منيره: بخبرك تعرفي ولد عمي خالد
ولاء: ايه وش فيه
منيره: مدري احس اميل له
ولاء: زين انك ماطحتي يوم ملتي له
منيره: ها ها ها مو حلوه النكته
ولاء: اكيد مو حلوه دامك قدامي
منيره: المهم اسمعي مابي اتعلق ف رجال
ولاء: وليش يعني
منيره تذكر موقف صار لها: لانهمم كلهمممم زي بعض وانا اكرهم
ولاء:خلاص انسي ي منو وعيشي حياتك
منيره: مو قادره مو قادرررره
ولاء: تعرفي وش علاجك
منيره: وش
ولاء: تحبي شخص يثبتلك عكس افكارك
سرحت منيره ف عالمها اللي مو قادره تنساه او تتجاهله وولاء من شافت سكوتها تركتها براحتها
سميره كانت ف الصاله شافت جواد داخل البيت وطلع بسرعه ع غرفته حتى بدون يسلم ع امه
سميره تكلم نفسها: هذا جواد وش فيه. غريبه اول مره يمر ولا يجي يسأل عني او يتطمن علي
ف جناح جواد دخل وجلس ع الكنب اللي بالصاله فتح الازرار اللي ف عنقه واسند يدينه ع رجوله ونزل راسه ع كفوفه وهو يتنهد ويكلم نفسه بعصبيه” قال يحبها قال .. هالخبل مو عارف الحريم .. بتلعب فيه وتاخذ فلوسه وترميه اعرف هالشي .. اكيد وحده مثلها حقيررره مايهمها الا الفلوس. شلون حبها هالغبي شلللللون قدرت تخدعه .. أنا لازم اوقفها عند حدها. والا وحده مثلها لا راحت ولا جت تعلق ولد الهامي فيها وتخليه يحبها. عاد من حلاتها. افففف أنا وش فيني ليش احس بنفجر .. ليش مخنوق ” وقف بسرعه وطلع ع بلكونته .. تنفس الهوا بعمق .. أنا وش دخلني فيهم خلاص جاد كبير وراح يعرف ف يوم انها بس تبي فلوسه واكيد بيتركها .. اصلا انا خلاص لازم ما اجلس هنا .. لازم اسافر اليوم توجه ع غرفته واخذ شنطته واخذ ملابسه بإهمال ورماها بالشنطه. جلس ع سريره واخذ تلفونه
منصور: هلا طال عمرك
جواد: جهز لي طيارتي
منصور: ابشر دقايق وتكون جاهزه
قفل منه وراح ياخذ شور سريع قبل يطلع
فتحت عيونها بصعوبه وهي تكلم منار
ريم: وين أنا
منار مسكت يدها بخفيف: ف المستشفى ي روحي .. علميني وش فيك مين سوت فيك كذا
ريم سرحت تذكر الموقف اللي صار معها
البنت: هيه انتي
ريم: شنو بعد
البنت: فيه وحده ماسلمت الفلوس ونبيك تقتليها
ريمم بققت عيونها بخوف واستغراب: اقتلللللها؟ مستحححححححيل
البنت: لا مستحيل ولا شيء إذا مانفذتي المهمه تراك انتي اللي راح تموتي
ريم: والله ما اسويها لو تقتلوني
البنت: اوك يعني معنده
ناظرت ف صديقتها بمكر وماكان فيه احد بالممر
طلعت سلسله من جيبها وضربتها بقوه ع وجه ريم اللي ع طول طاحت
البنت: ها لسى مو راضيه
ريم تتحس جبهتها اللي نزل منها دم وترد: مستحححححيل ما اقدرررر أنا ما اقتل نمله تبيني اذبح انسانه ؟
البنت: اوك.
وبدت هي والبنت الثانيه يرفسو ريم اللي طايحه بالارض وتحاول تصد ضرباتهم بيدها لين اغمى عليها وبعدها تركوها وراحو
منار: اللللللللللو ريمممممممي شفيك وين سرحتي
ريم تستوعب: هاه لا لا ولا شيء
منار بعصبيه: كيف ولا شيء علميني منو مسوي فيك كذا
ريم: اهههدي وش بلاك تصارخين
منار تتنهد: بتعلميني ولا شلون
ريم: اممممم. أنا تهاوشت مع بنات سمعتهم كلام يجرحهم ف ماعرفو يردو غير بالضرب وكان كثار ف ماقدرت ادافع عن نفسي
منار: منو منو هذول قولي والله لخليهم يندمو ع الساعه اللي فكرو يضربونككك
ريم: مدري م اعرفهم حتى اشكالهم ما اذكرها زين. بس إذا شفتهم راح اخبرك
منار بعصبيه: شللللللللون تنسيهههههم .. رررريم انتي ماتخبي شيء عني قولي وش صار. ومين هالناس
ريم: صدقيني ما اعرف
منار: طيب ماشي. أنا راح اعرف بنفسي
طلعت ريم ع مسؤوليتها وراحت البيت بعد ماجا مازن واخذها هي ومنار
بالسياره ريم تهمس لمنار: إذا سألوك اهلي قولي لهم طحت من الدرج
منار: لا بقلهم الحقيقه عشان ياخذو حقك
ريم: منار الله يخليككككك اترجاكككك مابي مشاكل
منار تناظرها باستغراب: انتي شفيك من مين خايفه هالكثر ؟
ريم: مو خايفه بس مابي مشاكل
منار: طيب
وصلو البيت ونزلو البنات دخلت ريم ومنار بتدخل اتفاجأة بيد تمسك يدها
مازن يشدها عشان ترجع وبصوته الحنون اللي يجننها وناظراته لعيونها: اشتقتلك
منار نست كل شيء وكل العالم ونزلت راسها خجلانه مازن يرفع راسها وباقي ماسك يدها وبيده الثانيه شال لثمتها ويتأمل وجهها: قولي احبك. يلا بسمعها منك
منار بخجل: قلتها لك كثير
مازن: لا ماقلتيها ف وجهي كذا.
مازن بهدوء وهو يتحسس خدها: تعرفي انك اجمل بنت بالديره ?? بالعالم ?? انت اجمل مخلوق ع وجه الارض
منار غاصت ف ملابسها من الخجل ابتعدت عنه بسرعه وهي تحس انفاسها بتنقطع وقلبها يدق بقوه
بتدخل بس سبقها ؤقف قدام الباب: مافي روحه قبل تقولي احبك
منار خجلانه وبصوت هادي: اااحببك
مازن: هاه. وش قلتي ماسمعت
منار ترفع شوي: احبككك
مازن يسوي نفسه دايخ: ياويل ححححالي. وابتعد عن الباب وهي دخلت تركض
مازن: ياررب تجمعني فيها بسرعه. قبل اجن
رجعت البيت شفت اهلي ع السفره
عبير: غيري ملابسك وتعالي تغدي يمه
قلت وانا اطلع الدرج: تغديت بالجامعه يمه
رحت لغرفتي ورميت نفسي ع سريري حسيت بالسلسله اللي برقبتي فسخته ومسكته بيدي وانا اتأمله يا الله متى برجعه وايش بقله حطيته بعلبه وفتحت درج الكمودينه وحطيته فيها ان شاءالله احصل الوقت اللي ارجعه له .. افففف تعبت كل شيء صار كذب بحياتي ياربي سامحني .. مضطره عشان اطلع حق ريم منه كنت افكر وافكر وافكر لحد ماغفيت بدون ما احس ع نفسي.
“
وهذا أنا راحل بعيد
افرح يالحظ العنيد
هذا أنا تارك حبيبي
وراحل لعالم غريب
في شوارع هالمدينه
امشي بروحي وحيد
ها أنا راحل بعيد
افرح ي الحظ العنيد
في غيابي اذكريني
احلمي بقربي وفيني
اصرخي قولي تبيني
وانا اجيك لو من بعيد
وها أنا راحل بعيد
افرح ي الحظ العني
لو بكلمه رجعيني
امسكي بيدي وامنعيني
ها أنا راحل ي عمري
بس قولي تحبيني
وها أنا راحل بعيد
افرح ي الحظ العنيد
لو تعبتي من غيابي
وداهم قليبك عذابي
بس ناديني واجيك
ناسين همي وعتابي
وها أنا راحل بعيد
افرح ي الحظ العنيد
طيب لو بس ممكن تودعيني
تمسحي دمعي وتحضنيني
وتنطقي كلمة احبك
وتبقي في قلبي وعيني
ها أنا راحل بعيد
هذا أنا راحل بعييييد ......
Noonaaa
في الساعه 7م وصل جواد للندن وركب سيارته
وتوجه ع قصره.
دخل وشاف كرستين بالصاله تشوف فيلم مع ولدها
((تعبت احول اللغه انجليزي وارجع عربي ف راح يكون كلامي باللغه العربيه احسن))
جواد: مرحبا كرستين
كرستين توقف متفاجأه: مرحبا بك عزيزي
قربت منه تبي تضمه
جواد يمد يده: لا. لاافضل ذالك .. ابقي بعيده عني
كرستين: اوه .. أنا اسفه ولكن اشتقت اليك
توجه للكنب وجلس جنب الولد
جواد: حسنا ها أنا هنا ولن اذهب إلى السعوديه قريبا
كرستين بابتسامه: هذا افضل خبر اسمعه اليوم ولكن لماذا؟ هل لي ان اعرف
جواد: لا شيء. اعمالي هنا ولا اريد تركها مجددا حتى لا تتعطل
كرستين: هذا رائع ويستحق كأس. وراحت تصب لنفسها وتكلم جواد: هل تشرب معي
جواد بقرف: لا. أنا لا اشرب ابدا وانتي تعلمين ذلك
كرستين: اوه عزيزي إلى متى ستظل هكذا. لا مانع من شرب كأس واحد فأنت لن تفقد وعيك
جواد يغير الموضوع: ماذا بالنسبة للتحاليل
كرستين: بالطبع النتيجه ايجابيه كما اخبرتك
جواد: اريد ان ارى ذلك بنفسي
كرستين: حسنا انتظر قليلاً
يناظر بالولد ويحاول يتأمله (مايشبهني ابد معقوله تكون صادقه معقوله انت ولدي .. طيب ابوي امي شلون بقلهم. قاطعت تفكيره وهي تمد له الاوراق
كرستين: ها هي .. تأكد بنفسك. ومازالت عينة جوني بالمختبر اذهب بنفسك واجعلهم يأخذون عينة منك لاختبارها ان كنت لا تصدق.
كان وقت تتكلم جواد يشوف الاوراق سكت وناظر ولده ورجع ناظرها
جواد: حسنا أنا اصدقك .. ولكن اصغي الى ماسوف اقوله جيدا .. لن ادرجه تحت اسمي حاليا حتى اخبر والداي بالامر ولكن سأتكفل بجميع مايحتاجه الطفل. اما بالنسبة لك لا اريد مقابلتك ابدا الا للظروره
كرستين متفاجأه: لما كل هذا .. أنا اريد ان اعيش معك `وقربت منه وهي تمسك ع اكتافه: كـ عائله واحده .. لا اريد لجوني ان يتشتت بين والداه
بعد يدينها عنه: لا هذا هو قراري ولا اريد التراجع عنه .. والان سوف اذهب للفندق ولكن غداً لا اريد ان اراك هنا عندما اعود.
وراح وتركها وهي اخذت الاوراق ورمتها ف الارض ومعصبه
اتصالات ازعجتني وخلتني اقوم من نومي الحلو
اخذت جوالي ورديت
فهد: جوانه
فزيت ع طول يوم سمعت صوته حزين
جوانه: هلا فهود وينكك مختفي .. وش فيه صوتك كذا
فهد: تعبان ككككثير
جوانه: بسم الله عليك شفيكك
فهد: حبيبتي مو قادر انساها .. قلبي بيوقف ي جوانه والله راح يوقف
عدلت جلستي: ليه طيب .. ليه ابتعدت عنها
فهد: البنت بويه واكيد اخلاقها مو كويسه بس أنا حبيتها وبعد حبيتها خبرتني هالشي
جوانه: اها .. بس تعال هنا حتى لو هي كذا صدقني مو كلهم نفس بعض فيه بنات اخلاقهم زينه بس صارت لهم ظروف حدتهم ع هالشي
فهد: ما اعرف بس ما اقدر اتزوجها وخلاص اصلا قطعت علاقتي فيها
جوانه: تعال بسألك شيء .. انت شفتها ؟
فهد: لا
جوانه: اذكر انك قلت لي انك شايفها وانها حلوه
فهد: طلعت تكذب علي وهذيك مو هي
جوانه: اها
فهد: يلا اجل نامي مابي ازعجك اكثر
جوانه: فهود حبيبي لاتفكر خلاص يمكن هذا خير لك ماتدري يمكن الله ابعدها عنك خيره .. قوم الحين صلي ركعتين واقراء شوي قران وراح تنام مرتاح
فهد: ان شاءالله .. ومشكوره لانك سمعتيني
جوانه: العفو ي الدب
فهد ابتسم: يلا تصبحي ع خير
جوانه: وانت بخير
قفلت منه ورحت ع الحمام عشان باصلي .. نمت فجأه وماصليت.
: هاحبي كيف الهديه
خوله بدلع: مرا واو .. يسلمو حياتي
: الله يسلمك .. امممم متى اقدر اشوفك
خوله تغير الموضوع: تسدق اليوم خطبني ولد صاحب مجموعة شركات الMAS. بس بابي رفض عشان مايستاهل ياخذني
: اما وللللليش يعني
خوله: تعرف يعني بابي من المعروفين بالديره ومايبي اي احد. لازم احد مثلنا عنده خير
: طب ماقلتي لي اسم ابوك لين الحين
خوله: ولا راح اقلك عشان سمعة العايله
: يلا عاد أنا حبيبك وبعدين هذي انتي عارفه عني كل شيء وانا من عايله غنيه عن التعريف بس خبرتك وعادي
خوله ماتدري وش تقول لانه مكذبه عليه ع انها بنت عز وتاخذ منه هدايا عليها القيمه ولو خبرته انهم ناس دخلهم متوسط او فوق المتوسط شوي راح يتركها.
: الللللللو وين طسيتي
خوله تصرفه: مامي تناديني باي
: طيب باي
قفلت منه وناظرت الساعه اللي جابها لها
خوله: هه غبي ع بالك احبك او بصدق انك تحبني .. أنا ماراح اتزوج الا ولد الهامي هذا اللي بيغرقني فلوس ويخليني فوق فوووووق.
““صباح الخير يا امسي الذي امسى بلا همسِ
ويا يومي الذي اخشى بأن يمضي كما الامسِ““
في صباح يوم جديد
كا العاده الكل راح ع دوامه وانا مابداوم مابي اشوف جواد .. وقفت عشان بنزل بفطر مع امي بس فكرت ان لازم اعتذر عن غيابي رجعت جلست واخذت جوالي ودقيت ع تلفون مكتب جاد
جاد: الو
جوانه: مرحبا استاذ جاد
جاد: يا اهلين
جوانه: أنا جوانه
جاد: وبحة هالصوت احد ينساها .. ادري عرفتك
لا ويتغزل بعد: احمم استاذ أنا ماراح اقدر اداوم اليوم
جاد بزعل: لاااا ليش؟
جوانه: تعبانه شوي
جاد بإهتمام: تعبانه؟ وش فيك ؟
جوانه: لا بس شوية زكام
جاد: طيب خلاص لاتجي اهم شيء راحتك
جوانه: شكرا
جاد: لا العفو
جوانه: مع السلامه
جاد: دقيقه .. بقلك ان جواد خلاص رجع لندن
قلت بدون شعور: للللليش؟
جاد: شنو اللي ليش هناك احسن. خليه بعيد عنا افضل
مع انه يناشبني ويجرحني ويكسر بخاطري ومع اني ماودي اقابله بس يوم قال راح تضايقت شوي ما اعرف ليش
جوانه: ماشي .. يلا عن اذنك
جاد: مع السلامه
قفلت منه ونزلت عشان افطر
هادي جالس ف مكتبه ويفكر ف جوانه
: نفس تفكيري جايه هنا عشان شيء اكيد مو كذا .. شهادات مزوره ليش يعني اكيد وراها شيء بس أنا ماراح اتركها لين اعرف وش عندها .. ياسلام لو جايه وترسم ع جاد الهامي اكيد بيتعلق فيها بس أنا راح اقتلها وقدام عينه مثل ماسوا معي .. بس لا هي وش ذنبها. ذنبها جت هنا. أنا ابي جاد يححححححب من قلب واقتل حبيبته قدامه واخليه يحس باحساسي النذل. لالا حرام البنت مالها شغل بانتقامي منه .. اه بدور لي خطه بس لازم اقنع جوانه تكون معي والا ماراح يضبط شيء قطع تفكيره صوت جاد وقت دخل عليه
جاد: اسمع أنا طالع شوي إذا الوالد سأل عني قله رحت المشروع
هادي: حاضر
وطلع بسرعه بعد ماشاف ملف جوانه واخذ عنوانها منه .. .. ..
ماحست الا بقطرات مويا تطيح ع وجهها فتحت عيونها ويوم شافته واقف ع راسها ويناظرها وشعره مبلل والمنشفه ع رقبته مالقت حل غير الصراخ
منار: أأأأأأأأأأأأأأأأأأأه،، مازن يحط يده ع فمها
مازن: اسكتي فضحتينا ي الخبله
منار متخرعه: انت وش تسوي بغرفتي
مازن يبتسم: اسألي نفسك انتي اللي وش تسوين بغرفتي ؟
منار تناظر المكان حولها وتضرب ع جبهتها: اي تذكرت .. البارحه نمت عند اختك كان فيه صرصار بغرفتها ف هربنا ونمنا بغرفتك وانت ماكنت موجود
مازن يناظرها ويبتسم ع طريقة كلامها وانها اول مره تسولف معه ببراءه وماتخجل منه
منار انتبهت له: اححم ممكن تطلع عشان بلبس عباتي واطلع
مازن: لا مابي قومي قدامي والبسيها
منار بخجل: يلا عاد .. اصلا وش جابك هنا يعني ماتعرف انو نمنا هنا
مازن: قالت لي امي و ع بالي بس الخبله اختي وجيت وتحممت واطلع اشوف فمك مفتوح وكشتك منفوشه تخرعت منك وجيت اناظرك بخير والا ميته
منار اخذت المخده وضربته فيها وهي تقوم معصبه: عاد من حلاتك اخذت عباتها وطلعت ومازن يضحك عليها
جوانه: يمه
عبير: هلا حبيبتي
جوانه: الحين انتي كيف حبيتي ابوي
ناظرتني بنظره غريبه وانا ابتسمت: لا تناظري كذا والله صدق اسأل
عبير: افطري بسرعه بس ابي اشيل السفره
جوانه: ههههههه تأبشني اللي خجلانه أنا
عبير: الحين انتي ليش مو مداومه
جوانه: تعبانه شوي
عبير: والله ما اشوف فيك شيء بس كذا دلع بنات
جوانه: ههههه طيب شفيكك من جبت لك طاري الحب عصبتي علي
عبير: عيب ي بنت أنا امك
جوانه: طب احسك مثل اختي الكبيره.
وقفت امي وهي تاخذ الفطور ع المطبخ
وانا بعد وقفت عشان اساعدها واستهبل عليها
تننن تننننن تنننننن
سمعت صوت الجرس وناظرت امي
عبير: دقيقه أنا بشوف
وطلعت ع الحوش ومن خلف الباب
عبير: مين
جاد: أنا جاد الهامي
عبير: عفوا بس ماعرفتك
جاد: انتي ام جوانه؟
عبيره: ايوه
جاد: طيب أنا اكون مدير بنتك بالشغل
عبير باستغراب: انت غلطان ماعندي بنات يشتغلو
جاد: عفوا بس هذا مو بيت جوانه محمد
عبير بتفاجأ: انت وش جالس تخربط .. أنا بنتي بالجامعه ماتشتغل
جاد مو عارف وش يقول بس فكر يدق ع جوانه ويشوف كلم عبير: خلاص أنا يمكن غلطان معليش
راح ع السياره ودق ع رقم جوانه
جاد: الللو
جوانه: اهلين استاذ بغيت شيء
جاد: ايه أنا حبيت اتطمن عليك بنفسي وجيت بيتكم بس طلعت لي وحده تقول ان مافي بنات يشتغلو ومدري وش
أنا انننننننننصدمممممممممت وقفلت ع طول ورحت ارررركض بشوف امي وافكر وش ابرر لها .. مممممصيببهههه ماراح ترضى علي ي ويلي كله من الغبي هذا الله ياخذه وافتك منه افففف من يوم عرفته وانا من مصيبه لمصيبه ثانيه .. شفتها تدخل وهي تناظرني بنظرات مرعبه اول مره اشوفها كذا ي ويلي جت ومسكتني بقوه من يدي
عبير بعصبيه: الححححححين تقولي لي وش علاقتك بجاد الهامي هاه قولللللللي
قلت ودموعي ع خدي: يمه لحظه والله بفهمممك كل شيء بس اهدي شوي
عبير: ماراح اهدى لين تخبرني من وين عررررررفتيهههه
جوانه: طيب دقيقه اصبري والله راح اعلمك
تركت يدي: يلا قوللللللي
جوانه: يمه سالفه طويله .. واتمنى تفهميني ولا تعصبي صدقيني أنا بس ابي شيء يخلي جاد يندم قد شعر راسه
عبير: شلون يعني .. يلا احكي لي من البدايه
مسكتها من يدها ورحت معها ع الصاله وجلستها ع الكنب وانا جلست مقابلتها فهمتها كللل السالفه من ريمم لكل شيء
عبير توقف: لا مستحيل ارضى تدخلي نفسك بمشاكل عشان هالشي .. خلاص البنت هي اللي غلطت وتتحمل غلطها.
وقفت ومسكت يدها: الله يخليك يمه والله هي مالها ذنب هي حبته وتوقعت منه يحبها ويتزوجها صدقيني لو ما اشوفها مظلومه ماكنت تركت دراستي عشان اطلع حقها
عبير: بس أنا اخاف عليك منه مابيه يضرك بشي
جوانه: اوعدكك يمه إذا شفت منه اي شيء راح يضرني بترك الشغل ع طول
عبير: اللي تشوفينه .. وانا ماراح انساك من دعائي ان ربي يحميك ويبعد عنك الشر
بستها ع راسها وطلعت غرفتي
ف مكتبه وجالس يشغل نفسه بالاوراق اللي ف يده والمعاملات اللي تحتاج دراسه دق تليفونه
جواد: هالو يس
جاد: هاو ار يو
جواد: هذا انت
جاد: يب
جواد: بغيت شيء
جاد: امممم حبيت اقلك أنا اسف ي اخوي ماكان قصدي ازعلك لدرجة انك تسافر ولا تخبرني ولا تودعني
جواد: لا عادي مازعلت ماصار الا الخير
جاد: زين انك رضيت مو حاب نزعل من بعض
جواد بفضول: الحين انت من جدك تحبها؟
جاد: ما اعرف هل هو حب والا وش بالضبط بس الزبده اني لاشفتها ابتسم
جواد باستهزاء: وكل من شاف وحده وابتسم يعني خلاص يحبها؟ ليش انت اول مره تشوف بنت وتبتسم من قلبك؟
جاد يذكر شيء: لا مو اول بنت في بنت رغم اني حسيت اني نسيتها بس من سألتني ماذكرت الا هي
جواد: مين ؟
جاد: ماعليك منها تركتها من زمان اصلا .. المهم الحين جد ابي جوانه مسكت ف راسي
جواد بقهر: وش تبي منها يعني .. اسمع خلاص اترك هالخبال اللي فيك جالس تلعب ببنات الناس حرام اللي تسويه
جاد: بدء بالنصايح حكيم زمانه
جواد: ما اقول غير الله يهديك
جاد: هههه امين
قفل جواد منه وغمض عيونه وقال بدون شعور: ربي يحميك من كل مكروه ي جوانه
منار تكلم جوانه: اي وبعدين وش صار
جوانه: ولا شيء تفهمت الموضوع بس أنا خايفه تعلم ابوي هنا مستحيل يخليني اقدر اكمل
منار: طب انتي مالقيتي شيء من هنا من هنا يعني تقدري تمسكيه عليه
جوانه تتنهد: للاسف مافي
منار: اوك اضحكي عليه دامه متعلق فيك
جوانه: الحين انتي دامك مو مداومه تعالي عندي البيت ونخطط وش نسوي
منار: ماشي بس باخذ ريم عشان تغير جو بعد
جوانه: بس مو تعبانه يعني عشان اللي صار معها
منار: مو كثير كدمات بسيطه وانا ابيها تغير جو عشان نفسيتها تتحسن
جوانه: اوك انتظركم
ما مرت نص ساعه الا والبنات واصلين عندي .. سولفنا بموضوع جاد شوي وملامح ريم تغيرت ف حبيت اغير الموضوع
جوانه: بنات اميره تزوجت
ريم ومنار: امممممممممما
ريم: استغفر الله من اخذها
منار: لا أنا باقي مصدومه الشاذه هذي تزوجت واحنا ولا واحد طل بوجهنا ي حسرتي
ريم: هههههه تغمز لها انتي فيه من يطل بوجهك احنا اللي الله لنا
جوانه: هههههه اي والله .. أنا لو الهندي ناظرني كتبت له عنوانا يمكن يجي يخطبني
منار: ههههااي قويه هذي عاد
ريم: صرنا عنوسات
منار: وش عنوساته انتي الثانيه اسمها عوانس
ريم: اللي هي
جوانه: أنا ابي واحد يكون رومانسي مرررررره ابيه ف كل ثانيه يتغزل فيني ويفاجأني باشياء حلوه ف كل يوم .. وابيه مايكون عصبي ويكون حنون ومايضربني وكل اجازه نسافر برا المملكه ويعيشني مثل الملكه
منار: بالجنه ان شاءالله اما ابو سروال وفنيله مستحيل تلاقين هالمواصفات
ريم: ههههههههههههه من جد
رميت عليهم المخده اللي بيدي: مالت عليكم خلوني احلم شوي
منار: بسالك شيء
جوانه: تفضلي
منار: وين غداكم مت جوع
جوانه: انتي شلون تبلعين كل شيء ولا تسمني حشا مو بطن ماكينة كابرس
منار: يممممه قولي ماشاء الله ي عدوة الرشاقه
جوانه: هههههههههههه ماشاء الله بس وش دخل عدوة الرشاقه ذي ي الخبله هههه
منار: مدري كذا سمعتها ف مسلسل وحبيت احطها ف جمله مفيده
ريم: هههههه قلبتيها نحو
منار: الا ع طاري النحو .. تتوقعون ابله هدى الدوبا اللي كانت تدرسنا فيه احد طل بوجهها والا للحين معنسه مثلنا هع
جوانه: اي والله مسكينه ههههه تذكرون يوم جتنا البنت السوريه بتدرس عندنا هههههه
منار: هههههههه ايه بس قالت لها مدام أنا طالبه جديده طردتها من الفصل وعصبت علينا ههههه كله عشان كلمة مدام المسكينه اكلتها ههههههه
ريم تبتسم: وش حلوها هذيك الايام .. كنا ابرياء
جلست اتميلح واتكلم بدلع: شوفي وش حلاتي لسى البراءه تنقط من عيوني
منار: هههههههه مرررره والله الا الشر صاير يمشي بعروقك انقلبتي ابليس كل شوي طالعه بخطه لجاد الهامي المسكين من تعاسة حظه انك صديقة حبيبته
ريم: بس خلاص
ناظرناها ومنار استحت منها ع اللي قالته
ريم تكمل: بسكم حش ف خلق الله أنا ميته جوع
ابتسمت: حاظر يلا الحين اقول للخدامه تجيبه
بهالوقت دخلت دانه
دانه تسلم ع البنات: ازيكم ي حلوين ي النذلين
منار: افا بديتيها حلوه وخربتيها
دانه: اي يعني ما جيتو عندنا الا يوم عندي دوام
ريم: ههههه ايه عشان نحش فيك براحتنا
الكل: هههههههههههه
دانه: الا بقلكم يوم الخميس في حفله بيت صديقتي لمى وارسلت لكم بطاقات دعوه
منار نطت بحلقها: فيه بوفيه والطقاقه معروفه والا دي جي يعني اهم اغنياء والا حفله عاديه وليش الحفله اصلا وش مناسبتها ومين بيحضر
دانه مفجوعه: اركدي ي المشفوحه يعني موب شايفه خير يامال الفقر
منار رفعت جسمها بغرور وهي ترجع خصلات شعرها اللي طايحه ع كتفها باصبعها: نو موب تسذا بس لو انه عادي مابروح
الكل ضحك ع الحركه
دانه: اي واضح ههههههههه
تغدو البنات وكل وحده راحت بيتها دانه جالسه عند اختها
دانه: امممممم وش راح تلبسي
جوانه: م اعرف ماعندي شيء جديد
دانه: طب شرايك ننط ع السوق
جوانه تناظر الساعه شافتها 6 المغرب: اممم اوك باقي وقت انزلي خبري امي وانا ابدل ملابسي والحقك دانه وهي تطلع: ماشي
لبست بسرعه ونزلت عند دانه وطلعنا ع السوق اخذت لي فستان لين الركبه واكمام طويله شفافه لونه اورنج مع بني شكله فخم وفي نفس الوقت هادي .. ودانه اخذت لها فستان لونه تيفاني طويل وله فتحه لين الركبه ومن الامام مقفل وظهره مفتوح لين النص
رجعنا البيت بعد تعب الفره جربت اللبس وبعدها نمت
مر باقي الاسبوع عادي دوام ورجعه نوم ودوام يوم الخميس منار وريم كانو عندنا وكنا مجتمعين في مقر العصابه اللي هي غرفتي ع قولتهم هههه
منار تسشور شعرها والبخار يطلع منه ريم لبست وجالسه ع سريري تضبط جزمتها ودانه تتمكيج وانا مخلصه من بدري هههه متحمسه ماصدقت اروح حفله مليت من مشاكل الشركه وهمها ابي ابعد شوي عن جو النكد والحزن .. قلت وانا ارفع صوتي لمنار
جوانه: بس خللللللللاص ححححححرقتي شعرك
منار ترفع راسها: لا وين باقي ما استشور زين
دانه تضحك عليها: خبله كثر الاستشوار يقصف الشعر وترا شعرك صار مثل جارتنا القديمه الهنديه
منار تطفي الاستشوار: قولي قسم
دانه: قسممممممممم
منار ابتسمت برضا وقامت تزين نفسها
ريم تناظر بالمرايا: بنات واضحه الكدمه اللي ع وجهي؟
ناظرتها: حسبي الله عليهم اه بس لو اعرف مين هم كنت وريتهم
منار تناظرها: اي والله كان ذبحتهم .. بس تطمني مو واضحه وشكلك طالع قمر
ابتسمت ريم وبداخلها مكسوره وهي تشوف صديقة عمرها وبنت خالتها وتفكر بمستقبل الصور اللي ماسكينها عليها وتدعي ربها انها تنتهي هالسالفه بخير وماتنظر منار لان مالها ذنب.
خلصو البنات وعلى طول طلعنا من البيت
دخلنا بيتهم اللي كان شكله يجنن وكبيررررر وراقي وشكلهم عندهم خير لمى استقبلتنا من الباب
لمى: اهههههههلين شفيكم تأخرتو
دانه: ههههه تعرفي البنات وحاجاتهم استشوار مكياج لبس والخ
لمى: ههههه تفضلو حياكم
نطت وحده من خلف لمى: هاي أنا رغد
ووحده ثانيه: وانا وعد
والثالثه: وانا جنا اخت لموش
والرابعه تدفهم وتدخل بينهم: وخرررررو نتعرف ع الاوادم وعدلت وقفتها: وانا رسل
والخامسه بخجل: وانا رسيل
والسادسه: وانا غيدا
والسابعه جت تركككض: بنات الحقو البنت اللي هناك تشاهق بتموت مدري وش صابها راحو البنات ركض وهي ماتت ضحك وناظرت فينا واحنا مستغربين ضحكها ماشفناها الا تتخبى خلفنا: ههههههههههه انتظر الهجمه المرتده
جوانه: هههههه شفيك
: اصبري وتشوفين ماشافت الا البنات جايين ركككض واللي حامله جزمتها بيدها وللي ماخذه كوب واللي صحن
رغد ووعد: ويننننننها الحيوانه
نطت من خلفي تناظرهم: حشا غزو مو هجمه مرتده هع
لمى تحاول تمسكها: ي السخيففففه طيحتي قلوبنا انتي ماتتوبين لين اخلي فواز يغسل شراعك
البنت ومازالت خلفي واحنا نضحك عليهم
: ليش شايفتيني سفينه مثلا يغسل شراعي
أنا والبنات متنا ضححححك ع اشكالهم
منار: ههههههه اهلك توححححححفه
لمى انتبهت توها وانحرجت ونزلت جزمتها وهي تلبسها
: الحمدلله خمدت الحرب وعم السلام
البنات: ههههههههههههه
طلعت من خلفي: ع فكره أنا اسمي فرح اسم ع مسمى ياسبحان الله
رغد: الا قولي قرح مأخوذه من القرحه اللي تسبب انفجار البنكرياس والمراره
الكل: هههههههههههههههههههههههههههههه
كان البنات مرررره يجننو ضحك ووناسه ويدخلو القلب ع طول انبسطنا معهم كثير لين دق فهد ع دانه لان جوالي أنا ومنار مقفله
دانه: هلا فهد
فهد: ها خلصتو اجيكم
دانه: ما اسمعك ازعاج دقيقه
طلعت برا عشان تكلمه بهدوء
دانه: ايه الحين اسمعك
فهد: خلصتو والا اجي
دانه: امممم ما اعرف بسأل البنات بس إذا بتنام خلاص اخلي السايق يجي
فهد: اي والله تعبان مره
دانه: والا اقلك خلاص تعال الحين راجو لو تحط قنبله ف غرفته بيقوم سابع جار وهو مادرى عن السالفه ولا تحرك
سمعت ضحكه خلتها تلتفت ع طول لصاحب الصوت وتقفل من فهد
التفت وهو انبهر بجمالها كان متنح ف وجهها الجميل وملامحها البريئه وهي متخرعه منه ولا قادره تهرب او تستوعب الموقف لين سمعت رغد تناديها
رغد: دأأأأأأأأأأأأأأنه
التفت للباب ورجعت تناظر الشاب بس اختفى
دانه تركض لداخل: يمممممممه ليكون جني
دخلت البيت ترجف والبنات خافو عليها بس شوي وهدت وطلعو بعد ما جاهم فهد كانت سرحانه بجماله وضحكته اللي لها نغمه غير تتردد ع مسامعها وخايفه انه مايكون بشر ويكون جني ع قولتها.
|