الليله السادسه عشر ..
المعذره
ماقدرت أكتب قصيدة
أنثر شعوري عبث وإن جيت أعيده
ما أذكره
وسط الليال المظلمه
والليل الأظلم ملهمي
" مالي حبيب "
أستشعر أوجاع البشر وأكتب لها
مالي وجع
ضاعت أوجاع العمر من كثرها
أنا لي حبيب ٍ ضاع وأزريت لا الاقيه
مع إنّي ليّا فتشت فـ الصدر حصلته
تعطشت له والله رماني على ساقيه
وإذا قام يتمنن سواقـيه همّـلته
أذوق الحريمه وأتبسّم لها وأعطيه
ولو إيش يامرني حشا ماتثاقلته
تنازلت له بأيام عمري لجل ماضيه
ومن كثر صدقي معه مايوم جاملته
يقولون دايم : فاقد الشي مايعطيه
وأنا أعطيته أغلى شي وتزيد مشكلته
إلي متى بسمتي فـ غيابك بـ تنسرق !
تقهرني لا شفتها في وجيه عذّالي
وأصد ما كني المسروق وانا أحترق
وإن سولفت دمعتي ماروقت بالي
هي زحمة أملاح وإن حاولت ماتنزرق
تجرح جفوني وأنا تعبان من حالي