عرض مشاركة واحدة
قديم 2016-07-10, 10:41 PM   #3


الصورة الرمزية عاشقة الدموع
عاشقة الدموع غير متواجد حالياً

بيانات اضافيه [ + ]
 رقم العضوية : 48
 تاريخ التسجيل :  Dec 2008
 أخر زيارة : 2023-07-04 (11:58 AM)
 المشاركات : 43,827 [ + ]
 التقييم :  33744
 الدولهـ
Saudi Arabia
 MMS ~
MMS ~
 SMS ~
كَانكِ لقَيتِ اللَي تظلِى بظلهَ


اَناِ لقيَت ِاللَي وطاكِ وركعليَ
لوني المفضل : Crimson
افتراضي رد: رواية جنوبي وعشق مهرة من مهرة جنوبية للكاتبة نبضي آبها



البارت السابع



يا سحايب سراة أبها تعـديّ شمـال....................
....................واستعيري دموعي سيّلي كـل وادي


غطي أرض الحبيّب بالندى والجمـال....................
....................مثل ماهـو منـدّي بالمحبـة فـؤادِ

وارعدي يا سحابه فوق هاك التـلال....................
....................صوري له حنيني عقب طول البعـادِ

ولعي يا سحابه بالسمـا كـل جـال....................
....................مثل ما أشعل فواد فيه كـدح الزنـادِ

مير أشوف التسلي عن هواها استحال....................
....................وقفي يا سحابة حمـل الأشـواق زادِ

دوك قلبي وعيني دوك بعض الخيـال....................
....................دوك كلي تبعتك ما بقـى لـي قعـادِ

خالد الفيصل





في المنطقة الشرقية وتحديدآ (الجبيل) فلة ذات طراز معماري فريد تدل على رفاهية

من يسكن فيها ...

في جناح فخم امرأة ذات جسم ممتلئ وبشرة بيضاء ذات جمال فاتن وعلى الرغم من انها

قد جاوزت 75عامآ إلآ انها مازالت تتمتع بصحة جيدة ربما يعود ذلك لطبيعتها الشامية

فهي سورية الآصل سعودية المولد حصلت على الجنسية السعودية بعد زواجها من زايد

حتى لهجتها لهجة جنوبية بحته قاعدة تفكر لها 24سنة من موت بنتها الوحيدة زينة وهي

لم تعرف طعم السعادة على الرغم من حياة الترف والبذخ اللي تعيش فيه إلآ ان الحزن

قد سكن روحها ورحلت السعادة مع الراحلين عنها بنتها زينة ماتت وهي في ريعان

شبابها وبعد سنة مات زوجها زايد لتبكي عليهم ليل نهار رحلوا وتركوها تعيش

على ذكراهم الموجعة ..رحيل ابنتها الوحيدة كان بمثابة كسر الظهر لها فهي لم

تنجب إلآ زينة ..زينة اللي فضلت محمد عليها وساندها ابوها زايد فهو لا يرفض

لها طلب فهي وحيدته ومهجة روحه بعد زواجها اقسمت امها ان لاتحادثها وان

تقسوا عليها وتقطع حبل الوصال لعلها تعود إليها ولكن ذلك مازاد تلك الراحلة

إلآ حبآ وتعلق بزوجها ..في كل مرة تجي زينه بيت اهلها امها تصد عنها

وبعد ماتروح تبكي آمها شوقآ وحبآ لها لكنها اقسمت ان لاتحادثها حتى

تطلب الطلاق وبعد ولادتها بخلود اصابها مرض وماتت به

رحلت وهي في ريعان شبابها رحلة لتترك آم ثكلى تبكي قهرآ وحزنآ

وندمآ على قسوتها عليها ..وماذا جنت من قسوتها تلك إلا رحيل ابنتها

وهي محرومة من حنان الآم وذكريات مبكية كل حين لتلك الراحلة

عند موت زينة هي بكت كثيرآ وناحة شهور وسنين ضربت خدها

وشقت جيبها جزعآ وحزنآ اقسمت ان لاتلمس طيبآ ولا تكتحل

ولاتعرف لملذات الحياة طريقآ فما عاد للحياة بعد ابنتها مذاق

كل ماتشعر به ليس حزنآ فقط شي لم تستطع وصفه كانت تذهب

في كل يوم لقبر تلك الراحلة وتبداء مراسم عزاء جديدة في كل يوم

لمدة سنة كاملة إلآ ان تسخطها وجزعها لم يزدها إلآ حزنآ ولوعة

في كل يوم تزداد فجوة موت ابنتها في قلبها كآنها ماتت اليوم ...

خلال تلك الفترة لم تراها في منامها ابدآ وكآنها تعاقبها على

تسخطها وبعد سنة مات زوجها لتصبح امرأة مكسورة وحيدة ليس

لها احد في هذه الدنيا علمت ان موت زوجها عقاب لها على تسخطها

وعجزعها على موت زينة تابت واسنغفرت كثيرآ لعل الله يغفر مامضى


رجعها من سرحانها وذكرياتها الموجعة صوت

الشغالة الخاصة بها : ماما انت في تعبان ..

رحمة: لا بس روحي شوفي بابا فايع إذا موجود خليه يجي ..

دقايق وكان واقف عند سريرها رجل قد جاوز 60عامآ اسمر البشرة ذو ملامح حادة

ابو زايد(فايع) سمي ياعمة بغيتي شي

رحمة: وهي تعدل شيلتها على راسها بنات زينة يافايع لقيت باقي مكانهم

ابو زايد:بضيق من سالفة زينة وكل شي له علاقة بها زينة اللي فضلت محمد عليه ..

والله ياعمة مثل ماشفتي رحنا في الصيف وقالوا راحوا تركيا يتمشون ورحت مره

ثانية قالوا نقلوا فلة ولا احد يعرف مكانهم وآبها كبيره وين بلقاهم

رحمة : وهي تبكي فايع اللي يسآل راح يلقى وإلآ روح الديرة انشد عنهم ابوهم

ابوزايد: بكره لمحمد لا باالله مااروح له وهو طردنا في وفاة علي

رحمة : وهي تبكي لو معي ولد ماكان قال لي لا لكن ربي احوجني بك

ابو زايد: بضيق وهو يشوفها تبكي صح هي ماتقرب له إلآ انها زوجة عمه وربته

وهو صغير وقبل مايموت عمه قال ترى عمتك هدى يافايع امانة عندك والخير اللي

هو فيه وعياله من خيرها هي قال لآتبكي ياعمه انا ولدك وسندك وابشري بشين يرضيك

رحمة: زينة كل مااشوفها تصد عني احجز لي الليلة على آبها انا واشغالة

والسواق وانا اللي بدورهم

ابو زايد: قلت لك انا بروح خلاص لاتشيلي هم الآحلام اكيد من الشيطان بصدق اليوم عنك

رحمة : بآصرار احجز لي يافايع انا بروح واطمن على بنات زينة كفاية اللي راح خلني اجمل

في بنات بنتي ماعاد معي إلا هم من ريحة زينة .علي وراح باقي خلود وصالحة ..

زايد: بضيق صالحة متزوجها ولا عليها خلاف وخلود معها وسمعت انها معلمة ذحين

رحمة: بحنين وبحب لخلود اللي ماتت امها وهي صغيره انا بروح لهم يازايد عليك وجه الله ماتمنعني

زايد:هو يعرف انها عصبية وإذا اصرت على شي تسويه طيب بكلم واحد من الديرة يدبر لي رقم

زوج صالحة واحجز لك وبيروح معك واحد من العيال...


في عمق الوادي بعد موجة السيل الثانية تبللت كل ملابسي وصلت الموية لين الركبه احس

ببرد شديد ولوعة وايقنت ان السيل جرفنا عند حافة الوادي هاوية في الآسفل والسيارة تتحرك

وانا ادعوا الله بكل عمل صالحة سويته يارب نجنا يارب واسمع صوت هيلة تبكي وتمسك ظهرها

وابو فرحان ماغير يهلل ويكبر بصوت خاشع {أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ}

وانا بكي واخذ جوالي على امل احصل لو برج حاولت كذا مرة بس يطلع فشل في العثور على شبكة

حسيت بعدها بصداع وغثيان فضيع وآلم اسفل بطني رجولي مخدرة من البرد ونزيف حاد احس به

غمضت عيوني وانا موقادرة حتى احرك لساني كل افكاري راحت عند آمي وابوي هو راح يتعب

اكثر شي وآمي راح تنجن يارب رحمتك بنا تذكرت ابوي لما قال ترى مخزن لك رقم طوارئ

وافتح الجوال على طول اضغط الرقم شوي ويرد على رجل الوو خدمة الطوارئ أي مساعدة

انا مومصدقة قلت حنا محجوزين في سيل وابكي ..هو قال لوسمحتي اهدي شوي موقادر

افهم عليك في أي منطقة انت ذحين ..

قلت : في تهامة ........) وادي غبنة جنوب آبها بعد نقطة التفتيش ب200ك

هو : كم عددكم وفي مصابين معك وايش نوع السيارة ولونها

قلت : حنا 3 معلمات ووحده فينا حامل والسواق عنده انخفاض سكر والسيارة صالون ابيض

هو :طيب تقدري تحددي موقعكم من الوادي

قلت : كنا في وسط الوادي بس جرفنا السيل لين الحافة

هو: طيب ايش اسمك واعطيني رقم جوال ولي آمرك

قلت : اسمي خلود محمد الحريقي والرقم 0555.....بس امانة لاتخوف ابوي قول له

السيارة متعطلة بس باالله عليك وانا اسمع صوته يتكلم على وواحد جنبه ويقوول له نفس اللي انا قلته

هو: طيب كم لكم وانتم محتجزين

قلت : يمكن حدود 4ساعات او اكثر ,وهويسآل وانا اجاوب عليه

هو :طيب خلاص يااخت ذحين الدفاع المدني والشرطة راح تجيكم واي تطور

يحصل اتصلي على طول ..

وانزل الجوال واشوف ابو فرحان مسند على الباب وهيلة تبكي وجواهر وعلى الرغم

من الآتصال اللي سويتة إلآ ان مااحد سآلني كآنهم سكارى او ينتظرون الموت استمر

معي الغثيان والصداع مو قادرة حتى اتنفس واغفي من جديد حول 3 دقايق واقوم على

صوت شي ضرب فينا وتكسر الشباك اللي عندي واحس بآلم بعدها في يدي ووجهي

الباب يضغط علي والموية ترتفع اكثر وانا احاول ارفع الجوال وارجع اتصل ويرد

قلت: وانا ابكي ارجووك بسرعة ضربنا سيل من جديد وبعد ماعاد قدرت اكمل احس

لساني ثقل واحس جسمي كآني في ثلاجة واحاول افتح عيوني ماقدرت وغبت عن الوعي


في آبها ...

سعود عندي اليوم تطبيق بنفس المستشفى اللي يشتغل فيه ناصر فلة ووناسة

ناصر : سعود يلة بسرعة تحرك على شغلك عندك مريض في العناية تابع حالتة

سعود: بفجعة تكفى ياناصر حطني في اي مكان إلا العناية كفاية الآسبوع الماضي

مسكت حالة شايب منوم في العناية له سنتين ومات اليوم الثاني والله اني باقي احلم به

ناصر: ههههههههههههههههه اقول قم احسن لك يله اشوف ..

شوي إلا يدق جوال سعود وهو يناظر في ناصر ويقول غريبة عمي محمد .ناصر

رد طيب

ابو خالد: بصوت متعب سعود وينك فيه

سعود: كان جالس وانه يفز عم محمد ايش فيك سلامات انا في المستشفى عندي تطبيق

ابوخالد: وهو غصب يجر الحروف تعال ضروري عند محطة الشعلة

سعود: بخوف عم محمد ايش صار لا تخوفني

ابوخالد: خلود في الوادي والسيل نزل تعال بسرعة ياسعود

ناصر وهو يراقب ملامح سعود كلها رعب وخوف وعلى طول سعود نزل جواله

وهويقول ناصر انا بطلع عمتي خلود في الوادي محتجزهم السيل وقع لي انصراف

ناصر لما قال خلود انعصر قلبي لا يارب لاتموت خلود صح انها رفضتني بس

لاتموت قلت حتى انا بجي معك ..قال سعود والدوام ..قلت في حريقة ليه بسرعة


في السيارة احمد : اول مرة اشوف خالي محمد ضعيف كذا يبكي بشكل غيرطبيعي

وانا اهدي فيه وهو يقول لو صار لخلود شي ماراح اسامح نفسي اصلآ مااقدر اعيش

من غيرها والله يااحمد خلود غير عن عيالي وانا ماغير اصبره واقول إن شاء الله

انها بخير وقطع علينا صوت جوال خالي قلت خال جوالك ...

قال : مابرد اكيد صالحة وش اقول لها ..

ويرجع الجوال يدق واخذه واشوف إلا رقم غريب واعطي خالي ويرد

المتصل: معي محمد عبدالرحمن الحريقي

ابو خالد : ايه نعم وصلت

المتصل: معك الشرطة وردنا بلاغ ان بنتك حجزهم سيل في وادي غبنة اتمنى تواجدك

في الموقع قبل شوي تحركت فرق انقاذ وطوارئ واسعاف

ابو خالد: لما سمعته قال بنتك حسيت السماء طاحت بكبرها على ارسي قلت

آسآلك باالله ايش صار عليها

المتصل: والله ماعندي خبر ذا اللي وصلنا وقفل

احمد حسيت إن الآتصال له علاقة بخلود من تعابير وجه خالي ولما قفل قلت بشر ياخال

رد علي وهويبكي بسرعة يااحمد وانا خالك بسرعة قبل تموت خلود

لماسمعته قال كذا وامسح الطبلون حق سيارة خالي وصوت جرس السيارة يرن

رغم ان الدنيا مطر إلا اني كنت مسرع ماخليت اشارة في آبها إلآ قاطعها وساهر

اخذ لي كذا صورة واتصل على عبد الرحمن ولد خالي حسن واقول له ..


وصلنا الوادي ووقفنا السيارة بعيد لآن السيارة ماتقدر تمشي وكملنا مشي

حصلنا سيارة اسعاف وجيب شرطة وسيارة طوارئ وغواصين شكل الوادي

يخوف مو سيل ذا فيضان وصوت هيدر السيل قوي رحنا نكلم الشرطي

قال نزل غواص ورجع ماقدر يكمل مثل ما انت شايف السيل كبير وقوي

ونزوله خطر عليه وعليهم قال خالي بجزع طيب بنزل انا ..الشرطي

لو سمحت ممنوع ..خالي والحل اجلس اشوف بنتي تموت قدامي كذا

الشرطي : اتصلنا على فرقة انقاذ مساندة ومعهم هليكوبتر تحرك

من ربع ساعة


في آبها ...

صالحة على سجادتها وهي مازالت تبكي بتمكل 6ساعات وهي مستمرة في البكاء

والبنات معها زينة : خالد روح شوف لهم دامك تعرف الطريق امي يتموت

خالد: ياغبية ابوي قال لاتروح مكان خلك في البيت واتصل عليه هو واحمد محمد يرد

صالحة : تبكي يااارب صبر قلبي يارب اربط على قلبي ياارب صبر من عندك وعوض

خلود شبابها في الجنة ياارب .
.
فاطمة : يمه فديتك خلاص ارحمي نفسك إن شاء الله انها بخير

صالحة: والله يافاطمة ان خلود ماهي بخير خلاص خلود راحت ...


في الشرقية ...

ابو زايد: يكلم عياله زياد ويزيد واحد منكم يتجهز يروح مع عمتي الجنوب

كلهم يطالعون في ابوهم خير ابوي وش عندها جدتي هناك

ابو زايد: تقول بتسلم على عيال بنتها زينة الله يرحمها

زياد: الله سلامات وش الطاري على جدتي دحين انا مشغول لين راسي المعذرة ابوي

يزيد: وانا باقي عندي اختبارات مااقدر اغيب

ابو زايد: بعصبية اجل من يروح معها انا ومشغوول

زياد: كلم زايد في الرياض يروح معها بما انه يقدر ياخذ ايجازة

ابو زايد: بعصبية كلمة وحده زياد انت تروح معها والشركة انا موجود

زياد: بعصبية يعني كل شي فووووووووووق راسي


في وادي غبنة

وصل هليكوبتر اخيرآ ونزل غواصين وتم تشبيك الواير في الصالون وسحبوه لين

الطرف بعيد عن السيل وكانت سيارة الآسعاف بعيدة شوي علشان ماتغرز في الطين

رجال من الآنقاذ يحاولون يفتحون باب السواق وطلعوه هو بنته من قدام

قال خالي سود تعال شوف خلود وشيلها لاتخلي احد غريب يشيلها حاول

سعود يفتح الباب ماقدر رغم ان الشباك مكسور وجاء واحد من الدفاع المدني

وفتحه وعلى طول عرف انها خلود وشالها وخالي يقول شوف هي تتنفس

ياسعود وسعود ماغير بيكي ويقول لاوالله ياعم ماتتنفس وسعود يبكي منهار

لدرجة انه جلس وهي في حضنة وضامها بقوة قدام الناس كان نفسي اقوم ارميه في السيل

سعود الخكري يبكي كآنه حرمة قدام الناس وخالي لماشافه كذا طاح وانا احاول فيه يقوم

شكل الضغط مرتفع حسبي الله عليك ياسعود الخكري ماتحمل ..


ناصر : بمجرد ماشفت الصالون غامره السيل وانا متآكد ان خلود ماتت يارب

المنظر كان قوي انا رجل وخفت من السيل كيف هي وشفت سعود وهو موقادر

يشيلها ملابسه كلها موية وحاضنها وابو خالد يبكي عندها واحمد يحاول يمسكه

واروح احاول اشيلها من سعود وهو ماسك فيها ويبكي ويقول ماتت ياناصر والله

واشيلها باالقوة منه وانا امشي بسرعة ورجولي تغوص في الطين في اللحظه

ذي وهي في حضني قام فيني كل احساس بدون شعور مني احضنها بقوة لصدري

كآني اقول مكانك هنا ياخلود وانا احس ببرودة جسمها تنتقل لي لين وصلت سيارة

الآسعاف وعلى طول اشيل الغطاء عن وجهها كان محمر شفايفها مزرقه و دم على

وجهها ماادري من وين وعلى طول امسك يدها واشوف النبض كان ضعيف مره

واركب لها اوكسجين واركب لها مغذي وتساعدني ممرضة كانت معنا وانا قاعد

اتجاهل مشاعر جتني في الوقت ذا مسكت يدها وكانت بارده مثل الثلج اقاوم رغبة

تقبيلها يدها كانت نحيفها فيها حنا اظافرها طويلة شوي وحاطها عليها مناكير احمر

وبدون مااحس بنفسي حطيت يدها على شفايفي وانا ابوس فيها واحطها على صدري

مكان ماينبض قلبي بحبها ورجعني من غفلتي صوت الممرضة هذا زوجة انت ..؟؟

قلت وانا انزل يدها ايوه ..؟؟؟ وانزل وانا اتعوذ من الشيطان قدر علي في لحظة

ضعف يارب سامحني لودري عبدالله ايش راح يكون موقفي ..

نزلت واحصل ابوخالد: تعبان شكله الضغط مرتفع عنده قال ها ياناصر

قلت : بخير عندها انخفاض في الضغط احس اني خجلان من نفسي استغفرالله

واروح السيارة واعطي سعود فروة قلت روح غط عمتك بردانه مرة ..


وانا بروح اسبقكم على المستشفى..


عبدالرحمن : كنت دوبي راجع من الدوام إلآ يتصل احمد وقال تعال ابها علشان

بنت خالي محمد غرقت في السيل وقفل انا على طول جاء في بالي فاطمة بس وش

جابها عند السيل وارجع اتصل على احمد مايرد ..وبعد المغرب اتصل خالي قال

جيب عمتك صالحة وخالد انا في مستشفى .........

وتركب عمتي صالحة وهي تبكي والبنات معها واسآل خالد وقال لي السالفة يارب رحمتك

وعمتي صالحة تبكي وتحلفني باالله ان خلود ماماتت ..رحمتها وهي تبكي

قلت والله انها بخير ياعمة لاتخافي


صالحة: اجل ليش المستشفى ..

واسمع صوت فاطمة عرفتها من ركبت وهي تقول يمة الله يصلحك طبيعي ياخذوها المستشفى


علشان يشوفها الدكتور خلاص اهدي لاتشوفك خلود وانت كذا تراها مو ناقصة ..


بعد العشاء في المستشفى

ناصر واقف مع الدكتور وابو خالد وعبدالله

الدكتور : هي إن شاء الله بخير بس عندها جرح في الوجه اسفل الفك فيه 5 غرز

وكسر بسيط مثل الشعره في اليد شكل الباب ضغط على يدها وكمان فقر دم حاد

تحتاج اسعاف ضروري علشان النزيف ..

عبدالله : والترجيع يادكتور

الدكتور : داخلها برد 6ساعات وسط الموية والآجواء باردة طبيعي يصير

عندها ترجيع راح نعطيها آبرة منومة وراح ترتاح

ابوخالد : جالس في الآرض عند صالحة وهو ماسك يدها تطمني هي بخير والله

ذحين تطلع بس يتآكد الدكتور ان مافي جسمها قزاز وتشوفيها..

صالحة: تبكي وهي مو مصدقة ان خلود باقي عايشة صح ماعاد بتخليها تدرس

صح يامحمد خلاص اللي جاها اليوم يكفي

ابوخالد: وهو يمسك يدها ويبوسها ابشري ماراح يصير إلآ شي يرضيك ..



احمد: مستحيل على خالي محمد وش الحب ذا لخالتي صالحة دخلت وهي تبكي وتصيح

وحنا في الطواري ومسكها وحضنها قدامنا وهو يبكي معه وهي تدفة وتقول انت السبب خخخخ

ليت امي بتشوفه على طول راح تقول صالحة الساحرة وذحين جالس عند رجولها ويبوس يدها

ههههههههه ياالحب لعب في خالي لعب الهيبة والشخصية تروح لما يكون مع خالتي صالحة

وش الحب ذا اللي يوصل به يبوس يد زوجته لو بموت من حبها والله ماابوس يدها خير ..

مدير المستشفى يعرف خالي وحط خلود في غرفة لوحدها وتغيير لكل شي في الغرفة واسطه

ياحبيبي واسطه لو ماعندك واسطه راح تاكل ترررررراب ..


في غرفة خلود وصالحة حاضنتها وهي تبكي مو مصدقة ان خلو بحضنها

عبدالله: يلة ياصالحة ارجعي البيت وامي راح تجلس عند خلود

صالحة: فديتك ياعبدالله بنتي انا بجلس عندها وعمتي ماتقصر

عبدالله : ومشاري قاعد يبكي عجزوا خواته معه وبعدين هي ذحين

ماراح تحس فيك بكرة الصباح انا راح اجيبك بنفسي

محاسن: وهي تبكي روحي يا امي ياصالحة ولدك يبكي من الصباح وخلود في عيوني

صالحة: لاوالله ياعمة خليني اجلس حتى لو روحت ماراح ارتاح هناك

عبدالله : بعصبية وهو يشوف وجهها كيف صاير من التعب صالحة كلمة وحده

يله قدامي مع عيالك

صالحة: برجاء عبدالله فديتك ..قبل تكمل

عبدالله: صالحة ولاكلمة يله حتى محمد تعبان روحي شوفيه وامي بتجلس معها

محاسن : بحب في عيوني خلود ويعلم الله بحالنا لما قال لي ناصر لكن الحمدلله على سلامتها..



في الصباح ..

خلود: احاول افتح عيوني بس موقادرة صداع فضيع وآلم وثقل بيدها كل اللي تذكرة

بعد ماانكسر الشباك صداع فضيع وبعده غابة عن الوعي فتحت عيونها وهي تحس

بيد تمسح على شعرها وتشوف إلا عمتها محاسن وهي تقول يمه خلود الحمد الله على سلامتش

بروحي عنش وتبكي وتقرب مني وتحضني

خلود: بصوت متعب الله يسلمك ياعمة وين ابوي وامي فيهم شي

محاسن : لاوالله كلهم بخير بس امك روحت علشان مشاري تعبان وانا جلست معك

خلود وهي تحس انها مستحيه خاصة بعد رفض ناصر خلود اسف ياعمة لاتزعلي

مني علشان ناصر ربي ماكتب

محاسن : لاوالله مافي قلبي الزعل عليك فديتش وربي يعوضش بآحسن من ناصر

ارتاحي ذحين ولاتتعبي نفسش ..


الظهر عند صالحة وهي تستعجل البنات علشان تروح بدري دخل عليها ابوخالد

وقال: صالحة في ضيوف خلي زينة تجهز قهوة وتمر وانت في حرمة تحت انزلي لها

صالحة : ذا الحزة ومن الضيوف

ابوخالد: وهو نازل انزلي وشوفي مين ؟؟؟ زينة عجلي باالقهوة

زينة : مين قليل الذوق ذا اللي جاء الوقت ذا

صالحة: جهزي لي حتى اناقهوة وخلي زينب تساعدك بسرعة الله يجعله خير ونزلت

عند مدخل الصالة صالحة يامرحبا حياك الله تفضلي ياهلا وسهلا ولاتعرف مين

الحرمة اللي واقفة لين وصلت عندها وفتحت غطوتها كانت الصدمة

جدتها رحمة : هلا بريحة الغالية وهي تحضنها وصالحة تبكي وهي تقول وينك

ياجدة قطعتي فينا ماخليت احد إلا سآلته عنك

رحمة : وهي تبكي والله غصب عني ياصالحة حتى انا جيتك مرتين وماحصلنا احد

ورحت الديرة وابوك طردنا وقال ماعندي بنات

صالحة: وهي تبوس يدها حياك ياجدة تفضلي وتدخل معها

زينب وهي شافت كل شي رجعت بسرعة عند زينة في المطبخ زينة الحقي امي قاعدة

تبكي بحضن حرمة كبيرة ومعها شغالها

زينة : وهي تحط هيل في دلال القهوة زينب انقلعي عني موفاضية لسخافتك

زينب : قسم باالله اني صادقة

وقطع عليهم صوت امها زينة جيبي القهوة وموية وتعالي سلمي على جدتك هدى تحت

وانت يازينب جيبي تولين ومشاري وتعالي سلمي علي جدتك

زينة : وهي مو مستوعبه كلام امها صح تعرف ان جدة امها عايشة بس شافتها مرتين

واخرمرة كانت في وفاة خالها علي ..قالت يمه من جدك تتكلمي

صالحة : ايوالله تحت يله بسرعة

عند باب قسم الرجال ابوخالد: صالحة جدتك جت غريبة

صالحة: والله ماادري بس تقول انها اكثر من مرة تجي ولا تحصلنا تعال سلم عليها

ابوخالد: والله اني خايف من جيتها ذي الله يستر بس

ودخل هو يرحب فيها ياهلا وسهلا حياش الله

رحمة: الله يحييك ويبقيك بشرني عنك اربك بخير امك كيف عنها

ابوخالد: بخير يارب لك الحمد والشكر

دخلت زينة واخوانها ولماشافتهم رحمة بكت بحب وهي تتمنى ان زينة تشوف

عيال بنتها لكن قدر الله

زينة : كيفك ياجدة حياك الله يامرحبا تراني انا زينة سميت بنتك يعني لي الحب كله

رحمة: فديت سميت الغالية وتحضنها من جديد فديتكم

زينة : ايوالله ياجدة دلعيني تراني مظلومة في ذا البيت محمد يحبني

صالحة: زينة قومي قهوي جدتك وخلي خبالك

رحمة: خليها ياصالحة فديتها هي وخبالها ووين خالد وخلود

صالحة: محتارة وش ترد قالت خلود تعبانة شوي في المستشفى من البارح

رحمة: بخوف وبحب لخلود تعبانة من ايش ومين معها منوم

ابوخالد قال لها كل اللي صار لخلود

رحمة: انت يامحمد اخذت خلود مني وقلت لك تراها امانة معك وقلت طيب

واشوفك ذحين ضيعت الامانة كيف طاوعك قلبك تخليها تروح في ذاك المكان

ليتك رجعتها لي والله ماارح اعجز بها

ابوخالد: مو ناقص كلام يكفي اللي جاه امس ..قال والله انا ماضيعت الآمانة

ويشهد ربي ان خلود اغلى من عيالي وماخليت احد إلا كلمته ينقلها قالوا ماتنقل إلآ بعد سنة

وكل شي قضاء وقدر وانا مااعلم الغيب

رحمة: طيب وش صار عليها

ابوخالد: ضربة بسيطه في الفك وكسر في اليد

رحمة:وهي تخرج جوالها وتطلب رقم معين وتحطه على المكبر جاها صوته وهو يرحب بها

هو: حياالله جدتي رحمة حياالله اللي راحت وخلتنا

رحمة: حياك الله يازايد طلبتك يازايد قول تم

زايد: جاك ياجده ومن عيوني ابشري

رحمة: بنت زينة بنتي تعينت السنة ذي في قرية نائية وامس سحبها السيل وهي ذحين

منومة في المستشفى وقالوا مالها نقل إلآ بعد سنة طلبتك تنقلها دامك تشتغل في الوزارة

زايد: سلامتها والله ابشري وبشريها انها منقولة من اليوم بس تختار اسم المدرسة اللي

تبغاها وتبشر حتى الدوام لاعاد تداوم إلا السنة الجاية بس ارسلوا لي تقاير طبية عن حالتها

واسمها ورقم السجل المدني وابشري ياالغالية

رحمة : فديتك وعساك سالم

زايد: الله يسلمك وانا خدام عندك ياالغالية ووالله لو ان عندي خبر كان جاها النقل من اول اسبوع


احمد ..اليوم الآربعاء نزلت وانا مرهق وكاالعادة محد في البيت ونمت لين المغرب

وجت آمي وقالت نبغى السوق وانتظرهم في السيارة وكاالعادة عبايتهم حفلة وخاصة

منال وجت بسمة معنا ولما وصلنا السوق وقفنا عند محل تفصيل عبايات قلت يلة

قدامي قالوا مانبغى نفصل عبايات قلت كلكم راح

تفصلون عبايات راس بسرعة ولاكلمة وإلا اقوم احوسكم قدام الناس قالت منال مستحيل

مااعرف البسها والله قلت تكفين ياالفرنسية يلة قدامي قالوا بنفصل بس على حسابك

قلت والله ماتفصلون إلآ من حافز يله قدامي

وبعد ساعتين وحنا راجعين قالت بسمة : احمد صدق خلود بنت خالك في المستشفى

قالت : ايوه وقلت لهم كل السالفه

قالت منال: تستاهل المغرورة المتكبرة

وآمي : تستاهل هي وامها صالحة ربي ينصرنا عليهم

احمد: يمه حرام عليك وش سوت لك الحرمة لاحول ولاقوة إلآ باالله ..

بسمة: والله انها ماتستاهل خلود الله يشفيها إن شاء الله ..

وصلنا المحطة ونزلت اعبي بنزين واشتري كم غرض واركب إلا بسمة

احمد الشنطة ذي لمين ..

احمد: آي شنطة ..

بسمة : شنطة نسائيه فيها ايباد واغراض

احمد: وهو يتذكر ان خالة اعطاه شنطة خلود وقال بعصبية ياحمارة وش جاب

الشنطة عندك جيبي يله .

بسمة: طيب لمين ..

احمد: كتمة جيبي وانت ساكتة شي مايخصك وجع يوجعك ..

صفية : احمد رحت تزور خالك جابر تراه مسجون

احمد: ايوه رحت مع خالي

بسمة : سبحان الله خالكم جابر ذا واثق من نفسه كل مااذكر انه خطب خلود اموت ضحك

احمد: كتمة من قال لك الكلام ذا

بسمة : اختها زينة وتقول عبدالله اخوها آدب خالك جابر وقتها وسبحان الله بعدها خطبها

ناصر لكن الله لايوفق ابوه رفض انه يتزوج خلود يقول بنت عمك اولى

احمد : لما سمعت كلام بسمة ارتحت وانا اقول والله مايخلص الشهر ذا إلآ وانا خاطب خلود


بعد العشاء ابو خالد واقف عند الغرفة يحس بقهر انه مايقدر يشوف خلود

واللي زاد قهره رحمة ذي اللي جت وحاس ان جيتها وراها باقي شي

قطع عليه افكاره صوت صالحة وهي تقول محمد ادخل خلود تسآل عنك من العصر


خلود: احس اني فاقدة ابوي مرة وشكله تعبان اكيد بعد اللي حصل آمس

جدتي رحمة صدمني جيتها دخلت علي وهي تبكي وتحضني وانا عادي

مااحس ناحيتها بشي مره احب جدتي فاطمة بس قاعدة جاملها بس وهي

تبشرني انها حصلت لي نقل بس اختار المدرسة اللي ابيها ولاعاد اداوم مرة

لين السنة الجاية سبحان الله رب ضارة نافعة السيل ذا خير من ربي لي

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُون)

دخل ابوي عندي وانا مغطية وجهي وهو واقف بعيد شوي عن السرير نفسي

اقوم ابوس يده نفس خواتي لكن مكتوب علي انحرم من الشي ذا

ابوخالد: كيفك ياخلود بشري عن صحتك

خلود: طيبة الحمد لله بشرني عنك انت اكيد تعبان من بعد امس

ابو خالد: كل تعبي راح بمجرد ماشفتك انك بخير الله يحفظك

زينة: حياالله ذا السيل يوم جاء جتنا جدتي رحمة واهل عمي حسن

وجدتي فاطمة بيجون عندنا بكرة حمااااااااااااس والله

صالحة: زينة قومي خذي اخوانك وانتبهي لهم انا بجلس مع خلود

رحمة: لاوالله محد يجلس مع خلود غيري انت ولدك صغير الله يحفظك

خلود: ابويه ترى ماابغى اسعاف دم مره جابوه اليوم ورفضته

ابو خالد: ليش ياخلود الله يصلحك قال لي الدكتور انك تحتاجي دم ضروري

خلود: اخاف يكون فيه شي مااضمن إن شاء الله يرتفع الدم عندي

إن شاء الله

زينة: ياخبلة خذية علشان لوكان دم فاسد راح تكوني مشهورة ويمكن رحلة

علاج خارج المملكة وجوال بدون بطارية

صالحة: زينة وبعدين معك يلة انزلي قدامي


احمد قاعد في السيارة يشوف شنطة خلود

بوك فيه بطاقة صراف الراجحي والثاني الآهلي وشاف تاريخها من السنة

الماضية يعني عندها رصيد من قبل والله انها في نعمة مدري ترضى

فيني او لآ ..بطاقة احوال شخصية ويفتحها ماشاء الله وش الجمال ذا

حلوة مره ورجعها مكانها ..عطر ومناديل و مرطب مصحف صغير

بوك فيه 600ريال وحدود 30ريال ايش العزا ذا والله ماشكلها بترضى

فيني وراتبي مايصفى منه شي اخذ العطر ورجع الباقي مكانها

خلني اتصل على ابوي واشوف متى يجي من الفلبين

احمد: السلام عليكم كيفك ياابوي طيب

ابراهيم: هلا احمد بخير الحمد لله كيفك وكيف خواتك وامك

احمد: كلنا بخير متى راح تجي تآخرت مرة ..

ابراهيم : والله بجي نهاية الآسبوع علشان ترايسي عندها مشكلة مع اهلها

لماعرفوا انها راح تسلم وخايف عليها مااقدر اخليها لوحدها

احمد: بطفش من ابوه ابوي الله يخليك على الآقل كلم خالي محمد اني ابغى

خلود تراها انخطبت كذا مرة

ابراهيم : جوال مايصلح يااحمد لكن اصبر لين اجي

احمد : طيب مع السلامة






البارت الثامن



بعد مرور شهــــــــــــــــرين

في الديرة وقت العصر نادية وهي تضحك على الخالات اللي يدرسون عندها موقادرة تشرح كلمة

معترضين على كل شي

الجدة فاطمة: نادية فديتش خلينا من آم كذاب ذا كله وهبي لنا شين على قدنا تراش متتعبين روحش

وحنا والله ماندري ماهو تقولين

نادية: وهي تضحك المنهج كذا ياخالة فاطمة ولازم ادرسكم نفس اللي عندي

الجدة فاطمة: إلآ انت مقروعه باالله ماتقولين لنا منه شين يابنتي ترى ولادرسنا مثلكم ولاشي

بتتعبين روحش وتشقين علينا

نادية : لاياخالة ضروري تعرفين تكتبين الحروف والآرقام


الجدة فاطمة: علي الحرام ما اطب ورقة ولاقلم هيا ريحونا وإلآ اروح بيتي ذحين


نادية : وهي تضحك طيب ياخالة فاطمة وش تبغين ادرسكم


الجدة فاطمة: ورينا الفاتحة وتوابعها ثلاث او اربع سور ولاتزيدين علاها والصلاة

والحديث وقال الرسول(صلى الله عليه وسلم) وبس

نادية : الفاتحة من يومين حفظتكم بس انت كنت غايبه

الجدة فاطمة: والله كنت مشغولة رحت اسير

نادية :وهي تضحك ابشري راح ارجع احفظك والواجب اللي تبغى تحله بكيفها


بعد المغرب

الجدة حليمة: بسمة تعالي وريني كيف اسوي معي واجب نادية تقول لازم نكتبه ولاعرفت

بسمة : بضيق من جدتها اللي من درست وهي ناشبه لها جده وبعدين تراى طفشتي آمي

وانت بسمة بسمة قسم باالله كآنش تحضرين الماجستير

الجدة حليمة: تعالي وريني كسر حظش

بسمة: استغفري ياجده حرام عليش كفاية الكسر اللي انا فيه حظي مايل وانت ناوية عليه

ينكسر وبعدين غيبي عادي شوفي جدتي فاطمة تغيب كل يوم وانت دافوره كآنش آخت مصطفى
الجدة حليمة: تعالي بلا خبال يقولون معنا راتب مدري صدق اولا

بسمة: إلا صدق والله ميزانية الدولة كلها في بطنش ياجده عليش حظ يفلق الحجر


عبد الرحمن: وهو مقهور من ابوه طيب اعطني عيب واحد في فاطمة

علشان ماتزوجها

حسن: امها صالحة وبعدين ممرضة كيف تتزوجها وهي مع الرجال من تصبح لين تمسي

عبدالرحمن: وش فيها آمها ياابوي والله حرام عليك عمتي صالحة طيبة بس انت تكرهها

انا وش ذنبي طيب وحكاية ممرضة عادي انا واثق فيها

حسن: قلت لك دور وحدة غير فاطمة وابشر ماراح اخليك تدفع ولا ريال لكن

بنت صالحة والله انها تحرم عليك وانا راسي يشم الهواء

عبدالرحمن: ابويه انت تبغى سعادتي وراحتي صح

حسن : اكييييييييييييد

عبدالرحمن: راحتي وسعادتي مع فاطمة وغيرها والله مااتزوج

حسن : بعصبية انت خبل والله ان تزوجت فاطمة ان تركب على ظهرك وتسوي

بك مثل ما امها مسوية بعمك محمد مايقدر يقول لها لا

عبدالرحمن: بضعف وهو يناظر في آمه يطلب منها تدخل يمه قولي شي

ليلى: تعوذ من الشيطان ياحسن وخل ولدك يتزوج اللي يبغى حرام عليك

حسن : يغسل يده من بنت صالحة ويشوف غيرها وانا معه وغير ذا الكلام

ماعندي وخرج..

ليلى : عبدالرحمن فديتك خله ذحين بعدين راح اكلمه انا وإذا ربي كاتب فاطمة

لك راح تتزوجها غصب عن ابوك ريح نفسك فديتك .

عبدالرحمن : خرج وهوساكت ابوه ناوي يقهره بس غير فاطمة ماراح اتزوج

فتح جوالها وعلى تطبيق الواتس آب اخذ رقمها من جوال فاطمة اخته بدون ماتعرف كل

يوم يفتح يشوف آخر ظهور لها اليوم مغيرة صورة العرض

( ويبقى كلام الناس درجآ اضع حذائي عليه) سبحان الله كآنها عارفه ان ابوي يتكلم

فيها اعجبني شخصيتها واصرارها على وظيفتها رغم انتقاد الناس لها يارب اجعلها
من نصيبي كلمت عمي وقال انت ولدي ولابلقى لفاطمة احسن منك لكن ابوك سبق

وقال انه مستحيل يخليك تتزوج عندي وانا مستحيل ارخص بنتي

عبدالرحمن: بس ياعم انا اللي بتزوج مو ابوي وبعدين الكلام اللي قاله قديم

ابوخالد: عبدالرحمن ياولدي ابوك يكرهني انا وعيالي واعرف بس

روح كلم ابوك وان رضي ياهلا ومسهلا وراح اساعدك وابشر لكن

إذا رفض ابوك مستحيل ازوجك فاطمة وابوك مو راضي والله

يرزقك بآحسن من فاطمة ....



في الجبيل/

فايع ابو زايد: جالس مع عياله ومعصب انا اليوم جمعتكم علشان اقول لكم شي

عمتي رحمة رفضت تجي الجبيل مرة تقول تبغى عند بنات زينة وجدكم زايد الله

يرحمة حطها امانة عندي ماتخرج من بيتها إلآ على قبرها وذحين لها شهرين وهي

في الجنوب واليوم طلبت مني شي ضاق صدري منه وانا جمعتكم وابغى فزعة منكم

يزيد: بدون مبالاة لوجينا للحق ياابوي وجوده عند بنات بنتها افضل من عندنا

زايد: وهوحاس بضيق ابوه خير ياابوية وش صار ...

فايع :تقول تبغى تاخذ بنت زينه خلود معها هنا وقلت مرحبا بها لكن قالت مايجوز

تجلس عندك انت وعيالك وانت مو محرم لها واليوم طلبت مني صورة لعقد الشركة

وصك العمارة اللي في مكة والعمارة اللي في الخبر تقول بتعطي خلود بنت زينة لها

زياد: وقام مثل المقروص ايش سلامات تعطيها حنا نتعب وهي تجي تاخذها على الجاهز

لاتكون اعطيتها ياابوي

فايع : اجلس يازياد لوجينا للحق كل الخير اللي حنا فيه في الآصل ترى مالنا فيه شي

كل شي بأسم عمتي رحمة وهي المتفضلة علينا ومن حقها تعطي اللي تبغى واليوم

رسلت لها كل الآوراق ماقدرت امنعها حقها ذا

زايد: والحل ياابوي يعني خلود ذحين صارت شريك معنا في الشركة

زياد: لا وازيدك من الشعر بيت هي مو أي شريك هي تملك اكبر نصيب

في الشركة يعني انا وابوي موظفين عندها

زايد: ابوووي والحل

فايع : الحل واحد فيكم يتزوج خلود علشان مايروح تعبنا لواحد ثاني

زياد: انا عن نفسي مراح اتزوجها لوجبرتني راح اكفر فيها ليت

السيل سحبها وارتحنا منها

يزيد: وانا باقي ادرس يعني هي اكبر مني

زايد: بضيق وهو يشوف وجه ابوه خلاص انا باخذها ياابوي ولايضيق صدرك

كلم ابوها واروح انا وانت الآسبوع ذا الجنوب ونخطبها وترجع معنا جدتي رحمة


في آبها /

خلود الحمد لله تحسنت صحتي مره وفكيت الجبس وارتحت من الدوام

واتصلت على هيلة علشان اطمن وش صار عليهم قالت انها سقطت وجواهر

عندها كسرمضاعف في رجولها وابو فرحان عنده كذا ضربة يعني انا احسن

منهم بكثير وكمان ماعاد بداوم وهم راح يرجعون يداومون بعد ماتنتهي اجازتهم

مسكين اللي ماعنده واسطه راح يتعب كثير لين متى كل شي بالواسطة ..

اهتمام امي وابوي فيني بشكل كبير امي مره متعلقة فيني لدرجة انها شهر كامل

تنام معي ولاتخليني حتى اشيل الكوب وابوي فديته نفس الشي

وجدتي رحمة معي كل وقتها تخليني احيانآ انام في حضنها وتحكي لي عن آمي زينة

وانا عادي مااحس ناحيتها بآي شي عكس جدتي فاطمة ارتاح لما اشوفها ..

جدتي رحمة جابت لي هدايا وسوت لي عزيمة على سلامتي من السيل

وكذا مره تسآل انا مرتاحة هنا اولا وعادي لورحت معها الجبيل وتقدر

تطلب لي نقل قلت لها مستحيل اعيش في مكان غير آبها وبعيد عن آمي وابوي

وفايع طلب منها ترجع ورفضت وجابت لي اوراق اوقع عليها ورفضت لين

ابوي يشوف ايش فيها وجود جدتي رحمة مخوفني حيييييييييل والله يستر



ابو خالد/ ضايق من جت رحمة وهو مو مرتاح مره يحس وراها شي
امس جتني ام خالد وقالت جدتي تبغاك في المجلس واروح اسلم عليها واجلس

رحمة: ياابو خالد انت ماقصرت 24سنة وانت شايل خلود وماجاء منك

قصور وذحين جيتك اطلب خلود تروح معي الجبيل خلني اتونس بها باقي

عمري ويشهد ربي علي مااقصر معها ومتى مافقدتكم اجيبها

ابوخالد: وكل عرق فيه ينبض من الصدمة مو عارف وش يرد عليها

رفع عيونه علشان يشوف ردة فعل صالحة حصل عيونها مليانة دموع

قال بحكمة: خلود بنتي وربيتها وهي عمرها سنة ومستحيل اخليها تروح معك هناك

مين لها محرم لوجدها زايد عايش كان قلت تروح عند جدها لكن تروح عند فايع وعيالها

لاوالله ماتخرج من بيتي إلا على بيت زوجها ..

رحمة: طيب هذا هي عندك وانت مو محرم لها

ابوخالد: بصبر كلمة وحدة خلود مالها خرجة من البيت ذا وانا حي

وحكاية اني مو محرم لها ربيتها وهي صغيره ولا اشوفها إلا بنت لي

وربي يشهد

رحمة : مالك حق تحرمني منها يامحمد تكلمي ياصالحة قولي شي

ابو خالد: إلآ لي حق امنعها بنتي وانا الوكيل الشرعي عليها

رحمة: وليه رفضت انها توقع على الاوراق انا اعطيتها من عندي بيع وشراء

ابو خالد: الشركة والعمارة اللي في الخبر مو ملك لك وحدك فايع وعياله شركاء

معك يعني راح يعارضون خلود في كل شي إذا تبغين تعطين خلود الشركة اشتري

نصيبهم منها تكون لخلود وحدها او هم يشترون نصيبك من الشركة وافضل ان فايع

يشتري نصيبك من الشركة وتعطين خلود المبلغ لآن خلود ماراح تعرف تتصرف

والعمارة اللي في مكة باقي بروح واشوف اوراقها وذا الكلام اللي عندي وبس

رحمة : طيب فايع اتصل عليك

ابوخالد: ايوه اتصل وقال يوم الآربعاء راح يجي ...وقام قال صالحة تعالي

ابغااك ..


في جناحهم/
ابوخالد: بضيق واعصابه تفور فاهم حركة رحمة من الشركة واكبر دليل اتصال

فايع عليه وطلبه

صالحة: وهي تشوف وجهه متغير حبيبي تعوذ من الشيطان ليش العصبية ذي

انت تعرف خلود كيف تحبك ومستحيل تسوي شي وانت مو راضي جدتي

خلها تتكلم لين تشبع قد قالت لها خلود مستحيل تروح معها وخلود كبيرة محد

بيجبرها

ابوخالد: قفلي الباب وتعالي اجلسي جنبي وحط راسه في حضنها افضل مكان

له لمايكون متضايق صالحة هي مصدر الراحة له

صالحة : وهي تمرر يدها على وجهه قالت تصدق اني اشتقت لك

ابوخالد: وهو عارفه انها تبغى تغير مزاجه قال حتى انا مشتاق لك بس

انت من جتنا جدتك وانت هاجرتني عمومآ ياصالحة ابغى اقولك لك شي

بس اول اتمنى انك تحطي مصلحة خلود قبل كل شي والمرة ذي راح

انا اوقف في وجهك ياصالحة لحد ذحين وخلاص

صالحة : بخوف محمد ايش صار

ابو خالد:وهو مايدري كيف يفتح الموضوع مع صالحة خاصة خطوبة احمد لخلود

عارف انها راح ترفض

جدتك ياصالحة مااعطت خلود نصيبها من الشركة والعماير إلآ لغرض

صالحة: محمد لاوالله جدتي مره تحب خلود بشكل ماتتصورة

ابوخالد: تحبها صح بس تبغاها عندها في الجبيل

صالحة : محمد لاتشيل هم خلود كبيره ومستحيل جدتي تجبرها وانت

عارف وشو كثر خلود تحبك يعني تطمن

ابو خالد: صالحة افهمي هي اعطتها نصيبها من الشركة وهي ضامنه ان فايع

وعياله مستحيل يسكتون وعلشان كذا فايع اتصل علي وقال بجيك الخميس انا

وولدي زايد جدتك سوت كذا علشان واحد من عيال فايع ياخذ خلود وتضمن تكون

معها في الجبيل

صالحة : بخوف من مجرد انا خلود تروح محمد والحل

اسمعي ياصالحة: ابراهيم زوج صفية اتصل البارح وقال بجيك يوم الآربعاء

نخطب خلود للآحمد وناصر كلمني اليوم وقال بخطب خلود مره ثانية انا باقي

ابغاها

صالحة: مستحيل اخلي بنتي تتزوج ولد صفية ماشبعت منها واحطها عند اختك

تاخذ ناصر احسن على الآقل عمتي محاسن تحبها

ابوخالد: ناصر ياصالحة ابوه مو موافق على خلود هو يبغى ناصر يتزوج بنت

عمة وإذا تزوج خلود وابوه مو راضي مصير ناصر يرجع يطلب رضى ابوه

وابوه ماراح يرضى إلآ بطلاق خلود او يتزوج عليها وانا مستحيل اضحي بخلود

صالحة: والحل طيب يامحمد لاتقول احمد مستحيل لاتنسى اختك انها تكرهني

انا وبناتي

ابو خالد: انا بكلم خلود وتختار بين احمد وولد فايع وانا متآكد ان جيتهم علشان يخطبون

خلود وهي تختاربينهم

صالحة: تروح الجبيل يامحمد حرام عليك لاولد فايع ولا ولد اختك الله يعوض خلود بآحسن

منهم

ابوخالد: بحزم صالحة خلي البنت تشوف حياتها كفاية كم مره تنخطب وترفضين لين

متى اليوم جدتك تبغى تاخذ خلود والله العالم مين بكره بيطلع يطلبها تروح معه وانا

مااقدر اتكلم بحجة اني مو محرم لها وكفاية يوم السيل ماشفتي قهري وانا اشوفها تعبانة

ولاقادر اشيلها ووالله ياصالحة ان جاني خبر انك قلتي لخلود انك مو موافقة سواء على

ولد فايع او احمد ليصير شي مايرضيك احترمتك وقدرتك بمافيه الكفاية إذا سآلتك

خلود وش رأيك قولي بكيفك هذا انا حذرتك ياصالحة ويوم الآبعاء بسوي مناسبة

لخلود والخميس غدا لفايع وولده اول مره يدخلون بيتي شوفي وش ناقص وقولي لي


في الديرة/

صفية : ايش تخطب لولدي وانا آخر من يعلم وبنت صالحة لاوالله ماياخذها

ابراهيم: اصلآ محد يدري وقلت لك ذحين مو علشان اخذ رأيك حبيت اعطيك خبر
صفية: احمد وش تبغى في بنت صالحة مدلعة ولا راح تقدر عليها بخطب

لك وحدة من بنات عمك او خديجة بنت جارتي احسن من خلود

احمد: يمة قلت لك انا عندي شروط ولا وحدة فيهم حصلت اللي بغاه فيها

وخلود مناسبة لي

صفية : وش تبغى في الجمال تراه يروح اهم شي الآخلاق

احمد: وش اسوي باخلاقها وهي شينة اهم شي عندي الجمال

صفية : حسبي الله على صالحة ام الآسحار سحرتك وانت عندها مثل خالك

لو تزوجة بنت صالحة لااعرفك ولاانت ولدي ولا بحضر زواجك

ابراهيم : صفية وبعدين معك انت ماعندك سالفة إلآ السحر وحكاية انك مابتحضري

والله ابركها من ساعة واستحي على وجهك احشمي اخوك اللي مايقصر معك بشي

اسمعي يوم الآربعاء معزومين كلنا عند ابو خالد وراح نخطب خلود رسمي وانت تحضري

وانت ساكتة ووالله ان جاني خبر انك قلتي كلمة وحدة لصالحة وبناتها شوفي حلفت لتزوج

وحدة من الديرة من هنا واجيبها البيت وماتوقف على الفلبينية ..

يـــــــــوم الآربعاء

زينة: حماااااااااااااااااااااس اهل عمي حسن خلاص قدهم في آبها وكمان اهل جدي محمد

وبسمة مع اهل عمتي صفية مو مصدقة نفسي اول مرة الآجتماع ذا

خلود: وهي تمشط شعرها زينة احس ان آمي مره متضايقة مدري وش فيها

من امس اكثر من مرة احصلها تبكي

زينة: صادقة والله امي مرة متغيرة سآلتها قالت مافي شي يمكن خايفة

من جيت عمتي صفية

خلود: الله يستر يله قومي نشوف فطوم تعبت لوحدها في المطبخ


بعد العشاء /

في مجلس الرجال حسن وعياله ومحمد (ابوعلي ) وعبدالله ولده وناصر وابراهيم واحمد وسعود

ابراهيم : الحمدلله على سلامات خلود ياابوخالد

ابو خالد: الله يسلمك
ابراهيم : ياابوعلي (يقصد محمد ابو خلود الحقيقي) جيناك اليوم طالبين القرب منك

لولدي احمد

ابوعلي:بفرحة ياهلا ومرحبا بك ماراح القى احسن من احمد لكن مين من البنات

زينة وإلآ اماني

ابراهيم : الله يحفظهم لك لاوالله خلود الله يسلمك

ابوعلي : بغضب ماعندي بنت اسمها خلود وخرج من المجلس

عبدالله : بغضب قام ولحق ابوه

ابوخالد: بآلم حياك الله ياابو احمد وماراح القى لخلود احسن من احمد راح اكلمها

وارد لكم خبر وخير إن شاء الله

ابراهيم : إن شاء الله انها من نصيب احمد وحنا نستآذن بنروح

ابوخالد: ناموا عندنا

ابراهيم : جعلك تسلم معنا شقه الآهل بيغون السوق ويتمشون بكرة إذا

ماعندك ارتباط خلونا نتقابل في أي حديقة او مول

ابوخالد: إن شاء الله


يوم الخميـــس :

ابوخالد: احس بتعب نفسي كبير اليوم جاني فايع مثل ماتوقعت جاء يخطب خلود

لولده والسبب معروف قلت راح اكلم البنت وارد لك خبر واخذ عمته رحمة وراح

على نفس الرحلة بعد المغرب الله يكتب لخلود مافيه الخير

زينة: ابوي لايكون نسيت طلعتنا ابوخالد لا مانسيت تجهزوا يله


احمد: فرحاااااان مره ويارب خلود توافق رغم ان آمي مو موافقه مره لكن

مصيرها ترضى وذحين ننتظر خالي ونطلع مول مع بعض

احمد: كتمة انت ومنال وحليمة وزهرا راح نطلع لمول ووالله لو شفت وحدة

فاتحة النقاب خرمت عيونها واللي بتعلق الجوال برقبتها راح اخنقها به واللي

بترد على جوالها راح اكسره على راسها سامعين وحركة زايدة ياويلكم مني

اتقنا على مول معروف ووقفت سيارتي خالي جنب سيارتي ونزلوا البنات

كلهم مع خالد وهي باقي مع آمها تشيل مشاري وجيت عند خالي اتميلح خال تبغى شي

قال: احمد روح مع عبدالرحمن وخالد اكبر تفشيله بس بتحمل

واروح مع خواتي وامي ونجلس مع خالي والعيال على طاولة بعيد عن الحريم

وانا اقز خلود بعيوني قاعدة توزع قهوة وحلا على الحريم والباقي تعطي خالد يجيبها

عندنا وشوي راحوا الحريم كلهم يتمشون إلا هي قاعدة مع جدتي فاطمة وبعدين اخذت مشاري

وتولين وراح معها سعود وانا جالس مع ناصر اكره ذا الإنسان احسه ثقيل دم

شوي قمت اتمشى وانا اقز خلود من بعيد وهي مع مشاري وتولين في الآلعاب

وجاء سعود واعطى ناصر شنطة خلود انا انقهرت مرة لماناصر حط راسه عليها

الله ياخذك ياسعود الخبل ...

شوي واشوف خلود جاية ناحية ناصر شكلها تبي تاخذ الشنطة ولماشفته رجعت هي وتولين

ماشاء الله عليها عبايتها ساترة ولابسه جونتي اعجبني سترها وانا ادعي ربي تكون من نصيبي

قلت تولين تعالي وش تبغين قالت نبغى فلوس من شنطة خلود بس ناصر نايم عيب ناخذها

وافتح البوك واعطيها 50ريال وتروح شوي مدري وش قالت لها خلود جتني قالت خذها شكرآ

بنروح عند بابا هين ياخلود من اولها طيب


 
 توقيع : عاشقة الدموع


إن قـدر الله مـع الأيـآم نتـوآآجـه
تمـر مثلـك مثـل نآس(ن) يمرونـي
في عيوني تصير مآتسـوى ولآ حآجـه
من عقب مآكنت تسوى الناس في عيوني


رد مع اقتباس