رد: رواية جنوبي وعشق مهرة من مهرة جنوبية للكاتبة نبضي آبها
البارت- 4
استبيحكم عذرآ ايها السادة سوف آسرق من وقتكم القليل...
كي احدثكم عن معشوقتي فليس من الحب ان اكون عاشقة ..
ولآاتحدث عن معشوووووووووووووقتــــــــي .......
معشوقتي هي حسناء فاق جمالها كل وصف ..وساحره فاق سحرها كل الآسحار..
معشوقتي فاتنة يغازلها الضباب على مدار العالم..تتكئ على سفوح جبال شوامخ ..
فهي شامخها يسامرها القمر كل ليلة دون وسيط..معشوقتي فاتنة حتى فيما ترتدية فهي
تكتسي بحلة خضراء يفوح عبيرها في كل مكان ...معشوقتي فاتنة خجولة تختبئ خلف
الضباب كاالعذراء حين يغازلها شاب ..معشوقتي عروس في كل يوم لآتشيخ ولآتذبل غارت
من حسنها كل عروس ..معشوقتي هي آبنة المطر والسحاب ..معشوقتي حبلى باالغيوم على مدار
العالم..معشوقتي لها بنات غيد في حسن وجمال آمهم الفاتنة ..فتلك سودة عسير ممطرة كل حين
ذات خمار آخضر تتوشح به ..والحبلة تلك المتغطرسة الفاتنة تتكئ على رؤوس الجبال في عزلة
ليس لها جار غير القمر ..والكثير من البنات الغيــد لايستطيع العقل وصف جمالهن ...
معشوقتي قربها لروح متعة ..في كل يوم استعيذ باالله مئات المرات من يوم لآاكون بها ..
معشوقتني اشعلتني حبآ وغرامآ بها..سحرني جمالها سحرآ لا اريد له رقية ..
اشعلت قلبي حبآ وغرامآ بها من ناصيتي إلى اخمص قدمي ...تغنى بجمالها كل شاعر,,
معشوقتي هي ( آبها البهيــة ) كما قيل ترد الكهلة صبية ...
لآ ابهى من آبها ..ولآعسير في عسير ..كما قال خالد الفيصل
قالوا تسافر ؟ قلت مليت الأســـــفار
لأهل السفر غاية وأنا غايتي غير
قالوا تصيف ؟ قلت في دار الأخيار
مصــيفي || أبــهـا || منزل العز والخير
أهيم مع رقصة سحـــابة إلى ثار
وان هبت النسمة وغرد لها الطير
ابوخالد من بعد ماجاني عبدالرحمن وانا شا يل هم كيف اقول لعيالي وخاصة آمهم
ماابغى اجبرهم ماعمري جبرتهم ابغى يروحون لديره وهم مقتنعين مو جبر مني
وكلمت البنات زينة مره فرحانة هي وزينب وفاطمة قالت عادي بس احسها متخوفة
خاصة من بعد سالفة شغلها في المستشفى خاصة ان عمها جابر نقل لها كلام عمها حسن
وخلود كاالعادة قالت الآمر والشور لك وكلمتك تمشي على الصغير فينا والكبير
ابو خالد: انت با الذات ياخلود إذا مالك خاطر في الروحة ذي ترى عادي الزم
ماعلي راحتك ..
خلود:انا بنتك ومالي كلمة بعدك ولعل الروحة ذي خير وتصفى النفوس بعدها..
ابوخالد: الله يحفظك ياالغالية وانشهد انك مو بنتي بس إلا اغلى من الروح
خلود:جعلك سالم وانا بخير دامني تحت جناحك ..
ابوخالد: بينه وبين نفس يحس كلام خلود مثل البلسم قاعدة معه و هي لآبسه عبايتها
تمنى انها راضعه من اخته علشان يكون لها محرم بس رفضت الرضاعة من صفية
خلوها يوم كامل من بدون رضاعة علشان تجوع وتضطر ترضع من صدر صفية إلا
انها رافضه حتى تفتح فمها سبحان الله ونفس الشي من زوجة حسن كنت ابغى
اصير لها محرم ماخليت شيخ إلاسآلته وقلت له كل شي قال لآيجوز تكشف عليك
انت غير محرم لها كان اصعب قرار مر في حياتي اني اقول لها تتغطى مني
ياالله كيف وهي من عمرها سنة اواقل وهي ماتعرف رجل في الدنيا ذي غيري
لماكنت اتآخر في المحل صالحه تنام وهي تجلس تنتظري لين ارجع وتطمن
وتحضر لي آكلي ..وباقي لحد دحين تصل فيني إذا تآخرت بعكس بناتي تشوف الشي
اللي احبه وتسويه ماعمرها عصتني في شي من عرفتها حاولت اشغل نفسي برا البيت
ولآارجع إلا متآخر علشان تاخذ راحتها.. مااسوي شي إلآ بعد مااقول لها
حتى لوحات المحلات كلها بآسمها هي حتى لما جاني خالد كنت ناوي اسميه على
ابوي الله يرحمة ولما سآلتها قالت نسمية خالد ونفس الشي مشاري وتولين هي تختار
ومستحيل اقول لها لآ رجع من سرحانه ..
صوتها: ابويه تآمرني على شي بروح احضر واخلص كذا شغله.
ابوخالد: الله يحفظك..................باقي علي صالحه
رحت لها في غرفتنا وقلت لها تجهزي بنروح نزور صديق لي وقال جيب زوجتك تتعرف على زوجتي
صالحه: محمد انت صادق ..
ابوخالد: وهو يمسك وجهها بيده صادق والله اكشخي ياصالحة خل اللي يشوفك الليلة يقول
عروس وختم كلامه بقبلة جنب شفتها
صالحة: وهي تدفة محمد اشبك منت طبيعي لو دخلوا العيال وحنا كذا خبل ..
ابوخالد: وهو مستمتع بخجلها اقول تجهزي بطلع السوق اشتري اغراض
امرك وانت جهازه ولآتاخذي ومشاري وتولين لآاشوفهم ..
صالحة: بشك محمد الله يعطيني خيرك بس
ابوخالد: وهو يضحك تجهزي بسرعه ترى الرجال ينتظر وخرج ..
بعد ساعتين وهي معه واقفين قدام فندق فخم قالت بشك : ابو خالد صديقك ساكن في فندق
ابوخالد :يحاول مايضحك ايوه رومنسي الرجال مسك يدها ودخل
دخلت جناح فخم اللي يشوفه يقول جناح عرسان من المدخل اضاءات خافته شموع
على الطاولات روائح عطريه مختلطه مو قادرة تميز وش هي ...
مسك يدها لين دخلها غرفة واجهتها زجاج عاكس تطل على مناظر ساحره
رجعت تطالع فيه وكآنها تقول له وش ذا ؟؟ووين صديقك ..؟؟
قال: لها بصوت هامس دقايق وراح تفهمي كل شي وطلع وخلاها ,,,
هي فسخت عبايتها وحاسة ان في شي محمد موطبيعي مره صح انها تطلع معه لوحدهم
بس اليوم حاسة ان في شي قعدت تفكر يممه لآيكون بيتزوج جابني هنا علشان يقول لي ..
لالا مستحيل محمد يسويها تعوذت من الشيطان وواقفت دام المرايه تعدل لبسها وراحت
توقف قدام الزجاج العاكس وهي تشوف نافوره تتوسط حديقة الفندق
وإضاءات الحديقة الخافته وزاد الضباب اللي مغطي الاشجار خاصة
ان المغرب قرب يإذن ..منظر ساحر كاان بس قلبها مو مرتاح ..
ابوخالد : رجع من السيارة معه اكياس بيده نزلها على الطاولة وهي ماحست
فيه وقف يتآمل الحورية اللي واقفة قدامة كانت في غاية الفتنة شعرها صبغتة
زاد من جمالها مع بياض بشرتها كانت لآبسة طقم تركي فخم كاالعادة بلون
الوردي الغاتم والرصاصي الجكيت عباره عن فرو معطيها شكل بنوته صغيرة
شعرها مرفوع لفووق ونازل منه كذا خصله تنهد لين وقف خلفها مباشره
حاوط خصرها بيديه وهو يضمها لصدره ويشم ريحة شعرها رجعت هي
تميل راسها عليه وتقول محمد اشبك قول ترى الشيطان بداء يلعب فيني
هو كان مغمض عيونه ومستمتع بقربها رجعت تلف وتقابل له قالت ارحمني
وقول وهو يطالع في كل جزء من وجها عيونها الفاتنة رموشها الكثيفة
خشمها الشامخ شفايفها المغرية قال ولا شي اشتقت لك وقلت نجي لوحدنا
ماخلاني مشاري اخذ راحتي كل مااقرب منك يقول روح هذي حقي
قالت بشك متآكد يامحمد ..رد عليها وكذا موضوع بستشيرك به ..
قالت محمد لواكتشف بس انك بتتزوج علي ذبحتك ...
قرب منها وهو يقول هو انت خليتي فيني عقل باقي ...وغابة معه في عناق طوووووووووويل
في آبها /
خلود :الحمد لله رب العالمين بكمل اربع اسابيع وانا اداوم نفس الشعور باالخوف واللي هون علي ان المديرة قالت
لي بما ان عندك شهادة حاسب راح اوكل لك مهمة رصد مهارات الطالبات وحظور وغياب المعلمات واشياء
تخص إدارة المدرسة من البيت عن طريق موقع نور وكآنها بطلبها ذا اعطتني كنز الحمد لله رتبت جدولي بحيث
يكون الآربعاء فاضي الحمد لله وعقبال النقل ...خطبني ناصر ومحتارة ومترددة مره وبنفس الوقت ابغى ابوي
يرتاح من همي انا عارفه انه شايل هي رغم اني صليت الآستخارة بس احس بضيق فضيع بس بوافق علشان
ابوي لين متى بظل حمل عليه مو مهم اكون سعيدة اصلآ السعادة فارقتني من اول يوم تحجبة عن آبوي
قطع عليها ثرثرتها مع نفسها صوت زينة:ياهو وين وصلتي ساعة انادي عليك ..
خلود: هلا زينة ولا مكان معك بغيتي شي ...
زينة:بشك متآكده
خلود: زينة تحقيق هو ..
زينة :وهي تفتح القدور يم يم شكل الفطور مشهي مره متى يآذن المغرب ..بس ليش نوعين معكرونه سلامات
خلود: ابوي فديته يحب معكرونة بالبشاميل ومبطي ماآكلها ومستحيل يقول سووا لي وقلت بما انه صائم خلني
اسويها وخالد يحب باالخضار وسويت النوعين ..
زينة : تسلم يدك ياحظ ناصر فيك بسرعة وافقي ترى متحمسة للعرس ذا مبطية مارقصة ..
خلود: بتنهيدة كلها تعب زينه اخرجي عني خليني اكمل فرد العجينة مااعرف اشتغل وناس تتكلم عندي
زينة :مع نفسك بقووة جاية اوسع خاطرك تطرديني كذا..
قطع عليهم صوت ثالث السلام عليكم ياولد وين آم خالد
زينة: ابوية جاء بروح له افضل لي منك ياالنفسية ..
خلود:وهي تسمع زينة تقول ياهلا فديت وجهك ياالغالي بسرعه احضني يله ترى ناقصني حنان
إذا انحرفت لاتلومني ..
ابوخالد:هلا يانور البيت وين آمك وخلود
زينة : لا بصراحة ماعاد اتحمل انا ارحب فيك وتسآل عنهم قووية ..عمومآ خلود في المطبخ وامي مع قرودها
في غرفتها..
ابو خالد:ههههههههههههههههههه لآتزعلي حتى انت غالية
زينة: واضح مره عمومآ جهز نفسك نبغى السوق نشتري هدايا علشان نزلت الديره تراني متحمسة
ابو خالد: من عيوني
هي في المطبخ سمعت كل الحوار اللي دار بين زينة وابوها تحاول ماتبكي بيوم كانت مثل زينة
ويمكن اكثر كان ابوها اقرب شخص لها حتى من آمها ماتعرف رجل بحياتها إلآ هو خاصة
من صار عمرها 3سنوات وبدآت تميز وتفهم زاد تعلقها به صارت مثل الظل له لمايطلع المسجد
توقف له عند الباب لين يرجع لما يدخل تجلس عنده وتبداء طقوس الدلع عليه شوي تلبس شماغه
وشوي تخلية يجلس وتركب فوق ظهر ويلف بها في البيت كامل ولا ينزلها من فوق ظهره
إلآ لماهي تطلبة ..الآكل مستحيل تجلس إلآ جنبه واحيانآ في حضنه..احيانآ لما آمها تعصب عليها
تروح عنده هو يمشط لها شعرها وترضى في أي شي يسويه اهم شي ان ابوها هو اللي سواه مايهم
هو حلو اولا ..لما آمها ولدت ب/فطوم كانت تغار إذا ابوها شالها وكان مستحيل تخليه يشيلها
كانت انانية في حبها له ..باقي تذكر لما كانت بتدرس اول ابتدائي واخذها السوق ماخلت شي إلآ اشترته
اللي تحتاجة واللي ماتحتاجة وماقال لها لآ ..كان ياخذها المدرسة ويجلس عند البواب لين تخلص
احيانآ كانت تخليه يشيلها واحيانآ يشيل شنطتها ومن تطلع معه لين توصل البيت وهي تحكي له
وش صار معها وهو يسمع لها ..ولا تذكر ولا مره ضربها او هاوشها بعكس امها كانت إذا خربت
أي شي تضربها وتروح تشتكي للآبوها وهو بطريقته يراضيها ..كانت حياتها اروع مايكون لين
راحوا الديرة في العيد وقال لها احمد ترى انت مو بنت خالي محمد هو حصلك عند الزبالة و اخذك
انت يتيمة قلت له انت كذاب قال والله حتى اسآلي جابر منال وسآلت جابر قال ايوه ابوك حطك عند الزبالة
علشان انت قتلتي امك وانه يرميك هناك..جلست افكر كيف قتلت آمي وامي معي وابوي يحبني
ماصدقتهم ورحت ابكي عند ابوي في
المجلس وراح ضربهم ..ولما كنت في سادس ابتدائي المعلمة تنادي اسمي خلود محمد حسن
قلت لها ابله اسمي مو كذا اسمي خلود محمد عبدالرجمن قالت لآ اسمك كذا رجعت البيت وسآلت
ابوي قال يمكن غلطانه انا ماصدقت لما نام ابوي رحت فتحت شنطتة وحصلت شهادة ميلاد بأسمي
وصورة من كرت عائلة فيه اسمي واشوف الصورة ماكانت واضحة واشوف الآسم كان محمد عبدالرحمن
ال حريقي وجلست ابكي يعني كلام احمد ومنال وجابر صح انا مو بنته طيب ليش اخذني و وين ابوي وآمي
لآ ماابغاهم مااحبهم احب ابوي محمد وآمي صالحه ودخلت امي علي وانا اصيح قلت لها امي ابوي وينه
قالت نايم قلت لا ابوي محمد حسن وينه وابكي واصيح ....
رجعها من ذكرياتها صوت آمها وهي مقابل لها خلود يمه وش فيك بسم الله عليك ليش تبكي
خلود :تحاول تمسك نفسها ولا شي فديتك
آمها:بخوف وهي ماسكه اكتافها كيف ولآشي و وجهك محمر كذا والدموع ذي
خلود:يمه ولاعاد قدرت تكمل وهي تبكي وزاد بكاها لما حضنتها آمها الحضن ذا اللي مشتاقه له حيل
الحضن اللي كانت ترتمي فيه كل وقت لما تكون زعلانه من فاطمه وزينه تجي تشتكي للآمها
حتي لما يكون عندها اختبار ويصعب شي عليها تجي وترتمي في حضن آمها ...
ماتعرف في الدنيا ذي شي اسمه صديقة آمها هي صديقتها وكل شي مستحيل تخبي عنها شي
حصرت حياتها بين شخصين بس محمد وصالحة .....
لكن بعد ماعرفت ان ابو خالد مو ابوها تغير كل شي ماعاد هي خلود
عند باب المطبخ : ابوخالد : صالحه وش فيها خلود
صالحه: ماادري دخلت عليها تبكي وتقول مافيها شي
ابوخالد: وهو محترق موقادر يدخل يشوفها ولا بيده شي يسويه وهويسمع صوتها وهي تصيح
قال زينة تعالي جيبي عباية او جلال صلاة وغطيها خليني ادخل اشوف ايش فيها ...
بعد ماهدءت في الصالة وهي متغطية وآمها جنبها وابوخالد جالس وعيونه في الآرض
آبوخالد: خلود ياابويه وشبك وش مضيق خاطر
خلود: وهي تحاول يكون صوتها طبيعي مافي شي ياابويه لاتقلق كنت متضايقة بس
آبوخالد: خلود تخبين علي قولي لايكون علشان خطبة ناصر ترى الوضع عادي
إذا مو مرتاحة عادي الزواج قسمة ونصيب ..
خلود: وهي تلوم نفسها كيف تقنعه ذحين حتى لو قالت له مافيها شي راح يظل قلبه مشغول عليها
مافيني شي صدقني كنت متضايقة ولما ابكي انا مااعرف امسك نفسي ..
ابو خالد: تنهد وهو حاس ان فيها شي وماراح تقول له ولايقدر يجبرها قال اتمنى ياخلود
انك ماتخبي عني شي انا بقوم اتجهز لصلاة المغرب وانت يازينة جهزي الفطور وترى احمد بيفطر معي
بعد العشاء وفي غرفة خلود امها والبنات ..
خلود :يمة فديتك مافي شي كنت متضايقة وبكيت وارتحت ذحين لاتشغلي نفسك
زينة: ياحياة الشقى والله لو اني ابيكي لبكره محد سآل فيني يارب العوض منك
فاطمة: انت ماعمري قد شفتك متضايقة ماشاء الله
زينة: قولي ماشاء الله قبل مااقوم افتح في وجهك شوارع
خلود: يمه بغيتك في موضوع
آمها: خير عن شاء الله
خلود: اكيد ابوي قال لك عن جمعة الآربعاء انا والبنات شرينا هدايا لهم قلنا اول نروح نسلم على
على جدتي فاطمة وبعدها نروح عند عمي حسن وعند عمتي صفية نسلم عليهم وبعدها نرجع
نكمل السهرة ببيت جدتي ..
زينه:صدق يمة (فَمَنْ عَفَا وَأَصْلَحَ فَأَجْرُهُ عَلَى اللَّهِ ) طلبتك روحي معنا خلاص خلنا ننسى
الماضي فديتك
آمها: خلاص طيب ابوكم البارح قال لي وقلت عادي ماعندي مانع
زينة: تنط على امها وتحضنها فديت آمي يانااس فديتها ...
آبوخالد: حاس بضيق على خلود ومابيدي اسوي شي دموعها الليلة نار تحرقني ولا بيدي
اسوي شي اعرف انها تعبانه وتعاني لكن تكتم علشان مانشيل همها وهي ماتدري
اني حاس بها خطبة ناصر لها فرحتني مره بس انا مو مرتاح ابوه واحد راعي مشاكل
وناصر ضعيف ومحتار واتمنى انها ترفض انا اتمنى لها زوج شخصيتة قوية يقدر يدافع
عنها خلود هادية مره ولا تحب المشاكل يمكن علشان كل حياتها رفاهية ماكنت ارفض لها طلب
اول مره احس اني عاجز استغفر الله استغفر الله
آحمد :اليوم الثلاثاء خلصت دوام وبكره ماعندي شي نزلت الديرة وكاالعادة آمي مو في البيت
ماعمري جيت من الدوام واحصلها فتحت الباب إلا صوت الآغاني يرج البيت رج الصوت طبعآ
من غرفة خواتي وقفت اطالع لمنال وهي ترقص ملابسها حدث ولآحرج بلوزه علاق لين البطن وبنطلون
اسكيني ماس على جسمها وهي قاعده تتمايل مع الموسيقى ولا حست فيني لاهي ولا البنات هي ترقص
والباقي كل وحده مبحلقه في جوالها آخيرآ انتبهت منال لي قالت بكل وقاحه خير وش جابك غرفتنا
مارديت عليها دخلت لين اخذت الرسيفر وضربته بكل قوتي في الجدار لين تحول لكسر ومسكتها هي
قلت:منال قومي غيري المصخره اللي عليك احسن
منال:بصراخ وش دخلك انت وجلست تصارخ وتنادي ابوي
احمد: وفري على نفسك الصراخ ابوي مشغول يكلم (ترايسي ) ولاهو حولك يله انقلعي غيري
خرجت من البيت وانا متضايق موحاله ذي وعلى طول بيت جدتي فاطمة ماارتاح في الديرة
إلآ عندها صح ان خالي جابر يغثني بس اهون من بيتنا قد اعطتني نسخة من مفتاح بيتها
حصلتها سادحة في الصالة وتتابع قناة بداية ولما شافتني قامت ترحب فيني
الجدة : ياهلا فديت وجهك ونورك
احمد: كيفش ياجدة اربش بخير بشري عن صحتش
الجدة: نحمد الله ماعلي من الدنيا خلاف ابشرك بشرني عنك وعن خالك وعيالة اربهم بخير ..
احمد: بخير ويسلمون عليش كثير السلام
الجدة: فديتك انت وخالك اشبك ياآبويه عساك تعبان
آحمد:تنهد وهو يتمنى انها آمه تسآله السؤال ذا..تعبان ياجده تعبان من روحي ومن آمي وابوي واخواتي
الجدة :طعن قلبي عنك ومجاره روحك من الضيم ..وامك ام خبله ياهي عنك
آحمد: ياجدة ماعمري جيت من الدوام واحصلها إلآ مسيره
الجدة: لاتشكي لي فآبكي منها والله ياولدي ما اعرف منك كلمة المعروف او تجيني تسولف وتشوف
وشني بيد إلا تجي متى مافضيت شوي وروحت الله يستر حالي وحالها
آحمد: ادعي لها ياجده ..
الجدة :كفاية بي ادعي على خطو القدم لها ولجابر لكن الصلاح من الله ووالله ماني عاقة في آمي وآبوي
الحمد لله جلست مع آمي 6سنوات في بيتها وخليت بيتي ولا اعرف لااخرج مكان لين آمي سارت بها اكفانها
لكن آمك ماني في حاجتها عسى ربي يخلي لي ابو خالد يجي في الآسبوع مرتين وكنس وغسل وجاب لي شغاله
وشردها خالك جابر وانا باقي بصحتي اقوم بروحي لكن ضامني كلام الناس بها
آحمد: الله يهديها هي وابوي ياجده مدري كيف اسوي معهم هي تشتكي وهو يشتكي منه ومحتاربينهم
الجدة: ابوك جاني وقال خالة انا رجل بيتزوج لايكون في خاطرش شين علي ..قلت لآوالله ياامك انت رجال حر
نفسك لكن ودي يوم انك نويت تعرس كان اخذت بنت حسب ونسب احسن لك من فلبين قال ياخالة احبها وابغى
اخذ اجر بها قلت بصرك ياخالتك مالي عليك إلا كلمة المعروف ..
وانت يا احمد إذا بيد شوري اعرس خذ لك بنت رجال من ثوبك تحفظك وتصونك ..
احمد: على يدش جدة اخطبي لي وانا موافق..
الجدة :والله البنات ياكثرهم لكن انت بيد نقوتي ( يعني اختياري) ولا بعدين تقول راسي قلبي وانت ياجدة السبب
احمد: وهويضحك لآ والله انت فصلي وانا اللبس ..
الجدة: يعلم ربي اني احبك ولاني بيدك لك إلا شين يعجبك ...عندك بنات خالك حسن وبنات خالك محمد وبنات
جدك محمد اختار وكلهم ياسلام دواء ..
احمد: ههههههه جدة مايصير كذا انا ماقد شفتهم انت وش اكثر وحده اعجبتش فنانه مره منهي .
الجده: بنات خالك حسن مابهم شين فاطمة سميتي ياسلام فنانة وعاقلة وكلها.. وسحرها مثلها وعلياء باقي جاهلة
آحمد: خلاص اختاري اللي قلبك انت بيدها ياجده وانا موافق ..
الجدة : سميتي فاطمة فديتها لكن معها ابوها شرهه مثل آمك وانت رجال حار ولآ بتتحمل
آحمد: وهويضحك على جدته والله انك صادقة لا خلاص بنات خالي حسن الله يوفقهم ..
الجدة: باقي بنات جدك محمد: خوات عبدالله الكبيره ريتها فنانه لكن اللي دون ولاهي مثلها
آحمد: اهم شي هي بيضاء اولآ
الجدة: لآوالله ماهي بيضاء قشطة على ماقلت ..
آحمد: اجل خلاص ماعاد ابغاهم ..وبنات خالي محمد
الجدة: بحب وحنين لعيال ولدها اللي ماحسبت بيوم ان محمد بيجيه عيال قالت سميتي فنانه لكن ولاهي بيضاء
قشطة على ماقلت وزينة وزينب مخطوبين ابوهم قال لي ..
آحمد: قولي والله ياجدة لمين ..
الجدة : وماذا علاك انت مايخصك
آحمد: بضحكه على تفشيل جدته له الله مابش علي خلاص وربيته
الجدة : آني صادقة اسمجتني .. فديتها اما خلود ماقد وصف بزينها امها زينة الله يرحمها عن جدك محمد
افلح عقلها يوم ماتت..
آحمد: وكان سادح وانه يجلس بيضاء ياجدة
الجدة : بسم الله علاها كآنها لمبه
آحمد: انت متآكده ياجدة
الجدة وهي واصله حدها من احمد: اقولك قوم عني خلني اصلي احسن لي
آحمد: والله انك ماتصلحين خطابة ياجدة وهو يضحك واخيرآ حصل مراده رجعه من سرحانه
صوت جدته: احمد اشبك تكشح وحدك ياالله في الصلاح
احمد: ونفسيته تغيرت 180 درجة على يد جدته فديتش ياجده شوي ويدق جواله
احمد: الو هلا الحمد لله موجود جيت ماحصلتك لا عند جدتي فاطمة .لاوالله موفاضي لسوق يمه دوبي نزلت
بكرة اوديكم لا بنام عند جدتي كيف ليه يمه خلاص مع السلامه
الجدة: امك
احمد: ايوه تبغى السوق هي والبنات ...
الجده: كل يوم امك وهي ذا السوق ولا بان علاها هي واخواتك اعوذ بالله ..
خلود: جاء يوم الآربعاء بسرعة فضيعة ليه الآشياء اللي نخاف منها تجي بسرعة
تنهدة وهي تسمع صوت زينة وزينب متحمسين مره عكسي انا وفطوم كملت تمشيط
لتولين ولابستها ورتبت ملابس لنا لين يوم الجمعة احسها دهر استغفر الله بس علشان
ابوي بتحمل بعد ثلاث ساعات كنا في الديرة بمجرد خروجي من آبها احس بخنقة مكتومة
ابغى ابكي بس كفاية انفجار يوم الآثنين كانت تشوف حريم يمشون في الشارع وعيال صغار
جالسين عند المسجد يلعبون كورة واكثر من بقالة منتشرة في نفس الحارة رجعت من سرحاني
على صوت تولين حلود سوفي حروف صعيره الترجمة( خلود شوفي خروف صغيرة) قلت لها
وانا اضحك على نطقها عند جده فاطمة كثير خروف اوديك عندها ..
وصلنا بيت جدتي كان عبارة عن عمارة دور واحد بها حوش كبير كله مليان اشجار
البيت ذا لها فيه ذكريات موجعة في البيت ذا عرفت انها مو بنت ابوخالد في البيت
ذا انكسر فيها شي عمره مايتصلح ...بس هي تحب جدتها حب غير طبيعي
جدتي ماتدري اننا بنجي قلنا للآبوي لاتقولها خلها مفاجئة فتح ابوي الباب ودخل
وحنا وراه ويقول ياآم حسن يابنت جابر يااهل الدار شوي إلآ هي جاية اقلط يامرحب
قال ابوي : معاش ضيوف ..قالت مرحبا الف بك وبضيوفك ولا حياني عنكم
بمجرد ماقربت منا وشافت خالد عرفتنا وسلم عليها خالد وهي ماخلت مكان في وجهه
إلآ سلمت عليه وهي تقول فديت ياآبوية وآمي وانت ياخالد ..وانا احس العبره بتخنقني
وسلمت آمي عليها وكان بينهم سلام حار بكت فيه آمي وجدتي وبكيت معهم لين قال ابوي
آم خالد خلاص تعوذي من الشيطان وسلمت علي ونفس الشي تحضني وتبكي وتقول محد مثلي الليلة وانتوا
عندي قالت زينة: ياهوووو خلاص فكونا من الدموع تعالي ياجدة اسلم عليش وسلمت على البنات ودخلتنا
غرفة استقبال حلوة مرة ابوي قال انا بطلع اصلي انا وخالد شوي احصلكم جاهزين وراح وحنا نسولف مع
جدتي وفرحت مره لماقلنا لها بنروح بيت عمي حسن ..
في نفس الحارة بيت قريب مره منهم ريحت البخور تعج في المكان وصوت عبدالرحمن يقول :
ابوية بعد الصلاة تجي البيت على طول عندي ضيف
ابوه : ومين ضيفك ذا
عبدالرحمن : انت تعال وبس
ليلى (زوجة حسن): عبد الرحمن فديتك تآكد ان المجلس مكيفاتة الآثنين شغالة
عبدالرحمن : ايوه انا مشغلها وترى عمي محمد وعيله وصلوا شفت سيارته عند بيت جدتي يعني بعد
الصلاة اكيد بيجون ..
ليلى: يامرحبا والله يحييهم
في غرفة البنات سحر وعبير وعلياء يتجهزون وحايسين الغرفة كلها دخل عبد الرحمن قال
بسم الله وش الحوسة ذي يله بسرعة روحوا ساعدوا امي
في بيت الجدة واقفين عند الباب وابو خالد يقول ماله داعي يمه تروحين معهم بيسلمون ونطلع
ماراح نتآخر قالت لآوالله إلا بروح يله توكلنا على الله جيب مشاري اشيلة قال لآوالله يمشي على رجوله رجال
عبدالرحمن كان واقف وشافهم وهم جايين تقدم لين وصل لعمه وسلم عليه وعلى خالد وعلى جدته
وقال حياالله آم خالد يامرحبا الف فيكم ياهلا وغلا ادخلوا مع الباب الثاني امي قدامكم ..
آم خالد الله يحييك ويسلمك
دخلوا وسلام حار بينهم وسوالف لين اتصل ابو خالد وقال خل البنات يجون المقلط يسلمون على عمهم
فاطمة كانت مره خايفة مسكت على يدها وقلت توكلي على الله وراحت معهم جدتي ..
احمد : كلام جدتي عن خلود خلاني اقتنع اني اخطبها وكلمت ابوي ووافق وقال ونعم الآختيار
انتظر لين ارجع من الفلبين واخطبها لك وابشر راح اساعدك وقال اهم شي امك ماتدري
وافق انتظر امي واخواتي اوديهم السوق وتطلع منال هي وعبايتها ومكياجها حفله وقلت
منال إذا تبغي السوق اغسلي للي في وجهك وإلاانقلعي هنا وخرجت وخليتها وامي
باقي زعلانه ليه اكسر الرسيفر امس وركبت معنا بسمة واحلام بنات عمتي
وحنا في السيارة قلت بسرعة خلصوا اغراضكم بعد العشاء خالي محمد واهله
معه..
صفية : والله حنا بنتآخر في السوق ودوب صالحة تتنازل هي وبناتها ويجونا
احمد: يمه تعوذي من الشيطان وخلاص بلا مشاكل ذحين بدق على خالي
واقول انت مشغوله وبعدين نروح لهم بيت جدتي وانتهت السالفة ..
بسمة: كيفك يااحمد ماعاد لك حس فقدك ياالدب ..
احمد: هلا بكتمه كيفش
بسمة : والله انك ما تستاهل احد يحترمك اسلم عليك وتقول كتمة
احمد: ادلعك احمدي ربي ...
احمد:هم يسولفون وانا عقلي مشغول في خلود اتمناها والله بس خايف من آمي ترفض
حتى لو رفضت راح اتصرف انا
بسمة: بنات زينة قالت لي اليوم ان اخوها ناصر خطب خلود بنت خالك محمد
صفية: انت صادقة ..
بسمة: جد والله قالت اليوم ياحظها خلود يجنن ناصر مدري هي حلوه
منال : من وين حلوه يع والله مافيها شي حلوو
صفية: حظها يفلق الحجر تعينت وبتتزوج امها صالحة ام الآسحار
احمد: بمجرد ماسمعت كلامهم والحكاية فيها خلود وناصر وخطبها لا مستحيل واربط فرملة
والتفت على بسمة مين قال لك وامي تقول ولد اشبك بتصدم بنا ..
بسمة : بخووف هيا بشويش علينا ترى باقي ماقد تمتعت بفلوس حافز
احمد: بصراخ تكلمي احسن
بسمة : اشبك اخته قالت لي اليوم بس باقي ماردوا لهم خبر
احمد: بينه وبين نفسه اكيد بتوافق خلود يعني حظي نحس كذا ...
خلود: مو مصدقة اني خرجت من بيت عمي حسن كنت مخنوقة رغم ان زوجتة وبناته
ماشاء الله مره عسل واحسن شي ان عمتي صفية مو في البيت الحمد لله مالي خلق نغزاتها
جلسنا نسولف مع جدتي كانت مرة مستانسة فينا
ابوخالد: يمة كيف جابر لش عهدآ به
الجدة : لآوالله له اسبوع ماقد جاء ارتحت منه الله يصلحه بس
ابوخالد: وهو يتنهد يوم الآحد اتصلت علي الشرطه واروح اشوف وش بيغون واحصلهم
ماسكين جابر
الجده: بخوف مهماكان يظل ولدها قطعة منها ليش وصار عليه
ابو خالد: ماصار عليه شي بس مسكوه ومعه قات يهربه
الجدة : الحمد لله على كل حال الله يوسع قلبي
ابو خالد: وقال الضابط لماعرفت انه اخوك اتصلت عليك إذا تبغى تخرجه عادي
الجدة: بحرقة سود الله وجهه لا والله انت مقروع باالله يامحمد ان تخليه تربية الحكومة
ابو خالد: والله قلت لهم خلوه يخيس في السجن حتى لوكان ولدي يهرب قات خله ياخذ جزاه
مر الوقت سريع وجت عمتي صفية وبناتها ومعهم بنات عمتهم وبنات عمي حسن
وكنت انا وفطوم وآمي في المطبخ نجهز العشاء قالت جدتي
صالحة : الحريم وصلوا ادخلي انت اول وبعدين بناتك لاتدخلون سوا
بسمة : مره متحمسة اشوف بنات خالي محمد رغم اني سآلت منال ماغير تسب فيهم وفي آمهم
شووي دخلت علينا وحده قمر لآبسه تنورة جنز وبلوزه كت وردي مشجر فيها كذا لون اللي يشوف
وجهها يرتاح سبحان الله محنية يديها ورجولها رافعه شعرها كله لفوق راسمه عيونها تجنن
قلت منال: مين الصاروخ ذي
قالت وهي تشمق بفمها: صالحة الخايسة زوجة خالي محمد
بسمة: يالبيييييييييييه ياالزين ماشاء الله ..شوي دخلت وحده ثانيه تجنن لونها حنطي بس عليها ملامح
خرافيه وشعرها طويل وكثيف وطويلة وادق منال منهي ذي
منال: بنتها فاطمة ممرضة
بسمة : ماشاء الله شوي وتدخل وحده عليها جسم كآنها عارضة ازياء سبحان الله بيضاء وعليها خشم كآنه
سيف وعيون تذبح وغمازات زادتها فتنه وشعرها لين تحت قد رفعته فوق ومفيره اطرافه لآبسة تنورة
اسود لين الكعب وبلوزة اسود فيها ورد احمر ومحنية رجولها بطبعات ورد ولابسه صندل
واطي احمر وحاطة كحل بس ومرطب شفايف كانت فتنة قلت بسمة مين الصاروخ ذي
قالت : خلود ربية خالي
قلت : ذي اللي تقولي عنها خايسه نفرو بك يامنال إذا ذي شينه آجل انت ايش ..
وبعدها دخلوا بنتين حلووين مره زينة وزينب باين عليهم فلة الله وسحبت على منال ورحت معهم
خلود : احس قلبي بيتوقف المواجهة اللي كنت خايفة منها عمتي صفية ماغير تقزنا بعيونها ابتداء
من آمي لين تولين ومشاري واللي ريحني ان خواتي وعمتي عزمهم ابوي مره كنت مبسوطة عمتي
محاسن حضنتني وهي تهمس في آذني عسى ربي يكتبش من نصيب ناصر واحطش في عيوني
البارت الخامـــــــس
كل ما كتبت أبها .. نشت فوق الأوراق
سحابة .. وابتل في الصدر معلوق
أخيل بين أصابعي .. نوض براق
وكن القمر ينبت له غصون .. وعروق
شقت ثياب الليل .. عن جلد الأشفاق
لا بان لي معنى0 .. ولا زانت طروق
ضاع القصيد00وما بقى غير الأشواق
وأحلى الشعر ما يكتب الشوق في الشوق
إن خان بي الشاعر .. فأنا جيت عشاق
وكل عاشق لا بد ما يطلب حقوق
يا سودة أبها .. خاشري كل شعاق
كبد السما لا شك لدي لي بموق
إن كان أبو بندر على الوصل سباق
لي الفخر .. إني من الشيخ مسبوق
لأجلك عسير .. أزعلت خلاني فراق
جيتك .. ودونك أشهب القاع مشقوق
لي ديرة خدانها مثل الآفاق
فاطرافها .. وديان .. وجبال .. وعروق
وحد ما بين ترابها .. دين وأخلاق
وفرق شمل عدوانها .. كفر وعقوق
الشاعر بدر بن عبد المحسن
بعد انتهاء السهرة ..
في بيت حسن: ليلى مع عيالها عبد الرحمن: هابشروا كيف السهرة عندكم
ليلى: الحمد لله انبسطنا وصالحة وبناتها عسل تبارك الرحمن ماخرب علينا إلآ عمتك صفية
عبد الرحمن: لييييييييييييييييييييييييييييييييييه
فاطمة: عمتي الله يصلحها هي وبناتها نفسية بقوة ومن دخلت ما معها سالفة إلا السحر وكلام
ماينقال..
سحر: شكلها تقصد عمتي صالحة مره كانت نظراتها لهم مالها داعي
فاطمة: بس عمتي صالحة اعطتها اكبر طاف ماكآنها موجودة
ليلى: ماتبغى المشاكل يابنتي معها عمتك الله يغفرلي ولها ماينتهي الكلام معها
كآنها ابوك حبذ انها هي وابوك بديرة وحدهم الله يصبرني انا وابراهيم ..
فاطمة: على طاري ابوي ترى بنات عمي لما دخلوا يسلمون عليه جاب العيد خاصة
مع فاطمة حسيتها شوي وتبكي منه ..
عبد الرحمن: وهو كان يناظر في جواله بمجرد مرور اسم فاطمة كآنه ماس ضربه
وقال ايش قال لها ابوي ...
فاطمة: قال لها انت فاطمة الممرضة او دكتورة وانت تنامين في المستشفى
بس ردت عليه زينة اختها تخيل قالت: عم الله يصلحك وين تنام في المستشفى
سلامات ماعندها بيت دوامها من الصباح لين المغرب بس
عبدالرحمن: وهو حاس ان ضغطه مرتفع من ابوه قال المشكلة اني اسبوع وانا اوصي عليه
مايتعرض لعيال عمي بكلمة
ليلى: وهي حاسة في ولدها عبد الرحمن انت صدق تبغى فاطمة خلني اكلم امها
عبدالرحمن : بضيق ابوي واقف لي باالله كيف بتوافق بعد كلام
ابوي الليلة ..
ليلى :والله انها قمر تبارك الرحمن ويكفي انها محترمة هي وامها الليلة مانزلت عيني
منها دخلت قلبي سبحان الله وابوك بده يرضى لا تشيل هم ..
عبد الرحمن : بضيق طيب يمه بقوم انام وانت يا فاطمة جيبي لي موية ..
في غرفة عبدالرحمن : اخته فاطمة اقرب وحدة له بيتكلم معها بدون حواجز
عبد الرحمن: فطوم اكيد انت جلستي مع بنات عمي ايش نظرتك عنهم ..
فاطمة: بضحكة : قول انك تبغى اخبار فطوم بدون لف ودوران
عبد الرحمن: تكلمي بلا ثقل دم ترى واصلة معي هنا ويحط يده على خشمه.
فاطمة: والله كلمهم عسل مايحتاج وفاطمة جلست معها شوي احسها تتهرب
كل وقتها وهي تحضر وتشتغل بس سوينا قروب معهم وراح اتواصل معها
عبد الرحمن:بتنهيدة وهو يحس ان فاطمة مستحيل تكون له وابوه كذا ..
فاطمة: عبدالرحمن تعوذ من الشيطان لو ربي كتب فاطمة لك راح تاخذها
غصب عن ابوي يعني كل شي قضاء وقدر
عبدالرحمن: بكل صراحة انا احبها تفهمي وش يعني احبها الليلة بمجرد ماهي
هنا احس بسعادة مايعلم فيها إلا ربي اذا ماتزوجتها والله ماعاد اتزوج غيرها
فاطمة : بحزن على اخوها تعوذ من الشيطان وربي راح يكتب لك اللي فيه الخير
في سيارة احمد
ابوه( إبراهيم) حياالله بسمة هابشري كيف السهرة الليلة
بسمة:وااااه ياخال تجنن مره انبسطنا الحمدلله
منال: وين انبسطنا يع مالت ملل تكلمي عن نفسك يابسمه
بسمة : منال الله يشفيك بس ..
ابو احمد: وكيف زوجة محمد وبناته
بسمة: عسل ياخال عسل خاصة امهم وخلود
منال: والله انك ماصدقتي زوجة خالي مدري وش تحس فيه حتى ملابسها كآنها باقي صغيرة مولايق عليها مره
قدها عجوزه وهي باقي تشبب نفسها
بسمة: منال زوجة خالك مو حلوه وبناتها مو حلوين آجل مين هي اللي حلوه والجمال عندك ايش هو يعني
احمد: بسمة منال تراها اجمل وحدة في العالم السنة ذي راح تكون ملكة جمال العالم
صفية بضيق وغيرة من صالحة خاصة : صالحة ذبحت اخوي ماعاد خلت به عقل ان قالت روح راح
وان قالت ارجع رجع الليلة كل شوي يناديها اخذت عقله ام الآسحار الله لايوفقها
احمد: بعصبية يمة وبعدين معك انت كل شي سحر والله لو خالي ماهو مرتاح معها ماكان يسوي لها كذا
زوجة خالي والله انها محترمة لي سنتين وانا ساكن عندها والله ماشفت منها إلا كل خير اكلي
جاهز والعصر قهوة وحلا وشاي ومكسرات حتى لوخالي مو موجود لاعاد تدعي عليها حرام عليك
ابو احمد: انا اشهد ان كلامك صدق الزوجة صالحة تخلي الرجل غصب يحبها ومايرفض لها طلب
صفية بقهر: وانت الزوج صالح ماشاء الله ..
احمد اعوذ باالله من جلسة مع آمي تجيب المرض كل شي عندها سحر اجل كيف لوعرفت اني كنت بخطب
خلود والله راح تقول سحرتك صالحة نزلت من السيارة وقلت لبسمة تجي غرفتي
احمد: حياالله بسومه العسل
بسمة: وهي ترفع حاجب دوبي بسومة والمغرب تقول لي كتمة
احمد: خبلة ليه الزعل خذيها بروح رياضية شوفي اختك احلام ادلعها كوابيس وعادي ماتزعل
بسمة : طيب خلص وش تبغى
احمد: يعرف ان بسمة مستحيل تقول له كل شي قال بسمه بقول لك كلام ولوماني واثق فيك ماكان
قلت لك بس اوعديني محد يدري
بسمة: بحماس والله ما اقول قسم
احمد : انا نويت اخطب
بسمة : بفرحة قول قسم اخيرآ يااحمد كم لك وانت عانس
احمد: وهو مطير عيونه فيها بسمة انا عانس ليش حرمة ياحمارة
بسمة : لا اقصد انك تآخرت في الزواج بس قول لي منهي
احمد: حطيت وحده في بالي بس انت تقولي انها انخطبت
بسمة : لاتكون خلود بنت خالك مستحيل تبغى امك تذبحها وتذبحك ..
احمد : بسمة تتوقعي لو رفضت ناصر وخطبتها انا بتوافق ..
بسمة: وليش متوقع انها ترفض ناصر مستحيل ترفضه...
احمد: وليش ماترفضه مين حضرته..
بسمة: احمد لاتنسى ان اخوها عبدالله اخوه وناصر مايعيبه شي وامه محاسن ماشاء الله جنة لو شفتها
الليلة كيف مهتمة في خلود بتشيلها من فوق الآرض لكن انت آمك صفية سجلها حافل باالمشاكل مع آم
خلود
لوشفت آمك الليلة مسوية حفله هناك غير نظراتها لهم وكلامها يعني اغسل يدك من خلود يااحمد..
احمد: كلام بسمة حطمني مره قالت لها من وجهة نظرك انا زوج مناسب لخلود
بسمة : اقول بصراحة بس لاتزعل يااحمد
احمد: قولي عادي ...
بسمة : بصراحة يااحمد مافي توافق بينكم لا في الشكل ولا شي ثاني
احمد: بعصبية تراب في وجهك يا كتمة ليش وش شايفة
بسمه : ها شفت زعلت اجل يله بروح
احمد: كتمة كملي قبل اقوم احوسك ..
بسمة : من جد يا احمد خلود وين وانت وين الله يرحم حالك بغض النظر على انك شين ذا
امر مايختلف عليه اثنين ..بس انت دفش تمساح متوحش يااحمد و خلود فيها رقة ونعومة غير
طبيعية ماراح تتحملك هي مو مثلي انا واخواتك بعني اغسل يدك
احمد: وهو متحطم من بعد كلام بسمة اكثر من قبل بس ماوضح لها يحصل
لها الشرف لو تزوجتها وانا رجال مايعيبني شي ..
بسمة : سبحان الله وانا اقول منال من وين لها الغرور
احمد:وهو ياخذ مفتاح سيارته كتمة قومي انقلعي عني بروح مع الشباب
خرجت من البيت وانا ضايق مره واتذكر اني نسيت جوالي في بيت جدتي ..
خلود: جدتي طلبتنا ننام عندها خلصنا شغل ونام البيت كله إلا انا عجزت انام مو متعودة انا إلآ
في غرفتي رجعت اقوم اصلي محتاجة اصلي وابكي فيني ضيقة لي اكثر من اسبوع ورحت
الحوش اصلي في الآجواء حلوه في الديره دافية مو مثل آبها برد وبديت اصلي بخشوع
وابكي وادعي ان ربي يختار لي مافيه الخير ..
احمد: واقف عند بيت جدتي واشوف سيارة خالي واقفه وش الوهقه ذي نايمين عندي جدتي
كيف اخذ جوالي الجوال في المقلط فتحت باب الحوش بشويش ودخلت كآني سارق واحصل
باب المقلط مقفل لالا مستحيل وش اسوي دحين رجعت بخرج إلا اسمع صوت من الحوش
إلا اشوف وحده لابسه عباية واقفه تصلي جاني خوف حسبتها جنية وكان صوتها مرتفع شوي
وهي تبكي ولا ادري وش تقول غير كلمة يارب يارب وتبكي وتسجد وتطول في السجود
مستحيل تكون خالتي صالحة انتظرتها لين وقفت عرفتها بطولها خلود حسيت اني حاقد عليها
وعلى ناصر خرجت وانا مقهوووووور ..
يوم الخميس خلود البارح ابوي قال ان اخوي عبدالله عزمنا على الغدا عندهم ورحنا
عمتي محاسن فرحانة فيني مرة انا وامي والبنات وشايلة هم المواجهة مع ابوي
رحت المطبخ اساعد عمتي وزينة احاول اشغل نفسي احس اني مكتومة مره
عبدالله: فرحان اليوم واخواتي عندي الحمدلله رحت عندهم واحصل ام خالد والبنات
عبدالله: حياالله ام خالد يامرحبا
ام خالد : الله يحييك ويحفظك ماكان له داعي العزيمة ياعبد الله
عبدالله: واجبكم واكثر و والله اني فرحان بشوفتكم وفرحان اكثر لماعرفت ان المشاكل اللي بين
ابو خالد واخوانه انتهت والحمدلله وانت ياصالحة خلك عاقلة ومهما تسمعي من كلام طنشي
علشان ابو خالد اللي ماقد قصر معك
آم خالد: بحب لعبد الله رغم ان عمره صغير إلا ان عقله كبير فديتك ياعبد الله وابو خالد إن شاء
مااقصر معه
عبدالله : الله يحفظك وإذا احتجتي شي اتصلي علي في أي وقت
ام خالد: فديتك وجعلني قبلك ماتقصر
عبدالله : ام خالد مشاري وش القصة ذي اللي في شعره كآنه بنت مايصير الكلام هذا
آم خالد: والله ماهو انا انها زينة رحنا مول وانها تقص له ولتولين
عبدالله : بزعل زينة والله لو باقي شفت في شعر مشاري قصة كذا انك لتشوفي شي مايسرك
زينة: بخوف من خالها ابشر وعلى هذا الخشم وآخر مره
عبدالله: وين خلود طيب
آم عبدالله : في المطبخ مع آمك
وقف عند باب المطبخ يشوفها تسولف مع آمه وتضحك خلود فيها هدوء غير طبيعي حتى كلامها بشويش
قلت خلود تعالي ابغاك شوي
خلود: طيب اخلص اللي بيدي واجي
عبدالله : لا تعالي ذحين
في الغرفة وهي جالسة جنبه عبدالله بحب يناظر في وجهها سبحان الله خلود تشبه علي اخوي الله يرحمه
عبدالله : كيفك ياخلود بشريني عنك
خلود: فديتك الحمد لله بخير دامني اشوفك
عبدالله : متآكده انك بخير ياخلود
خلود: لاتشيل هم فديتك انا بخير الحمدلله
عبدالله : وليش النحف ذا ابوك قال لي انك تعبانة
خلود: فديتك ياعبدالله النحف عادي علشان الدوام بس
عبدالله: عيونك تقول غير كذا ياخلود تكلمي قولي وش مضايقك انا معك
خلود :وهي تحس ان اهتمام عبدالله فيها يضعفها اكثر وكلامه وهي ماتبغى تكدر خاطره
عبدالله انا بخير لاتشيل همي
عبدالله : يمسح وجهها بنظر شاملة باين التعب عليها خلود انت مو مرتاحة لخطبة ناصر ومسك يدها
خلود: لاعادي ياعبد الله انا موافقة عادي
عبدالله : ماسك يدها ويضغط عليها وكآنه يقول لها انا معك حتى لو كان ناصر اخوي حتى انت اختي وروحي
خلود سآلتك با الله انت مرتاحة لناصر او موافقة بس علشان محد يشيل همك
خلود: ودموعها تسبق كلامها عبدالله فديتك لاتضغط علي اكثر
عبدالله: قربها منه وحضنها بقوة خلود تكلمي قولي والله ماتاخذي ناصر وانت مو مرتاحه لاتشيلي همي
وهم زعل آمي تراها تحبك من قبل والزواج قسمة ونصيب
خلود: وهي في حضنه اول مره من كبرت احد يحضنها محتاجه احد تشكي له وتبكي غير آمها وابوها
وهي تمسك فيه بقووه وتبكي وتقول والله مو مرتاحة يا عبدالله تعبانة والله تعبانه وتبكي وبوافق
بس علشان عمتي محاسن وعلشانك ماابغى اخسركم وعلشان ابوي يرتاح من همي
عبدالله : بطبعي قاسي وعصبي وماعمري قد مسكت يد وحده من خواتي اصلا مايقدرون يجلسون
جنبي يخافون مني بس خلود غير كنت احس انها مو مرتاحة لناصر مره خلاها تبكي وتتكلم
لين سمعت صوت زينة : لالا مستحيل خالي عبدالله يعرف يحضن احد مو مصدقة جدتي
تقول تعالوا الغدا بسرعة وترى خلود ماتخلص دموعها يعني راح تتعب قال طيب ذحين جايين
عبدالله : خلود خلاص قومي اغسلي وجهك وإن شاء الله مايصير إلا شي يرضيك
خلود: عبدالله فديتك لاتقول لعمتي اني قلت لك اخاف تزعل مني ..
عبدالله: وهو بيوس راسها ابشري على ذا الخشم...
بعد مرور شهر كامل ....
ابو خالد: الحمدلله مرتاح كلمت واحد من الوزارة يدور لها نقل وقال مستحيل تنقل قبل سنة تقدر
بس تجيب لها تقارير طبية انها مريضة وتاخذ ايجازة لين تصدر حركة النقل في شهر 12وهي تحدد
المدرسة اللي تبغاها وابشر ياابو خالد كلمت خلود وقالت مستحيل اخذ تقارير طبية وانا مو مريضة
حرام وانا بينزل لي راتب وانا جالسة خلني اداوم وربي يكتب مافيه الخير ..
وقالت لي انها مو مرتاحة لناصر وكنت محتار كيف اقول لناصر وكل مره يسآل واقول باقي تفكر
اتصال من رقم غريب : السلام عليكم معي محمد ابو خالد
ابوخالد: وعليك السلام وصلت ياالغالي من معي
هو: معك الحسين ناصر ابو ناصر
ابو خالد: ياهلا ومرحبا ياابو ناصر
الحسين: الله يسلمك ابد ياابو خالد سمعت ان ناصر خطب عندك ولا هو حق انك تقبل خطبته بدون ابوه
ولاهي من عاداتنا انا ابوه مهما كان
ابو خالد: والله ياابو ناصر انا مااعرفك إلا بسلامتك واعرف ان مرعي هو من تكفل في ناصر
وجاني خاطب وقلنا نفكر ونرد لك
الحسين : المهم اني ابوه مهما كان وترى مااني موافق على زواجة من بنتك وناصر عنده خبر
ابوخالد: الله يستر عليك ياابو ناصر وبنتي عندي وولدك عندك وما صار شي ..
وعلى طول اتصل واكلم مرعي خال ناصر ان خلود ماهي موافقة والله يعوضها بخير منه..
زينة : بنااااات خلنا الآسبوع ذا ننزل الديرة
فاطمة: لا باالله فكينا يازينة كفاية المرة اللي راحت عمتي صفية وعمي حسن غثوني
زينة : على طاري عمتي صفية نفسي اعرف وش تحس فيه لما كنا في الديرة ابويه
كان ينادي آمي راحت هي ولما جت آمي قالت خلاص تعال اسكن في بيتك وخل آبها
وإذا صالحة ولاهي بيد الديرة تزوج وحطها هنا بدال ماتجلس عند امي لما تنزل
خلود:وهي مصدومة زينة صدق وابوي وش رد على المعتوهه ذيك
زينة: والله كنت واقفة بس ابوي فديتة طلع رومنسي تخيلي مسك آمي مع اكتافها
وقربها منه وباسها على راسها قدام عمتي وقال مستحيل اتزوج على الغالية هي الكل في
الكل انا معها ان بغت آبها انا معها وان بغت الديرة انا معها هي تآمر وانا انفذ وتعالي شوفي
وجه عمتي صفية ..
خلود:الله يشغلها بنفسها عن آمي وآبوي اعوذ باالله منها .....
خلود: البرد الآيام ذي زاد اعوذ باالله والامطار كل يووم اليوم كنا مداومين ومطر لين المحطة
بس وصلنا قرية غبنه وما فيها مطر بس كان برد وكاالعادة نفس كل يوم والجديد
في الموضوع اني شريت فرش للفصل وطاولات وكراسي بلاستك افضل من الخشب كلها
حشرات صغيرة جسمي كله بقع يعني صار الفصل شكله مقبول وقبل اروح اشيل الفرش
علشان المطر فتحت شباك الفصل علشان اشوف الوادي من فوق كان منظر ساحر اشجار كثيفة
وقالت لي خالة كاذية ان زوجها شاف عند المدرسة قبل يومين نمر يممممممممه اول شي
سيل كنت اخاف منه دحين نمر مره وحدة شفته مرة في قناة المجد الوثائقية كان سريع
ياالله رحمتك تعوذت من الشيطان ورجعت اشرح الدرس وكنت مره منهمكة اشرح
شوي اللي احس صوت جاي من الشباك قلت يمكن اتخيل واشوف الطالبات إلا كلهم
يطالعون ناحية الشباك ماعاد قدرت التفت قلت وش هو قالوا ياآبله ..
شوي إلا اسمع صوت شي ينط عندي في الفصل واصيح بكل قوتي واخرج من الفصل
في آبها
صالحة: اعوذ باالله فيني ضيق مدري من ايش احس قلبي مقبوض اتصلت على فاطمة وتطمن قلبي
وخلود مافي عندها شبكة واليوم كان مطر بس ابوها قال هناك ماعندهم مطر يارب استودعتك يارب
البارت الســادس
من بغى يعرف سوالف ما خفى
عن طبيعة خالق الكون العظيم
ينشد اللي من ديار أبها لفى
ويعرف أخبار بها فكرك يهيم
إن وصلت جبالها صابك شفى
من لهيب الصيف تمسي في نعيم
إن بدت لك شمسها صابك وفى
وإن بدا لك غيمها جاك النسيم
وان هقيت الغيم من بعده صفا
هل رذراذ المطر من وسط غيم
وإن هقيت الغيم روح واختفا
عادت مزون لها البارق نديم
ودايم السيف بغلاها ما جفا
ما سأل في عرسها كاف وميم
أشهد انه في حقوق أبها وفى
بالمصايف ما لها ند وخصيم
وكل ما قلنا من الرحلة كفى
زاد شوق القلب في صنع الكريم
الشاعر محمد نومان الحربي
تحس برجفة بكل جسمها موقادرة حتى تتنفس تحس بصداع قوي بيفجر راسها وتبكي بشكل هستيري
كل اللي تذكرة انها خرجت من الفصل وهي تصيح بقوة اول ماحست بشي طاح وراها في الفصل
وبعدها غابة عن الوعي ..صحيت على صوت المديرة وخالة كاذية وهم يصحون فيني الخالة
كاذية: خلود قولي بسم الله وعلاش شين انه رباح (قرد) كان يتباوا(ينظر) لش من كترة الفصل
(شباك الفصل)
المديرة : خلاص قومي خذي اغراضك ابوفرحان ينتظركم برا والآسبوع
ذا كله لآتجون انا بوقع لكم ....
في السيارة وانا باقي ابكي ابو فرحان بروحه المرحه حياالله ذا القرد حزة انه جاء روحنا
بدري والاسبوع ذا كله ايجازة ياسلام الله يكثر القرود الايام الجاية ويضحك وقال هيا
امنعيني من ابوش لآتعلمينه والله ان يعقرني قد قال هب شانك ببنتي ووالله ان جاها شي
مايمنعك واحدآ مني ..
احس باقي بخوف موقادة اسكت من البكاء حسبي الله على ذا القرد واستاهل انا اللي
جبت فواكة علشان اربط الدرس بشي من الواقع كنت بروح فيها بسبب فواكة حسبته
في البداية النمر اللي قالت عنه الخالة كاذية ...
احمد: مستلم لي يومين ولآاشوف شي من النوم ودوبي انسدح إلا جوالي يدق خالي
محمد يقول انا في الديرة وخلود اتصلت تقول روحت بدري اليوم علشانها تعبانة خذ
خالد من المدرسة وروح جيبوا خلود وإذا تعبانة مره ودها المستشفى قلت ابشر
ماشاء الله صاير سواق عند الشيخة خلود وايش يعني تعبانة اكره الدلع الماسخ
خلود: لما وصلت نقطة التفتيش اتصلت على ابوي علشان يجي ياخذي وخاف
لآني اتصلت عليه بدري قلت له كنت مصدعة وانا احاول يكون صوتي طبيعي
وقال انا في الديرة خلاص خالد واحمد راح يجوونك..وانتظرنا لين جاء احمد ونزلت ..
احمد: انتظر الشيخة خلود تشرف وخالد واقف السواق يكلمه شوي ودخلت وخالد يضحك
انا ما هتميت اهم شي اروح انام شوي اسمع صوتها تبكي واطالع لها في المرايا مسندة راسها
وخالد يضحك ويقول خلاص قرد بس والله انك خوافه اول مره يعني تشوفي قرد ياكثرها عندنا
في آبها وهي ماترد شوي ودق جوالي خالي وقال اعطني خالد واعطيته وخالد يقول طيبة بس خافت
من القرد وكلمها خالي وزاد بكاهها قلت لخالد ايش صار قال وهو يضحك دخل عليها قرد في
الفصل وخافت ..ياليل الدلع كم لها ساعة وهي تبكي ذحين اكره الدلع والبكاء بدون سبب ..
في الديرة في مكتب إدارة التربية والتعليم ..
ابو مازن: حياالله ابو خالد يامرحب والمعذرة على ازعاجك
ابوخالد: الله يحييك ويبقيك ولاازعاج ولاشي انا في الديرة من الصباح ..
ابومازن: فبل فترة جبت لي اربع ملفات علشان عقود محوالأمية ومستحي
منك ماقدرة اعطيك إلا عقد واحد بس وكل شي طبعآ صار عن طريق المفاضلة
بين الآربعة ..
ابوخالد: لاتستحي ولاشي انا اعطيتك وقلت إذا تقدر موشرط عليك ياابومازن
وكلهم والله محتاجين الوظايف ذي خريجات كليات ومعدل عالي ولاتوظفوا ..
ابومازن: والله اني اتمنى اني اخدمك وارد لك لوشي بسيط من جميلك اللي في رقبتي
ابو خالد: افا عليك يا ابو مازن احنا اخوان ولابيننا جمايل لاعاد اسمعك تطري الكلام ذا
ابو مازن: العقد كان من نصيب نادية يحيى فضل سبحان الله الفرق بينها وبين فاطمة حسن
شي بسيط ونادية عندها شهادة حاسب وزاد من نقاط المفاضلة عندها ...
ابوخالد: بفرحة قام وانه يسجد لله شكر آخيرآ الدنيا بتضحك لفضل وآمه سبحانك يارب
ماتضيقها على عبد إلا تفرجها من الآسبوع الماضي نزل الديرة علشان يطمن على امه من
بعد الآمطار اللي مستمرة في الديرة حصل ان بيت آم فضل تضرر من المطر وخرب اثاثهم
وكلم فضل انه مستعد يسويه لهم ورفض فضل وقال بستآجر لكم شقه ورفض قال تعالوا اسكنوا
في بيتي دورين فاضية رفض فضل يقول خرجة من بيت ابونا محنا خارجين ..اغنياء من التعفف
رجع من سرحانه على صوت ابومازن: ابو خالد اشبك البنت تقرب لك ..
ابو خالد: لاوالله ماتقرب لي لكن حالهم ربي يعلم به ايتام مالهم كافل إلا امهم تكد عليهم
ابو مازن: سبحان الله موزع الآرزاق لكن ترى يبغى لها توفر مكان تدرس فيه ..
ابوخالد:ايش النظام هذا يعني هي تجمع كروت عائلة وتوفر مكان تدرس فيه ماصارت ..
ابو مازن : والله النظام ياابو خالد كذا ماعلينا إلا ننفذ وذحين باقي التوقيع من قسم النساء
ابوخالد: خلص كل شي وانا بنتظرك ..وانت ماعاد تزوجة من بعد ام مازن الله يرحمها
ابومازن: بحنين لتلك الراحلة التي يقسم انه لن يجد مثلها في النساء بتنهيده ومنهي ياابو خالد اللي
يتجي مثل ام مازن وبنفس الوقت ماابغى اجيب لمازن وحدة تعذبة امي الله يحفظها مومقصرة معة.
ابوخالد: والله انك غلطان بنات الحلال وش كثرهم تزوج وحصن نفسك وامك ماهي دايمة لك لاتحسبها
انها راضية عنك ..
ابومازن: ياابو خالد افهمني مستحيل اتقبل وحدة غير ام مازن ومنهي من بنات الجيل ذا بتتحمل مازن
ابوخالد: وليش نظرتك تعممها على كل البنات في بنات مايبغون إلا الستر يااخي جرب ماانت خسران
ابومازن: انت تعرف ناس طيب
ابوخالد: اعرف ناس في قمة الآخلاق لكن انت اغد رجال واصمل على قلبك ومرتك عندي
ابومازن : يصير خير وذا العقد جاهز خلها تتصل على قسم النساء وهم راح يوفرون لها
كراسي وكتب وكل اللي تحتاجة ...
ابوخالد: مشكور وماتقصر وجعلها في موازين حسناتك يارب يله في آمان الله ..
خرج من عند ابو مازن وانا فرحان لنادية ب العقد ذا وجعله بداية سعادة لهم وباقي علي
اروح لمدرسة فضل يشتكي من المدير خصم عليه اكثر من درجة من المواظبة رغم انه قال
له عندي ظروووف
في ثانوية خالد بن الوليد للبنين اصواتهم واصله لين البوابة وواحد طالع والثاني واقف مع المعلم
ماخذين راحتهم على الآخر سقى يوم كنا ندرس ولا صوت لنا في الفصل ويجي ابوي ويقول لكم
اللحم ولي العظم اما ذحين إذا سلم المعلم من الطلاب نعمة ...
مكتب المدير ..الآستاذ مسفر: ياهلا ومسهلا ابو خالد حياك الله عسى عندك ولد يدرس هنا ولا ادري
ابو خالد: الله يحييك ويسلمك لآوالله خالد يدرس في آبها لكن جيتك بخصوص الطالب فضل يحيى
الآستاذ مسفر: اشبه فضل ..
ابوخالد: يقول انك خاصم علية درجات المواظبة وانت تعرف انه معدل تراكمي
الاستاذ مسفر: والله فضل شاطر ومؤدب ماشاء الله لكن غيابه كثير وإذا داوم استآذن وراح ..
ابوخالد: معليش يااستاذ مسفر انت مدير ومسؤول عن كل طالب في المدرسة معقولة ماسألت
عن سبب غياب طالب متفوق مثل فضل وين يروح وش هي ظروفه على طول خصم المرشد
الطلابي وين دورة اللي ماتعرفة يااستاذ مسفر ان فضل يتيم وغير كذا مسؤول عن امه واخواته
غيابة علشان مراجعات امه والآسبوع ذا مثل ماشفت الآمطار خربت بيتهم وكان يغيب علشان بيتهم
غيابة مو علشان يلعب او طلعة شباب فضل تراه يطلع من المدرسة مايعرف نوم الظهر يروح يشتغل في
حلقة خضار فضل متحمل مسؤلية ..المعذرة لو تدخلت في شغلك بس من باب التذكير استاذ مسفر
الآستاذ مسفر: يحس بكلام ابو خالد مثل السكاكين تطعن قلبه راح يسآله ربي عن كل طالب يذكر مره
تآخر عن الطابور لماسآلته قال كنت مع الوالدة في الطواري لين الفجر ولا كلفت نفسي حتى استفسر
اكثر عن حالة امه ...معك ياابوخالد ووالله ماجاء على بالي كذا ابد وجزاك الله خير على تذكيرك
لي وإن شاء الله مايصير إلا كل خير ..
ابوخالد: استاذ مسفر لاتزعل مني لكن فضل بحاجة الي مساعدة
الآستاذ مسفر : ابشر ياابوخالد وراح اعطي فضل رقم جوالي يتصل إذا احتاج شي
ابو خالد: جزاك الله خير يااستاذ مسفر وذا العشم فيك وعن آذنك بروح تآمر على شي ..
الآستاذ مسفر: اجلس معنا شوي خلنا بعد الدوام نتغدا مع بعض
ابوخالد: كثر الله خيرك الوالدة تحتريني على الغدا تسلم جعلك دايم
الآستاذ مسفر: انت باقي في آبها مالك نية ترجع الديرة خلاص بدال ماانت رايح جاي مع العقبة
ابو خالد: وهويضحك والله مااحد مايحب ديرته لكن الآهل مايرتاحون إلآ في آبها واهم شي عندي راحتهم..
الآستاذ مسفر: الله يعينك يااارب
خرجت من مدرسة فضل وانا مرتاح يارب انك تعلم اني ماسعيت لهم إلا ابتغاء ماعندك يارب
اجعل لي بهذا السعي كفارة لذنوبي واحفظ لي عيالي من كل مكروه يارب ..
آم فضل: قاعدة وهموم الدنيا كلها فوق راسها المطر اللي جاء خرب عليها البيت سقف بيتها متهالك
نزل موية المطر كلها داخل الغرف وغرق العفش والموية نزلت على اسلاك الكهرباء وسبب ماس في كل البيت
حتى خزان الموية اللي فوق الحمام طاح مع المواسير من قوة المطر ولمبات الحوش كمان علشان البرد كسرها
وباب الشارع نازل مره ودخل السيل كمل الناقص يارب رحمتك اروح لمين قفلت باب الناس وفتحت بابك
دخل فضل وهو يشوف وجه آمه كيف صاير من الهم وهو عاجز مابيده شي ( لو كان الفقر رجلآ لقتلته)
راح يشوف عمال لكن المبلغ اللي يحتاجه اكثر من 4000الف لآنه يحتاج اكثر 20حبة اسمنت علشان
يسوي الشقوق اللي في سطوح البيت غير الطلبات الثانية ..لكن ربي كريم وابو خالد ماقصر كاالعادة
جلس عند رجول آمه وهويقول ابشري ياام فضل ربك كريم..
ام فضل: وهي تناظر في بكل مكان في وجه ولدها عيونه الحمرا من قل النوم الآرهاق باين في وجهه
شعره اللي شاب وهو باقي ماكمل حتى 19سنة شاب من هم آمه واخواته قالت وش سويت مع العمال
افضل: كلهم غالين مره لكن جاني ابو خالد مره ثانية وقال خذ 6000الف ريال وعلي الحرام انها
ماعاد ترجع لي وعندي عمال لي بكلمهم يجونك احرجني مره ابو خالد الله يسامحه
ام فضل: ماعاد قدرة حتى تتكلم حطت شيلتها على عيونها وهي تبكي تبكي من ضيم وقهر الفقر
وقلة ذات اليد تبكي قهر لها يومين بدون موية ولاكهرباء ولا تملك من حطام الدنيا شي علشان
تعتزي علية وتبيعه ومستحيل تروح وتطلب من آحد شي وكلت آمرها لله وجاء مدد ربي لها
فضل : وكل دمعة من دموع آمه تزيده هم وغم كره حاله وضعفه وقال في بشارة ثانية
آمه وهي تناظر فيه بعيون دامعة وكآنها تقول له البشارة الآول تكفي والله تكفي ...
فضل: ابوخالد اعطاني الظرف ذا وحطه في يد آمه ..
آم فضل: وهي تناظر في الظرف كان ظرف بني عليها شعار التربية والتعليم ورجعت تناظر
في وجه ولدها وكآنها تقول ايش ذا
فضل: ابوخالد مره طلبني صورة لكرت العائلة وصورة لشهادات نادية يقول في عقود محو الآمية
وقدم لها مع بنات اخوانه وقال جاء العقد من نصيب نادية وطلبوا مكان توفره تدرس فيه واعطاني
نسخة لمفتاح بيته وقال خل نادية تختار المكان اللي يعجبها ...
آم فضل : مو مصدقة تحس انها في حلم وكاالعادة في مواقف كذا تعجز عن الكلام عن الفرح عن كل شي
كل اللي تقدر تسويها انها تبكي بينها وبين الدموع علاقة متينه تبكي وكآنها بدموعها ذي تخط على صفحات
خدها فقرها وعجزها..
فضل : يمه خلاص فديتش جعلني فدا ذا العيون وترى ابوخالد حلفني باالله ان محد يدري
آم فضل: وهي عاجزه كيف تشكر الرجل ذا قالت يكفي ان ربي يدري ويعلم وش يسوي ابو خالد
آسآل الله العلي العظيم ان يفرج همه ويسعده ويحفظه ويكفيه شر الصروف يارب
(صنائع المعروف تقي مصارع السوء)
بنفس الحارة في بيت الجدة
ابوخالد : جالس في الآرض عند رجول آمه ويهمزها وهي تقول قوم فديتك من تحتي قومي جعلك
تدفني انت واخوانك وعيالكم ..
ابو خالد: وهو يحس ان سعادة الكون تحتويه وهو تحت رجول حلوة اللبن آمه اللي مهما يسوي
مايرد لوربع جزاها قال : بشريني عنش يابنت جابر اربش بخير وكيفش من المطر اللي جاكم
الجدة : نحمد الله ماعلي من الدنيا خلاف والمطر والله انها جتنا مطرة كبيره انا جاهلة بها ياامك
من الفجر لين المغرب وسيول الله يعطينا خيرها ..
ابو خالد: الحمد لله الله يجعلها رضا من الله وترى جابر يسلم عليش وينشد عنش
الجدة: بحب لجابر اللي عذبها لكن تبقى في النهاية آم وهي تبكي كيفه يامحمد اربه بخير رحت له
ابو خالد: الله يارحت له مرتين وابشرش طيب ماعليه خلاف ويقول دور لي واسطة واخرجني
الجدة: لاوالله خله ياخذ جزاه يامحمد فديتك تراه ان خرج ذبحني ماغير على عوال المرحوم يحيى
والله ان ماصابه إلا دعاويهم وجاني فضل يشتكي منه ويقول والله ان جابر لاهو عسرة علي
لكن حشمة لش ولعمي محمد قلت بصرك به تراه ذبحني والظلم ياامك حرام
ابو خالد : والله اني اعرف ولا بخرجه لين يتآدب ..
الجدة: وكيف صالحه والبنات اربهم بخير ..
ابوخالد:بخير يسلمون علاش والله
الجدة: خلود يامحمد ولا عجبني وجهها وضعيفه يامحمد مابها
ابوخالد: بتنهيده على حال خلود والله ماادري مابها الآكل ماتاكل إلا شوي وخلاص وتبكي
وعجزت معها وهي تقول مابي شي وترى خطبها ناصر ولد عمتي محاسن ورفضته
الجدة: بسم الله علاها يامحمد ودها عند السيد احمد يقرا علاها ويهب لها حرز ولاهي بتسلم من
الناس ..
ابوخالد: وهو يضحك الله يصلحش يايمه محد سيد إلا الله ولايضر ولا ينفع إلا الله وش حرزه
الله يصلحش هي ماشاء الله عليها ماتخلي اذكارها وحافظة القرآن الحمدلله ..
الجدة:إلا انه يعالج السيد احمد ابوه من قبله يعالج خل عنك ام كذاب حقك وام روايا ته
وودها عنده وهو بده يوريك مابها ..
ابوخالد: وهوبيغير السالفة ترى سجلتش في مدرسة عصرية انت وخالتي حليمة تدرسكم
نادية بنت يحيى الله يرحمه
الجده: آم حسن هو وجهي وجه دراسة نمه قلتها لك
ابو خالد: وهويضحك العصر بدال ماانتي مسيره روحي ادرسي وترى بيهبون لش 1000الف ريال
الجدة: انت صادق .
ابوخالد: ايوالله اني صادق هيا معش غدا وإلا اروح
الجدة: اقعد معي شوية فديتك وخلني اتونس بك ..
ابوخالد: والله ودي بس باقي روح اسلم على حسن وخالتي حليمة وصفية ومعي خضار وفواكة
بوديها لهم وخلود قالوا اليوم تعبانه شوووي لكن انت تجهزي واخذك معي آبها بدال منتي وحدش
الجدة: لاوالله مااخرج من بيتي الله يحفظك وانا ماعلي شي سميتي تجيني كل مغرب
ابوخالد: اجل بجيب لش شغالة تقعد معش وتساعدش البيت كبير ولابتقدرين عليه ..
الجدة: علي الحرام ماعاد تدخل علي شغالة كفاية اللي جبتها لي اول مصيبة طولها ولا خلت لي قطرة الماء
ولا ريحها جابر ياحلوه ياحلوه لين اشتلته و انها تهبد به الآرض وكل ساعة وهي تبكي وترطن على راسي
ولا دريت ماهي تقول لين شردت والله كفاني بها
ابو خالد: هو يضحك باالله انها ضربت جابر
الجدة: والله انها مره اسمجها اخوك خبلآ وهو ياحلوة ياحلوة الى انها ورته في حاله ..
في آبها العصر خالد: يمه خل زينة تجهز شاي وقهوة وحلا وتوديها المجلس بيجون الشباب
عندي نتابع المبارة واكيد بيتعشون هنا
آم خالد: جالسة وخلود راسها في حضنها كانت خايفة ومو مصدقه ان خلود بحضنها ومافيها شي
مين بيجي عندك
خالد: سعود ولد خالي علي وناصر وعبد الرحمن ولد عمي واحمد بيجلس معنا
زينة: على كيفك انت تعزم انا بروح مع زينب عند ملكة يله توكل والعشاء يمدحون
المطاعم ..
خالد: هيا اخرجي انت وزينب وشوفي قسم باالله اسحبكم قدام الناس
زينة : بقهر يمه شوفي ولدك يتحكم على كيفه ..
خلود: وهي عارفة ان امها تعبانة ومالها حيل لهم قالت خالد فديتك انا بسوي كل شي
لاتشيل هم
خالد: انت تعبانة والحمارة ذي ماعندها شغله
خلود: والله محد بيسويه غير الحمدلله صرت احسن وابي أي اشغل نفسي به ..
المغرب كانت مخلصة تقريبآ كل شي كاالعادة يدها خفيفة وسريعة
خالد: فديتك ياخلود تعبتك معي
خلود: بحب تعبك راحة وكم عندي خالد ...
خالد: الله يحفظك ليت القرد مخوف زينة الحمارة وآصلا ماراح تخاف لآن بينهم شبه
خلود: وهي تضحك خالد حرام عليك بسم الله عليها من القرد
خالد: سعود برا في الحوش مع آمي يقول بيسلم عليك رفض يدخل ..
خلود: طيب خلني ابدل ملابسي واروح له ...
في الحوش واقف وهوشايل مشاري ويسولف مع عمته صالحه : ادخل ياسعود فديتك برد
سعود :وهو يناظر في وجه عمته صالحه يحبها اكثر من شي يخليه يحبها الشبه الكبير
بينها وبين ابوه علي ابوه اللي مات فجئة كان جالس معهم هو وفيصل وآمه واخته زينة
وقال راح ازوجك انت وفيصل حتى بدون وظيفة وبسوي لكم زواج ماقد صار في الديرة
ودخل ينام وبعدها ماعاد قام ابوه مات ابوه وهو باقي محتاج له مات ابوه وهو باقي ماقد
شافه وهو ممرض مثل ماكان يحلم لحد دحين يحس ان ابوه باقي عايش ما مات بكل
لحظه يقول بنفسه ذحين ابوي بيجي مات كذا بدون مرض يمكن لو مرض كان يهون
راح يعرف السبب موته بس نام ومافيه شي ..راح يتزوج بس ابوه ماراح يكون جنبه
صح جده محمد مو مقصر معهم وعمه عبدالله وابو خالد بس الفراغ اللي يخليه الآب
محد يقدر يسده ..
صالحة: سعود اشبك آابويه تبكي ..
سعود: وهو ينزل مشاري فاقد ابوي ياعمه والله فقده كل يوم اقول بيتصل علي
صالحة: وهي تاخذه بحضنها وهي تحس فيه وهو يبكي غمضة عيونها وهي تحس بوجع
موت علي موت الآخ كسر ظهر حست بموت علي انها يتيمة جد اخوها ومات ابوها في عزلة
عنهم جدتها ماشافتها عقب موت آمها إلآ مرتين بس ..وربي عوضها بزوج كان كل شي
وذحين عندها عبدالله وخالد سندها في الدنيا ذي ..صالحة وهي تبعده سعود ابوي
انت وآمي ادع له باالمغفرة والرحمة
خلود: وهي تقول لالا غش وش جابك في حضن آمي ياسعود عندك آم بلا طمع
سعود: يسلم عليها وهو يضحك هو انت باقي تحضنك عمتي
خلود: بضحكه والله مبطية عن حضنها بس اليوم عوضة كل اللي راح
سعود: هههههههه قال لي خالد سلامات من العدوان الغاشم من القرد
خلود: لاتذكرني كنت بمووت اليوم من الخوف ..
صالحة: هيا عن آذنك بدخل مشغوله فديتك
سعود : الله يحفظك ياعمه
خلود: فقدك مره ياالدب ماعاد لك حس
سعود : مشغول واتصل عليك نايمة وارسل على الواتس ماتردي
خلود: وهي تمسك يده تعال خلنا نجلس انام بدري
سعود:طيب ليش التغير ذا نحفانه مره وليه رفضتي ناصر كانت مشتهي ارقص والله
خلود: ماارتحت ياسعود مره وكل شي نصيب
في المقلط كان فيه ناصر واحمد وخالد وعبدالرحمن سوالف احمد قام علشان يخرج
يدخن برا ولا يدري ان في احد خرج شاف وحده جالسة ومقابله لسعود رجع يوقف
جنب الجدار الآضاءة في الحديقة كانت مره خافته ولا قدر يميز من هي بس اكيد
ياخلود ياخالتي صالحة ...
ابوخالد: وصلت البيت ونسيت من فاطمة اخذها من المستشفى على طريقي ومرهق
ابوخالد مع العيال يسلم عليهم قال خالد روح خذ فاطمة نسيت منها
عبدالرحمن : بمجرد ذكر اسم فاطمة حس برعشه لذيذة
خالد: ابويه المبارة راح تبداء وبعدين في تفتيش وامي مشغوله ماتقدر تروح معي
ابو خالد: خلاص بروح انا والله ماعاد فيني الله يعين..
عبدالرحمن : مايدري كيف خرج منه الكلام لاوالله ارتاح ياعم انا بروح مع خالد معي رخصة
خالد: شوي هو بيذبح عبد الرحمن والله انك نشبه قسم باالله
ابو خالد: الله يوفقك والله انك بتسوي فيني خير
عبدالرحمن : وهو مومصدق نفسهان فاطمة راح تكون معه ..
فاطمة في المستشفى وهي واصلة لحدها ومعصبة وشوي يدق خالد
خالد: بنفخه ياحمارة اطلعي بسرعة انا برا بسرعة في مبارة يله
فاطمة: خير تنافخ ياخالد سلامات تتاخر علي وتقول بسرعه ترى تهاني معي
خالد: وهو مقهور ياسلام سواق عند ابوها انا اخرجي يله
عبدالرحمن: وهو بيطير من الفرحة اخيرآ فاطمة بتركب معه قال خالد بشويش
على اختك حرام عليك ملحوق على المبارة
خالد: ياسلام ملحوق على المبارة وانت اللي من العصر صجيتني وذحين تقول ملحوق عليها
شوي ويدق جوال خالد: وينك ياخبلة انا مو في سيارتي في سيارة عبدالرحمن ولد عمي
عبدالرحمن: انزل لها يمكن ماعرفتها
نزل خالد وهو معصب شووي وشفتها جاية مع خالد وركب خالد قدام وشكلها تحسب ان خالد
اخذ سيارتي وعمي معه فتحت الباب الخلفي وركبت وهي تحط راسها قدام عندي وهي تقول
بصوت خدرني ابويه شوف خالد يخنافخ علي ويخاصم حتى تهاني لما سمعته ماعاد زعلت
وانا بموت من الفرحة التفت خالد قال بنت ذا عبدالرحمن مو ابويه وبعدها ماعاد سمعت
لها حس..
فاطمة: يممة وش الفشلة ذي حسبي الله عليك ياخالد طيب راح اعلم ابووي..
خلود: مر الآسبوع سريع مره ورجعنا نداوم والآمطار مستمرة شبه يوميآ على آبها بعكس وادي غبنة
مافيها مطر ماغير برد ينخر العظم من اول ماادوم على طول اقفل الشباك خلاص بموت خووف اليوم
الآثنين ماداوم احد من الطالبات جلست اسولف مع خالة كاذية سآلتها عن عيالها قالت عندي بنتين درسوا لين
سادس وماعاد كملوا لآن المدرسة حق المتوسط في قرية ثانية تبعد عنهم 33ك
وبنت عمرها 20سنة ماتت وهي تولد في البيت ماعندهم مستشفى وبنتها هند ذحين
عمرها سنة عندي وولد موظف في الرياض والحمد لله على كل حال ومعنا ارض
نزرعها ويجينا خير منها وحلال الحمدلله رب العالمين ..
سبحان الله الخالة كاذية على الرغم من ظروفها الصعبة إلا انها ماقد شكت مره
قالت لي معي حنا وسمن إذا تبغين تشترين قلت لها عادي بشتري واخذت منها سمن
3 حبات وحنا وسدر لنا ولمعتي محاسن ولجدتي فاطمة وكان سعر السمن 250ريال
لآنه سمن غنم بلدي اعطيتها 1000الف ريال قلت لها قيمة السمن والآغراض والباقي
في ملابس لهند شفت الفرحة في عيونها ..قلت لها ليه البنات ماسجلوا في حافز ياخالة
الخالة كاذية: سجل لهم ظافر وقالوا ناقص ورقة من البنك ورحنا اكثر من مرة ونحصل
زحمة والله المشوار 300ريال
خلود: عرفت انها تقصد رقم الإبيان قلت لها خلاص اعطيني صور من كرت العائلة وصورة
من البطاقة الشخصية للأبو ظافر انا اعرف واحد في البنك راح يطلعها بسرعة
الخالة كاذية: انت صادقة ذحين
خلود: إن شاء الله يوم الثلاثاء او السبت وهي عندك وراح اسجلهم انا اعرف ياخالة
راحت بيتها وجابت لي الآوراق وقلت لها اعطيني رقم جوال ظافر وابوه علشان ضروري
ارقام واعطتني وهي تدعي لي بكل خير ...
احمد: كاالعادة خالي في تنومة عنده اشغال قال روح مع خالد وخذ خلود قلت ابشر
انا يعني ماعندي شغلة إلا خلود سواق عندها واخرج واحصل خالد ينتظرني اليوم
برد ومطر بشكل غير طبيعي
وصلت المحطة إلا ابوي يدق ويقول احمد راح ياخذك انا في تنومة شوي واشوف السيارة
واركب إلا السيارة كلها ريحتها دخان عورني صدري سند راسي على الباب وانا اتذكر خالة
كاذية واخذ جوالي وادق على سعود مايرد شوي رجع يدق هو قالت بصوت واطي علشان
ساهر اللي معي مايسمعني هلا سعود
رد وهو يرحب فيني لا اكيد امي داعية لي اخيرآ خلود اتصلت علي
خلود: سعود فديتك بغيتك في خدمة صح ولد خالك اسامة يشتغل في البنك
سعود: ايوه وش بغيتي
خلود: الله يسعدك ابغى 2حساب مع البطاقات ضروري بكره او السبت تكون معي
سعود: طيب وش رايك لوقلت لك انها بتطلع اليوم بس معاك الآوراق
خلود : بفرحة والله تسوي فيني خير معي كل شي
سعود: طيب بشرط امرك ذحين واوصل الآوراق ونروح نتغدا
خلود: قلت طيب بكلم ابوي وانا ذحين دوبي خارجة من المحطة
سعود: حلو بمرك اجل عند هرفي علشان دوبي خارج من الآكاديمية
قفل سعود وانا ناسية انا مع مين افكر في حال الخالة كاذية وظروفها الله يلطف بها
رجعني من سرحاني صوت خبط على الباب كان سعود وفتح الباب وهو يقول حياالله الشيخة
خلود قدامي يله بسرعة علشان نلحق على البنك ..قلت اول قول وش قال ولد خالك
سعود: انزلي هو راح يجيبها البيت شفتي ولد اخوك الواسطة كيف ..
نزلت معه وطنشت خالد وهو يقول ياحمارة جاي اخذك في البرد ذا وتروحي معه طيب
اعزميني معكم ..
سعود لا العزيمة ذي خاصة من الدكتور للاستاذة خلود بس
خالد: اهم شي انك دكتور والله ان تبطي ماتحل ولآسؤال في الهيئة راح تحفر
سعود طنش خالد وهو يمسك يدي بتملك ويفتح لي باب السيارة سبحان الله ربي عوضني
بسعود وعبدالله الحمدلله
آحمــد الحمارة ذي خلتني اطق مشوار في ذا المطر والبرد وتروح مع ولد اخوها قليل الذوق
سلم على من طرف خشمه فيه غرور .ولا يمسك يدها كآنها زوجته ويفتح لها الباب العائلة
ذي عليهم جمال ماشاء الله سعود فيه وسامة غير طبيعيه ..والشيخة خلود شكلها ناسية
انها معي وتتكلم بصوتها المبحوح عليها صوت وجع وجعها ..
بعد المغرب بموت من المغص الغثيثة جتني موقادرة انام وكمان بنتظر ابوي علشان
اليوم جتني رسالة من البنك نزل لي راتب 3شهور لما جاء ابو لبست عباتي واسولف معه
شوي وانا ماادري كيف افاتحه في الموضوع قلت ابوي
ابوخالد: ياعيونه بغيتي شي
خلود: اليوم نزل لي رتب 3شهور وذي البطاقة خذها لك تراها حلال لك آنت وامي وانا احاول ماابكي
ابوخالد: الحمدلله رب العالمين والبطاقة مااراح اخذها مالي حق فيها
خلود: وهي تبكي ليه مالك حق فيها مو بنتك انا مين يصرف علي 24سنه غيرك
ابوخالد: وهو يحاول يمسك نفسه إلا بنتي لكن ذا تعبك
خلود: بعصبيه لا دامك مااخذت البطاقة اجل انا موبنتك فاطمة اول مانزل اعطتك واخذتها
ايش معنى انا ها
ابوخالد: وهويبكي انت يختلف وضعك عن فاطمة
خلود : كيف يختلف علشاني مو بنتك من صلبك وفاطمة بنتك وابكي ليش تحسسني اني
موبنتك افهمني انت ياابوي كل حياتي والله مااشوف مثلك احد خلني احس اني ارد لك لوشي من جميلك
ابوخالد: اهدي طيب خلينا نتفاهم راح اخذها بس اول تروحي لعمي محمد وتعطيه هو ابوك اولى مني
خلود: بحالة نفسيه سيئة وتعب الدورة وتراكمات الماضي قالت بقوة انا ماعندي آب غيرك مااعترف به
ابو خالد: حرام ياخلود ذا ابوك مهما كان ومايحتاج اقول وانت ماشاء الله حافظه كتاب الله
خلود: بصراخ وبكاء لا ماهو ابوي أي آب ذا اللي كرهني علشان آمي ماتت ..آي آب
ذا لما يجي احد يخطبني يقول ماعندي بنت اسمها خلود أي آب ذا اللي لمارحنا الديرة ودخلت
علشانك انت اسلم عليه يقول اخرجوها من عندي لاوالله ماهو ابوي ولا اعترف فيه لاتحسبني اني
ساكته اني مرتاحة لا والله اني اعاني وامووت الف مره لكن اسكت واقول دام ربي عوضني ليش
باقي ادور عليه وهي تبكي بشكل هستيري وامها تمسكها ابوي تكفى خذها انا ماراح اقول اني ماراح
اطلبك واكتفي براتبي انا مالي غنى عنك والله مااستغني عنك لكن لو مااخذتها راح اقتل نفسي وشوف
انا حلفت ..دخلت غرفتي وانا ابكي ولا حسيت بنفسي متى نمت .
الساعة 4الفجر قام ابو خالد وهويصارخ ومفزوع صالحة: محمد بسم الله عليك اشبك تعوذ من الشيطان..
ابوخالد: ينفث عن يمينه ويساره 3 مرات اللهم اني اعوذ بالله من شر هذة الرؤيا وقام يتوضا علشان يصلي
يحس بشي جاثم على صدره ..خلص الصلاة وجاء قال ام خالد ليه مانمتي..
ام خالد: والله ماجاني نوم حاولت انا موقادة احس بضيق اعوذ باالله .
ابوخالد : والله حتى انا قومي شوفي خلود تطمني عليها واكيد تعبانة من بعد البارح ..
خلود: يووه الليل في الشتاء طويل مره شبعانه نوم بس صحاني المغص احس بتأنيب في الضمير البارح
رفعت صوتي على ابوي اول مره استغفرالله قمت اتسبح وابدل لي ملابس وخرجت اسوي لي شي ساخن
اشربه برد مره المطر ماوقف من البارح وحصلت ظرف وافتحه وكان من عند سعود فيه بطاقات صراف
جتني آمي واعتذرت منها قالت عادي ماصار شي فديتك وإذا تعبانة لاتداومي قلت لها لاوالله اني بخير الحمدلله
بعد ساعة ابوي كان واقف عند باب غرفتي قال إذا تعبانة ياخلود لآتداومي
قلت اسف ياابوي حقك علي البارح رفعت صوتي عليك لاتزعل..
ابو خالد: لاوالله ياالغالية مستحيل ازعل منك وترى ابوفرحان اتصل شوي ويوصل تجهزي ونزل تحت
رحت اسلم على كل خواتي وعلى خالد وهو نايم الكل اليوم ماراح يداوم علشان المطر ورحت غرفة آمي
واحصلها ترضع مشاري قالت خلود غيبي فديتك مطر اليوم
خلود : ابوي يقول اتصل على واحد يعرفه في نقطة التفتيش يقول ماجاهم مطر مره بنتوكل على الله وبنروح
حضنتها بقوة وانا اشم ريحتها وبوسة مشاري بكل مكان قالت استودعتك الله
وارجع غرفتي وانا ادور لي سروال طويل مثل الخالة كاذية اعجبتني انها تلبس سروال طويل والله انه ستر
واحصل واحد اسود حق بجامة واخذ جكيت ثاني ولماجيت بطلع حصلت علبة جواهر جلكسي واخذها
واطلع إلا الدنيا مطر ابوي كاالعادة فاتح كبوت السيارة ويشوفها وابوفرحان متلطم بشماغه ركبت وركب
ابوفرحان وجاء ابوي من ناحيتي وقال خلود محتاجة شي قلت رضاك قال الله يحفظكم ..وراح ناحية ابو فرحان
وقال لماتوصل النقطة تآكد ان مافي مطر لاتنزل الوادي لين تتآكد وخذ ذا معك..سمعت ابوفرحان يقول
ابوخالد ليش مسدد الله يهديك مايحتاج
ابوخالد: خذه معك احتياط معك بنات مولحالك لو ماكنت مشغول كان جيت معكم
ابوفرحان كاالعادة: افاياابوخالد لايغرك الشيب ذا تراني ذيب اعجبك وضحك
ابوخالد: بضيق الله يحفظكم
ورجع عندي قال ترى سجلت لك رقم طواري يدق حتى لو مافي شبكة وإن شاء الله ماتحتاجية
خلود: إن شاء الله راح ابوي وانا اتبعه بعيوني اول مره يتكلم معي وهو باالقرب مني كذا
لمامشينا حسيت بضيق ودي ارجع البيت خلاص والتفت اشوف بيتنا كآني آخر مره اشوفه
المطر مستمر لين وصلنا قبل المحطة توقف المطر ...
وصلنا المدرسة ومافي مطر الحمد لله شرحت الحصة الآول بس الخالة كاذية
شكلها غايبة ضاق صدري وقلت لما نروح راح اعطي ابو فرحان يعطي
زوجها الظرف..كنت في الغرفة انا وهيلة بنت السواق حامل تسولف معي
تقول بنتها الصغيرة اليوم ماخلتها تركب السيارة متعلقة فيها وتبكي
فتحت الشباك الغرفة رغم اني كنت خايفة يطلع علي شي بس كنت
احس مكتومة اخذت قهوة وجلست اتفرج على الوادي كان منظر روعة بس كنت حاسة
بضيق واطلع جوالي واحط السماعات في آذني واسمع سورة البقرة احبها بصوت
الشيخ ابكر ادريس لين حسيت في يد على كتفي واشوفها إلا خاله كاذية فرحت مره
واحضنها قلت لها سلامات اشبك تآخرتي .. قالت بنت بنتي تعبانة وجلست معها شووي
اعطيتها الظرف وقلت لها البطاقات هنا واخذت البيانات وانا راح اكمل التسجيل لهم
والخالة كاذية كانت دموعها تنزل قلت لها افا ليش الدموع قالت والله اني قد يئست
ان يطلع لهم بطاقات قلت لا ابشرك وراح ينزل لهم بعد 3شهور إن شاء الله
واول راتب لي وانا اضحك قالت وهي تمسح دموعها يفداش والله وانا ام ظافر
قلت جعل آم ظافر سالمه وكانت تدعي لي من قلبها ...
الحصة الثالثة بداء المطر ينزل على خفيف قالت المديرة خلاص الكل انصراف
ونزلنا من الجبل بسلام الحمد لله وكل شوي يزيد المطر عن قبل وابو فرحان كآنه
حاس بخوفنا قال إن شاء نقطع الوادي بسرعة قبل يكثر المطر ابو ظافر يقول يمدينا
نقطع الوادي قبل ينزل السيل يمه الوادي طويل حيل يبي لنا على الآقل ساعة ونص علشان
نقطع الوادي يارب رحمتك والطامة الكبرى ان ماعلي صلاة يارب رحمتك لااموت وانا كذا
بداء المطر ينزل بشكل متواصل ماخليت دعاء إلا قلته ليتني سمعت كلام آمي وغبت
شوي إلا صوت برق قوي حست آذني بينفجر واحس اني مكتومه ويشتد المغص علي
فتحت الشباك اللي عندي والمطر ينزل علي احس كل حواسي مخدرة المطر بلل غطوتي
واختلط بدموعي رجعت اشوف الوادي كان كبير وعميق واحس السياره غصب تمشي
اختلط الماء باالطين شوي هبت موجة هواء بارده مثل الثلج حسيت بكل جسمي يرجف
وماحسيت إلا بريحة اشجار وطين معه موية يمممممممه ريحة اشجار سدر نفس
مؤشرات السيل المنقول مثل ماقالت الخالة كاذية .بكيت بصمت واختلط المطر بدموعي وانا موحاسه بشي حولي
ايقنت وقتها انه الموت لا محاله الحمدلله ع صعوبة الموقف إلآ اني بكوون شهيده ان شاء الله تمنيت بس اني
اشووف ابوي ابوخالد واعترف له اني احبه اكثر من نفسي واشكره ع تربيته السليمه لي كون اني مومنحررفه
وملتزمه الحمدلله اكبر نعمه علي بس خلاص فاات الفووت ومارجعني من سرحااني إلآصووت ابو فررحان
يقوول لا اله إلآ اله ياارب رحمتك بنا ياارب ارحمنا ياارب ياارب شووي إلآشي اسوود يغمرالصالوون بكبره
ويرمينا في آخر الوادي وحسيت بغرق على كل ملابسي وانا احااول اكذب احسااسي وصوت ابوفرحان يقوول
اناداخل عليك ياارب ياارب ياارب انك تعلم اني ماجيت المكان ذا إلآ ادورلقمه حلال واكفل عياال اختي اليتامى
ياارب انافي وجهك انك تحسن فينا وحسيت ان السيااره وقفت وحجزها شي وهدير السيل يطغي ع المكاان
الوقت ذا تذكررت ابوي ابوخالد وامي صالحه واخوواني كيف بيعيشوون من بعدي وخاصه ان امي معتمدة علي
في كل شي ..غفيت شوي
ابوخالد: اليوم فيني ضيق ماطلعت مكان كل مااتصل علي عامل صرفته قلبي مقبوض وذحين
الساعة12 ولا حس ولا خبر ادق على جوال خلود وابو فرحان كلها مقلق واتصلت على واحد في
نقطة التفتيش وقال سيل وادي غبنة نزل يمكن له ساعتين وكبير مره ..اللي كنت خايفة منه حصل
وصالحة رايحة جاية وتبكي هي والبنات وتقول لوصار شي لخلود ذنبها برقيتك قلت لك من شفت
ذاك الوادي خل بنتي عندي واللي رزقها وهي عمرها سنة بيرزقها وهي كبير بس انت تقول مستقبلها
اما ذحين خل قلبك يرتاح زان مستقبل خلود الله ياخذني انا اللي طاوعتك وخليت بنتي في وادي غبنة
وتصيح وتبكي ضيعنا الإمانة انا وانت يامحمد كنت حاسة من البارح واليوم تروح وترجع تحضني
يااارب صبرني على فقد خلود مالها من اسمها نصيب وااااه ياخلود كيف بعيش من بعدك .
واااه ياخلود حفظتك وانت صغيره وضيعتك وانت كبيره ...
ابو خالد : طفح الكيل من كلام صالحة كآنه سوط يجلدني وكل كلمة تقولها مثل النار وانا اتذكر
كابوس البارح اخذت مفتاح السيارة وانا موقادر امشي يارب لاتفجعني في خلود يارب احفظها
واخرج وانا موقادر امشي خطوتين واخرج إلآ احمد واقف قال خير يا خاال من مات اسمع صياح خالتي صالحه
قلت احمد تعال معي احتاجك
احمد : خال قول وش صار ..
ابوخالد:وغصب يتكلم خلود ولاقدر يكمل باقي كلامه
احمد : لما قال خلود قلت اكيد حادث قلت بخوف وش فيها
ابوخالد: السيل نزل القرية اللي تدرس فيها تعال معي خل نروح هنا واول اتصل على سعود ضروري
يكون موجود معنا ..
صحيت من الغفوه على صوت هيلة مثل الحلم تبكي وهي تحاول تصحي ابوها حاولت اقوم اشوفه
بس استحيت لكن الموقف اللي حنا فية شجعني اقوم واطل اشوف وجهه كان معرق مرة ولسانة ثقيل
قلت لها عنده انخفاض سكر عطيه شي حالي بسرعة قالت ماعندي شي واتذكر ان معي حلاة جلسكي
وبحركة سريعة افتح الشنطة واطلع حبتين واعطيها قالت ايش اسوي فيها قالت بنفخه وعصبيه ياغبية حطيها
بفمه بسرعة واعطيتها علبة موية جنبي على المرتبة شوي إلا اسمع صوته وهو يهلل ويستغفر ويسبح
والتفت على جواهر جنبي وهي تبكي احس ملابسي كلها غرقانه مويت لين الساق واحس بلوعه من البرد
حاول ابو فرحان بنزل علشان يشوف لنا صرفة نخرج من الحشرة من زواية الوادي بس المويه كانت قوية
ماقدر يفتح الباب قال يارب عونك ولطفك بنا والله لنموت ومحد درى عنا في ذا الشعيب لماسمعته قال كذا
رفعت عيني واشوف الدنيا كلها سواد رغم ان الساعه 3 العصر واخرج جوالي من شنطتي اللي بحضني
واسوي بحث عن شبكة مافي شي ...
بكيت وانا ادعو الله بكل عمل صالح بيني وبين ربي شوي إلا احس بموجة سيل جديدة تضربنا اقوى من
الآولى وهدير السيل وصوت احجار واشجار تضربنا فينا وكلنا اللي في السيارة بصوت واحد
(شْهَدُ أَنْ لاَ إِلَهَ إِلاَّ اللَّهُ.أَشْهَدُ أَنَّ مُحَمَّدًا رَسُولُ الله)
|