إعدادات صنع شريط الوزن :


اضغطي على الرابط


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



تجيك صفحه فيها خانه مكتوب عليها all وبجنبها خانه مكتوب عليها FILTER

وتحتهم أشرطه صح .... طيب غيري بدال all اللي تبغين وفيك ماتغيرين الــ all ثم FILTER


راح يفتح لك صفحه روحي لأعلاها واختاري الشريط اللي يعجبك ترا فيه صفحات كثيره لأشكال الأشرطه


إذا عجبك شريط روحي ليسار الشريط اللي عجبك تلقين دائره صغيره اضغطي عليها



بعدين انزلي شوي راح تلقين خانه نفس الأولى اللي فوق اختاري بدال all اللي تبغين وفيك ماتغيرين الــ all
ثم FILTER


وراح تطلع لك أشكال مؤشرات للشريط وبصفحات كثيره اختاري اللي يعجبك


ثم انزلي


راح تجيك خانتين الأولى time الثانيه weight اختاري الثانيه


راح يكون بجنبها ثلاث مربعات بيض الأول تحته مكتوب till الثاني now الثالث ideal


اكتبي بمربع till >> وزنك الأساسي
و بمربع now >> وزنك الحالي
وبمربع ideal>> الوزن المطلوب


تحت هذا تلقين عباره enter message يعني اكتبي رسالتك ... مثلاً اكتبي [ I need ]


ضروري تكتبين مثل هالعباره لأنهم هم راح يعرضون تحت شريطك كم كيلو تحتاجينه وقبله راح يعرضون رسالتك


تحت هذا تجيك تدرجات ألوان اختاري اللون اللي يعجبك لأنه راح يكون لون خط رسالتك


انزلي شوي


بتلقين مستطيل رصاصي مكتوب عليه Great my ticker and get the code


اضغطي عليه .... راح يطلع لك الشكل النهائي للشريط اللي نسّقتيه


شوفيه يحتاج تعديل أو شي تقدرين ترجعين تسنعين اللي ما عجبك بس [ مثلا شكل المؤشر ماعجبك روحي فوق راح تشوفين المؤشرات اختاري اللي يعجبك وارجعي انزلي واضغطي على المستطيل الرصاصي علشان تشوفين الشكل


إذا عجبك خلاص ...


تحت الشريط مكتوب your link :
تحتها على طول فيه رابط اضغطي عليه راح يفتح لك صفحه جديده به صورة شريطك


انتي قصي الرابط حق الصفحه وألصقيه بتوقيعك .... وبس


الحمد لله