قصيدة: تسر الناظر
السلام عليكم ورحمة الله وبركاته
. <{ تسر الناظر }>
آه مرت قدام عيوني سوات البرق
قولوا لي كيف الحق البرق يابراقه
وياما و ياما تحرق القلب بلا حرق
نظرة عين لاصادفت القلب حراقه
الثغر باسم وجمرتينه غرب وشرق
والوجه سبحان الله تزايد اشراقه
اكيد بين المليحات تلقى لك الفرق
لكن يشوي الكبد غرو صعب فراقه
بالهون علي لا تسرقين القلب سرق
ترى غيرك من النساء للعقل سراقه
تبين اوصفك لاأخاف تغرقين غرق
وفي النهاية تكتب لنا قصة الغراقه
ياصباح ما مثله صباح خير به برق
نور دنيتي وأنا على نيتي يالبراقه
الشاعر/ حمد بن فهد المخالده السبيعي
|