" لك وحشة "
بدونك دنيتي صعبه
طلبتك للوصل خذني ..
أنا مهما ضوى صبحي أبي ليل
به سراجك ..
غيابك أتعب عيوني
غيابك حيل علمني!!
بأن الدنيا لو ضاقت فرجها ساعة افراجك ...
دخيلك أرحم بحالي
" كفاااااايه البعد عذبني "
طلبتك لا تخليني
تراني بجد محتاااجك ..

" لك وحشة "
يامبعدن عن شوف عيني
مسافات ..
لا تحسب أنه يخلف البعد ظني ..
حبك بقل بي شامخ مابعد مات ..
وما هزته بعد المسافات عني ..
لو نبتعد " روحي وروحك "
قريبات ..
الحب جمعهم غصب عنك وعني ..

" لك وحشة "
وصوتك أسرني وصرت
‏"‏ بجد أحتاجه " ..
في كل لحظه أحسه مايفارقني ..
أموت في جرأته .. وأمووووت
بإحراجه ..
لك صوت والله ماغيره يروقني ..!

" لك وحشة "
ليه طولت الغياب ..؟!
وإنت لامن غبت لحظات أفقدك ..
جمرة أشواقي تناديك بعتاب ..
كيف جالك قلبتنسى
موعدك ...!
سيد الإحساس حسك كيف غاب ..!!
كيف عن دافي شعوري يبعدك ..
وأدري إنك ماتأخرت بغياب ..
بس أنا . . .
‏"‏ إللي دااايم أسبق موعدك "

" لك وحشة "
رغم المسافه والأبعاد ..
وأشتاق لك لو تقسى ظروفي
عليه ..
إنت الدفا والظل والماي والزاد ..
وإنت الحياة وكل لحظه هنيه ..
لا غبت عن عيني شقا القلب
يزداد ..
وتبكي على فرقاااااااااااااك عين
شقيه ..

" لك وحشة "
بقلبي كثر ماتنظر عيونك ..
كثر حكيك .. كثر همسك ..
كثر صمتك .. كثر ضحكك ..
كثر مشيك .. كثر بكيك .. كثر ماتظن ظنونك ..
كثر شوقك .. كثر ذوقك .. كثر لحظات جنونك ..
كثر شمسك .. كثر ليلك .. كثر فجرك وكثر ماترمش جفونك ..

" لك وحشة "
بالصدر تلعب بالأضلاع ..
من قوها حتى الدموع سمعتها ...
زفرة ونين الشوق في قلب ملتاع ..
دارت على كل الضلوع وشكتها ...
وتغيرت بأسبابها كل الأوضاع ..
حتى دموع العين مثلي
بكتها ..!

" لك وحشة "
يامن تملك القلب بحنينك ..
تعال قلبي مشتكي هم وجراح ..
" ضمه ولمه وإحضنه "
في يدينك ..
تعال خل الروح للروح تنساح ..
" روحي تحبك "
ماأحتوت حب غيرك ..
إنت الوحيد إللي لك القلب
يرتاااااااح ..

" لك وحشة "
فاقت تصور خيالي ..
حتى عيوني دمعها دمع محروق ...
حط في بالك إنك إنسان
غالي ..
لو غبت يبقى منزلك عندنا فوق ..
هذه الحقيقه قلتها في
كلامي ...
وجتكم رساله دزها دافع
الشووووق ..

" لك وحشة "
تزداد بالأشواق ..
وأزود من أشواق الشقيق لشقيقه ..
والقلب يصبح من عنا البعد خفاق ....
وتزداد دقاته بزود الدقيقه ..
ودقات قلبي ظنتي دقها فاق
ملي١٠٠٠٠٠٠ون دق ه
‏(‏( بين الثانيه والدقيقه ))

" لك وحشة "
تلفني شوووق وعتاب ..
وإن جيت تسكني حنان وطرابه ..
علمتني إن الوفا طبع
الأحباب ..
ورسمت عمري وردتين وسحابه ..
خذني لوجودك .. ضمني بين الأهداب ..
‏"‏ عمري بدونك "
ما أتحمل عذابه ...!

" لك وحشة "
وغيابك زرع فيني مفاهيم الأشواق ..
وأسقا عروقي للفراق وذبحني ..
وأنا أدري إنك تملك إحساس وأخلاق ..
وإحساسك إللي من عروقي نزعني ...
وش فيك ..؟ ماتفهم ..!!
ترى جد "مشتاق " ..
سيف الثوااااااااااااني في
‏(‏( غيابك ))
طعني ...!

" لك وحشة "
وخوفي تغيب أكثر وأكتشف إنه
فراااق ..!
ماهي ظروف واقفه عند بابك ..
صدقني أعجز لو وصفتك بالأورااااق ..
كل المشاعر رددت ياهلا بك ..
ودي تكون أجابتك كم مشتاااق ..!
وإحذر تغش لاجيت تكتب
جوابك ..!!