قصيدة ( آعز إنسان ) لشاعر فهد المساعد يالبى قلبه ،، من أفضل القصائد المفضله عندي ..
[rplayer]http://up.f7up.com/uploads/files/f7up-61cc7713a7.rm[/rplayer]
صوّت حبيبي وقبـل أقـول ياعونـك
شكى جروحه ورحت أشكي له طعوني
يقول مقدر أعيش اليوم مـن دونـك
وأقول حتى ولو ماعشت مـن دونـي
يمكن أنا اكون أعز إنسـان فعيونـك
بس انت والله كـل النـاس فعيونـي
لا صرت ربعي وداري فيّـة جفونـك
وش دخّل الناس خل الناس يجفونـي
يكفيني إن انت لا من قلت وشلونـك
تطيب كل الجـروح ويختلـف لونـي
وإن كان منتب مصدقني على هونـك
تعال وطالـع دروبـي ويـن ودونـي
أصبحت أجامل عداي اللـي يحبونـك
وأكره مشاهد عـداك اللـي يحبونـي
ومن كثر ما احب واكره عنك واصونك
أصبحت دفتر مشاعر وأنت مضموني
إن غبت عني شعرت بلـذة طعونـك
وإن شفت زولك شعرت بقيمه عيوني