منتديات رهين الشوق - عرض مشاركة واحدة

2009-11-30, 03:21 PM

ســـلآإم

عجبتنـــي ونقلتهآإ لكم

هههههههههههه

ليتني بنت عمك وبالزواج اغصبونا
ويحددون الملكه وبعدها يكلمونا ..

لاجبرتنا ظروف
ولا مدري اشوف ’

كل شي مخطط ومرسوم ,
وامي حولي تحوم ..

يابنيتي هذا فستانك جربيه !
والزواج هذا الخميس ولاتناقشين فيه

والله مادروا اني من الفرحه بطير
واني احلم به قبل مايصير

واني ببقى معه طول الحياه ’,
وبعطيه عيوني لجل رضاه

والله لأعيشه ملك وسلطان
وارفع راسه بكل مكان ..

وبحاول قد ما اقدر اسعده
وابعد عن الشي اللي ينكده ..

وان ما اكل زين اغصبه
وان مانام العب بشعره هالحركه تنومه ~

وهو يدري اني من نظره افهمه
وقبل يتكلم اكمل كلمته ’,

ويبتدي يوم الخميس وتبتدي معه الحكايه
واغراضي جاهزه من الفستان للعبايه

ومستعده لرحلتي وفيني فرحه وخوف !
ياترى مشتاق لشوفتي وفيني شغوف ؟

واسمع صوت امه ادخل يايمه العروس داخل
زادت ربكتي ودمعي من الشوق سايل

وتحتضن يديني يدينه ’,
و الحيا بيني وبينه
ماقدرت اطالع عيونه ..
فديته وفديت حتى جفونه..

ابتسم وقال وش بك؟ قلت مدري
قال الحيا مطول .؟ قلت توه بدري !
قال احبك قلت مدري

قال كن الحيا طول .؟
قلت زاد اكثر من اول ~

آآآهـعساني ما انحرم منك

وفجأه يدق الباب يلا ترى زفتكم يعلنون
وتدخل اخته تقول امسك ايديها وبشويش تمشون

قلت يوووووووووه قلبي زاد نبضه !
مسك ايديني وقال فديته وفديت حبـه

وبدت مراسم الزفه
والشرعه حولي ملتفه

وطلعنا على اغنية عسى ربي يخليك لعيوني ~
اهداها لي مره وقال اسمعيها يانور عيوني ~~

وفي الزفه صرنا نغنيها سوا
وهـ بس يازين دروب الهوى

قالت ندى شوفي شكله ميت عليها ..
قالت هدى وهي باين تموت عليه شوفيها

وقتها غارت سهى !
لانها كانت تبيه لها

واحنا نمشي في الممر
قال ممكن طلب قلت

ابي تعطيني بوسه قدام هالعيون !
واقهر فيها العواذل وكل مجنون
قلت اركد حبيبي وش هالجنون
قال حاضر ياغلا هالعيون ..

وهمس لي وقال احبك قلت ادري
قال والله الحيا راح قلت اوووه من بدري !

وفجأه صحيت من النوم
لقيته حلم وردي جاني في يوم ..

و الحقيقه لاني بنت عمه
ولا حتى اقرب لجده !

وهذا حلمي الاخيــر
صدمني بواقع مرير ’,