منتديات رهين الشوق - عرض مشاركة واحدة

2009-02-04, 09:59 PM

^^^

ياكثرهم لاقلت لك عرفت اوجيه..
..وياقلهم لاقلت لك قدر ومعزه
رجل(ن) تعزه بعد ماتلتقي فيه..
..ورجل(ن) قبل لاتلتقي به تعزه
ورجل(ن) ترزه بالمجالس مباديه..
..ورجل(ن) فلوسه بالمجالس ترزه
ورجل(ن) يموت ولايجيبون طاريه..
..ورجل(ن) يجي طاريه في كل حزه
ورجل(ن)ضعيف ويستفزه معاديه..
..ورجل(ن) كلام عداه مايستفزه
ورجل(ن) يهزه بعض موقف ويشقيه..
..ورجل(ن) ماهوب ايات موقف يهزه
ورجل(ن) تلزه يعترف لك بخافيه..
..ورجل(ن) على خافيه محد يلزه
ورجل(ن) يوزونه ويزعل بني خيه..
..ورجل(ن) يزعل من يحاول يوزه
ورجل(ن) يغز في حلق ربعه بلاويه..
..ورجل(ن) بحلق عداه ربعه تغزه
ورجل(ن) يفز لياّ سمع من يناديه..
..ورجل(ن) على الطولات مافيه فزه
ورجل(ن) تكزه لازم انك توصيه..
..ورجل(ن) بلياّ ماتوصيه كزه
من لافرش للمرجله ماتغطيه..
..ومن لا يخز الناس محد(ن) يخزه
ان كانها عرفه فهي عرفت اوجيه..
..ومن قالك بالقلب قدر ومعزه

^^

وسلامتكــم ،،