منتديات رهين الشوق - عرض مشاركة واحدة - قصيدة

2009-10-21, 03:57 PM

ما اتصلت وغايتي بس احاكيك
ياحسرتي القى معك خط ثاني
ادق رقمك بآخر الليل ناصيك
والقى" انتظار" وليتها بالثواني
يوم انت تغليني وانا حيل مغليك
مايشتكي الجوال الا عشاني
لعبت بأعصابي وانا واثق (ن) فيك
قلي ان كانك جبت واحد مكاني
اما معي تبقى او اني بجافيك
يعني كذا والا كذا يا الأناني
عليَت روحي معك ياهيك اوهيك
واليا قطعت الوصل تبغى حناني
ابيك لكنك على كثر مابيك
فكرك مع المقفين شيب زماني
قلي من تحاكي؟؟؟ ... وانا اوعدك اراعيك
بس انت قلي لاتحطم كياني
وان كنت ناوي الصد ربي يجازيك
وكانك تعاني حتى انا منك اعاني
ماكنت تسمع غير: (( ابـــشر ولبيـــــــــــك))
حتى معاي انهيت كل الأماني
اصدق معي بالقول ربي يخليك
قلي من اللي صار فجأه مكاني
واوعدك مايلفظ لساني بطاريك
والى ذكرتك يوم اقطع لساني

أختار بعدي

(بنوته ملاك)