مساء الخير والاحساس والطيبة لاحلى منتدى واحلى اعضاء ..
طبعا الموضع باين من العنوان (يعني اي عضو عنده موقف طريف او محرج الخ يكتبه لنا).. ترى مو فضول مني وانما من باب الضحك والبداية معي :
اول موقف وانا ثانيه ثانوي عاد انا مشاغبه مره
لما انتهت الحصة الاولى وانا ومجموعه من البنات برى الفصل لعب وازعاج
المدرسه كانت ثلاثه ادوار فصلنا في الدور الثالث وهذا احسن شي فيه والاداره وغرفة المعلمات في الدور الثاني
المهم طلعنا برى الفصل عشان نزعج الاداره وعلى ان معلمه المكتبة اسفل في غرفة المعلمات
المهم جالسين نطالع الادارة من الدور الثالث ونزعج فيهم ننفخ البان ونطرطع به واخذنا مجموعه من الحزم وربطناها ببعض وننزلها عليهم من فوق المهم ازعجناهم قامت المديره رسلت معلمة الغياب علينا وكانت الله لايوريكم متينه مره
وتطلع الحرمه من الادارة جري عاد متينه مره وتجري اقسم بالله إنَّا اخترعنا وصياح وجري على الفصل عشان ماتقدر تمسكنا وفي نفس الوقت ماتعرف مين اللي كان مسوي الازعاج
المهم هي طالعه مع الدرج جري واحنا صياح وجري على الفصل ولما وصلنا الفصل عاد مع الجري لازم نتزلج
والله دخلنا الفصل تزلج واثاري معلمة المكتبه كانت عند الفصل الثاني ودخلت الفصل وتشرح من اليوم واحنا برى نزعج في خلق الله واحنا نتزلج كانت المعلمه في وسط الفصل تمشي وتشرح شوي الا تسمع اللي مقتحمين عليها الفصل تزلج وضحك بعدين مجموعه كبيره مو وحده وثنتين
لفت وصرخت فين واحنا رجل في الشرق والثانيه في الغرب ورافعين يدينا
والبنات كانوا مخترعين والمعلمه تهزى فينا وانا اتذكر الموقف وضحك في وجهها عاد انا اذا ضحكت تعالي سكتيني
ونزلنا الاداره وعاقبونا ونقصونا درجتين
وكل ماتجي حصة المكتبه اذكر الموقف وضحك والحرمه تهزئ فيه وتخليني واقفه
ولما جاءووقت اختبار المكتبه رفضة تحدد لنا الماده
عاد انا مصلحه ذيك اللي تبي تصلح خير للبنات وروح للاستاذة واطلبها تحدد المنهج لنا وكان الاختبار اليوم الثاني
تدرون وش قالت لي قالت والله العظيم اني مابحدد للبنات عشانك
قولتلها وش سويت قالت عشان ضحكك والله اني كل حصه اجيكم فيها واشوفك تضحكين اني اقرأ المعوذات >>>>قويه صح
وانا والله ما اضحك لوحدي البنات معايه بس نذلات يسكتون اذا لفت الاستاذة وانا مااقدر اسكت
وفي النهايه وعدتها ماعاد اضحك في حصتها ووافقت تحدد لنا
هذا اطرف موقف لـ شمووخه
واذا تفاعلتوا مع الموضوع
رح اطلع المزيــــــــد من المواقف
الطريفه واللطيفه مع البنات والمعلمات
بس للآسف ما لحقت عاشقة الدموع
والا كانت شافت الويل مني >>>ههههههه
امزح عاشقة ..
ارجوا التفاعل من الجميع ..