النصيحه الأولى : الصح والخطاء
لولا الخطا محدً عرف قيمة الصح=ولولا الصحيح يصح جات الفضايح
شي طبيعي يوم ننّصح وننصح=الناس كانو يشترون النصايح
ياجاهلً في الوقت تسرح وتمرح=ترى الحياه إلها نظام ولوايح
وأن كان ماتبغى كلامي هذا رح=واشره على اللي قال وين أنت رايح
النصيحه الثانية : الكلام الزائد في المجالس
ياهل الهروج العرج لو تمشي العرج=خطوه وراء عن خطوةً لالامامي
الصمت في بعض المجالس عن الهرج=يسوى مائة كلمه من اغلا الكلامي
ولو كل تاجر في البشر يفتح الدرج=ما صار للتجار غير الاسامي
وراع الحصان اللي يعنه بلاسرج=لو يشعل النيران برد وسلامي
النصيحه الثالثة : الرفيق والقريب
مهما يجيك من الخطاء من رفيقك=حاول تغاضى والخطاء لا يجي منك
ترى رفيقك لو وقف في طريقك=مثل الرصيد أن (قل) وأن (زاد) في البنك
واعرف عدوك قبل تعرف صديقك=ومن لا يحس بضيقتك مادرى عنك
ولا تأيد المخطي لو أنه شقيقك=وش عذرك من اللي على ايسرك وايمنك
الشاعر الكبير : حبيب العازمي العتيبي
تقبلو خالص تحياتي
عاشق غرامك