خلي اسمي بس ذكرى في حياتك تحفضينه
تفهمين الشعر وإلا ياعسا ماتفهمينه
ماطلبتك تفهمين القصد لامنك قريتي
يكفي انك لا قريتي تفهمين وتكتمينه
طبعك الغدار لامنك حكيتي ماوفيتي
توعديني بالمحبه والوعد وينك وينه
ولا تضايقتي من اللي قلت قلتيلي نسيتي
ابعدي عني وروحي والهوى لاتذكرينه
كنت صادق بالمحبه لكن انتي مادريتي
شخص مثلي يابنيه بالهوى ماتملكينه
والغرور اللي بقلبك اعتمابك واعتميتي
الصراحه ثوبها يا بنت صعبه تلبسينه
مستحيل اصدق الكلمه ليا منك حكيتي
ان حكيتي ماصدقتي والهوى ماتعرفينه
صار همك في جمالك والغرور ابه ابتليتي
اذكري ماضي هوانا وان بطى لا تجهلينه
اذكري كلمة احبك يوم قلتيها بكيتي
اذكري ذاك الغرام اللي مضى لا تجحدينه
وارحلي عني وروحي واذكريني لاجفيتي
ولا هويتي شخص غيري حسسيه انك تبينه
ولا تقولين بحياتي شخص ثاني لاهويتي
خلي اسمي بس ذكرى في حياتك تحفضينه
واذكريني لازعلتي واذكريني لارضيتي
يمكن انك لاذكرتي كل شيّن تتركينه
والله اني واثقن لامن ذكرتيني بكيتي
|