الجرح له في تالي الوقت عاقه = كني الذي من ضرالايام منعاق
عزي لمثلي ماكسر فيه ساقه = لكنه من جور الليالي كسر ساق
ياكنت احسب ان الصبر فيه طاقه = واليوم حملي اعتذر فيه ماطاق
ترا الرفاقه سلمها للرفاقه = لالا يجي اللاش في لف الانساق
الف له راسه على علم هاقه = لف اللحا لاحت من وسط الاوراق
صحيح بنت بس بنت العروبه= نسل الذياب الي عوت يوم الاطلاق
ابخص بناسي وكل شاهه وناقه = وكل جمالن له العيس تنساق
وياجعل كل حاسد في عينه حراقه = يضحك ويضمر كل غبنن وترياق
كلح الوجيه والعين فيهازراقه = عين السروق اللي تخايلك حدّاق
ومنهو صدق يرقى لفعل الصداقه = لا لاتعاشر منهو خاين للاوثاق
ومن قالها صده تباين فراقه = لاتنتظر كسرالمشاعر بالفراق
خلك عزيزين معتلي مر ذاقه = ماذل غير اللي شكى غيره وضاق
اثبت لاصار الناس فيها طفاقه = سلم الشيوخ ثقال عن كل نعّاق
الرب له حكمه في عزن وفاقه = لا تعترض في حكمة الله بالارزاق
عمر الدراهم ماتجيب الوفاقه = وان ووفقت لاهل المصالح والامحاق
خذ مالي الي لو حصل فيه راقه = وعطني رفيق بهالزمن صان الارفاق!!