الجفا لاطالني اجفاك واضيع هواك
وألتهي في حب غيرك واتناسى واجحدك
كبريائك خل يفيدك يابخيل في غلاك
الصبر مافادني مليت دوري اسعدك
ومليت ياخلي العزيز اهواك واداري خطاك
ومليت افهم وافتهم وبادفى شعوري اوعدك
ماعطيت الحب حقه يوم محبوبك عطاك
ماتقدر له عطاه وإن بخل مايخدعك
جيت متاخر تدور عن ملاك مانساك
صرختك في عزصمته عن مداره يبددك
كم لهيت وكم نسيت وكم ياكمه خطاك
دارت الدنيا وامسى هالزمان يهددك
مابغيت اعاتبك لكن هوى غيري عماك
قلبي المغرم تخيل جاه يوم وبيجحدك