ما قلت لـي شي .. وش خليت ما قلته؟
أسكت .. وخــل الكلام لجرحي الدامــي
لو غيرك اللي يسولف .. ما تحملتـــه
لـكن على شان عـينك .. هـانـت آلامـــي
للحـب مــفهوم .. عـمرك ما تخـيلتـــه
ما اظـــن يـسـتوعـبه تـفكـيرك الســــامـي
هذا الفراق الطويل .. وهذي أسـئلته
هـذا حـصــــاد السـنـين.. وهـذي أيـامــــي
يـامـا ويـاما عـليك البــــــال .. طولته
والعمر عدّى .. وأنا عايش على اوهامـي
حـتى طـريق الفـراق اللــــي تساهلـــته
لقـيته أصـعـب عـلى نـفســي مـن أقـدامـي
اصــبر لي شــوي .. لو دمـي تثاقلته
بحـاول اسـتـوعــب اللـي صـــار قــــدامـي
الحـب ضحــكة بعينك.. بس ما طلته
عمرك بهاالكون شفت أبسط من أحــلامي؟
القلب لو ما خفق لك .. كان ما شلته
ولو ما انت ملهم قصيدي.. جفت أقلامي
هذا قصــيدي بعينيك .. لو تجــاهلته
ينزف على شان .. يروي قلبك الـــضامي
العــــام طاري غــيابك .. ما تـــقبلته
واليوم حــــرماني أصبح مصــدر إلهامــي
لا تعـــــتذر لي وابنســـى كل ما قلته
وش ينفع العذر .. لا من ضاعت أحلامي
اعجبتني ... فنلقتها لكم