يا محاكي الصم .. مجهودك سُدى

مُنصت ٍ للبكـم إنصـات ٍ شديـد

يا مدور فـي الظـلالات الهُـدى

منتظر ابليـس عـن غيـه يحيـد

منتظر تلقى رفيـق ٍ فـي العِـدا

عاري ٍ تبغى الدفى وسط الجليـد

باحث ٍ عن عز ابطى مـا بتـدى

باحث ٍ في هالمتاحف عن جديـد

منتظـر منقـذ يـبـادر بالـنـدا

يهـزم الأعـدا وحقـك يستعيـد

منتظـر منهـو يعينـك بالـفـدا

انتظرت سنين مـا جـا ماتريـد

عالي ٍ صوت العرب أحدث صدى

شجب وإستنكار تنديـد و وعيـد

حطموا هذا العـدو اللـي اعتـدا

بالقمم أو بالخطـب أو بالقصيـد

يـا مـدور عـن مثـال ٍ يقتـدى

لا تدور مسك في وسط الصديـد

انفظ غبـار الأمانـي مـا غـدا

للأماني حظ فـي سـوق العبيـد

كل وقـت لـه نهايـات ومـدى

ما يجي أبطال في الوقـت البليـد

ما ينول المجد من يخشى الـردى

في قريب الوقت والا في البعيـد

كل سيـف ٍ مـا يجـرد للصـدا

كـل مجـد ٍ مـا يجـدد مايفيـد

الخبـر يصبـح خبـر بالمبـتـدا

والمعالـي دانيـه للـي يـريـد

وكل يوم يحـاك ثـوب ويرتـدى

وكـل يـوم يكفّـن ويقبـر فقيـد

وكل مافي الكـون زايـل ماعـدا

وجه ربك مالك الملـك المجيـد

يا محاكي الصم صرخاتك سُـدى

لا تـأذن وسـط أوثـان الحديـد