قـرّر التاجـر يكـون الشاعـر الأول

افرحوا يا اهل القصيد وجهزّوا الساحة

سهلّوا الأوزان لجل المبـدع الأفضـل

بعد إرهاق العمـل يحتـاج لـه راحـة

فاضي هو يوزن ؟ .. كلامه كامل مكمّل

يكفي انّه لجلنـا يكتـب عـن جراحـه

الكسـر فاسماعكـم وإدراككـم يجهـل

عبقريـة فرحتـه والفـن فـي نواحـه

جدّدي له يا صحافـة عهـدك الأمثـل

وارسمي الأشعار صحرا وشعره الواحة

واكتبي عنه العظيـم الشامـل الأشمـل

كان يحتاج الشعـر جهـده واصلاحـه

واسألي كيف ومتى وهل كان أو يعقـل

عمرنا من غير فكره تكمـل افراحـه ؟

وين " نوبل " عن قلم من أشرق واشعل

ظلمـةٍ كنّـا بهـا أفناهـا مصبـاحـه

من يقول ان الشعر في وقتنـا مبهـذل

سعرنا عقب الخسايـر زادت ارباحـه

لحّنوا الشعر البديع الأصعـب الأسهـل

واعرضوه بكل شاشة ليـل واصباحـه

وادفعوا للـي شـدا للشاعـر الأجـزل

مبلغ وقدره " كـذا " يستاهـل صياحـه

ابشروا يـا مطربيـن الدفتـر الأجمـل

يكفي عن مُـرّ السـؤال وذل إلحاحـه

دفترٍ فيـه القصايـد تشتـري الأخطـل

وعنتر يضحّي بعبله ويرمـي سلاحـه

دفترٍ فيه المعانـي فـي اليميـن اسفـل

أقوى أبياته : فقط لا غيري في الساحه