قالت أحبّك، قلت يا شين بختـي

قالت أعزّك، قلت هذي القـراده

قالت حياتي، قلت تعنين موتـي؟

قالت فديتك، قلت وين الرّكاده؟

قالت علامك؟ قلت وشلون طحتي

في حبّ واحد ما عشق غير غاده؟

هيْ شهد هيْ رمّان هيْ عذب توتي

أنقى من الغيمه وأعـذب بـراده

تسهر خيالي والهوى طول وقتـي

تغزل لي اصواف الرضا في وساده

أحيان اعبّر عن هواهـا بصمتـي

واحيان هاجوسي يصارح مـراده

أشتاقها وآآآجرّ بالشوق صوتـي

واسرج لها خيلي بعزم وجـلاده

أهديتها قلبـي وشِعـري وبيتـي

والبستها عقد الوفا فـي قـلاده

هذا هواي/، ومطلبي لـو سمعتـي

نصيحتي : فيقي الأمل من رقـاده

{ ولّت } وقالت إعلن اليوم موتي

عمر الأمل ما يبتدي من حـداده

/

/

/

رهين الشوق