الحب ماهو دق رقمي وانا اجيك
ولا رسايل شعر مــن قــول شعار
والا اتصالٍ تالـــي اللــيل يلـــفيك
تقعد عليه اتجيب لي حد الاسحار
الحب يابنت الحسب شـــي يعليك
حارم اقوله عاش من بيننا وصار
الحــب شيٍ داخـــل القلب يرميك
فــي تهلكت عــاشقك لو كان جوار
الحب حــس تالـــي الليل يـطريك
يسهر عيونك عاشق حيل مـحتار
الحب هــو صـــوره جميله تخليك
تعشق عــدوٍ لك يجرك علـى النار
الحب هـــــو قــمة مـشاعر تحليك
هو تضحية نفس بحلاها بالامرار
امانتك لاتقول انا احب وارجــيك
وابغي وصالك يابعد كل مــن سار
لان الحكي مافاد ثعلب عـــلى ديك
ولافاد قطو راح عمره وراى الفار
ياكـثر مــــاقلتي حـكي لك يبــــريك
كــله لجل تطــري بحلوات الاخبار
ياخي انا مليت مــن كثر مـــرجيك
اتصير وافــي فـــي زمـــانٍ لنا دار
تعشق وتعطي بالهوى قلب مغليك
روحك ولو هو طالب كـل الاعــمار
لكن حسافه ما انفعت قولة ارجيك
ومافادة اشعاري وهي تنزف احبار
ياخوي كافي تبت من حــب يبغيك
واقطع مكالمتك ترى الدم بي فــار
ضيعت عمري جــعل ربــي يسريك
بظلمه ليال الـــهم ضـايع بالافــكار
استغفـر الله مـــاتعـــودت ادعـــيك
بالشين ياصاحب بعد حلو الاذكار
واسف عسى ربي يصونك وينجيك
من سود ايامك ومن مــر الاقـــدار
خـلاص كــافي ولاتجيني ولا جيك
واقصر اخطاك وخلني اليوم تذكار
__________________