|
قمه بالروعه
اقوى قصايد الخيانه
سبع ساعات اسولف واتكلم واستخف دمي
وهي تسمعني وتضحك ومبسوطه على الآخر
سبع ساعات أعلمها عن أحزاني وعن همي
واسولف عن حكايا الطفل كان وصار هالشاعر
سبع ساعات تتساقط حروف الصدق من فمي
على صحرى مسامعها سحاب العشق متناثر
سبع ساعات وتحلف لي براس العشق وتسمي
تقول أنت الوحيد الي ملكني حبك الساحر
سبع ساعات ونادتني بأسمه ماهو بأسمي
تناديني فهد وأسمي أنا ياللأسف جابر
تشنج كل شيء كان حولي ومسمعي يدمي
ركز خنجر فهد في مسمعي من صوتها الخادر
تخدر فكري بجسمي وذاب بداخلي عظمي
وصرت اسمع صدى صوتن يردد غلط الشاطر
يردد غلطة الشاطر بعشره واقعي وحلمي
ترددها زوايا غرفتي والواقع الغادر
كثير أصوات شقت جلدي الي يحتظن عظمي
صراخ الباب والدولاب والشباك والساتر
وونات القلم والدفتر الي يلتفت يمي
وخايف وشافي أكتب وسطه مهن الفاتر
وكانت شاكته وصوت النفس من خشمها خشمي
ربع ساعه ببحة صوت قالت خير وش صاير
وطرى في بالي عبد الله وخالد وأحمد ونشمي
والى آخرهم فهد تسعه ونا مدموغة العاشر
وقلت أبدن ماغير الخير ولاكن أمسحي رقمي
أكيد فهد جالس سبع ساعات وهو ناطر
وقالت لي رجاء ولا أقول طير ياعمي
مسوي حظرتك فيذا الزمن العاشق الطاهر
وقالت لي أقول وقلت أنا بقول واذا علمي
عجب للناس وش هالناس تخطي وبالخطا تكابر
أنا يابنت بنثر لك حياتي وارجعي لمي في عظمي
بنثره في مسمعك ألحين ومن خاطر
ترى أنا عمري تسعه وعشرين وبتدا رسمي
ولاكن عشت ايامي دبلها مقبل وعابر
أصيل وكل أصيل مايبي مدحي ولا ذمي
وسبع انعام في هالناسخ بقصه حامد الشاكر
أنا من نجد وربعي هم عتيبه وخالي الدحمي
وبرقا لحمي ودمي وانا من روق ومع ناصر
أنا جابر ولد هياف وسلمي الطيب هو سلمي
أبوي الي مربيني على الجزلات وأتفاخر
أنا راعي مجاهيم يشع بفخذها وسمي
وراعي خيل وراعي بير و بيت مبغضه كافر
على الرمضا حفت رجلي ب اراضن عاشقه ضمي
وشمسن تشرق وتوقف على راسي وانا صابر
عرف وجهي يصب وامسحه بشماغي وكمي
والد بعيون عن ناس سرقني يمها الناظر
وانا شاعر ولو أكتب عجر كل فكر في نظمي
ولاني بالغرور أحكي ولاكن واثق وقادر
وأنا رجال هاوي للقمم ويقودني عزمي
وأبي ارقى على راس الجبل وانتي مع الحادر
عرفتي ليه أنا طاهر لأنك همي وغمي
لأان الدنيا في عيني جبل نرقاه ونغامر
يابنت الناس شفتي كيف بليا سلاح مانرمي
ولا نوقف بوجه البندق الملين ونخاطر
خلقنا الله بشر بعقول وذا واقع ولا وهمي
وكلن يتبع مراده وكلن رابح وخاسر
وقالت فمان الله ياالطاهر ومثلك قله ونادر
ورحت أخذ كتاب الله وأحلف به كتاب أمي
بالله لو أسمي فهد ماكان أحلى من جابر
منقول/جابر هياف العتيبي
|