ولهان
ياغالية جيتك من الشوق ولهان
ماأطيق أشوفك يا حياتي حزينه
من يعترف مسموح لو كان غلطان
وشلون لا صرتي روحه وعينه
لو نختلف نبقى حبايب وخلان
أنا رهين الشوق وانتي رهينه
المنتصر في كل الأحوال خسران
مهما يكون الحال بينك وبينه
دنياي ما تسوى وخاطرك زعلان
لا ينشغل قلبك ولا تجرحينه
ياغالية قدرك على الرأس ماهان
ما عاش من هو يا حياتي يهينه
ياغالية بفرح ولو كلي أحزان
من شان عين قالوا تكرم مدينه
أنتي وأنا روحين في داخل إنسان
أنا يسار القلب وانتي يمينه
|