فقيره
جــــاني يعايرني بقوله ( فــــــقـــيـــره)
قلت الفقر ماهو في قله المال
الفقر هو نقص العقل والستيره
واماابغيره ياااا(......) نستر الحال
قال وعلى فقرك كنك اميره
تحكي بعز وتمشي بفخر وتختال
قلت ايه وازيدك من البيت غيره
الله عطاني من عطيااه مكيال
وش هو له امشي في حيااتي كسيره
ماداامني من خير ربي انا اكتال
مادام مايسجد جبيني لغيره
اللي خلق ارض سمواات وجباال
اللي حبااني نور عين وبصيره
اميز يمين الحطاوي من الشماال
ماني قليله فهم مثلك غريره
امشي عدل واميل للوقت لامال
ماغرني صووف الزمان وحريره
ومهما يضيق الوقت فيه ابا احتال
وكانك تعايرني بقوله( فقيره)
بقوله شيـــــاً صعب شوي ينقال
.صحيح املاكك عددها كثيره
صحيح تلبس غتره وثوب وعقاال
بقولك كلمه ولاهي كبيره
عز الله اخطا من مسميك رجاال
|