الكون موحش
الكون موحش والمسا فاقد إحساس
والهم ينسج من خيالي قصيـــــــــده
أكتب همومي بالقلم فوق قرطـاس
وأرسم معاناة الجروح الجديــــــده
القلب وش خﻼه مخنوق اﻷنفـــاس
بين الضلوع العوج ينزف وريـــده
إﻻ الفراق وغربة الناس للنــــاس
وبعض السوالف والعلوم المكيـده
ياقلب ﻻ تحزن وﻻ يغلبك يـــــــاس
إرتاح وإستبشر بلحظه سعيــــــده
أقولها يا قلب ﻻ باس ﻻ بــــــــاس
ﻻتقهرك سود الليال العنيــــــــــده
اللي ذكر طيبي على العين والراس
واللي تجاهلني تجاهلت سيــــــده
ماهمني من باعني دون مقيــاس
عزيت نفسي واﻷماني بعيـــــــده
أنا كذا طبعي مع كل اﻷجنـــــاس
القلب عزيته وشديت قيــــــــــده
حوله من اﻷضﻼع حطيت حراس
تحميه من غدر الليال الشديــــده
اللي يذوق الغدر صافي من الكاس
ﻻبــــد يتعلّــــــم وعلمه يفيــــــده
ضويت لي في سود اﻷيام نبراس
يهدي حياتي للدروب الرشيـــــده
واللي يحاول يسرق اللول والماس
ماطالته عينه وﻻ طالت إيــــــده
يبطي ويشهر للبشر ذل اﻹفـﻼس
ﻻ بدد أمواله بيفلس رصيـــــده
محشوم فكري عن تفاكير اﻷدناس
نفسي عن الهفوات دايم زهيده
ماكل صيد يجيبه الحر قرناس
يموت بالرمضا وﻻ هو يصيده
واللي يحاول يكسر الراس بالفاس
مثل الذي بيده يكسّر حديده
كتبتها جمله أنا بين اﻷقواس
(ﻻتقرب النيران جسمك تبيده)
أعوذ بالرحمن من كل خناس
من الوساوس والحياة البليده
ياوجد حالي كل ماهب نسناس
سافرت بأفكاري لدنيا بعيده
أتذكر اللي غاب من خيرة الناس
اللي وصوفه في خيالي فريده
محشوم وافي طيب العرق والساس
بين البشر مافيه شخصٍ نديده
نسله من اﻷحرار والعرق دساس
رحل عن الدنيا بساعه نكيده
الله يكسي جسمه الغض بلباس
من سندس الفردوس حله جديده
بصبر على فرقاه والقلب حساس
حياتنا ماجت على ما نريده
هذي النهاية تنكتب فوق قرطاس
أرسلتها عبر اﻷثير بقصيده"
|