أموت بريحة ترابه
أحدٍ إذا غاب جرح الحب فغيابه
وأحدٍ جروحه تجيك معانقه حبه
منهو يقول الجروح جروح تتشابه
جرح"ن" قويته وجرح أبطيت في طبه
يامن ذبحني وأموت بريحة ترابه
ياما عطيته وهو ماخاف من ربه
شرعت بيبان قلبي ولا فتح بابه
ياكثر ماهو مزعلني بلا سبه
إيه أعشقه وأبغضه وأموت بغيابه
وأشتاق له وأقطعه وأغليه وأسبه
والله والله مابه شي ماهابه
لاصرت في متاهاته والمدى قبه
ياسيدي والجفا لا كشر بنابه
شمع المواصل دخيل محبتك شبه
لاصرت أقرب قريب"ن" لك فأنا أولى به
صب الغلا في خفوق معذبك صبه
يامن جروحك بقلبي كنها ذيابه
جرح"ن" قويته وجرح أبطيت في طبه
|