منتديات رهين الشوق - عرض مشاركة واحدة - عند الاعترافات تخوننا الكلمات :: اعترافات

2017-05-08, 08:27 AM

تمرين الصحو .. غفوة .. وتركلك السوالف شوق
ولا ادري .. كيف المّـك .. للضياع .. وانثر احبابي

احاول ارتسم .. صدفة لقاك .. ولا تلوح .. بروق
واموت من الخجل .. واخفي غرامك .. داخل ثيابي

شهقت من الغلا .. واثر المسافة .. صدرها محروق
وحبست الدمع من شانك .. وخان الدمع .. بأهدابي

وانا لو ماهي عيوني .. فلا اشره .. يا سحاب الموق
اغض من العتب .. جفن الكلام .. وترحل اسرابي

يا اسرابي .. من الضيقة كتمتك .. بس ضيم العوق
مقيدني .. على جال الهلك .. واحلامي .. اسرى بي

يدق الوقت .. مسمار العمر .. في حيلي المدقوق
ولا ادري .. غير هالدنيا .. عن الضيق .. اتلهّا بي

اشاورني .. عن الرحلة .. قطار .. ولا بقى ملحوق
يمر العمر .. قدام العيون .. وينده .. ترابي

تعال .. اضمك بصدري .. هلاك .. وعمرك المسروق
لو اني .. ما لحقتك .. من شقى .. والله تشقى بي

فقدت البارحة .. نوم العيون .. وكنني مشنوق
اشاهق اخر انفاس الحياة .. بزفرة عتابي

وتمرين الصحو .. غفوة .. ويحظنك الموادع .. شوق
وداعاً .. يا اجمل فصول الغرام .. واخر احبابي