ياعسى صبري على بعدك
ياعسى صبري على بعدك ..
.
ياعسى صبري على بعدك مثوبه
بعد عني غبت ياظبي البراحي
الهوى عجب و تصانيفه عجوبه
راحبي ليله ولا ادري عن مَرَاَحي
مترف ٍ ما خذ من الحسن العذوبه
اعذب من الماء على عْدٍ قراحي
فيه رقة روح ... و اصالة عروبه
وفيه من سحر الهوى سحرٍ مباحي
كل شوق ٍ .. يدفع البال و يجوبه
منه ما طاب الفؤاد ولا استراحي
ليلة البارح .. ثوانيهاا عقوبه ..
واستمرت في مساي وفي صباحي
ضيقة ٍ في وجه الايام ..مهيوبه
من طواريها ..وانا مانيب صاحي
علمتني في هواي وفي عيوبه
وانكسار الحب .. من كل النواحي
يا وليفي عنك الاخبار محجوبه
ما يجيك الطير خفّاق الجناحي
ناسي ٍ عهد المحبين و وجوبه :..
و اعترافك وانت في خَدٍ براحي
قلت و احلى كلمة ٍ منك محسوبه
سلوتي في محتواها و انشراحي
واختفيت من الوجود ومن شعوبه
يا خسارة سهر عيني و انجراحي
|