جيتك
جيتك
من قيض دنياي جيت أدوّر ظلالك
وأرتاح من عقب ما أشقتني مسافاتي
هالك و ضامي مشاعر والبدن هالك
يا يبس ريق الخفوق .. وقل حيلاتي
واللي جعلني بلا تفكير أسعى لك
أني لأحسدك في صبرك بغيباتي
ياقو قلبك. أقل القول : وش حالك؟
شحيّت .. وش عاد لوني قلتلك تاتي
هبتني أشواق لك .. وأرسيت في جالك
وبالفعل الأشواق تجري عكس مشهاتي
لوهو بيديني أبد والله ماأعنا لك
لكن شوقي فضح قلبي بنظراتي
جيتك مجمّع حكي من يوم ترحالك
وصوّخ اذانك لصوتي وإسمع الآتي:ـ
ما أبد(ن) سئمتك .. ولا ببدل إبدالك
به حي قد قال لك سئمت نبضاتي ؟
نعم أحبك .. ولا عليّ بإهمالك
وإن كان حبك غلط .. ياحلو غلطاتي.
هذا أنا ياحبيبي .. بآأترضا لك
من يوم قفيت .. وانا العله بذاتي
قفيت بلحالك ..؟ابدا" ماأنت بلحالك
خاوتك فرحة خفوقي وإبتساماتي ..
|
|