منتديات رهين الشوق - عرض مشاركة واحدة

2016-10-08, 09:23 AM

نصيبـــي على غيــرك من النـاس ودانــي

تـمـنيتــك أول يــوم كـنـت اتــمــنـانـــــــي
وكنت الحـبيـب اللـي مكانـه محـل الــروح

نصيبـــي على غيــرك من النـاس ودانــي
وأنـا ب أمـر ربـن كاتبـن رزقنـا ب اللـوح

نصـيبـك كتب لـك ترتـحـل مـع غـلا ثـانـي
وأنا رحت ما ودي يجي من وفاي جـروح

تـهنيـت ويـا ليـتـك مـع الـوقـت تنـسـانــي
ولا تتصـل بـي يـزعجـك صوتي المبحـوح

رح الله يحرمنـي غـلات أقــرب أخــوانـــي
إذا قلت لك ماني من اللـي حصـل مجـروح

يكّفينــي مـن جــرح المشـاويـر ما جـانــي
ويكفي عيـونـك سـرهــا للبشــر مفضــوح

حظــوظـن تعـانــدنـي ووقــت يتــحــدانــي
وأنـا صابــرن قلبي على الساكت المذبـوح

ترجيـت لـك قلبــي أبـي حـيــل يعصــانـــي
إذا جـاب لك سيــره يـصـد وبعـيــد يــروح

ظــروف الزمـن تقسـى ويـأمـر ويــنهـانـي
وروحـي لهــا عــزه تبيّـن بهـا بـوضـــوح

يصيـب النصيـب اللي على البعــد يـنعانــي
ولاني عليك اقرب من العاشـق المسمــوح

تـهـنّــى وعـيـش بدنـيـتــك لا تـحــرانـــــي
ولا عـاد لك قـلبـن من العـاطـفـه مـفـتــوح